Општина Илинден, во насока на промовирање на современите културни достигнувања, ја организира 21. литературна манифестација „Илинден“.

Годинава, манифестацијата ќе има поинаков облик на одржување. Поради актуелната ситуација и забраната за организирање јавни собири, со цел да не им се одземе можноста на љубителите на поезијата да уживаат во убавината на пишаниот збор, првпат се организира литературна е-манифестација „Илинден 2020“.

„На 21. литературна манифестација ‘Илинден’ стиховите нема да одекнуваат од Домот на културата ‘Илинден’ – туку тие директно ќе се излеваат во домовите на почитувачите на пишаниот збор преку веб-страницата на Општина Илинден“, соопштија од Општината.

Странските медиуми пишуваат дека снимањето љубовни сцени во Холивуд ќе биде забрането за да се спречи ширењето на коронавирусот.

Аманда Блументал, чие занимање е да им обезбеди сигурност на актерите за време на снимањето секси сцени, рече дека е многу веројатно оти актерите нема да сакаат да се бакнуваат во уста со своите колеги. Таа откри дека и пред воведувањето карантин неколку актери негодувале поради снимањето сцени на бакнување, пишува The Wrap.

Големите филмски продукции подготвуваат проекти кои на актерите од списокот А ќе им овозможат заштита на сетот и надвор од него. Ова, најверојатно, ќе резултира со задолжително тестирање на коронавирус како за ѕвездите така и за тимот што снима.

Слична е ситуацијата во филмската индустрија на Тајланд. Властите во земјата им наложија на режисерите да не снимаат љубовни сцени или сцени на борба или, пак, кој било друг вид сцена што вклучува близок контакт со актерите.

Локалниот секретаријат за култура издаде наредба дека снимањата мора да се одвиваат во проветрени простории, каде што не смеат да престојуваат повеќе од педесет лица.

Џ. К. Роулинг ги изненади обожавателите најавувајќи нова книга за деца, која ќе биде објавена во делови на нејзината веб-страница од денес и ќе биде достапна бесплатно.

„Икабог“ е бајка и прва детска приказна на авторката, која не е поврзана со „Хари Потер“, серија книги за детето волшебник, кое ѝ донесе светска слава.

Роулинг го напишала „Икабог“ пред повеќе од една деценија за своите деца и решила да го објави за време на пандемијата, пренесува Би-би-си.

„Тоа е за децата што се во карантин, па дури и за оние што одат на училиште за време на овие чудни вознемирувачки времиња“, рече таа.

Поглавјата на „Икабог“ ќе бидат објавувани секој ден од 26 мај до 10 јули.