Контакт

Македонија

(Видео) Димитров: Соседите мора да бидат свесни дека ќе имаме заеднички успех или заеднички дебакл

Објавено пред

Вицепремиерот задолжен за европски прашања, Никола Димитров на денешната прес-конференција по повод мандатното писмо за мисијата и задачите на Секретаријатот за европски прашања (СЕП), порача дека како вршител на функцијата ќе даде се’ од себе за Северна Македонија да стане просперитетна европска демократија во која ќе владее правото, со која сите ќе се гордееме.

„Ќе треба да разбиеме низа предрасуди, да ги внесеме современите европски вредности во нашето секојдневие и нив да ги практикуваме. Не само на зборови, туку и со дела, со видливи резултати за секој граѓанин да препознае дека се менуваме, со понуда за иднина за секој млад човек“, нагласи Димитров.

Објаснувајќи го процесот на пристапните преговори со Европската Унија, тој се осврна на неколку клучни столбови како новата Методологија, ИПА 3 и Економско-инвестицискиот план.

„Новата Методологија за преговори, новата генерација на претпристапна помош ИПА 3 и неодамна објавениот Економско-инвестициски план – 9 милијарди евра грантови за регионот, се шанса што мора да ја искористиме. Тие внесуваат поголема динамика и можност побрзо да се напредува ако навистина испорачуваме резултати“, посочи вицепремиерот.

Зборувајќи за преводот на европското право на македонски јазик како една од обврските за време на процесот, Димитров потенцираше дека македонскиот јазик е камен темелник на идентитетот на македонскиот народ.

„Во градењето европски идентитет, повеќејазичноста гарантира еднаквост на сите граѓани на Европската Унија. Во согласност со оваа политика за јазична еднаквост и македонскиот јазик ќе ужива статус на еднаков и официјален јазик на Унијата, тогаш кога Северна Македонија ќе стане полноправна членка“, истакна тој.

Во однос на одржувањето на Првата меѓувладина конференција со ЕУ за време на германското претседателство и предизвиците со соседна Бугарија, Димитров рече:

„Не е тајна дека заедно со германското претседателство работиме првата меѓувладина конференција да се случи во декември годинава. Исто така не е тајна дека имаме предизвик со нашите комшии, со соседна Бугарија. Но, јас сум убеден дека сите земји членки се свесни, а особено соседите, дека сме пред многу едноставен избор – или ќе имаме заеднички успех или ќе имаме заеднички дебакл, оти евентуалниот неуспех нема да е само македонски, туку ќе биде и пораз и за европската слика за Бугарија, ама пред се’ за самата Европа и нејзините основни вредности. Ние се подготвуваме за успешното, победничкото сценарио“, кажа вицепремиерот и објасни дека веднаш по првата меѓувладина конференција ќе се продолжи со скринингот и тоа со билатерален преглед по кластери и соодветни поглавја.

„Пристапниот процес за голема и за мала држава е ист, обврските се идентични, прашањето е само дали политички сме целосно спремни безрезервно да се вложиме. Ние сме подготвени и ги повикувам и очекувам од сите мои колеги во Владата и институциите, целата администрација и сите други општествени чинители, да се вложат во иднината на нашата држава. Да одиме напред, таму каде припаѓаме. Да си ја донесеме Европа дома“, порача вицепремиерот за европски прашања на денешната прес-конференција во контекст на мандатот и мисијата на СЕП.

Македонија

Формиран Претседателски центар за политичко образование

Објавено пред

Со одлука на претседателот Стево Пендаровски се формира Претседателски центар за политичко образование, кој ќе работи во насока на јакнење на демократските политички вредности, промоција и заштита на човековите права и слободи, политичкиот плурализам и солидарноста.

„Центарот за политичко образование е еден од клучните проекти во мојата програма за работа, кој ќе ги поврзе младите од различно потекло во рамкигте на повеќе едукативни настани со еминентни предавачи и обучувачи од земјата и странство. Целта е да го поттикнеме интересот кај младите за политиката и да се мотивираат да се вклучат подобро да ја разберат и да ја практикуваат политиката на најдобар можен начин. Преку Центарот ќе ја промовираме културата на дијалог во духот на демократските вредности и ќе придонесеме за сеопфатно вклучување на политичкото образование во формалното и неформалното образование“, истакна Пендаровски.

Со цел спроведување на активностите на Претседателскиот центар за политичко образование како повремено работно тело формиран е Програмски совет, составен од претседател, седум члена и секретар.

Како партнери во рамките на овој проект учествуваат фондациите и здруженијата Фондација „Фридрих Еберт“ – Скопје; Фондација за демократија на Вестминстер, подружница во Република Северна Македонија; Фондација „Конрад Аденауер“, подружница – Скопје, Национален демократски институт за меѓународни работи (НДИ), канцеларија во Северна Македонија, Меѓународен републикански институт (ИРИ), подружница – Скопје и Фондацијата „МК2025“.

Во работата и активностите на Претседателскиот центар за политичко образование може да учествуваат сите здруженија и фондации од земјата и странство, кои имаат основна цел да ја промовираат културата на дијалог во духот на демократските вредности.

