Контакт

Македонија

(Видео) Заев во посета на реновираниот дел од Клиниката за гастроентерохепатологија

Објавено пред

Претседателот на Владата, Зоран Заев, денеска, заедно со министерот за здравство, Венко Филипче, во придружба на директорката на Клиниката за гастроентерохепатологија, Калина Гривчева-Старделова, го посетија реновираниот дел на Клиниката во Клиничкиот центар „Мајка Тереза“ во Скопје.

При обиколката на третиот кат од Клиниката, со чие реновирање се подобрени условите за обезбедување современ и модерен пристап до здравствената заштита на пациентите и се обезбедени подобри услови за работа на медицинскиот персонал, премиерот Заев им се заблагодари на донаторите, кои, покрај Фондот за здравство, учествуваа во комплетирањето на обновата на оваа Клиника.

„Следуваат уште реновирања на 30-34 здравствени установи во државата во редовната годишна програма. Драго ми е што постојано ги унапредуваме и опремите. На последната седница определивме 10 милиони денари за Клиниката за онкологија за да се набават дополнителни опреми, ги осовременуваме системите за нега и грижа на нашите граѓани затоа што навистина сите сме потенцијални пациенти кога има потреба од здравствениот систем“, истакна премиерот Заев поздравувајќи ги присутните медицински работници, меѓу кои беа и директорите на Фондот, Ден Дончев и Орхан Рамадани.

Потенцирајќи дека нема поважна работа од здравството и дека здравјето на граѓаните е од најголема важност, премиерот Заев информира дека Владата ќе продолжи со зголемување на буџетските средства на Фондот за здравство и на Министерството за здравство, како и со зголемување на платите на специјалистите, медицинските сестри и другите здравствени работници како дополнителна мотивација на здравствените работници покрај досегашните зголемувања на специјалистите од 15 проценти и 10 проценти на медицинските сестри.

„Платите, т.е. вкупните примања на специјалистите се во висина од 100.000 денари. Ако правиме споредба пред две години, тие тогаш беа 40-ина илјади денари“, рече премиерот Заев додавајќи дека сите мерки се со една конечна цел – пациентите да имаат подобри услови за лекување, но и да се задржат лекарите, медицинските сестри и болничкиот персонал дома, да живеат во својата земја и тука да ја градат својата иднина.

Министерот за здравство, Венко Филипче, се осврна на Програмата за зајакнување на здравствениот систем информирајќи дека одделот на кој денеска се врши обиколка е еден од дванаесетината оддели што се целосно реновирани и каде што се обезбедени одлични услови за лекување на пациентите и за работа на персоналот.

„Продолжуваме и со другите мерки, конкретно на Клиниката за гастроентерохепатологија, во периодот што следува, за 20-ина пациенти што имаат сериозни заболувања, ќе биде обезбедена биолошка терапија во рамките на групната набавка што ја спроведе Министерството за здравство, благодарение на која во нашата земја се донесоа над 30 молекули, кои досега не им беа на располагање на нашите пациенти. Добар дел од нив за оваа терапија се упатуваше во странство“, најави министерот Филипче.

Тој информира и за продолжување на зајакнувањето на персоналните капацитети, каде што веќе се издадени повеќе од 5.000 согласности за вработување во период од две години, од кои добар дел од нив веќе е реализиран.

„Кога ми беше дадена можноста да бидам директор на Универзитетската клиника за гастроентерохепатологија, мојата желба беше да ги подобрам условите како за пациентите што доаѓаат секој ден така и за колегите. Да ни биде драго што одиме на работа. Ја многу сум им благодарна, заедно со моите колеги, на Фондот за здравствено осигурување на Република Северна Македонија, на Министерството за здравство и на Владата кои со своите програми ни овозможија, со доделување одреден буџет, овој оддел да го реновираме од корен“, истакна директорката Клиниката за гастроентерохепатологија, Калина Гривчева-Старделова, додавајќи дека сега пациентите ќе ја добијат вистинска соодветна нега.

Македонија

Бројот на новозаразени во Македонија зголемен за над 30 проценти во однос на минатата недела

Објавено пред

Согласно извештајот на Институтот за јавно здравје кој се однесува на периодот од 14 до 20 септември, регистрирани се вкупно 951 позитивни случаи од 29 градови во државата што претставува зголемување од 34,9 отсто во однос на минатата недела.

