Македонија
Арсовска: Сопственикот на небезбедната зграда во Чаир упати сериозни закани што се пријавени во МВР
Бујар Аземи – сопственикот на 12-катницата во Чаир за која градоначалничката Данела Арсовска, тврди дека е небезбедна и изградена без документација, одобрение, проект и платени комуналии упатил бројни закани за што е поднесена пријава до МВР, информира Арсовска преку допис до медиумите.
Градоначалничката тврди дека досега се пребројани 61 стан во зградата, сите биле незаконски градени, а постои обид да се легализираат прикажани лажно дека се градени во 2011 со документација фалсификувана од Висар Ганиу и Ејуп Адеми.
„Вчера Бујар Аземи фатен како дивоградбата се обидува нелегално да ја приклучи на водоводна мрежа, а која веќе нелегално ја приклучил на струја, упати бројни сериозни закани за што е поднесена пријава до МВР! Денес до Основното јавно обвинителство за гонење на организиран криминал и корупција доставуваме уште еден предмет со илјадници страни фалсификати и злоупотреби од Општина Чаир, каде се инволвирани повеќе функционери и вработени во општина Чаир.“, вели градоначалничката.
Арсовска додава дека во нормални услови и нормална држава би ги повикала институциите да реагираат веднаш за заканите и насилието од криминалците, ама живееме во Македонија, каде ако не си со тие на власт, ќе си чекаш некој да те убие зашто очигледно знаат дека нема никој да ги спречи.
Арсовска во текот на вчерашниот ден се вклучи на социјалните мрежи од пред зградата. Соопшти дека затекнале луѓе кои веќе живеат таму, а тие на лице место се заканувале на инспекторите од Град Скопје и им ги исекле гумите со нож. Арсовска во преносот вчера рече дека објектот поседува нелегален приклучок на струја и нелегален приклучок на вода.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Облачно со дожд и снег, магла по котлините – врнежливо и во наредните денови
Времето утре облачно со повремени локални врнежи од дожд, на повисоките места од дожд и снег, а на планините од снег. Ќе има појава на магла по одредени котлини. Ќе дува слаб ветер претежно од северозападен прaвец. Минималната температура ќе биде во интервал од 0 до 6, а максималната ќе достигне од 5 до 10 степени.
Во Скопје, облачно и магловито, а попладне со повремен дожд. Ќе дува слаб променлив ветер. Минималната температура ќе се спушти до 1, а максималната ќе достигне до 6 степени.
До почетокот на следната седмица следува период на претежно облачно време со локални врнежи од дожд на пониските и дожд и снег на повисоките места.
Македонија
Средба Сали – Кочиу: Забрзување на ONE STOP SHOP и нов импулс за институционалната соработка меѓу Македонија и Албанија
Првиот заменик-претседател на Владата, Беким Сали, оствари средба со министерката за внатрешни работи на Република Албанија, Албана Кочиу
За време на средбата беа разгледани билатералните односи меѓу двете држави, проектот ONE STOP SHOP, за кој се очекува во блиска иднина да започнат подготовките за имплементација, додека самата имплементација на системот се очекува да започне во летната сезона, како и можностите за продлабочување на меѓуинституционалната соработка и развојот на економските инвестиции.
Во овој контекст беше нагласена важноста на политичката и институционалната координација за реализација на стратешките проекти. Двете страни се согласија за интензивирање на дијалогот и секојдневната соработка меѓу надлежните институции, со цел унапредување на конкретните проекти кои го зајакнуваат партнерството меѓу двете земји и придонесуваат за стабилноста, економскиот развој и европската перспектива на регионот.
Македонија
Гаши на средбата со амбасадорката на Кина: Тајван е недделив дел од кинеската територија
Претседателот на Собранието, Африм Гаши, денеска оствари средба со Џијанг Шјаојан, амбасадорка на Кина во Македонија.
Гаши изрази големо задоволство од средбата и истакна дека очекува искреното пријателство што постои меѓу двете држави во иднина уште повеќе да се зајакнува и унапредува. Тој потенцираше дека иако двете држави се географски оддалечени, односите меѓу нив се развиваат во духот на меѓусебното разбирање и заемно почитување. Република Северна Македонија континуирано го афирмира ставот за постоење на “една Кина”, како и ставот дека Владата на НР Кина е единствената легитимна Влада на кинескиот народ, а Тајван е недделив дел од кинеската територија.
Амбасадорката Шјаојан информираше за сите активности кои се преземени од страна на Народна Република Кина за продлабочување на соработката меѓу двете земји во областите како што се образованието, културата, науката, здравството, медицината и др. Таа истакна дека за Кина нашата држава претставува крстосница на повеќе цивилизација, мост меѓу Истокот и Западат и значаен партнер во регионот.
Двајцата соговорници се согласија дека во иднина има уште многу нови можности за соработка особено во областа на дигитализацијата и вештачката интелигенција особено во време која Собранието на Република Северна Македонија сериозно работи на целосно дигитализирање на сите работни процеси во парламентот.

