Контакт

Македонија

(Видео) Антовски: Наместо сигурно снабдување на струја, ЕСМ произведува милионски загуби

Објавено пред

„Македонија е длабоко навлезена во енергетската криза и не е во можност да се справи со предизвиците и последиците предизвикани од кризата.
Електроенергетскиот систем на Македонија треба да гарантира сигурно и доверливо снабдување со електрична енергија до своите потрошувачи. За жал, Владата на Македонија и раководството на АД ЕСМ успеаја за само четири години да ги уништат нашите производствени капацитети, кои се сега далеку под нивото на своите производствени можности“, изјави на денешната прес-конференција Стевче Антовски, член на комисијата за енергетика на ВМРО-ДПМНЕ.

Според Антовски, Законот за енергетиката, донесен во 2018 година, вели дека АД ЕСМ има законска обврска за 2022 година да обезбеди минимум 60 % од потребите на „ЕВН хоме“ за снабдување на домаќинствата и малите потрошувачи.

„АД ЕЛЕМ не се пријави и на третиот тендер објавен од страна на ‘ЕВН хоме’. Наместо АД ЕСМ да ги исполни своите законски обврски и да гарантира сигурно снабдување со електрична енергија, ние денес имаме пропадната и банкротирана компанија, која произведува милионски загуби што ги плаќаме ние граѓаните од буџетот на Македонија. Наместо успешно справување со енергетската криза и зголемување на сопственото производство, денес сме сведоци на скапите набавки на струја од надвор и по цени од 350 евра за MWh иако производната цена на АД ЕСМ, кога би имало јаглен во термоцентралите и вода во акумулациите на хидроцентралите, би била околу 55 евра за MWh. Причините се кријат во лошото менаџирање на оваа компанија поради што акумулациите се на минимум, па хидроцентралите не се во можност да го произведуваат потребното количество електрична енергија. РЕК ‘Битола’ е во постојани хаварии и дефекти. Ископ на јаглен во рудниците речиси и да нема, дневно се копа колку за потребите на половина блок. Наместо да се копаше јаглен пролетта и летото, тие договараа тендери со фирми блиски на СДС за денес да нѐ замајуваат со научнофантастични приказни за набавка на јаглен од надвор“, изјави Антовски

Антовски запраша колку милиони евра ќе нѐ чини ова недомаќинско и криминално владеење на Владата на СДС потенцирајќи го и новото поскапување на струјата од 1 јануари.

Тој додаде дека најпрвин во 2020 година ја поскапеа струјата за 7,4 %, потоа следуваше ново поскапување на струјата во 2021 година од речиси 20 %, успешно го замаскираа со намалувањето на ДДВ-то на 5 %.

„Време е за промени, за нови и чесни политичари што знаат и умеат како да се справат со проблемите, време е за итни предвремени парламентарни избори и справување со кризните состојби“, истакна Антовски.

Македонија

На трибината требаше да се појави Мицкоски и да каже што разговарал со Кирил Петков, велат од СДСМ

Објавено пред

Наместо лажни конструкции и рециклирани обвининувањa, јавноста денеска очекуваше дека на трибината на ВМРО-ДПМНЕ ќе се појавеше Христијан Мицкоски и ќе одговори на прашањата за кои молчи со денови, реагира СДСМ по дискусијата што денеска се одржа во просториите на опозициската партија, а беше насловена: Заштита на националните и државни интереси, наместо пазар дипломатија.

„Дали Мицкоски на бугарскиот премиер Кирил Петков му ги постави прашањата кои ги нарачуваше од медиумите? Што кријат Мицкоски и ВМРО-ДПМНЕ од средбата со Петков? За што се зборувале на таа средба? Граѓаните видоа и претходно на средба на Мицкоски со Бојко Борисов дека тој ги менува ставовите кога се среќава со официјални претставници.Дали така било и на средбата со Петков, треба да каже самиот Мицкоски“, велат од СДСМ.