Најголем дел од регистрираните случаи се од Скопје (n=261; 27,4%), а највисока неделна инциденца е регистрирана во Кочани – 154,3 на 100.000 жители. Во истиот период, во 16 града, бројот на ново-дијагностицирани е под 20.

Процентот на позитивни случаи од тестираните изнесува 9.8 отсто или 1.4 процент повеќе во однос на претходната недела.

Тестирани се вкупно 9.661 материјали во лабораториите во кои се спроведува молекуларно тестирање за присуство на SARS-CoV-2, зголемување од 15.7 проценти во однос на минатата недела.

Регистрирани се заболени лица во сите возрасни групи. Најзастапена е возрасната група на лица на возраст над 60 години (n=213, 22,4%). Голем број на заболени се регистрира и кај лицата во возрасните групи од 50-59 (n=176; 18,5%), 30-39 (n=173; 18,2%), 40-49 (n=149; 15,7%) и 20-29 (n=147; 15,5%). Најмал број е регистриран кај децата од 0-9 (n=37; 3,9%) и 10-19 години (n=56; 5,9%).

Од случаите кои се епидемиолошки истражени (n=907; 95,4%), регистрирани се 80 (8,4%) хоспитализирани (намалување од 37,0% во споредба со минатата недела), а кај 268 (28,2%) лица е регистрирано присуство на коморбидитети.

Од вкупниот број на нови случаи во периодот 14-20 септември, 313 (32,9%) имаат контакт со потврден случај. Регистрирани се 33 лица со историја на патување во последни 14 дена.

По добиени 2 негативни теста за присуство на SARS-CoV-2 или со употреба на новиот алгоритам, како оздравени се водат 636 лица кои биле хоспитализирани или на домашно лекување.

Пријавени се 48 смртни случаи, 21 повеќе од минатата недела. Во однос на возраста, 32 лица биле над 60 години, 8 на возраст од 50-59, 4 од 40-49 години, 3 од 20-29 и еден случај од 30-39 години. Од починатите 42 лица биле хоспитализирани. Коморбидитети се регистрирани кај 35 од починатите лица.

Деталниот извештај на Институтот за јавно здравје за Состојбата со Сovid-19 во Република Северна Македонија 14 -20.09.2020г., како и Кумулативна состојба со Сovid-19 во Република Северна Македонија се достапни на веб страницата на Институтот за јавно здравје http://iph.mk/

Прикажи повеќе...

Македонија

Американската амбасадорка: Сега сме НАТО-сојузници, соработката ќе се унапреди

Објавено пред

Министерката за труд и социјална политика, Јагода Шахпаска, се сретна со амбасадорката на САД, Кејт Мари Брнз, и повторно беше реафирмирана потребата за натамошна блиска соработка во развојот и унапредувањето на македонското општество, особено во делот на инклузивноста и еднаквоста.

Амбасадорката Брнз истакна дека сега Северна Македонија и САД се НАТО-сојузници и дека има услови нашата меѓусебна соработка да биде унапредена.

На состанокот беше нагласено дека во делот на меѓусебната соработка во наредниот период ќе се посвети посебно внимание на борбата против корупцијата, на политиките за младите кои ќе значат задржување на младите во земјава и отворање нови перспективи за нив, како и во делот на економскиот раст.

Шахпаска изрази благодарност до САД за поддршката што оваа земја ни ја дава од осамостојувањето до денес, особено во делот на евро-атланскиот процес и нашето зачленување во НАТО како 30. земја членка.

Таа нагласи дека како министерка за труд и социјална политика има низа приоритети на кои ќе се фокусира во наредниот период.

„Интензивно ќе работиме со ранливите категори граѓани, со сиромашните и со маргинализираните групи, со младите. Веднаш по преземањето на функцијата, во првата недела го предложивме Законот за спречување и заштита од дискриминација, кој сметам дека е исклучително важно многу брзо да биде усвоен. Работиме на законско решение за спречување насилство врз жените, родовата еднаквост ни е високо на агендата, силно сме посветени на социјалната реформа, особено во делот на децентрализацијата на социјалните услуги и деинституционализацијата. Ќе обезбедиме и суштински дијалог за измена на регулативата за работните односи кое ќе биде современо законско решение донесено врз основа на широка дебата“, рече министерката Шахпаска.

Амбасадорката Брнз изрази задоволство што за толку кусо време Предлог-законот за спречување и заштита од дискриминација е пуштен во процедура и изрази надеж дека македонското Собрание ќе го изгласа што е можно поскоро.

