Од септември на медицинските сестри и техничари ќе им биде платено високото образование, најавија по денешниот работен состанок, министерот за здравство, Венко Филипче, директорите на ФЗО Стево Крстевски и Фатон Ахмети, претседателот на самостојниот синдикат за здравство, фармација и социјална заштита, Љубиша Каранфиловски и претставници на Здружението на медицинските сестри, техничари и акушерки.

На медицинските сестри и техничари коишто завршиле високо школо или специјализација и се стекнале со образование од 180 односно 240 кредити, досега тоа образование не им беше платено. Во 2015 година е направен пресек со донесувањето на одлука да се платат само специјализации односно високите школи на тие што до тогаш завршиле и сите медицински сестри и техничари коишто инвестирале во своето образование од 2015 натаму тоа неможе да го валоризираат преку својата плата.

„Благодарение на одличната соработка со двајцата директори на ФЗО на РСМ коишто ги обезбедија средствата и од месец септември оваа година сите медицински сестри и техничари коишто завршиле високо медицинско школо или специјализација и се стекнале со такво образование од 180 односно 240 кредити ќе добијат соодветен надоместок за своето образование. Се направи анекс на колективниот договор согласно Законот за здравствена заштита и начинот на којшто се одредува висината на платата. Драго ми е што е ова еден начин на зголемување на примањата на една категорија на здравствени работници коишто навистина несебично се дадоа себеси во менаџирањето на ковид кризата“, изјави министерот Филипче за медиумите.

Според претседателот на Самостојниот Синдикат за здравство, фармација и социјална заштита, Љубиша Каранфиловски, кадровските ресурси се најважниот потенцијал во здравството и нивното добро менаџирање и препознавање е основа за успешен здравствен систем. Тој вели дека европските директиви во здравството се во насока на признавање на високото стручно образование на медицинските сестри и техничари и дека нивната препорака е да тој сооднос во здравствените системи се движи 50-50%, 50% на високо стручно образование со 50% средно образование, а со ваквиот пристап веќе влегуваме во процес на реализација и препознавање на овие препораки.

„Во нашиот здравствен систем тој сооднос е сеуште многу понизок со тоа што негде околу 23% се сестри со високо образовани и техничари со високо стручно образование па се надеваме дека со ваквиот пристап, со овој додаток на образование којшто значи дека вработените ќе ја земат разликата меѓу коефициентот од средно до високо стручно образование ќе значи нивно препознавање во здравствениот систем“, кажа д-р Каранфиловски.

Лабораторијата „НИКОБ ЛАБ“ од денеска (24.06.2021) отвора пунктови на Табановце, Богородица, Дојран, Кисела Вода и на аеродромите ТАВ Скопје и ТАВ Охрид, со цел да им излезе во пресрет на сите граѓани на кои во текот на годишните одмори ќе им бидат потребни ПЦР и брзи антигенски тестови за патување во странство.

Водени од идејата дека на граѓаните им е потребна поддршка повеќе од било кога, НИКОБ ЛАБ ја промовира единствената и најраспостранетата дијагностичка мрежа во Македонија за тестирање за присуство на Ковид-19 преку методата ПЦР и брзи антигенски тестови, а сега достапни на неколку стратешки локации и истовремено со најниски цени во нашата држава.

Во прилог е табелата на локациите на пунктовите и соодветните цени:

Табела за цените на пунктовите на ТАВ аеродромите и работното време:

* Цените се фиксни и на истите нема дополнителен попуст (вклучително за туристички агенции, синдикати и вработени во фирмите со коишто НИКОБ има соработка).

** Заради сигурност на патниците, поголемата флексибилност на времето на важноста на ПЦР тестот, како и намалување на времето на чекање при тестирањето, се препорачува ПЦР тестирање.

*** Задолжително е закажување за тестирање преку web порталот на НИКОБ ЛАБ

https://booking.nikoblab.his.mk/ или на телефонскиот број 02/274-1000.

Предности:

– Тестирањето може да се изврши пред патувањето (на самиот ден на патувањето) на еден од пунктовите во Табановце, Богородица или Дојран.

– На аеродромите во Скопје и Охрид;

– На централниот пункт на „НИКОБ ЛАБ“ на бул. Борис Трајковски бр.62 во Скопје.

– Резултатите ги добивате на Вашиот e-mail на англиски јазик со QR код и истите важат на граница воелектронска форма и нема потреба да се печатат, но доколку инсистирате можете да ги подигнете и во печатена верзија на било кој од пунктовите.

„НИКОБ ЛАБ“ е најбрзорастечката сертифицирана лабораторија во нашата држава која ја поседува највисоката технологија за детектирање на сите познати соеви на Ковид-19 во светот како и на делта сојот или т.н индиска мутација. За нив, квалитетот, најсовремената метода, достапната цена и задоволните граѓани секогаш ќе бидат императив.

(ПР)

Голем број граѓани реагираат дека одамна се пријавиле на веб-страницата vakcinacija.mk, но се уште не добиле термин за вакцинација во земјава.

Од Министерството за здравство велат дека сите тие, почнувајќи од понеделник, во рок од 20-на дена ќе бидат вакцинирани со онаа вакцина што е достапна.

Според Министерството за здравство, станува збор за околу 180.000 граѓани кои се пријавени за вакцинација, а се уште не добиле термин.

Околу 64.000 граѓани на возраст од 40-59 години се пријавени на веб-страницата за вакцинација, а сѐ уште немаат термин кога да се појават на еден од пунктовите. Над 40.000 граѓани на возраст од 60-99 години исто така чекаат вакцина.

„МојТермин не отвора термини за тип на вакцина, секој граѓани добива информација пред вакцинацијата со која вакцина ќе се вакцинира“, велат од Министерството за здравство.

Очекувањата се дека откако ќе заврши вакцинацијата на овие граѓани во следниот еден месец, вакцинирањето ќе се одвива без термини, односно секој граѓанин ќе може да оди до најблискиот пункт за вакцинација и да ја прими вакцината што е достапна.

Според податоците од министерството, досега во земјава се вакцинирани најмногу луѓе на возраст од 60-69 години (75.604 граѓани), а потоа следува старосната група од 25-49 години (66.953 граѓани), вакцинирани се 48.632 граѓани од 50-59 години и 2.852 лица над 18-24 години.

Во земјава во моментов се аплицираат вакцините на „Синовак“, „Фајзер“ и „АстраЗенека“ (која кај нас се аплицира кај лица над 60 години), а тече и ревакцинацијата со кинеската „Синофарм“.

В петок се очекува преку Ковакс-системот да стигнат околу 100.000 вакцини од прозиводителот „Фајзер“, а дополнително секој понеделник околу 11.000 илјади вакцини стигнуваат од овој прозиводител во нашата земја, обезбедени од директни преговори и преку програмата Тим Европа. Викендов се очекува и испораката на 500.000 вакцини од кинескиот производител „Синовак“ кои треба да пристигнат во два наврати.