Во соопштението што недлава ВМРО-ДПМНЕ го испрати до медиумите, а се однесуваше на средбата на Мицкоски и Петков беше наведено дека двајцата лидери зборувале за актуелните состојби, градењето на доверба и заедничката соработка во полето на инвестициите, образованието, науката. „Мицкоски се задржа на истите позиции кои се и претходно јавно познати“, беше наведено во кусото соопштение за средбата со Петков, без образложение за кои позиции станува збор.

Прикажи повеќе...

Македонија

„Преговорите ги диктира Софија, ова е пазар дипломатија“ – опозицијата со критики за начинот на кој Владата преговара со Бугарија

Објавено пред

Остри критики за начинот на којшто се водат преговорите со Бугарија упатија говорниците од опозициската ВМРО-ДПМНЕ на трибината насловена „Заштита на националните и државни интереси, наместо пазар дипломатија“.

Професорката и актуелен пратеник, Гордана Силјановска Давкова, рече дека односот на Бугарија кон Македонија е како на судија и обвинет и посочи дека ако Бугарија бара признавање на бугарското малцинство и таа треба да го признае македонското. Во однос на барањето за промена на Уставот, Силјановска изјави: „Мој белгиски колега вели, Уставот треба да се менува со рака што трепери од одговорност. Да, ние го менуваме Уставот со рака што трепери од страв, и тоа неколку пати досега“.

Партискиот портпарол, Наум Стоилковски порача дека „пазар дипломатијата на власта прави сериозни отстапки со кои се нарушуваат националните и државни интереси и позиции во преговорите со Бугарија“.

Стоилковски сподели и едно негово работно искуство со претставник на Европската комисија за Македонија од периодот на 2000-тите години, Ерик Мереер кој имал добри видувања за состојбите на Балканот по однос на условувањата што земјите членки во унијата ги правата на земјите кандидати. Тој рече дека сето ова што денеска ни се случува и што секоја држава бара Македонија да прави отстапки и промена, на пример на Устав, доаѓаат од периодот кога Зоран Заев се’ уште не беше на власт и во Берн истакна дека не може Македонија да не е виновна, а сите држави околу неа да се виновни.

Портпаролката Марија Митева, пак, праша дали владата ќе преговара за историјата со Бугарија далеку од очите на јавноста. Таа потенцираше дека во вторник се очекува првата меѓувладина конференција помеѓу Македонија и Бугарија прашувајќи дали може се очекува да се разговара за историските прашања далеку од очите на јавноста со оглед на фактот дека како еден од членовите на делегацијата е токму предводникот на македонската комисија за историја.

Стефан Андоновски, член на ИК на ВМРО-ДПМНЕ на денешната трибина рече дека властите се обидуваат да ја манипулираат јавноста, а Бугарија е таа којашто го диктира процесот на преговарање.

Андоновски истакна дека додека бугарскиот премиер Петков го диктира процесот на преговарање, македонските власт се однесуваат како неми набљудувачи и независни аналитичари, укажувајќи дека има чувство на инфериорност кај власта.

„Имаме целосна доминација и изместување на оската, а знаете во меѓународната дипломатија, па и во преговорите како процес мора да имате две сериозни страни еднакво потковани за процесот доведе до еднаков избалансиран резултат. Не може да очекувате избалансиран резултат кога имате неизбалансиран процес“, смета Андоновски.

Во однос на суштинските аспекти, Андоновски вели дека сега има нешто повеќе од португалскиот предлог, додвајаќи дека тој предлог бил прифатлив од македонската страна, но отфрлен од Бугарија односно како што рече тој истиот е ставен во фиока, а се дискутира за промени коишто значат промени во идентитетските обележја.

„Првиот суштински аспект е дека сега имаме нешто повеќе од португалскиот предлог. Исто така ќе ве потсетам дека цела 2021 година бевме убедувани дека португалскиот предлог е единственото нешто за што преговараме, кога знаеме дека уште првиот ден португалскиот предлог кој одеше на заштита на дел на македонските права беше отфрлен од Бугарија. Тие продолжија да дискутираат, а беше прифатен од македонска страна дека е одлична основа за продолжување на преговорите. Сега португалскиот предлог е ставен на ад акта и ние дискутираме за повеќе од меѓународно прифатените правила на игра, односно дискутираме за промени кои што значат промени во идентитетските обележја и не е случајно голем број на поранешни претставници од власта повеќе не се дел од истата, затоа што ова е навредливо дури и за нив, за луѓето кои што беа дел од грчкиот договор, кажа Андоновски.

