Алијансата за Албанците реагира за смртта на 22-годишното момче во затворот во Куманово. „Со жалење ја добивме веста за смртта на 22-годишникот од населбата Арберија Куманово, случај што го шокира целиот град, но и пошироко. 22-годишникот почина во затворот во Куманово во околности непознати за јавноста и неговото семејство“, соопшти партијата.

Алијансата за Албанците огорчена од случајот бара целосна одговорност од надлежните органи и одговорните лица, кои требало да му дадат прва помош на овој млад затвореник.

„Во такви околности, дефинитивно, мора да се преземе одговорност и јавно да се наведе причината за смртта. Затворот никому не треба да му биде последна станица, а камоли на еден млад човек, кој беше таму да се ресоцијализира и да се реинтегрира за утре, ова општество му понуди живот, а не смрт“, се вели во соопштението.

Алијансата за Албанците бара оставки од министерот за правда, директорот и од заменик-директорот на затворот и бараме кривична и морална одговорност за овој случај доколку им преостанал малку морал.

„Не треба да се заборави дека ниту еден затвореник не може да биде задржан во затвор без да се потврди неговото/нејзиното целосно здравје, секој затвореник има право да се лекува надвор од затворската ќелија, секој затвореник има право да го продолжи животот во нормални услови, кои не го загрозуваат неговото здравје, секој затвореник неоспорно треба да има право на здравство како и сите ние надвор од затворот!

Овие фундаментални права на затворениците брутално продолжуваат да се прекршуваат во затворите на Северна Македонија. Земајќи ги предвид сите овие факти, заклучуваме дека не само затворот во Куманово туку и секој друг затвор во Македонија се соочува со мизерни услови, во кои има смртни случаи. Условите што предизвикуваат смрт на многу затвореници со текот на годините не поминаа незабележани од меѓународните организации, кои во повеќе наврати повикуваа на итна интервенција на властите за подобрување на условите. Со најголемо жалење ја споделуваме болката со семејството на починатиот со надеж дека нашата реакција ќе помогне да се расветли случајот“, се додава во соопштението.