Култура
Промоција на романот „Мина“ од Игор Анѓелков
Утревечер, петок, 15 септември, со почеток во 19 часот, во кафе-книжарницата „Буква“, ќе се одржи промоцијата на романот „Мина“ од Игор Анѓелков. Промотори ќе бидат Ана Мартиноска и Максим Ристески, кои низ разговор со авторот ќе се обидат да дојдат до суштината на ова дело, кое беше објавено во мај како 222. издание во едицијата „ПРОаЗА“ на издавачката куќа „Или-или“. Ова е шеста прозна книга на писателот, а негов четврти роман.
Промоцијата е воведен настан на фестивалот „Арт ареа“, кој за време на викендот нуди и други возбудливи книжевни доживувања.
„Се обидов да напишам роман што ќе биде голем како и самиот живот. За таа цел се повикав на сеќавањата, кои се најповикуваното и најпосакувано задоволство за писателите. Тие ми помогнаа да антиципирам еден книжевен став за некои минати времиња, кои ги детерминираат овие во кои живуркаме денес и овде. Како централен лик зедов ав жена борец, која всушност е комплетен аутсајдер, но јас верувам во моќта на малиот човек бидејќи не секогаш низ книжевноста и уметноста мора да се третираат приказните на значајните историски фигури или личности од нивната блиска околина за да се пренесе одредена книжевна вистина. Паралелно со ова, во книгата се одвиваат и размислувањата за тоа што значи да се биде писател денес и овде, во овој контекст во кој живееме, а самата книжевност е прекрасна платформа за тоа бидејќи таа остана последниот бастион каде што слободно може да се трага по вистинската вистина“, вели Игор Анѓелков.
„Покрај мотивските автобиографски поклопувања, од една страна, и автопоетичките промислувања, од друга, она што останува како константа е дека во ‘Мина’, Игор Анѓелков повторно го потврдува она што во една пригода го означивме како непретенциозен стил, кој ‘едновремено успева да биде и длабок, и ангажиран, и актуелен, и компактен во изразот, и искрен до коска’. Со здрава доза фантазија, свртувајќи се кон минатото, ама со акцент на она што ја детерминира сегашноста, препознавајќи ја својата сила во едноставноста на раскажувањето, Анѓелков одново нè заробува во имагинативна и емотивна, тематски комплексна и слоевита нарација“, рече Ана Мартиноска.
„Романот „Мина“ е граден на слоеви од портрети, конкретни/лични и апстрактно-општи (во смисла на заеднички), органски, но неслеано поврзани: на Мина (баба на авторот), чиј еманципаторски потенцијал се потрошил во мал круг луѓе само поради околностите; на идеалниот писател, односно на суштествените паралелизми што ги поврзуваат сите книжевни автори; на времињата што авторот ги живеел или ги знае поинаку… Процесот низ кој настанува овој роман е нов роман, пишува Игор, кој иако прави експеримент (не поради самиот експеримент), прецизно цели според препораката на Е. А. По, дека при структурирањето на едно книжевно дело треба да се тргне од крајот, односно од расплетот“, рече Максим Ристески.
Игор Анѓелков (1974) дипломирал на Интердисциплинарните студии по новинарство, а магистрирал на мастер-студиите на медиуми и комуникации на Правниот факултет при Универзитетот „Св. Кирил и Методиј“ во Скопје. Веќе две и пол децении активно е присутен во периодиката со низа критички осврти и рецензии од областа на филмот, музиката, книжевноста, уметноста… Неговите текстови може да се прочитаат на www.herojnaedenden.mk. Официјалното книжевно деби го имаше со збирката раскази „Кротки приказни“ (2006), a потоа следуваа и романите „Крај-пат“ (2010), „Фото синтеза“ (2013) и „Шрапнел“ (2020) (последните два беа финалисти за „Рациновото признание“). Минатата година ја објави збирката раскази „Двојна експозиција“ (2022). Анѓелков зад себе има и три дела од областа на филмската есеистика: „Филм.мкд“ (2015, Државната награда за публицистика „Мито Хаџивасилев-Јасмин“), „Филмски град“ (2018) и „Филмотопија“ (2022).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Култура
Отворен театарскиот фестивал Денови на комедија Куманово
Вчера вечер во Центар за култура Трајко Прокопиев Куманово беше отворен 26 по ред Меѓународен театарски фестивал Денови на комедија Куманово.
На отворањето на фестивалот му беше доделена наградата Васил Иљоски на режисерот и актерот Коле Ангеловски, награда која е востановена последниве две години и се доделува за особен придонес во театрската уметност, посебно во делот на комедиографијата.
На отворањето во препоплната сала на Центар за култура беше изиграна претставата Синиот портокал од Театар Велес.