И последната суштинска разлика на кое што се удираат македонските национални интереси е едно начело во правото на ЕУ кое што вели директна примена на правилата. Македонија исто како и Бугарија се потписни на Европската Конвенција за човекови права. Како правен документ има директна примена во правниот поредок на Република Македонија, исто како и било кој системски закон кој што го имаме. Од тука да очекувате и да се мешате во правата на Македонија и македонскиот уставен поредок за да таа го менува истиот, а во исто време не ги почитувате правата на Македонците кои што живеат во Бугарија, кои што се заштитени по таа конвенција која што вие сте ја ратификувале, освен што е политички некултурно, оди против сите правила на меѓународното право. Но, она кое што мене повеќе ме навредува не е бугарскиот став дека тие нема да ги почитуваат пресудите на судот во Стразбур, туку е македонскиот став дека ние немаме право да ги заштитиме токму тие права кои се гарантирани од Советот на Европа, од Судот за човеков права, потенцираше Андоновски.

Прикажи повеќе...

Македонија

СДСМ: Пецаков треба да одговара наместо да се заканува со тужби

Објавено пред

Охридскиот градоначалник, Кирил Пецаков треба да одговара, наместо да се заканува со тужби, реагира СДСМ откако Пецаков најави тужба против Државниот санитарен и здравствен инспекторат поради, како што рече, клевети и несовесно работење и изнсување на заштитени здравствени податоци во јавност.

„Без ниту малку срам, градоначалникот на Охрид, Кирил Пецаков наместо да се извини, се заканува со тужби. Факт е дека Пецаков додека чекал резултати од тест за Ковид 19, наместо во изолација, беше помеѓу граѓаните на Водици. Факт е дека Пецаков, според надлежните институции има решение за изолација. Факт е и дека Пецаков на Водици, беше заедно со Христијан Мицкоски на литургија во црква“, велат од СДСМ.

Од Социјалдемократскиот сојуз додаваат дека наместо да покажат минимум одговорност и совест и да им се извинат на охриѓани, Пецаков се заканува со тужби за наводно монтиран случај, а Мицкоски го нема да објасни дали застанува во заштита на неговиот охридски градоначалник.

СДСМ додава дека Пецаков треба да одговара како и секој поединец кој свесно крши протоколи и го загрозува јавното здравје.

Пецаков претходно денеска ја посочи можноста неговиот позитивен тест да бил фабрикуван од, како што вели, кујните на власта, или да се работи за некаква грешка во тестирањето.

Прикажи повеќе...

Најново

Македонија2 часа

„Преговорите ги диктира Софија, ова е пазар дипломатија“ – опозицијата со критики за начинот на кој Владата преговара со Бугарија

Остри критики за начинот на којшто се водат преговорите со Бугарија упатија говорниците од опозициската ВМРО-ДПМНЕ на трибината насловена „Заштита...

Македонија3 часа

Пецаков: Не постои ниту еден пример некој да се изолира додека чека резултати од ПЦР-тест поради патување во странство

Веројатно тезата “Наќе е крив” сега е заменето со акцијата “Пецак е крив”, а сето ова само тие од власта...

Економија5 часа

Ковачевски: Сите работници кои работат во недела мора да добиваат најмалку 50 отсто повисока дневница

„Денешната посета на „Дура Аутомотив Системс“ е одлична можност да се види како изгледа примената на законското решение „Недела неработен...

Топ6 часа

Прегазен малолетник на улица во Тетово, возачот избегал

Седумнаесетгодишно момче било прегазено од автомобил вчера на улицата Благоја Тоска во Тетово. Возачот кој управувал со возилото избегал од местото,...

Свет6 часа

Директорот на „Фајзер“: Годишните вакцини против ковид би биле подобри од честите бустери

Алберт Бурла, извршен директор на компанијата „Фајзер“, рече дека годишната вакцинација против короната би била подобра опција од почестите засилувачки...

