Контакт

Култура

Мастер-клас на документаристот Виктор Косаковски во рамките на фестивалот „Македокс“

Објавено пред

На два дена пред почетокот на 10. издание на Фестивалот на креативен документарен филм „Македокс“, организаторите најавија мастер-клас со наслов „Не следете ги моите правила. Направете си свои“ на 24 август во Даут-пашиниот амам, што ќе го одржи еден од најзначајните европски и светски документаристи – Виктор Косаковски. Тој ќе зборува за своите принципи при создавањето на филмските дела не само како режисер туку и како сценарист, снимател и монтажер.

„Не правете филмови ако можете да живеете без да правите филмови“, вели првото од десетте правила за млади документаристи на Косаковски. Овој современ раскажувач со восхитувачко поетски пристап во правењето документарци ќе ги сподели и своите искуства и мислења за заемната условеност на естетското и етичкото во документарните филмови поаѓајќи од својот личен став дека добрите луѓе веројатно не треба да прават документарци. Визуелната поезија на Косаковски е мошне ценета меѓу критичарите и гледачите бидејќи тој умешно ги претвора внатрешните и надворешните светови во синестетски искуства.

Како филмаџија документарист, Косаковски има добиено над 100 награди на меѓународни филмски фестивали градејќи филмографија со фокус на разни теми, кои ја истражуваат стварноста и ја преведуваат во визуелна поезија раскажана на автентичен филмски јазик. Во 1989 година тој го режирал својот дебитантски филм „Лосев“, три години подоцна и својот најпознат документарец „Белови“, а со „Да живеат антиподите!“ го има отворено Венецискиот филмски фестивал во 2011 година. Косаковски неуморно продолжува да прави филмови и да предава документаристика инспирирајќи ги филмаџиите во светот.

24.8. / 14-16.30 ч / мастер0-клас / Даут-пашин амам

„Не следете ги моите правила. Направете си свои“

Како блескав пример на неговата работа, еден ден претходно во киното „Милениум“ ќе биде прикажан документарецот „Акварела“ (2018), чиј стожерен лик е семоќниот сопатник на Земјата – водата. По проекцијата, ќе следува сесија на прашања од публиката.

23.8. / 21 ч / „Акварела“ / кино „Милениум“

Велика Британија, Германија / 2018 / 89’

Филмско нуркање низ непредвидливата убавина и безмилосноста на водата. Нејзиниот ќудлив нарав и суровата сила докажуваат дека луѓето се само бледа сенка на природата. Од опасните ледени води во руското Бајкалско Езеро, преку Мајами среде вителот на ураганот Ирма, па сѐ до венецуелските Ангелски Водопади – стожерниот лик во оваа приказна е водата, прикажана во сиот свој раскош и ужас.

Работилницата „Идеи преку граници“ со Јана Цисар ќе биде фокусирана на филмската копродукција, а заедно со учесниците ќе се трага по идеи што би биле прикажани на потенцијалните копродукциски партнери. Работилницата ќе се одржи од 22 до 24 август во Даут-пашиниот амам. Предавањата на работилницата ќе опфатат теми како наоѓање и избирање партнери за поддршка на филмовите, публика и финансирање.

22-24 август, 2019 / 10-13 ч / Даут-пашин амам

Јана Цисар е родена во Маринанске Лазне, Чехословачка, а живее во Западна Германија уште од 1969 година. Кариерата ја почнува со работа во театарска продукција како асистентка на Дејвид Брн при подготовките на претставата „Шумата“ на Роберт Вилсон во 1988 година. Потоа продолжува да работи како продукциски раководител во Денови на германскиот театар во Москва и како менаџерка за турнеи на „Малиот театар во Ленинград“ во 1989 година. Цисар има работено на разни програми со Лес Бланк, Ричард Ликок, Брадрс Квеј, Јан Шванмаер, Дејвид Брн и Томас Браш за „Компанијата за развој на телевизиски програми“ на Александер Клуге (TV DCTP). Заедно со Мануела Стрихавка го имаат направено филмскиот фестивал „Сомерзене“ во Салцбург. Од 1990 до 1995 година има живеено во Прага, каде што со група луѓе ја има основано програмата „Промоција на чешкиот филм“, но работела и на чешкиот Меѓународен филмски фестивал „Карлови Вари“. Живее во Берлин од 1995 година и работи како независна филмска продуцентка.

Работилницата е поддржана од Институтот „Гете“ во Скопје.

Филмската програма на 10. „Македокс“ ќе содржи вкупно 70 документарни остварувања на автори од целиот свет, а ќе бидат одржани и повеќе други програмски активности од 21 до 28 август. Се очекува на фестивалот да присуствуваат 100-ина гости.

Фестивалот ќе се одвива со мотото „Десет лета ‘Македокс’“.