Прикажи повеќе...

Македонија

Дванаесетмина починати и нови 641 заразен од Ковид-19

Објавено пред

Министерството за здравство информира дека во последните 24 часа се направени 2.688 тестирања, а регистрирани се 641 нов случај на Ковид-19, и тоа: во Скопје-325, Куманово-26, Дебар-1,Штип-25, Прилеп-38, Тетово-25, Струга-5, Велес-10, Битола-14, Охрид-10, Кавадарци-25, Гостивар-11, Гевгелија-20, Струмица-24, Крива Паланка-9, Радовиш-5,  Кочани-10, Пробиштип-3, Демир Хисар-2, Пехчево-2, Берово-3, Валандово-3, Виница-3, Делчево-2, Кратово-3, Свети Николе-3, Кичево-18, Ресен-8, Неготино-7 и еден во Крушево.

Институтот за јавно здравје денеска регистрира 233 оздравени пациенти, и тоа од: Скопје-89, Куманово-6, Дебар-2, Штип-11, Прилеп-13, Тетово-15, Струга-3, Велес-3, Битола-14, Кавадарци-4, Гостивар-1, Гевгелија-2, Струмица-18, Крива Паланка-4, Радовиш-8, Кочани-25, Пробиштип-3, Берово-2, Валандово-2, Виница-2, Делчево-1, Свети Николе-2, Кичево-2 и еден од Неготино.

Починати се 12 лица, тројца пациенти од Скопје (52, 73 и 85 години), еден од Куманово (59), двајца пациенти од Прилеп (78 и 75 години), двајца од Велес (61 и 62 години), двајца пациенти од Гостивар (43 и 76 години), еден од Струмица (66) и еден пациент од Свети Николе (69).

Вкупната бројка на ковид-дијагностицирани во нашата земја од почетокот на епидемијата изнесува 24.836, бројката на оздравени пациенти е 17.905, на починати е 862, а во моментот бројот на активни случаи изнесува 6.069. Од вчера се евидентира еден контролен тест, а според завршените епидемиолошки анализи во моментот статистиката по градови е следна:

• Скопје 10.493, активни 2.983
• Куманово 2.024, активни 252
• Дебар 310, активни 49
• Штип 1.486, активни 172
• Прилеп 973, активни 237
• Тетово 1.786, активни 314
• Струга 759, активни 78
• Велес 458, активни 113
• Битола 490, активни 152
• Охрид 543, активни 116
• Кавадарци 352, активни 102
• Гостивар 1.053, активни 111
• Гевгелија 287, активни 150 (16 лица од ПЕ Гевгелија се жители на Дојран, 44 на Богданци и 12 се странски државјани)
• Струмица 630, активни 369
• Крива Паланка 193, активни 67
• Радовиш 184, активни 72
• Крушево 21, активни 1
• Кочани 583, активни 181
• Пробиштип 144, активни 16
• Демир Хисар 71, активни 10
• Македонски Брод 98, активни 4
• Пехчево 57, активни 11
• Берово 175, активни 46
• Валандово 86, активни 46
• Виница 154, активни 51
• Делчево 215, активни 118 (43 лица од ПЕ Делчево се од Македонска Каменица)
• Кратово 34, активни 8
• Свети Николе 430, активни 59
• Кичево 442, активни 96
• Ресен 210, активни 46
• Неготино 95, активни 39 (15 лица од ПЕ Неготино се жители на Демир Капија)

Досега во земјата се направени вкупно 226.612 тестирања на Ковид-19.

На Инфективната клиника во изминатите 24 часа примени се 20 пациенти, а вкупно хоспитализирани се 108. На кислородна поддршка се 80 лица, а нема пациенти на механичка вентилација.

Во болницата во Козле хоспитализирани се 3 деца и 4 мајки позитивни на Ковид-19, како и едно дете и две мајки суспектни на вирусот.

Во болницата „8 Септември“ има 6 приеми, а вкупно хоспитализирани се 47 пациенти. На респиратор се 5 пациенти.

Во болницата во Битола хоспитализирани се 52, а во болницата во Штип – 50 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица, Струга, Кочани и во Кавадарци хоспитализирани се 214 позитивни и сомнителни на Ковид-19.

Статистиката на активни случаи по скопските општини денеска е следна:

• Чаир – 134
• Гази Баба – 353
• Аеродром – 592
• Карпош – 479
• Центар – 476
• Кисела Вода – 332
• Ѓорче Петров – 240
• Бутел – 122
• Шуто Оризари – 17
• Студеничани – 6
• Сарај – 23
• Арачиново – 9
• Илинден – 49
• Сопиште – 25
• Чучер Сандево – 11
• Петровец –20
• Зелениково – 9
• Странец – 14
• Нераспределен – 72

Прикажи повеќе...

Македонија

Царовска за реформите во основното образование: Да создадеме граѓани што ќе размислуваат логички и критички

Објавено пред

Од Министерството за образование информираат дека почнала со работа групата што ќе ги прави реформите на основното образование.

