Општина Центар доделува субвенции за млади лица за полагање возачки испит Б-категорија во автошколи регистрирани на подрачјето на општината.

Право на субвенција имаат жители на локалната самоуправа кои во текот на 2026 година навршуваат 18 и 19 години (родени во 2007 и 2008 година), како и лица кои во 2025 година навршиле 19 години (родени во 2006 година), а уплатата за полагање на возачки испит ја извршиле во 2025 година.

Висината на субвенцијата изнесува 10.000 денари со вклучен ПДД , а се користи исклучиво за полагање возачки испит Б-категорија.

„Со овие субвенции ги мотивираме младите навремено да го положат возачкиот испит и безбедно да се вклучат во сообраќајот. Ова воедно е олеснување за семејниот буџет бидејќи добивањето возачка дозвола е прескап процес, но во исто време неопходен за секој млад човек“, порача градоначалникот Горан Герасимовски.

Барањата со комплетна документација се доставуваат во архивата на Општина Центар – Скопје (барака бр. 6), секој работен ден од 09:00 до 15:00 часот, информира општината.

Вчера покажавме како изгледаат фабрикуваните лаги, токсичните наслови и погрдните текстови од кујните на ВМРО со илјада примери. Владата на Мицкоски и ВМРО нема решенија ниту одговори на проблемите со кои седејдневно се соочуваат граѓаните. Секојдневните скандали и катастрофалната економска состојба ги покрива со постојан дефокус и пренасочување на вниманието на граѓаните, кажа на прес-конференција Богданка Кузеска- портпаролка на СДСМ.

Како што истакна, зад грбот на народот течат криминални тендери а пред очите на граѓаните кујните на ВМРО им сервираат измислени афери, црни кампањи и јавен линч врз опозицијата.

Според неа, ова е хронологија на политиката на ВМРО за дефокус само во последните два месеци.

„Пред два месеци, СДСМ формираше Антикорупциски тим и започна со објавување нови бомби, нови докази за корупциски скандали со тендери на коалиијата ВМРО-ЗНАМ. 161 тендер за една фирма, 9 милиони евра за фирма со двајца врабоени основана пред една година, 51 тендер во општините, 1,2 милиони евра преку Пошта за фрима блиска до ЗНАМ. Големи скандали на тендер коалицијата.

Во тој период стиигна потврда на инфромацијата дека поради корупцски скандал со ИПАРД 3 програмата ЕУ ги блокирала средствата. Скандал тежок 130 милиони евра, со уапсен директор од ВМРО за проневера на еврпски пари.

Веднаш почна дефокусот на ВМРО и кујните со лажни обвинувања, замислете дека Заев, Филипче и Николовски дозволиле пченица од државните стокови резерви да биде незаконски продавана“.

Во првата половина на декември месец, додаде Кузеска, британските медиуми објавија информации дека постои договор за носење мигранти за пари во Македонија.

„После овие вести, штанцањето теми за дефокус отидоа до плафон, дефокусот стана единствена политика на ВМРО. Зграда во Дубаи од 42 ката, Сент Мориц, Венеција, што ли не змислија. Ќе објават лажна вест за зграда во Дубаи, а во позадина ќе протуркаат Декрет во Собранието за замолчување на опозицијата. Ќе објавуваат нова измислица за Венеција, а во позадина се протнува Закон за странци како вовед во носењето на мигранти, односно „економски работници“. Дури ја нападнаа и СДСМ, договорено и координирано, пред Конгрес.

Па се до последниот пример. Сите да се занимаваат со лажните вести на Алфа ТВ и црната кампања на ВМРО против претседателот Филипче, додека се увезуваат 10.000 „економски работници“.

Над 200 текстови дневно кои секојдневно се објвауваат.

Кучињата лаат – ранаванот си врви.

Нема одговори за ниту едно прашање од интерес на граѓаните“.

Како што наведе Кузеска нема одговор и зошто нема зголемување на платите, нема одговор за тоа што недостасуваат 2 милијарди евра во буџетот.

„Нема одговор ниту за криминалните тендери, ниту за Алта банка, за прославите на Стоилковиќ со ноќните волци на Путин. Нема одговор ниту за „економските работници“. Има само дефокус.
Секогаш кога ќе излезе текст од кујните на ВМРО се случува уште една пљачка зад грбот на народот. Планот е едноставен: изолација, избори, па мигранти за пари“.

Намалена видливост поради појава на магла до 80 метри има во Струмица, до 100 метри во Тетово, на планинскиот превој Плетвар до 50 метри и до 100 метри во Делчево.

Сите државни патишта се проодни и безбедни за сообраќај. Сообраќајот се одвива непречено, но поради врнежите од снег се препорачува внимателно возење, информираат од АМСМ.

Екипите на ЈП Македонија пат се целосно екипирани, ставена е на располагање потребната механизација и работна сила и во континуитет на терен се врши расчистување на снегот. Во соработка со ЈП за државни патишта и Министерство за транспорт се вршат координирани активности со цел да се обезбеди непречено и безбедно одвивање на сообраќајот.

Покрај внимателно и совесно управување со возилата, се препорачува задолжително употреба на зимска опрема, почитување на поставената сообраќајна сигнализација и прилагодена брзина согласно условите на патните правци.

Исто така се препорачува навремено информирање од страна на сите информативни центри за условите и сообраќајот на државните патишта.

Кооридинираните активности на надлежните институции продолжуваат и во текот на наредниот перидод, со цел да се обезбеди непречено и безбедно одвивање на сообраќајот.

Од 15.11.2025 година започна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2026 година.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.