Култура

(Видео) Ноам Чомски: Ова е клучен момент во историјата на човекот

Објавено пред

Ноам Чомски: Ова е клучен момент во историјата на човекот

Ноам Чомски, познат лингвист, филозоф и еден од најголемите мислители на денешницата, рече дека коронавирусот е многу сериозен, но дека треба да имаме предвид дека ни се приближуваат уште две големи закани.

„Едната е нуклеарна војна, а другата е глобалното затоплување. Коронавирусот е ужасен и може да има сериозни последици, но ќе има закрепнување. Но по овие две закани, нема закрепнување“, рече Чомски во интервју за Среќко Хорват од „Дием“.

Чомски смета дека изворот на кризата лежи во колапсот на пазарот и неолибералните политики кои ги засилиле длабоките социоекономски проблеми, пренесува „Спутник“.

„Веќе подолго време е познато дека може да се случи пандемија како оваа, а се знаеше дека тоа ќе биде пандемија на коронавирус, модификација на она што го видовме со САРС. Требаше да се работи на вакцини, да се развие заштита од потенцијална пандемија и со мали измени ќе ја имавме вакцината денес. Но, има многу поголем профит во изработката на нов крем за тело отколку да се најде вакцина. Неолибералната чума блокираше сè“, вели Чомски.

Тој потсетува дека сите знаци на предупредување биле присутни, но не се обрнало внимание на информациите.

„На 31 декември Кина ја извести Светската здравствена организација. Кинеските научници наскоро го изолирале вирусот. Земјите од тој дел на планетата започнаа да прават нешто. Во Европа, тоа се случи барем донекаде. Германија има сигурен болнички систем и можеше да направи нешто за себе. Некои други земји ги игнорираа предупредувањата, особено Велика Британија и САД“.

Чомски верува дека има простор за оптимизам.

„Постои можност дека луѓето ќе се организираат, дека ќе работат во подобар свет, но тој свет ќе се соочи и со големи проблеми. Ова е клучен момент во историјата на човекот, затоа што е време да се сознаат длабоките недостатоци на светот, дисфункционалните карактеристики на целиот систем, кои мора да се променат. Ова е знак на предупредување и лекција што мора да ја научиме.“

Прикажи повеќе...

концерти

Фестивалот „Скопје колинг“ презакажан за септември

Објавено пред

Продукцијата „Авалон“ информира дека поради актуелната состојба со коронавирусот, фестивалот „Скопје колинг“, наместо во јуни ќе се одржи на 12 септември.

„Vini Vici, Махмут Орхан, Кирил Џајковски и Кирилик, како и нивните менаџменти го делат нашето мислење и артистите го потврдија своето доаѓање на 12 септември во Скопје. Иако состојбата на глобално ниво постојано се менува, сепак, нашиот приоритет отсекогаш бил безбедноста на нашата публика, на артистите и на сите луѓе кои се инволвирани во реализација на фестивалот“, велат од „Авалон“.

Сите оние што досега имаат набавено билети за фестивалот, истите ќе им бидат важечки и за новиот датум.

Прикажи повеќе...

Култура

МНТ ја слави 75-годишнината од првата премиера

Објавено пред

Македонскиот народен театар денес ја слави 75-годишнината од првата премиера на театарот – претставата „Платон Кречет“ во режија на Димитар Ќостаров.

„Иако денес сцената е празна, сите ние ги чувствуваме мирисот на сцената и театарската светлина во нас. Сите овие изминати години беа исполнети со дружење, смеа, креативност, силина, моќ, радост… Вие актерите од разни генерации одигравте/играте на сцената со бескрајна посветеност, страст, жар, пожртвуваност и секокаш дававте/давате сè од себе. Огромен е бројот на режисерите, драматурзите, сценографите, костимографите, композиторите, сектор светло, сектор тон, сектор видео, инженерите, гардероберите, реквизитерите, шминкерите, фризерите, изработувачите на сценографија, декоратерите и администрацијата, кои со неуморна сила секогаш сте присутни зад сцената овозможувајќи непречено да се одвива магијата и вашата посветеност е непроценлива. Сите заедно направивме театарот да живее, расте и се развива и истовремено да се прикаже на сцената мигот од животот пред верната публика!

Иако првпат се соочуваме со празна сцена и празни седишта, повторно светлата ќе се запалат, сценографијата ќе иде на сцената и вие актерите ќе ги облечете костимите и ќе изговорите текст затоа што театарот бил, тука е и ќе остане засекогаш! Иако сега ова е тивок период на сцената, неговото бескрајното патување низ времето продолжува со креирање и планирање нови претстави, проекти, изложби… Театарот отсекогаш бил во нашите срца и мисли! Поради тоа, на сите што сте биле и сте дел од МНТ на кој било начин, би сакале да ви заблагодариме за сѐ и за секоја ваша пожртвуваност да ви оддадеме почит! Нека ни е честит јубилејот!“, се наведува во соопштението на МНТ по повод годишнината од првата премиера.

(Фотографијата е од претставата „Швејк во втората светска војна 1963“)

Прикажи повеќе...

