Македонија
Алијансата за Албанците: Власта со полна уста зборува за спроведување закони, а на Усеини сè му се заборава

Последниот случај во Охрид, кој се однесува на Нефи Усеини, кој секој ден се споменува во домашните медиуми, најдобро опишува дека државните институции се заробени од страна на партнерите во владејачката коалиција и селективната правда во земјата, велат од опозициската Алијанса за Албанците.
Од таму потсетуваат дека Нефи Усенини е советник во Советот на Општина Охрид од редовите на ДУИ и дека од компаниите што ги води Град Охрид, неговата компанија „Нефи ИК“ добива тендери со висока вредност.
„За две години има добиено 8 тендери во вредност од 225.000 евра. Неговата компанија ‘Нефи ИК’ има потпишано 5 договори со ЈП ‘Охридски комуналец’, два договора со ЈП ‘Градски гробишта’ и еден договор со ЈП ‘Нискоградба Охрид’“, се наведува во партиското соопштение.
Од Алијансата за Албанците посочуваат и на бетонската база „Нефи инвест“, лоцирана кај Охридското Езеро, која, како што велат, е дивоградба што се гради на перцела на Исламската верска заедница.
„Усеини почна со изградба на бетонската база пред пет месеци, без потребната документација, без одобрение за градба и без еколошки дозволи. Зелениот простор кај Охридското Езеро се претвори во градилиште. Изградбата на објекти во оваа област е строго определена, а самата област е заштитена од УНЕСКО, што значи дека е строго забрането изградбата на овој вид објекти кои може да предизвикуваат еколошки проблеми. Неофицијално, парцелата на која е изградена бетонската база е во сопственост на Исламската верска заедница“, стои во соопштението.
Од партијата потсетуваат и за узурпацијата на јавен имот и нелегалната изградба на комерцијалниот хотелски објект „Луна“ во стариот дел на градот Охрид, на чие свечено пуштање присуствувал и градоначалникот на Струга, Рамиз Мерко.
„Дури и градоначалникот на Охрид, Константин Георгиевски, иако е должен да го спроведе законот, тој се обидува да ги прикрие делата на Нефи Усеини и да му помогне да спроведува планови“, додаваат од Алијансата за Албанците.
Како сето ова да не беше доволно, Нефи Усеини физички го нападна и му се закани со смрт на професорот Илјаз Илjази, кој се осмелил нелегален случај поврзан со него да пријави во полиција, велат од партијата.
„Ова е трет напад за неколку месеци каде што учествува Нефи Усеини. Во април нападна инспектор од Скопје, кој беше заминат во Охрид за да изврши увид во дивоградбата на охридскиот советник. Во јуни Усеини физички го нападна својот колега од Советот, Џелал Мена“, потсетуваат од партијата на Села.
Од таму додаваат дека необјасниво е како Општината молчи за нелегални узурпации и приклучоци.
„Сите молчат и се преправаат како ништо да не се случило. Со полна уста зборуваат за спроведување на законот, но продолжуваат со старата песна. Кога станува збор за моќниците од ДУИ, тогаш може да се користи само аргументот на сила и никому ништо, за неколку дена сè ќе биде заборавено“, стои во соопштението во кое Алијансата за Албанците ги повикува надлежните органи да преземат соодветни мерки во согласност со законот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Реновирани оддели и амбуланти, проширена позитивна листа, зголемени плати на здравствените работници и капитационен бод на матичните“, велат од ВМРО-ДПМНЕ

