Македонија
(Видео) Арсовски: Никаква весела математика на Заев нема да ги покрие катастрофалните економски резултати

Црната економска тројка во криминалниот картел на власт, Заев-Анѓушев-Тевдовски, ја турка Република Македонија во тотален економски хаос. Задолжувањето на државата стана секојдневна практика на оваа власт, а нема никакви резултати од тоа. Економијата бележи само раст на задолжувањето, а пад на проекциите на БДП, изјави Димче Арсовски, портпарол на ВМРО-ДПМНЕ.
Според него, бројките се немилосрдни и никаква весела математика на Зоран Заев и трети полугодија нема да ги покријат катастрофалните резултати на оваа неспособна власт.
„Веќе за идната недела оваа Влада најави ново задолжување и тоа од најмалку нови 3,3 милијарди денари, односно околу 53,6 милиони евра. Оваа аукција на државни хартии од вредност е најавена за 16 октомври. Во рок од три недели оваа власт веќе по истиот основ ја задолжи со 102 милиона евра. Јавниот долг веќе достигна 48,8 отсто од проектираниот БДП. Ако на ова се земе фактот дека растот на БДП ќе биде помал од проектираниот, односно од 3,2 отсто, ќе заврши само на 1,2 отсто, тогаш бројките стануваат загрижувачки.
Македонија, поради неспособноста на оваа власт, повторно ќе биде на дното во Европа по растот на БДП. Во услови кога сите земји од регионот, а да не зборуваме за Европа, ќе бележат високи стапки на раст, ние ќе треба да се задоволиме со малку над 1 отсто. Од земјите во регионот годинава највисок раст ќе имаат Албанија, Србија и Косово – 4 отсто, Црна Гора – 3,7 отсто, Бугарија – 3,6 отсто, БиХ – 3,2 отсто и Хрватска – 2,8 отсто. Во Македонија може да сонуваме за овие цифри. Ни трага ни глас од 5 или 7 отсто раст што ги ветуваше Зоран Заев пред изборите. Тоа го потврди и ММФ со последниот извештаај. Тоа очигледно е капацитетот на оваа власт. Секое ново задолжување само ја покажува неспособноста на оваа Влада и ја уништува иднината на генерациите што доаѓаат“, додаде Арсовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Скопје
Меџити: Дали Османи двапати бил во Будимпешта кај Груевски?

Првиот вицепремиер и кандидат за градоначалник на Општина Чаир, Изет Меџити, денеска јавно побара од неговиот противкандидат Бујар Османи да ја разјасни информацијата дека најмалку двапати бил во Будимпешта на директна посета со поранешниот премиер Никола Груевски. Информацијата е објавена во соопштението на партијата Вреди.
Меџити најави дека откако Османи ќе одговори на ова прашање, тој ќе открие детали за тоа кога и како се случиле посетите.
„Ќе поставам прашање, дали е вистина дека најмалку двапати бил во директна посета со Груевски, ќе почекам да видам како ќе одговори, па потоа ќе му кажеме кога било и како било“, изјави Меџити пред медиумите.
Ова прашање го става Османи под јавен притисок да ја објасни својата врска со поранешниот премиер, што може да има влијание на изборната кампања во Општина Чаир.
Скопје
(Фото) Гори на неколку места во Скопје, невремето предизвика пожари

По силното невреме проследено со интензивни ветрови, во повеќе делови од Скопје се предизвикани материјални штети и регистрирани пожари.
Надлежните служби внимателно ја следат состојбата, а Центарот за управување со кризи (ЦУК) е во постојана координација со сите релевантни теренски служби.
Директорот на ЦУК, Мухамед Алу, заедно со дежурните служби, ги координира активностите и ги информира институциите со цел навремено постапување. Според досегашните информации, нема повредени лица.
ЦУК апелира до граѓаните кои имаат претрпено материјални штети или забележале дополнителни ризици веднаш да се јават на бројот за итни повици 112.
Според информациите поради искрење на жиците за електрична енергија, гори кај селото Крушопек на планината Водно. Пожар е забележан и во близина на спорската сала „Борис Трајковски“, во скопското село Волково. Паднати кровови од згради има во Чаир, во Ѓорче Петров, на булеварот Партизански одреди во близина на бензинската пумпа на Окта, како и паднати дрвја, гранки од дрвја и контејнери.
Скопје
(Фото) Скопје на удар на невреме, силен ветер, паднати дрва, пожари во делови од градот

Скопје се соочува со нестабилни временски услови во текот на денешниот ден. Во моментов, во градот дува многу силен ветер, небото е облачно, а во некои делови, како Волково и Крушопек, се јавува пороен дожд.
Скопјани пријавуваат дека поради искрења на жиците за електрична енергија настанале пожари, а во некои населени места и прекини во електричната енергија. Засега нема официјални информации од ЦУК или ДЗС, но се очекуваат во текот на денот.
Скопјани на социјалните мрежи пријавуваат дека во повеќе населби има паднато големи дрва од силниот ветер. Едно во Капиштец го има дури комплетно стопирано сообраќајот во близина на поранешна Нова Македонија.
Утрово, Управата за хидрометеоролошки работи најави дека попладне и во текот на ноќта во Скопје ќе се развие нестабилност со пороен дожд и грмежи. На одредени делови од котлината можна е појава на невреме. Ќе дува умерен до засилен југоисточен ветер, а температурата ќе се движи од 12 степени во најстудените делови од денот до максимални 36 степени.
Граѓаните се советуваат да бидат внимателни, да избегнуваат движење во отворени простори за време на силни грмежи и да ги следат официјалните информации за евентуални последици од невремето.