Министерката Мила Царовска денеска го одржала првиот состанок со претставниците на групата во која се вклучени вработени од Биро за развој на образованието, универзитетски професори, наставници од основно образование, УНИЦЕФ и Македонскиот центар за граѓанско образование.

„Планот е да создадеме образование достапно на сите, образование што ќе создава граѓани што ќе размислуваат логички и критички и ќе донесуваат заклучоци базирани на факти и анализи. Во фокусот на реформата ќе бидат учениците, како и наставниците, кои треба да бидат поддршка во учењето на децата“, истакнала Царовска.

Прикажи повеќе...

Најново

Македонија1 час

Дванаесетмина починати и нови 641 заразен од Ковид-19

Министерството за здравство информира дека во последните 24 часа се направени 2.688 тестирања, а регистрирани се 641 нов случај на...

Македонија3 часа

Инспекторите ќе можат да ги затвораат кафеаните со новите законски измени

Со новите построги мерки кои се во собраниска процедура инспекторите ќе можат веднаш да ги затвораат угостителските објекти до 30...

Свет4 часа

(Видео) Силен земјотрес го прекина интервјуто на премиерката на Исланд

Силен земјотрес со јачина од 5,6 степени според Рихтеровата скала, за кратко го прекина интервјуто со премиерката на Исланд, Кетрин...

Македонија4 часа

Филипче: Мерките мора да се донесат во најкраток можен рок

Министерот за здравство, Венко Филипче, вели дека обидот на ВМРО-ДПМНЕ за блокада на измените на Законот за заштита на населението...

Македонија5 часа

Владата ги осуди изјавите на Каракачанов: Тие се недолични и недостојни

Владата ги осуди изјавите на бугарскиот министер за одбрана, Красимир Каракачанов, дека би можел да испрати инженерски полк за демонтирање споменици во...

Македонија6 часа

Царовска: Екскурзии годинава нема да се организираат, учениците можат на прошетка до пет километри

Екскурзии оваа година нема да се организираат, испратени се упатства од Бирото за развој на образование, истакна министерката за образование...

Македонија6 часа

Шеќеринска: И ние и Бугарија сме членки на НАТО, ова не е начин на кој треба да комуницираме

Помина времето кога министри за одбрана од нашиот регион можеа да даваат такви изјави, а некој да ги смета за...

Регион7 часа

Нов рекорд во Хрватска – 1.424 нови случаи и 11 починати

Рекордни 1.424 нови случаи на коронавирус се пријавени во последните 24 часаво Хрватска, а 11 лица починале, објави Националниот штаб...

Свет8 часа

Австралија пријави случај на повторна инфекција со коронавирус

Австралиските власти пријавија редок случај на Ковид-19 во Мелбурн, Викторија, станува збор за лице кое било позитивно тестирано во јули....

Македонија8 часа

Македонија, Албанија и Црна Гора добиваат респираторни машини од НАТО

До крајот на овој или следниот месец, НАТО ќе достави респираторни машини во нашата земја со цел да помогне во...

Свет9 часа

Приведени уште седум лица за убиството на францускиот професор

Уште седум луѓе, вклучително и двајца малолетници, ноќеска биле предадени на судијата во рамки на истрагата за минатонеделното убиство на...

Македонија9 часа

Од денеска кафулињата и рестораните ќе работат до 23 часот

Од денеска угостителските објекти ќе работат со скратено работно време. Владата на вчерашната 13. седница ги разгледа и прифати препораките...

Свет10 часа

(Видео) Трамп напушти интервју зашто новинарката не носела маска

Американскиот претседател Доналд Трамп нагло го прекина интервјуто за емисијата „60 минути“ на „Си-би-ес њуз“ и не се врати на...

Свет10 часа

Коронавирусот ќе остане меѓу човечката популација како грип

Еден од најважните британски научници, Патрик Валанс, изјави дека коронавирусот веројатно ќе стане трајно заболување како грипот, доколку вакцината против...

Македонија10 часа

Администрацијата ќе работи од дома или со ротации

Владата ја прифати препораката на Комисијата за заразни болести целата државна и јавна администрација, општините и судовите, согласно принципот на...

Регион21 час

Рама: Мора да избегнеме затворање на земјата поради Ковид-19 по секоја цена

Во Албанија има 301 случај на новозаболени од коронавирус, а четворица пациенти починаа, соопштија здравствените власти на таа земја. Во...

Свет22 часа

Папата Франциско првпат носеше маска на молитва за мир во светот

Папата Франциско првпат носеше маска за време на вршењето на својата јавна функција кога денес присуствуваше на молитва за мир...

Македонија23 часа

Заев го прифати барањето за разрешување на Димова

Премиерот Зоран Заев ја информира Владата дека го прифатил барањето на заменик-претседателот на Владата задолжен за борба против корупцијата и...

Македонија24 часа

Угостителските објекти ќе работат до 23 часот

Владата, на денешната 13. седница, ги разгледа и прифати препораките на Комисијата за заразни болести да се ограничи работно време...

Македонија1 ден

408 нови случаи на Ковид-19 во земјата, починаа 4 лица

Министерството за здравство информира дека во последните 24 часа се направени 2140 тестирања, а регистрирани се 408 нови случаи на...

Досие