Македонија
Анкета на „Макфакс“: ВМРО-ДПМНЕ ќе дојде на власт за една година со Христијан Мицкоски
Во онлајн анкетата што ја спроведе истражувачкиот центар на „Макфакс“ на прашањето: „Кога и како ќе дојде ВМРО-ДПМНЕ на власт?“, најголем дел од учесниците – 42,4 отсто одговориле дека ВМРО-ДПМНЕ ќе дојде на власт за една година со Христијан Мицкоски.
24,3 отсто одговориле „никогаш“, 18, 3 отсто одговориле дека ВМРО-ДПМНЕ ќе дојдат на власт кога ќе се откажат од Никола Груевски и неговата екипа, 11 отсто одговориле кога Христијан Мицкоски нема да е претседател на партијата, а 4 отсто од учесниците во анкетата одговориле дека ВМРО-ДПМНЕ ќе дојдат на власт за пет години.
На анкетата одговор дале 6. 490 читатели, од кои 82,3% од Македонија, од Германија 3,6%, од Швајцарија 1,6% и од Грција 1,3%.
Анкетата беше спроведена на 13 веб-страници. Стартуваше на 11 јули и траеше 24 часа.
Од анкетираните, според податоците на истражувачкиот центар на „Макфакс“, најголем дел бил мажи на возраст од 25 до 34 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ДИК: Навреме отворени сите избирачки места, гласањето се одвива без проблем

Државната изборна комисија извести дека денес навремено се отворени сите избирачки места и процесот на гласање се спроведува без проблем.
На Локалните избори 2025 во Северна Македонија право на глас имаат 1.832.415 граѓани.
Се гласа за вкупно 309 кандидати за градоначалници и 576 листи за членови на општинските совети со вкупно 10 490 кандидати.
Гласањето на локалните избори започна во 7:00 часот и ќе трае непрекинато до 19:00 часот. Ако гласањето биде прекинато подолго од еден час, тоа ќе продолжи за онолку време колку што траел прекинот, но не подолго од три часа.
Македонија
Претпладне променливо облачно со сончеви периоди, попладне намалување на облачноста

Претпладне променливо облачно со сончеви периоди. Во западните планински региони ќе има услови за слаб дожд. Попладне облачноста ќе се намали. Ќе дува слаб, долж Повардарието умерен ветер од северен правец. Максималната температура ќе биде во интервал од 13 до 19 степени.
Во Скопје, претпладне променливо облачно со сончеви периоди. Попладне облачноста ќе се намали. Ќе дува слаб до умерен ветер од северен правец. Максималната температура ќе достигне до 18 степени
Македонија
Сообраќајот низ државата се одвива непречено, по влажни коловози

Сообраќајот на државните патишта се одвива непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.