Инаку на Фестивалот оваа година ќе има десет театарски претстави со театри од Македонија, Хрватска, Бугарија и Србија, а фестивалот има востановено и награди за најдобра актерка, најдобар актер, најдобра режија, најдобра споредна улога, најдобра сценографија, најдобра костимографија и најдобра претстава.
Култура
Скопски поетски фестивал продолжува со интерационално поетско читање
Вечерва, со почеток во 20 часот, во рамки на третото издание на Скопскиот поетски фестивал, ќе се одржи интернационалното поетско читање на кое ќе настапат Марам ал-Масри (Франција/Сирија), Имануел Мифсуд (Малта), Лана Деркач (Хрватска), Мартин Глаз Серуп (Данска), Драгослав Дедовиќ (Србија), Ален Брлек (Хрватска) и Николина Андова Шопова. По што следува соло концерт на гитара на Александар Бошков, со што ќе биде затворена програмата.
Последниот фестивалски ден ќе започе со неколку настани по следниов редослед: час по утринска јога со поетска медитација воден од Марија Георгиева, што започна во 09:30 часот во Паркот на франкофонијата.
Во градската библиотека „Браќа Миладиновци“ ‒ Скопје со почеток од 11:00 часот ќе се одржи настанот Оut & About: панел-дискусија за зголемување на видливоста на македонската книжевност во странство преку преводи и учество на книжевни фестивали. Искуствата ќе споделат Тодорче Тасевски (директор на „Струшките вечери на поезијата“), Владимир Јанковски (уредник на издавачката куќа „Готен“), Дејан Трајковски (директор на фестивалот „ПРО-ЗА Балкан“), Билјана Црвенковска (преведувана авторка и уредник на издавачката куќа „Чудна шума“) и Петар Андоновски (преведуван автор).
Потоа, во 18:00 часот во киното „Фросина“ во Младинскиот културен центар ‒ Скопје, ќе се одржи промоција на „Избор из савремене македонске поезије“, приредила и препеала на српски – Валентина Бакти. Промоцијата ќе се состои од поетски перформанс и кус разговор со преведувачката и со Ѓорѓе Живадиновиќ Гргур, а со поетско читање ќе настапат и дел од застапените поети во изданието. Во рамки на проектот ќе биде отворена и изложба на фотографии од Радмила Ванкоска (портрети на поетите застапени во изданието). Потем од 19:00 часот ќе бидат емитувани неколку куси поетски филмови, еден режиран од Ѓорѓе Живадиновиќ Гргур (Србија) и омнибус четири анимирани филмови НЕБИДНИНА, посветени на поезијата на Ацо Шопов, во режија на Жарко Иванов, Крсте Господиновски, Иван Ивановски и Владимир Лукаш.
Годинешното издание на фестивалот го овозможија Министерството за култура и „Традуки“, а негови помагатели се Младинскиот културен центар ‒ Скопје, градската библиотека „Браќа Миладиновци“ ‒ Скопје, кафе-книжарницата „Буквa“, Хрватското друштво на писатели (HDP), Данската фондација за уметност, ПНВ Публикации и „Бест Вестерн Хотел Турист“. Медиумски покровител е „Нова Македонија“, а медиумски партнер е „Култура Бета“.
Култура
Две изложби во МКЦ во рамки на Бела Ноќ 2023
Во рамките на настанот Бела Ноќ 2023, во ЈУ Младински културен центар ќе бидат отворени две ликовни изложби со наслов “MALEFICIUM VISÜA”, на уметникот под псевдонимот NCHRONAX и изложбата “TO EXCITER”, на уметникот Лука Кекиќ.
MALEFICIUM VISÜA Акт I претставува краток визуелен приказ, фузија на 3Д анимација и филм. Инсталацијата се занимава со создавање на нов свет и експлорација на научно фантастичните опкружувања во универзумот на NCHRONAX.
Уметникот под псевдонимот NCHRONAX е роден во Скопје, 2002. Тој е визуелен артист кој ја проучува тематиката на научната фантастика. Во неговите творештва тој вметнува елементи од разни уметнички периоди низ историјата. Претежно прави фузија на научната фантастика и ренесансата, давајќи неконвенционален изглед и визуелна провокативност на неговите дела.
TO EXCITER е проект на дигитална фотографија од Лука Кекиќ, кој ја симболизира неговата потреба за нова перспектива и неговото истражување на актуелниот свет. Изложбата е составена од фотографии чии визуелен стил е концентриран околу улична фотографија и флорална фотографија, во негативни и термички ефекти.
Лука Кекиќ е 22-годишен аматер фотограф и љубител на визуелните уметности. Неговиот визуелен стил се развива додека црпи инспирација од неразвиениот аналоген филм во негатив. Тој го развива својот визуелно невообичаен стил на фотографирање, инкорпорирајќи негативни и термички ефекти во неговата работа. Кекиќ досега имал три индивидуални изложби на дигитална фотографија.
