Контакт

Македонија

Ахмети: За 16 години ДУИ оствари 12 победи на изборите и долго време раководи со клучни функции во земјата

Објавено пред

Претседателот на Демократската унија за интеграција (ДУИ), Али Ахмети, денеска преку објава на својот официјален фејсбук профил упати честитка по повод 16-годишнината од основањето на оваа политичка партија.

Во објавата, Ахмети вели дека за 16 години постоење, ДУИ успеала да постигне завидни резултати, како 12 победи во изборните процеси во земјата и илијадници вработени Албанци во администрацијата и приватниот сектор.

„Оваа годишнина ја наоѓа ДУИ со завиден биланс – со 12 последователни победи во сите изборни процеси во земјата, 4 конгреси од кои 3 изборни и 1 тематски, со илјадници вработени во администрацијата и приватниот сектор, со слободни економски зони во Струга, Кичево, Тетово, Скопје, со гасификација започната во Скопје, Тетово и Гостивар, со многу изградени патишта и некои кои се уште се градат, автопатот Кичево – Струга, со заеднички владини средби со Косово и Албанија, со енергетска повезаност со Албанија, како и со преминување на границата со Косово и Албанија без пасош, со исцртана граница со Косово и признавање на косовската независност“, се наведува во писменото обраќање на лидерот на ДУИ.

Тој споменува и некои реализирани проекти од областа на килтурата и инфраструктурата како албанскиот театар во Скопје, тетовската библиотека и театар, Музејот во Битола и Музејот на слободата, Државниот ансамбл на албански песни и ора, Меморијалниот центар на Албанската Мајка во Зајаз, но и проектите за водоснабдување, ургентен центар во Тетово и други болнички центри, земјоделски субвенции, образовни стипендии итн.

Ахмети потенцира и дека во изминатите 16 години на неговата партија и припаднале клучни функции во земјата.

„Оваа 16-годишнина, исто така, го означува заклучокот од тематското делување на Демократската Унија за Интеграција, која започна со уставните промени во согласност со Охридскиот договор, територијалната поделба, националните симболи, фер и правичната застапеност во државните институции, предводење на клучни функции во државата како претседател на Собрание, државен правобранител, народен правобранител, министер за одбрана, министер за внатрешни работи“.

Понатаму во обраќањето лидерот на ДУИ, нагласува дека тие како партија никогаш не се занимавале со другите и посветено ја вршеле својата работа.

„Секој единствен ден во овие 16 години го развиваме угледот на достоинствен претставник на граѓаните и го одржуваме силното партиско единство и колегијална солидарност, без да ги заборавиме вредностите и потеклото со којшто го започнавме ова патување и ослободителните напори за целосна еднаквост. За овие 16 години, со целосно достоинство ги претставувавме Албанците и сите граѓани на Македонија на национално, регионално и меѓународно ниво и сме ценети и прифатени од сите“, додава Ахмети.

Сепак, тој сепак има забелешки за, како што вели, фрагментирана албанска сцена со тенденција за понатамошно продлабочување на поделбата на Албанците во безброј партии.

„Убедени сме дека ова агенда за парцијализирање и слабеење на нашиот политички потенцијал во земјата мора да заврши и ние остануваме посветени на принципот дека на Албанците во Македонија не им требаат повеќе од две политички партии за да се постигне оптимална застапеност и реализација. Поделбата на албанскиот глас во многу партии, парциалното и маалско претставување, а не генерално, не прави безначајни и несериозни дома и пред меѓународната заедница“, смета претседателот на ДУИ.

Понатаму, тој истакнува дека партијата работи за брзо и одржливо решение кое ќе го отвори патот кон НАТО и ЕУ и ќе придонесе кон мирот, стабилноста и безбедноста, како и раст на економскиот развој и социјалната и општествена благосостојба.

„Оваа годишнина се обележува во пресрет на многу проекти и дела што нè очекуваат. Ние ќе успееме, бидејќи нам во Демократската унија за Интњграција не ни недостасува ниту знаење, ниту посветеност, ни енергија и храброст. Одбележувајќи ја нашата 16. годишнина, да се посветиме за заедничка иднина, за меѓусебна солидарност, да го одржиме духот на соработката еден со друг, да ги реализираме надежите на граѓаните, преку силно унапредување на нашите заеднички вредности, зошто не и за понатамошното зајакнување на Демократската унија за интеграција како наша национална вредност“, се вели во писменото обраќање на Али Ахмети, објавено на неговата офецијална фејсбук страница.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Без струја делови на Центар, Кисела Вода, Аеродром и Сарај