Најново

Свет18 минути

Во Кина расте бројот на заразени луѓе кои немаат никакви симптоми

Бројот на асимптоматски случаи на инфекција со коронавирус во Кина е зголемен, а борбата за целосно задушување на инфекцијата продолжува,...

Македонија24 минути

Препораки за трудниците за време на пандемијата со коронавирус

Колкава е веројатноста за инфекција со коронавирус во текот на бременоста? Што доколку здрава трудница има позитивен тест? Дали ако...

Македонија55 минути

Мицкоски ѝ заблагодари на Унгарија за помошта: „Пријателите се познаваат во тешките моменти“

Претседателот на ВМРО-ДПМНЕ, Христијан Мицкоски, преку социјалните мрежи упати благодарност до унгарската влада за помошта од 100.000 маски и 5.000...

Македонија1 час

Унгарскиот шеф на дипломатијата во Македонија донесе 100.000 заштитни маски и 5.000 скафандери

Со специјален воен каргоавион, унгарскиот министер за надворешни работи, Петар Сијарто, допатува во земјава директно до Унгарија со пакети помош...

Регион2 часа

Хрватска се подготвува да воведе пократка работна недела

Хрватскиот министер за труд, Јосип Аладровиќ, не ја исклучува можноста земјата да воведе скратување на работната недела поради епидемијата на...

Македонија2 часа

Казни за 30 лица кои за време на полицискиот час се шетале низ Скопје

Скопското обвинителство  достави до Основниот кривичен суд Скопје 28 предлози за издавање казни со кои се опфатени вкупно 30 лица,...

Свет3 часа

Тигар од зоолошката градина во Њујорк е позитивен на коронавирус

Надија, четиригодишна женка тигар од зоолошката градина во Њујорк, е позитивна на коронавирусот. Ова е првиот потврден случај на заразено...

Свет3 часа

„Не ги следев советите што им ги давав на другите“ – главната советничка за здравство во Шкотска поднесе оставка

Главниот советник за здравство на шкотската влада, Кетрин Калдервуд, поднесе оставка откако беше откриено дека ги прекршила советите за ограничувања...

Македонија3 часа

Филипче: Одговарајте точно на прашањата на лекарите и епидемиолозите

Министерот за здравство, Венко Филипче, сподели фотографии на социјалните мрежа и порача дека треба да се одговара точно  на прашањата...

Свет13 часа

Премиерот на Британија повторно во болница, откако беше заразен од коронавирусот

Британскиот премиер Борис Џонсон вечерва бил пренесен во болница за да му бидат извршени дополнителни испитувања,  откако пред 10 дена...

Свет14 часа

(Видео) Британската кралица: Ја разбирам вашата болка и тага, заедно ќе ја надминеме кризата

Самодисциплина и решителност е пораката која британската кралица Елизабета Втора вечерва им ја испрати на Британците во овие тешки моменти...

Свет14 часа

Ирскиот премиер ќе работи една смена како лекар за време на пандемијата

Ирскиот премиер Лео Варадкар, кој инаку е доктор по професија, повторно се пријави за лекарска пракса и ќе работи една...

Македонија19 часа

Кумановец починал во Градската болница „8 Септември“, Филипче најави зајакнување на мерките

Освен 63-годишното лице од Лабуништа, кое починало на Инфективната клиника како последица на коронавирусот, во последниве 24 часа уште едно...

Македонија21 час

Се очекува пикот на коронавирусот, Куманово засега е најкритично

Бројот на заболени од коронавирусот очекувано расте, иако големо изненадување е Куманово, град кој во изминативе 24 часа ја надмина...

Македонија21 час

Еден пациент почина, 73 новозаболени и тројца излекувани од коронавирус

За 24 часа регистрирани се 72 нови случаи на коронавирус во земјата, од кои најголемиот број во Куманово. По градови:...

Македонија21 час

Јованоски: Во Прилеп 33 случаи на коронавирус, во Крушево два

Бројот на лица инфицирани со коронавирусот во општина Прилеп се искачи на 33, откако денеска беа потврдени девет нови случаи,...

Свет23 часа

Сперанца: Кризата ќе заврши само кога ќе се најде вакцината, дотогаш треба да се создадат услови за соживот со вирусот

Италијанската влада подготвува план од пет точки за контролирано отворање на земјата кога епидемијата на коронавирусот ќе почне да покажува...

Регион24 часа

Грција стави во карантин уште еден мигрантски камп

Грција стави во карантин уште еден мигрантски камп откако е потврдено дека еден 53-годишен маж е позитивен на коронавирус. Авганистанецот...

Македонија1 ден

МТСП: Породилното отсуство се продолжува

Министерството за труд и социјална политика информира дека се продолжува периодот на платено отсуство од работа поради нега и одгледување...

Македонија1 ден

(Видео) Уапсени 12 лица во Куманово поради непочитување на полицискиот час

Во периодот од 21 часот на 03 април, петок, до 07 часот утринава, на подрачјето на Куманово регистрирани се 14...

Досие