Изложбата е дел од програмата Бела Ноќ. Отворањето е закажано на 30 септември (сабота) во 20 часот во Галеријата 2 на МКЦ. Настанот е дел од програмата “Скопје – Европска престолнина на културата” 2028.
Спречен шверц на 20 рачни часовници од познати модни брендови
Дваесет часовници во вредност од 178.050 денари со потпис на познати модни брендови се запленети од страна на царинските службеници...
ЦУК: Во последното деноноќие 24 пожари, до утрово – активни само два
Во текот на вчерашниот ден, според извештаите во Секторот за операции и координација во Центарот за управување со кризи, противпожарните...
(Видео) Морнарица, елитни трупи, воздухопловни сили: Ирците запленија најмногу дрога досега
Елитна единица на ирската армија претресла товарен брод под панамско знаме во близина на југоисточниот брег на Ирска и пронашла...
(Видео) Украинска офанзива кај Бахмут: „Ја пробиваме нивната одбранбена линија“
„Двајца украински војници се собираат околу контролорот на дрон во мракот, а нивните лица се осветлени само од екранот. „О,...
Левица: Уставниот суд ги поништи „двојазичните изводи“ на наша иницијатива
„Откако Левица, преку претставка, го оспори Упатството за водење матични книги донесено од Министерство за правда, Уставниот суд одлучи да...
Шолц ја блокира испораката на ракети Таурус во Украина поради страв од Русија, пишува Волстрит журнал
Германскиот канцелар Олаф Шолц ја блокираше испораката на ракетите со долг дострел Таурус за Украина, бидејќи стравува дека тоа ќе...
Претрес во Скопје, запленета дрога, приведен дилер
Вчера околу 13.30 часот полициски службеници од Одделот за криминалистичка полиција- Сектор за недозволена трговија во содејство со Единицата за...
Обвинителството не било консултирано, но мора да ги применува измените на кривичниот законик, вели Јовески
Државниот обвинител Љубомир Јовески, вели дека Обвинителството не било консултирано за измените во Кривичниот законик, но се донесени во Собранието...
Бугарија ќе и’ донира на Украина неисправни советски ракети С-300
Бугарскиот парламент денеска одлучи да ѝ донира ракети С-300 од советската ера на Украина, откако претходно го одобри испраќањето оклопни...
Администрацијата на јавните обвинителства штрајкува за повисоки плати
Администрацијата на јавните обвинителства штрајкува за повисоки плати. Бараат зголемување на месечните примања за 78 проценти по примерот на функционерите,...
Пукано кон маж на улица во Ѓорче Петров, МВР со детали за настанот
Доцна по полноќ, на подрачјето на Ѓорче Петров во Скопје, две лица пукале кон А.В.(31) и му нанеле прострелна рана....
Малолетничко насилство во училиштен двор: натепани двајца тинејџери
Двајца малолетници биле физички нападнати во двор на средно училиште во скопската населба Карпош. Како што информираа од МВР, утрово...
МВР демантира дека не постапило по пријавите на сега веќе убиените жени во Кочани и Куманово: да не се пласираат дезинформации
Министерството за внатрешни работи ги демантира дезинформациите изнесени од граѓански здруженија дека полицијата наводно не постапила по пријавите на жените...
Мицкоски: Уште незалечени раните за случајот на Онкологија, има нова афера
Во услови кога не се залечени раните од оној траур и гнев што секој од нас го чувствува поврзан со...
Прегазен пешак во Скопје: во него удрил мопед управуван од малолетник
Вчера, во 15.30 часот, во СВР Скопје било пријавено дека на крстосницата од улицата Благоја Паровиќ и улицата Никола Милошевски...
Починат маж пронајден паднат на улица во Гостивар
Утрово, во 7.30 часот, во СВР Тетово било пријавено дека во гостиварската Општа болница „Ферид Мурад“ бил донесен починат 66-годишниот...
Најстрога казна за сторителот и одговорност од институциите за убиството на жените, бара Националната мрежа против насилството
Националната мрежа против насилството врз жените и семејното насилство бара најстрога казна за сторителите на убиствата врз жените, што се...
ЦУК: Вчера 33 пожари на отворено, денеска пожарите почнаа од мугрите
Во текот на вчерашниот ден биле регистрирани 33 пожари во 23 општини, од кои 30 се изгаснати. Според информациите што...
(Видео) Дачиќ за снимката на која се гледаат напаѓачите од Косово: Тоа е измама, можете да видите снег
Српскиот министер за надворешни работи и вицепремиер, Ивица Дачиќ, за време на гостувањето на РТС изјави дека Аљбин Курти е...
(Видео) Во пожарот на свадба во Ирак загинаа и младенците, најмалку 50 лица се во критична состојба
Во пожарот на свадба во Ирак, во кој настрадаа најмалку сто лица, загинаа и младенците, изјави Ахмед Дубардани, заменик-шеф на...
