Македонија
(Видео) Алиспахиќ: Извештајот за вештачењето за смртта на Саздовски е направен без исказите на сведоците
![](https://makfax.com.mk/wp-content/uploads/2018/11/alispahik-2-nikola-sazdovski.jpg)
Вештачењето е составено од 2 елемента, наод и опсервација на сите докази, од кои потоа произлегува мислење и заклучок кои го даваат оние што го изработуваат вештачењето. Во конкретната ситуација докторот потврди дека при доставување на материјалните докази од Јавното обвинителство не биле доставени двата искази на сведоците очевидци, Катерина Николовска и Миле Алексовски, кои биле дадени на 10 јули 2018 година, а наредбата за изработка на тој писмен извештај од вештачењето е дадена дури 3 дена подоцна, односно на 13 јули, рече Асмир Алиспахиќ, адвокатот на еден од обвинетите за смртта 20-годишниот Никола Саздовски.
Алиспахиќ додаде дека докторот кој го вршел вештачењето на многу професионален начин образложил како настапила смртта кај Никола Саздовски и токму поради тоа, според него, обвинетите не може да се гонат за кривичното дело поставено од ЈО, „убиство на свиреп начин“.
„Јасно беше наведено дека постоеле три повреди од кои две во предел на левата и десна очна регија, а третата повреда била во задниот дел на главата. Но, не може со точна сигурност да се потврди која од тие повреди била смртоносна. Она што може да се потврди е дека останатите повреди, кои според докторот се уште три во пределот на телото, се повреди во вид на хематоми и црвенило, кои се класифицираат како телесни повреди со незагрозувачка витална функција на самите органи. Со ова може да дојдеме до една слика дека навистина не може да стане збор за вакво тешко кривично дело како што е поставено обвинението“, рече Алиспахиќ.
Виктор Јованов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Тошковски по предлогот да биде министер: Ја прифаќам одлуката која за мене е голема одговорност и обврска кон сите вас
![](https://makfax.com.mk/wp-content/uploads/2024/03/toskovski-ohrid-3.jpg)
Досегашниот министер за внатрешни работи во техничката Влада, Панче Тошковски, е предлогот за истата оваа функција во новата влада.
„Вечерва по предлог на претседателот на ВМРО-ДПМНЕ, Христијан Мицкоски, Извршниот и Централниот комитет донесоа одлука со која сум предложен за министер за внатрешни работи во новата Влада. Со огромна чест ја прифаќам оваа одлука, која за мене претставува голема одговорност и обврска кон сите вас“, напиша Тошковски.
Тој се заблагодари на Мицкоски, како и на сите членови на Извршниот и Централниот комитет за довербата и поддршката која му ја укажаа.
„Ветувам дека ќе работам неуморно за подобрување на условите за живот на сите граѓани и за обезбедување на безбедна, просперитетна и праведна Македонија, дополни Тошковски.
Македонија
Во вторник на 18 јуни до Собранието ќе биде доставен официјалниот список со членовите на новата влада
![](https://makfax.com.mk/wp-content/uploads/2022/07/sobranie-na-rm.jpg)
Во вторник на 18 јуни до Собранието ќе биде доставен официјалниот список на членовите на новата влада, а мандатарот Христијан Мицкоски вечерва рече дека гласањето за новата влада очекува да биде во текот на следниот викенд, 22-23 јуни.
Мандатарот за состав на влада и лидер на ВМРО-ДПМНЕ Христијан Мицкоски вечерва на прес-конференција ги соопшти имињата за кадровските решенија во новата влада од коалицијата „Твоја Македонија“, што вечерва беа потврдени од Извршниот и Централниот комитет на партијата.
Тој рече дека нивна работа е да се врати Македонија на народот и дека доаѓаат убави времиња за народот.
Тој ги соопшти имињата на новите министри во македонската Влада.
Министер за транспорт и потпретседател на Влада – Александар Николоски
Министер за одбрана – Владо Мисајловски
Министер за финансии – Гордана Димитриовска Кочоска
Министер за надворешни работи и надворешна трговија – Тимчо Муцунски
Министер за локална самоуправа – Златко Перински
Министер за информатичко општество и дигитална трансформација – Стефан Андоновски
Министер за спорт – Борко Ристовски
Министер за енергетика, рударство и минерални суровини – Сања Божиновска
Министер за земјоделие, шумарство и водостопанство – Цветан Трипуновски
Министер за култура и туризам – Зоран Љутков
Министер за внатрешни работи – Панче Тошковски
Министер за образование и наука- Весна Јаневска
Министер за политички систем – Љупчо Димовски
Министер задолжен за односи меѓу заедниците – Иван Стоилковиќ
Министер задолжен за интеграција и имплементација на Декадата на Ромите – Шабан Салиу
Мицкоски го доби мандатот од претседателката Гордана Сиљановска-Давкова на 6 јуни и има рок од 20 дена до Собранието да достави програма и предлог состав на владата.
Собранието закажува седницата за избор на нова влада во рок од 15 дена по добивање на предлогот, а расправата трае најмногу два дена.
Македонија
Мицкоски ги соопшти петнаесетте предлози со имињата на министри во неговата влада
![](https://makfax.com.mk/wp-content/uploads/2024/06/mickoski-1.jpg)
Мандатарот за состав на влада и лидер на ВМРО-ДПМНЕ Христијан Мицкоски на прес-конференција ги соопшти имињата за кадровските решенија во новата влада од коалицијата „Твоја Македонија“, што вечерва беа потврдени од Извршниот и Централниот комитет на партијата. Тој рече дека нивна работа е да се врати Македонија на народот и дека доаѓаат убави времиња за народот.
„Го немаме луксузот да не се успее, ниту пак да се прават репризи на минати владеења каде ќе се загуби врска со единствениот суверен, народот. Во овие луѓе кои ги предлагам имам голема надеж и не чека мнпогу работа. Мора да ги засукаме ракавите оти состојбите се очајни“, изјави Мицкоски.
Тој ги соопшти имињата на новите министри во македонската Влада.
Министер за транспорт и потпретседател на Влада – Александар Николоски
Министер за одбрана – Владо Мисајловски
Министер за финансии – Гордана Димитриовска Кочоска
Министер за надворешни работи и надворешна трговија – Тимчо Муцунски
Министер за локална самоуправа – Златко Перински
Министер за информатичко општество и дигитална трансформација – Стефан Андоновски
Министер за спорт – Борко Ристовски
Министер за енергетика, рударство и минерални суровини – Сања Божиновска
Министер за земјоделие, шумарство и водостопанство – Цветан Трипуновски
Министер за култура и туризам – Зоран Љутков
Министер за внатрешни работи – Панче Тошковски
Министер за образование и наука- Весна Јаневска
Министер за политички систем – Љупчо Димовски
Министер задолжен за односи меѓу заедниците – Иван Стоилковиќ
Министер задолжен за интеграција и имплементација на Декадата на Ромите – Шабан Салиу
Мицкоски на прес-конференцијата рече дека ќе биде тешко, но дека ако требало да биде лесно ќе бил некој друг, а не ВМРО-ДПМНЕ.