Објавено пред

Од

Од „ЕВН Македонија“ АД е добиено известување дека поради технички зафати во дистрибутивната мрежа, без електрична енергија ќе останат:

во периодот од 9 до 15 часот корисниците од улиците 4, 6 и 7 во село Батинци (општина Студеничани), корисниците во село Орман, бетонска база „Гранит сепарација“ и „Магента“ (општина Ѓорче Петров), дел од корисниците од улицата Бел Камен (општина Центар);
во периодот од 8:30 до 12:30 часот корисниците од улицата Антон Димитров од број 44 до број 60 (општина Кисела Вода);
во периодот од 12:30 до 14:30 часот дел од корисниците од улицата Славејко Арсов (општина Центар),
во периодот од 10 до 12 часот дел од корисниците од улицата Козара, објектите од број 1 до број 26 општина Центар);
во периодот од 8:30 до 11 часот дел од корисниците од улиците Анастас Митрев и Венјамин Мачуковски (општина Аеродром):
во периодот од 7:30 до 9:30 часот дел од корисниците од Дрвце Сарај, Клучка Матка, бензиска пумпа „Сар“, пумпа и млекарница „Кривина“, фирми „Антикор“, Адеми Иљаз и Исљам Абази (општина Сарај):
во периодот од 9:30 до 11:30 часот корисниците од улицата Христо Татарчев – подулица 14 (општина Кисела Вода).

Прикажи повеќе...

Македонија

(Видео) Отворен меморијалниот турнир во мал фудбал во чест на загинатите бранители

Објавено пред

Од

Оддавајќи им должна почит на сите наши загинати припадници на безбедносните сили на Република Македонија, но и на нивните најблиски, чијашто загуба ниту ќе може, ниту ќе се успее кога било да се надомести, ние истовремено оставаме и една силна порака – дека никогаш и заради ништо не смееме да заборавиме кому и што му должиме, рече министерот Оливер Спасовски на отворањето на меморијалниот спортски турнир „Херои на Македонија“ во салата „Борис Трајковски“ во Скопје.

,,Традицијата e вредност длабоко вткаена во човековото постоење. Вредност што нè зближува едни со други, којашто ја дава онаа важна нитка на благородна почит и којашто им помага на спомените да останат – бесмртни. Овој меморијален спортски турнир ‘Херои на Македонија’ ја има токму таквата возвишена цел: повторно да нè собере, и сите заедно да си припомниме за луѓето што некогаш беа со нас, се радуваа и тагуваа со нас, и што храбро и достоинствено ги положија своите животи за нас, за татковината – нашите другари, соборци и колеги”, рече Спасовски.

Овој меморијален турнир во мал фудбал традиционално се одржува по единаесетти пат во Скопје.

Прикажи повеќе...

Македонија

Либералните партии од регионот слават 10-годишнина од постоењето на либералната мрежа на Југоисточна Европа

Објавено пред

Од

Во хотелот „Александар Палас“ започна либералниот форум на кој либералните партии од целиот регион ќе го прослават 10 годишното постоење на либералната мрежа на Југоисточна Европа.

На вечерашното отворање на форумот како гости на настанот присуствуваа претседателот на македонското Собрание, Талат Џафери, министерот за надворешни работи, Никола Димитров, министерот за внатрешни работи на Косово, Бејтуш Гаши како и поранешната министерка за надворешни работи на Хрватска, Весна Пушиќ.

На форумот кој ќе продолжи утре свое обраќање ќе имаат Ерик Ветсел, потпретседател на холандската либерално-демократска партија „ВВД“, ексминистерката за надворешни работи на Хрватска, Весна Пушиќ, претседателот на „Српската либерална партија“, Чедомир Јовановиќ и словенскиот либерал Роман Јакиќ.

Виктор Јованов

Прикажи повеќе...

Најново

Македонија16 часа

(Видео) ВМРО-ДПМНЕ поднесе кривична пријава против Заев поради поткуп при избори

ВМРО-ДПМНЕ  достави кривична пријава во Јавното обвинителство против премиерот Зоран Заев, поради јавен повик на поткуп при избори. Димитар Димовски,...

Култура17 часа

(Видеоинтервју) Адеми: Нулта толеранција за корупцијата во културата, нови комисии на претстојниот конкурс

Строги и јасни критериуми по кои ќе одлучуваат новооформените комисии на претстојниот конкурс за проекти во културата, нулта толеранција за...

Топ18 часа

Камион удри во баба и внуче на пешачки премин на булевар Србија

Почина бабата која со внучето вчера беше прегазена на пешачки премин на булеварот Србија во скопската населба Аеродром, информира полицијата....