„Здравство, една од најзначајните, а во исто време најчувствителна гранка во македонското општество. Како и се останато, СДС се погрижи, за периодот на седумгодишното владеење, целосно да го урниса, да ја намали довербата на пациентите во здравствените работници и да остави разочаран и депримиран здравствениот персонал“, велат од ВМРО-ДПМНЕ.
„Не требаше многу, доволно беше една година Влада на ВМРО-ДПМНЕ за и во здравството, со интензивна и посветена работа да се постават и да почнат да се градат темелите.
Со цел ефикасно менаџирање и рационализација на трошоците на здравствените установи, меѓу првите одлуки кои Владата ги донесе беше, укинување на економските директори во јавните здравствени установи.
Набрзо потоа, во корист на пациентите, по повеќе од десет години се прошири позитивната листа на лекови со девет нови генерики на лекови, се набави компјутерски томограф со систем за инсталација во хибридна сала и целосно интегриран со ангиографскиот систем за потребите на ЈЗУ УК за кардиохирургија.
Се прошири Националната програма за рана детекција и скрининг на малигни заболувања за 2025 година со компонента за Скрининг и рана детекција на црн дроб и се усвои Акцискиот план за превенирање на последиците од топлотните бранови врз здравјето на населението во Македонија 2025 – 2030.
Исто така, се активираше педијатриски дежурен пункт во рамките на ЈЗУ ЗД Скопје, нова компресорка станица во рамките на хируршкиот блок, на хируршките клиники во комплексот Мајка Тереза и изведени нови типови на трансплантации (црн дроб, коскени ткива, менискус), како и подигнување на свеста за органодарителството.
Во изминатата година се набави нова медицинска опрема и се воведоа нови методи во:
– Општа болница Велес (уролошка и ортопедска опрема),
– УК за хируршки болести Св. Наум Охридски (уролошка опрема),
– ОБПД Прилеп (уролошка и ортопедска опрема),
– УК за кардиологија (кардиолошка опрема),
– УК за детски болести (неонатолошка опрема, инкубатори, перфузори, невролошка опрема),
– Општа болница Куманово (неонатолошка опрема, нов инкубатор и полуинтензивна нега),
– ГОБ 8ми Септември (нова ортопедска опрема) и воведување на нови методи од областа на интервентна радиологија.
Интензивно се работеше на модернизирање на условите за работа и третман на пациенти при што многу оддели и амбуланти во рамки јавните здравствени установи беа реновирани, и тоа:
– Комплетно реновиран одделот за ургентна инфектологија, ЦНС оддел и интензивната нега во ЈЗУ УК за инфективни болести,
– Реновиран кабинет за аудиологија во ЈЗУ Центар за рехабилитација на патологија на вербална комуникација Скопје,
– Реконструкција и реновирање на повеќе одделенија при ЈЗУ Општа болница Гостивар,
– Реновирање и поставување на пет нови лифтови во ЈЗУ КБ Тетово,
– Реновиран кабинет за радиологија при хируршки клиники,
– Реновирана невролошка амбуланта во рамки на ЈЗУ УК за детски болести,
– Комплетно реновиран прв кат на ЈЗУ УК за психијатрија,
– Комплетна реконструкција на одделот за физикална и рехабилитациона медицина при ЈЗУ ОБ Гостивар.
Покрај ова, во измината година се водеше грижа за здравствениот персонал, така што во финален процес е вработувањето на 300 лекари специјалисти, а за најкраток рок ќе следи и вработување на уште 300.
Се воспостави механизам за континуиран раст на платите на здравствените работници и соработници во јавните здравствени установи кои во мандатот ќе се зголемат до над 40% и се зголеми капитациониот бод на матичните доктори, гинеколози и стоматолози“, се наведува во соопштението на ВМРО-ДПМНЕ.
Македонија
„Незадоволството од локалната власт во Куманово достигна точка на вриење, ветувам силна и одлучна битка да го вратиме во рацете на кумановци“, најави Костовски

„Огромна чест ми е да бидам кандидат за градоначалник на нашето Куманово од СДСМ и коалицијата на претстојните локални избори. Му благодарам на раководството и на претседателот Венко Филипче за довербата, и на сите оние кои застанаа зад мене. Ме радува што огромен број граѓани ми ја дадоа поддршката овие денови, што е јасен сигнал дека Куманово бара промени“, напиша на социјалните мрежи, кандидатот на СДСМ за градоначалник на Куманово, Мартин Костовски.
„Незадоволството од локалната власт во Куманово достигна точка на вриење. Работите веќе четири години одат во погрешна насока и тоа знам дека сите вие го чувствувате и гледате. Максим Димитриевски не заслужува реизбор – ги изневери сите ветувања дадени пред граѓаните. Куманово се дави во смет и пропадната инфраструктура, се случува урбанистички хаос кој го креира Димитриевски заради сопствените бизнис интереси. Куманово во 2025 сè уште кубури со вода, а паркинг место нема ни за лек.
Димитриевски ги изневери сите кои гласаа за него. Наместо коректор на власта, стана пион на Мицкоски и тројански коњ кој треба да ја дели опозицијата и СДСМ. Човек кој ги погази сите наводни принципи и молчи пред криминалот на неговите коалициски партнери. Човек кој ведне глава пред патронот Мицкоски. Единствено нешто што Максим добро го прави тоа неговиот бизнис со оние за кои до вчера велеше дека се криминалци.
Куманово може подобро! Ветувам силна и одлучна битка да го вратиме Куманово во наши раце, во раце на кумановци. Ветувам дека ќе одам од човек до човек за да ја пренесам мојата идеја за подобра и пофункционална општина која ќе работи во интерес на сите граѓани на Куманово. Ветувам дека СДСМ во Куманово ќе се обедини и дека СДСМ ќе се врати многу силно! Одиме на победа!“, додаде тој.
Македонија
Дел од Шуто Оризари денеска без струја

Од ЕВН – Македонија известуваат дека денеска без електрична енергија ќе останат:
· во периодот од 09.00 до 15.00 часот, дел од корисниците од Шуто Оризари место викано Пирков Рид. (општина Шуто Оризари)