Регион8 часа

Вучиќ добил список со седум лица кои му спремале атентат

Претседателот на Србија, Александар Вучиќ, синoќа се обрати до јавноста по обелоденувањето на веста дека бил подготвуван атенатат врз него....

Македонија9 часа

Пецаков да одговара што не се изолирал додека чекал резултати од тестот за ковид, порача владејачката партија

Градоначалникот на Охрид, Кирил Пецаков додека чекал резултати од тестот за коронавирусот наместо да се изолира, свесно присуствувал на јавен...

Македонија22 часа

Пред да почине Рахимовски се јавил кај пријател во Македонија, се договориле да го пречека на скопскиот аеродром

Аки Рахимовски утрово планирал патување во Македонија и посета на мајка си. Тој телефонски разговарал со пријателот Здравко Ситновски во...

Македонија22 часа

Нови 1.913 случаи на коронавирус во Македонија, починаа 21 лице

Согласно податоците од Институтот за јавно здравје дека во последните 24 часа направени се 7.219 тестови, а регистрирани се 1.913...

Македонија1 ден

Млад пациент доби срце, а кај двајца се трансплантираат бубрези од починат донор

Млад пациент доби срце, а кај двајца пациенти на дијализа се трансплантираат бубрезите од лице кое почина од мозочна смрт....

Регион1 ден

Почина Аки Рахимовски од „Парни Ваљак“

Пејачот на групата Парни Ваљак, Аки Рахимовски почина на 66-годишна возраст. Веста за смртта беше објавена и на официјалната страна...

Македонија1 ден

Стоилковски извади списоци: „Паркинг не плаќале стотици функционери од Демократскиот сојуз, СДСМ и ДУИ“

Стотици автомобили на функционери од власта и членови на Демократскиот сојуз, на СДСМ, на ДУИ биле ослободени од плаќање паркинг...

Македонија1 ден

Пецаков вели дека не се изолирал и на Водици излегол оти побарал тест заради патување

Градоначалникот на Охрид Кирил Пецаков вели дека не се изолирал по тестирањето за Ковид-19 и на Водици излегол да ја...

Македонија1 ден

Родители бараат укинување на задолжителното носење маски во училиштата

Иницијативата „Стоп за носењето маски во училиштата“ која обединува 12.000 родители, преку допис до медиумите тврди дека имаат поддршка од...

Свет1 ден

Првата пратка на американско оружје пристигна во Украина

Првата пратка оружје од американскиот пакет безбедносна поддршка за Украина во вредност од 200 милиони долари пристигна во Киев, соопшти...

Македонија1 ден

Спасовски и МВР му дадоа македонски пасош на Звицер кој сакал да изврши атентат врз Вучиќ, oбвини ВМРО-ДПМНЕ

Скандал го тресе МВР по информациите на Европол дека е откриен заговор за атентат врз претседателот на Србија, Александар Вучиќ, од...

Свет1 ден

СЗО: Повеќе од 340 милиони луѓе во светот се заразиле со коронавирус

Бројот на регистрирани случаи на зараза со коронавирус во светот надмина 340 милиони луѓе, соопшти Светската здравствена организација. Според информациите,...

Македонија1 ден

Во притвор е спроведен возачот кој ја усмрти 24-годишната радовишанка на „Партизанска“

Судот доцна синоќа му одреди 30-дневен притвор на 22-годишниот Јордан Ѓ. кој со автомобил „цитроен Ц4“ ја усмрти 24-годишната радовишанка...

Македонија2 дена

Регистрирани 2.071 нов случај на Ковид-19 и 11 починати

Министерството за здравство информира дека во последните 24 часа направени се 6.010 тестови, а регистрирани се 2.071 нов случај на...

Македонија2 дена

Комисијата за заразни болести со препорака периодот за изолација да се намали на 7 дена

Намалување на периодот на изолција од 10 на 7 дена за ковид-позитивните пациенти е ставот што произлезе од денешната вонредна...

Досие