Култура
„Моќта на плакатот“ како мото за новото издание на „Скопје постер фестивалот“

„Скопје постер фестивалот“ го празнува отворањето на новата деценија во својата историја.
Фестивалот, настан за промоција на плакатот и дизајнот воопшто, кој е единствен од овој карактер во регионот, го отвора своето 11. издание.
Отворањето на овој пат ревидираниот програмски фестивал, чие мото годинава е „Моќта на плакатот“, ќе се офржи в понеделник во Мултимедијалниот центар „Мала станица“, со почеток во 19 часот.
Фестивалските изложби ќе вклучуваат претставување на над 200 плакати, поставки на тема „Моќта на плакатот“, дела од Славимир Стојановиќ, плакати од победниците на претходните 10 фестивали, плакати од постер-акцијата против загадувањето во земјата со наслов „Смогје“ и плакати на млади дизајнери од Унгарија.
Славимир Стојановиќ – Футро, како специјален гостин, освен со свои дела, пред македонската публика ќе го претстави својот оригинален роман со илустрирани раскази со наслов „Девет“. Промоцијата и дружењето со Славимир е на 27 ноември, вторник, во 19 часот, во книжарницата „Литература.мк“.
Единаесеттиот „Скопје постер фестивал“ ќе биде отворен за посетители до 6 декември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Култура
Киро Урдин со самостојна изложба во Брисел

Киро Урдин, основач на уметничкото движење Планетаризам, отвори своја самостојна изложба на слики и цртежи „80 години – 80 дела“ во ММ Галерија во Брисел.
Награден со највисоката награда „Уметник на светот“ на ОСТЕН БИЕНАЛЕТО „Скопје 2024“ и изложуван во Националната галерија на Р.С.Македонија, Киро Урдин се враќа од Токио, Њујорк, Детроит и Мексико Сити, од неговата изложба на меѓународниот саем на современа уметност „Арт Тесалоники“ во Солун со Микеланџело Пистолето и од изложбата во Големата салата „Бранкузи“ на Палатата на Парламентот во Букурешт – за да прикаже избор од своите нови дела, вклучувајќи повеќе од 80 цртежи, кои се објавени во неговата најнова книга „Линии и бои“, која исто така ќе биде промовирана на отворањето на изложбата.
За пошироката публика, изложбата ќе биде отворена од 6 до 28 јуни.
Киро Урдин е еден од најважните македонски уметници кој е пионер на глобалното авангардно движење, Планетаризам, кое ја редефинира современата уметност со спојување на космички теми, футуристичка апстракција и метафизичка длабочина. Неговото дело не само што ја воздигнува Македонската уметност на меѓународната сцена, туку и ги премостува културните и научните дискурси, инспирирајќи нов начин на согледување на местото на човештвото во универзумот.
Како визионер, влијанието на Урдин се протега надвор од естетиката – неговата филозофија поттикнува уметничка иновација, интердисциплинарно размислување и универзална перспектива што ги надминува националните граници, а сепак ги одразува неговите македонски корени.
Култура
Висока уметничка вредност на сцената: „Народен пратеник“ со блескава изведба во Народно позориште Белград

Ансамблот на претставата „Народен пратеник“ беше изведена во Народно позориште Белград и уште еднаш потврди дека театарската уметност живее во својата најчиста форма — преку искрена емоција, прецизна актерска игра и моќна режисерска визија. Со фасцинантна изведба, која им го задржа вниманието на гледачите од првата до последната сцена, актерите успеаја да доловат и хумор и критика, и човечка слабост и општествени противречности.
Публиката возврати со долгостоечки аплауз, знак не само на благодарност туку и на восхит пред она што се одигра на сцената — исклучително изведена претстава, која зборува и за денешницата.
„Народен пратеник“ не е само театар туку и огледало на општеството, а вечерта во Народно позориште беше потврда дека сцената сè уште има моќ да инспирира, да критикува и да повика на размислување.
Култура
Македонскиот народен театар вечерва ја изведува „Народен пратеник“ во Народно позориште – Белград

129 години по праизведбата на „Народен пратеник“ и 101 година од неговото прво печатено издание, „Народен пратеник“ на Македонски народен театар вечерва игра во Народно позориште – Белград.
Оваа прва комедија на Бранислав Нушиќ, во изведба на моќна актерска екипа и режисерски конципирана од страна на Егон Савин, по впечатливата и одлично забележана изведба на реномираниот фестивал и добиената специјална награда за колективна актерска игра од „Стериино позорје“ – вечерва во 20:30 часот игра на сцената „Раша Плаовиќ“.
Силните впечатоци и импресиите што ги сподели новосадската публика и критиката за двете изведби се патоказ и очекување тоа да се доживее и по оваа изведба.