Култура

„Поткозјачки литературни средби 2019″ во чест на Куманово

Објавено пред

4 недели

- 16 ноември, 2019

Од

Во Занаетчискиот дом во Куманово, со почеток во 19 часот, ќе се одржат „Поткозјачки литературни средби 2019“. Манифестацијата годинава е во рамките на одбележувањето 500 години од основањето на Куманово, а во рамките на Ноемвриски денови, во чест на 11 Ноември, Денот на ослободувањето.

На манифестацијата свои литературни дела ќе читаат Кристина Николова, Христо Петрески, Ирена Белешковска, Оливера Доцевска, Емилија Колевска, Ана Љубиќ, Марина Мијаковска, Ленче Милошeвска, Давче Насевски, Елена Пренџова, Мито Спасовски, Снежана Стојчевска, Стојан Тарапуза, Љерка Тот Наумова, а со гитара ќе настапи Дарко Трајковски. „Поткозјачките средби“ беа моќен празник и културен настан во градот. По повеќегодишна пауза, минатата година манифестацијата беше обновена со цел да се продолжи една значајна културна традиција во градот и Републиката.

Манифестацијата е под покровителство на градоначалникот на Куманово, во организација на „Јустиција“ од Куманово и ЦККС – Скопје, а во соработка со ЈОУ Библиотека „Тане Георгиевски“ – Куманово, Секторот за култура и спорт при Општина Куманово и Фондацијата за култура и спорт од Куманово.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Доделени наградите на 18-от фестивал за европски филм „Cinedays“

Претходно

Почина Благоја Јордановски, еден од првите народни учители и еден од основачите на детскиот фестивал „Златно славејче“

Култура

„Дедо и внук“ од 12-ти декември во кино „Милениум“ – Скопје

Објавено пред

6 минути

- 11 декември, 2019

Од

Макфакс

Филмот за кој се зборува, филмот кој отвори многу болни теми во општеството, филмот за цената на детскиот живот, од 12-ти декември во Скопје.

Најновото дело и првиот долгометражен филм „Дедо и внук“ на македонскиот режисер Илија Пиперкоски во кино „Милениум“ со почеток од 20:00 часот.

Дали сенките на минатото секогаш и без исклучок не стигнуваат и го задаваат немилосрдниот удар? Вреди ли да се живее без љубов и без болка?

Охридскиот режисер Илија Пиперкоски во филмот дава многу одговори на овие прашања, но и отвора многу нови дилеми. Пиперкоски, истовремено, е и сценарист на филмот. Продуцент е Огнен Антов, монтажата е на Данчо Стефков, а директор на фотографија е Романецот Патру Паунеску.

Главните улоги ги толкуваат Дејан Лилиќ, Салаетин Билал, Даниела Ивановска, Горан Стојаноски, Благој Веселинов и малиот охриѓанец Наум Цветкоски.

Прикажи повеќе...

Култура

Мултимедијалниот перформанс „Кинтсуги“ вечерва ќе го затвори „Десонанз“

Објавено пред

26 минути

- 11 декември, 2019

Од

Макфакс

Фестивалот „Десонанз“ ќе биде затворен вечерва во МКЦ со изведба на уникатниот перформанс концепиран од македонската балерина Ивана Коцевска под наслов „Кинтсуги“, со почеток во 20 часот.

Освен Коцевска, во перформансот улога има и Валентино Апостоловски. Музиката е на Димитар Николов, костимографијата на Милена Атанасова.

Програмата ќе продолжи со настап во живо на германскиот електронски автор Oаке, по кој ќе следува француското електронско дуо Parhelic Shell.

Билетите се достапни на билетарница во МКЦ и онлајн преку bileti.mkc.mk по цена од 200 денари. На врата цената на билетот ќе изнесува 300 денари.

Прикажи повеќе...

Култура

Проекции на КЕИФ и ТУСТА во Кинотеката

Објавено пред

1 час

- 11 декември, 2019

Од

Макфакс

Документарните филмови КЕИФ во режија на Блаже Дулев и ТУСТА во режија на Андреј Коровљев, кои премиерно беа прикажани на годинешниот „Синедејс“, во текот на декември ќе имаат по две проекции во Кинотеката на Македонија.

КЕИФ – повеќе информации на: https://www.award-film.com/keif.html
12 декември (четврток) од 20 часот
13 декември (петок) од 18 часот
Влезот за двете проекции е слободен.

ТУСТА – повеќе информации на: https://www.award-film.com/tusta.html
16 декември (понеделник), 18 часот
17 декември (вторник), 20 часот
Влез: 100 денари.

Прикажи повеќе...