Дел од вработените во Театар „Комедија“ најавуваат бунт со правни и јавни механизми, доколку на местото в.д. директор, од каде е разрешена Нора Шаќири-Марковиќ, биде назначена актерката Магдалена Ризова-Черних. Тие не го спорат разрешувањето на Шаќири-Марковиќ ако така смета Министерството за култура, но бараат на нејзино место да биде Дарко Спасов, драматург, бидејќи во него имаат доверба.

„Не се согласуваме со разрешување на Нора Шаќири-Марковиќ и назначување на Магдалена Ризова-Черних. Шокирани сме од оваа одлука со која за нов в.д. директор се поставува човек што беше дел од претходната управа којашто беше разрешена поради неправилности во работењето. Можеби е крајно време Инспекторатот за труд да го посети Театар ‘Комедија’. Кога театарот беше на колена, во долгови и без услови за работа, со нарушени меѓучовечки односи, в.д. директорката што сега ја разрешува Министерството успеа да реши дел од овие проблеми и да го врати театарот на вистинскиот пат“, велат вработените во видеото кое го сподели актерот Атанас Атанасовски.

По релиси десет месеци од назначувањето, Нора Шаќири-Марковиќ е разрешена од директорката функција во Театар „Комедија“. Ова доаѓа откако таа беше пријавена за мобинг, односно психичко вознемирување врз вработените во театарот. Повеќе информации од тоа што увиделе инспекторите не беа споделени со јавноста. На нејзино место, за нова в.д. директорка е назначена актерката Магдалена Ризова-Черних, која и е вработена во театарот.

По речиси десет месеци од назначувањето, Нора Шаќири-Марковиќ е разрешена од директорката функција во Театар „Комедија“. Ова доаѓа пет дена по пријавата за мобинг, односно психичко вознемирување врз вработените во театарот. Повеќе информации од тоа што увиделе инспекторите не беа споделени со јавноста. На нејзино место за нова в.д. директорка е назначена актерката Магдалена Ризова-Черних, која и е вработена во театарот.

Од Министерството за култура велат дека го добиле извештајот од Државниот инспекторат за труд. Во нивното објаснувње стои дека разрешената Шаќири-Марковиќ го прекршила Законот за спречување на корупцијата. Според цитираниот член од Законот, таа почнала постапка за престанок на работен однос за време на избори, што е забрането. Дополнително, наведуваат дека таа го прекршила и Изборниот законик, како и Законот за заштита од вознемирување на работното место.

„Со тоа се потврдува дека раководното лице водело и ја завршило дисциплинската постапка врз вработени во време на изборен процес. За нов в.д. директор на НУ Театар ‘Комедија’ е назначена актерката Магдалена Ризова-Черних“, велат од Министерството за култура.

Инаку, во февруари годинава беше разрешен Сашо Ристовски, кој беше директор на Театар „Комедија“. Кај него беше констатирано дека направил злоупотреба со буџетски средства на театарот.

Амбасадата на Италија, во соработка со Кинотеката на Република Северна Македонија, ќе им овозможи на љубителите на кинематографијата да го проследат филмот „Фред“, посветен на Фред Бускаљоне (1921-1960), по повод стогодишнината од неговото раѓање по што ќе следува концерт на македонската група NYX, која ќе ги изведува неговите песни во живо.

Италијанскиот музичар, пејач и мултиинструменталист Фред Бускаљоне беше популарен во 50-тите години. Неговиот прв сингл во 1955 година е продаден во милион изданија. Ликот што е интерпретиран во неговите песни и филмови секогаш претставувал забавен човек од подземјето со склоност кон виски и жени, инспириран од филмовите во кои главните улоги ги толкуваат Кларк Гејбл и Мики Спилејн. На многумина животот им дава слава, но на многу малку од нив со нивната смрт се содава мит. Тоа му се случи на Фред Бускаљоне, кој со својата смрт на само триесет и девет години создаде легенда што беше предодредена да трае.

Филмот го раскажува ѕвездениот подем и пад на Фред Бускаљоне: тешките времиња на почетокот, незадржливиот подем и ненадејното исчезнување од сцената. Филмот прв пат е еден вид емотивен и потресен портрет на еден од камен-темелниците на италијанската поп-музика преку сведоштвата на неговиот текстописец Лео Киосо, неговата сопруга Фатима Робинс, неговите музичари од „Астернови“, проследено со архивски слики.

Проекцијата и концертот ќе се одржат утре, со почеток од 20 часот, во холот на Кинотеката на Република Северна Македонија, во согласност со владините протоколи и препораки за превенција од Ковид-19.