Македонија19 часа

,,Море Миле, нити е сечено, нити е лепено”, му рече обвинителката на Миле Јанакиески

Во кривичниот суд во Скопје продолжува рочиштето за предметот на СЈО со кодно име ,,Траекторија”, за провизиите за кинеските автопатишта....

Македонија20 часа

Хан до Мицкоски: Референдумот не е момент за политички игри

Еврокомесарот за проширување, Јоханес Хан, на средбата со лидерот на ВМРО-ДПМНЕ, Христијан Мицкоски, му кажал дека референдумот не е партиски...

Свет20 часа

Флоренс направи невидена катастрофа, а допрва следат најголемите поплави во историјата

Ураганот Флоренс, и покрај тоа што ослабна, и натаму предизвикува огромни штети во американските сојузни држави Јужна и Северна Каролина,...

Економија21 час

Државата ќе позaјми 50 милиони евра – утре со нив ќе врати стари долгови

Министерството за финансии објави дека денеска на домашниот пазар од банки и осигурителни друштва ќе побара заем од над 50...

Свет21 час

(Видео) Јужнокорејскиот претседател пристигна на третиот самит со севернокорејскиот лидер во Пјонгјанг

Јужнокорејскиот претседател, Мун Џае-ин, пристигна во Пјонгјанг на третиот состанок оваа година со севернокорејскиот лидер, Ким Џонг-ун. На меѓународниот аеродром...

Европа1 ден

Орбан: ЕУ сака да дозволи влез на мигрантите и да управува со нив

Европската Унија сака да ја преземе одбраната на надворешните граници на одделни земји за да овозможи влез на мигранти, изјави...

Свет1 ден

(Видео) Пожар на паркинг пред шопинг-центар во Њујорк, над 20 повредени

Најмалку 21 лице се повредени во пожар што избувнал пред паркинг на шопинг-центарот „Кингс плаза“ во Њујорк. Локалните медиуми пренесуваат...

Свет1 ден

Русија и Турција се договорија да формираат тампон-зона во Идлиб

Русија и Турција се договорија да создадат демилитаризирана тампон-зона во сириската провинција Идлиб за да ги разделат владините сили од...

Daily news2 дена

(Видео) Техничкиот директор на ЈСП: Старите автобуси ќе возат до идното лето

Поради недоволен број возила, ЈСП мора во сообраќај да ги пушта старите автобуси „санос“. Техничкиот директор, Васил Толевски, вели за...

Македонија2 дена

Актерката Ирена Ристиќ приведена па однесена во болницата во Бардовци оти чистела ѓубре пред Влада

Актерката и активистка Ирена Ристиќ со полициско комбе била приведена во полициска станица „Беко“ бидејќи, како што вели, чистела догорчиња...

Македонија2 дена

Ги уценувале со илјадници евра за да не објават текстови за Драган Даравелски и Минчо Јорданов

Во кривичниот суд во Скопје, повторно, од почеток почна судењето за случајот „Шпион“, кое го застапува специјалното јавно обвинителство. Во...

Свет2 дена

Милијардерот Марк Бениоф го купува магазинот „Тајм“

Списанието „Тајм“ повторно ја менува својата сопственичка структура, речиси осум месеци откако беше продадено на американската медиумска група „Мередит корпорејшн“....

Македонија2 дена

Американскиот секретар за одбрана допатува во Скопје, загрижен е за мешањето на Москва во резултатот на референдумот

Американскиот секретар за одбрана, Џејмс Матис, утринава слета на Меѓународниот аеродром  „Скопје“ и беше пречекан од министерката за одбрана, Радмила...

Регион2 дена

Тачи: До договор со Србија преку мирна корекција на границите

Заокружувањето на разговорите и постигнувањето конечен договор помеѓу Косово и Србија е неопходно да се случи во брзо време, а...

Свет2 дена

(Видео) Тајфунот од Филипините се пресели во Кина – евакуирани над два милиони луѓе

Над два милиона луѓе се евакуирани во кинеската јужна провинција Гуангдонг пред пристигнувањето на тајфунот Мангхут. Претходно овој тајфун со...

Вести2 дена

Свештеници во Германија злоставувале 3 677 деца

Главниот германски надбискуп рече дека е шокиран од извештајот за сексуално злоставување во Германија во кој се наведува дека околу...

Регион3 дена

Авион кој летал од Ниш до Базел принудно слетал поради чад во кокпитот

Авион на компанијата „Визер“ вчеравечер принудно слетал во Загреб поради чад во кокпитот, пренесува „Индекс.хр“. Летот од Ниш до Базел...

Досие