Двете соговорнички се согласија дека за наредниот период гледаат исти предизвици и исти полиња на кои би можеле двете земји да соработуваат, особено во делот на поддршката што ѝ е неопходна на Северна Македонија, со единствена цел да обезбеди одржлив развој и напредок.

Прикажи повеќе...

Македонија

Засилени сообраќајни контроли во Штип: 50 казни за еден час

Објавено пред

Министерството за внатрешни работи покрај на територијата на главниот град Скопје, почна со спроведување засилени акциски контроли за санкционирање на непочитувањето на сообраќајните правила и прописи и во другите градови, меѓу кои и Штип, соопшти портпаролот на МВР, Тони Ангеловски, на денешната прес-конференција во Штип.

„Се санкционираат сите сообраќајни прекршоци, а особено оние коишто се најчеста причина за сообраќајни незгоди со тешки последици, како што се управувањето на возило под дејство на алкохол, возење со брзина над дозволената, недавањето првенство на минување на возила и пешаци и сл.,а се санкционираат и возачите на мотори кои не ги почитуваат правилата“, рече Ангеловски.

Портпаролот на МВР апелираше до граѓаните на Штип да ги почитуваат сообраќајните правила и прописи за да се зголеми безбедноста во сообраќајот.

„Само за еден час во денешната акциска контрола во Штип изречени се педесетина санкции, пред сè за пречекорена брзина, нерегистрирани возила, возење без возачка дозвола… “, соопшти Ангеловски, кој потенцира дека акциските контроли продолжуваат и во наредните денови, а целосните податоци од денешната засилена акциска контрола ќе бидат презентирани утре.

Прикажи повеќе...

Најново

Македонија1 минута

Бројот на новозаразени во Македонија зголемен за над 30 проценти во однос на минатата недела

Согласно извештајот на Институтот за јавно здравје кој се однесува на периодот од 14 до 20 септември, регистрирани се вкупно...

Македонија42 минути

Родителите кои беа ослободени со мерките и хронично болните се враќаат на работа

Од денеска, со одлука на Владата, дел од групите кои целосно беа ослободени од работа поради состојбата со коронавирусот, се...

Македонија50 минути

(Видео) Заев – Гир: За неколку месеци очекуваме успешна завршница на подготовките на преговарачката рамка

Претседателот на Владата, Зоран Заев, денеска го прими новоименуваниот амбасадор на ЕУ во нашата земја, неговата екселенција Дејвид Гир. Тој...

Европа2 часа

Лукашенко ненајавено положи заклетва за претседател

Александар Лукашенко денеска ненадејно и без најава положи заклетва за новиот претседателски мандат, пренесува државната новинска агенција „Белта“. Церемонијата за...

Европа2 часа

Жестоки реакции против новите мерки во Британија, можно е да се вмеша и војската

Новите рестриктивни мерки што ги објави премиерот на Велика Британија, Борис Џонсон, против ширењето на коронавирусот, наидоа на жестоки реакции...

Свет3 часа

Jапонска компанија тврди дека има лек кој го скратува времето на закрепнување од Ковид-19

Jапонската компанија „Фуџифилм“ објави дека нејзиниот лек „Авиган“, веќе одобрен за потешките групи, обезбедил статистички значајно намалување на времето за...

Македонија3 часа

Анализа: Најголемо зголемување на вработените во полицијата, а најголемо намалување во одбраната

Центарот за граѓански комуникации (ЦГК) ги објави истражувањето и базата на податоци на вработувањата во министерствата и општините во последните...

Македонија4 часа

Заев со писмо до Вартоломеј побара писмена одлука за автокефална Македонска православна црква

Премиерот Зоран Заев испратил писмо до патријархот Вартоломеј, поглавар на Цариградската патријаршија, во кое се навраќа на средбата во Истанбул...

Македонија17 часа

Во 169 основни и 4 средни училишта ќе се следи настава со физичко присуство

Во 169 основни и четири средни училишта ќе се одвива настава со физичко присуство. Ваквата одлука доаѓа откако попладнево Владата...

Македонија18 часа

Јанакиески ќе бара да биде додаден во листата на оштетени во предметот „Таргет-Тврдина“

Миле Јанакиески ќе достави барање до Кривичниот суд за да биде додаден во листата на оштетени во предметот „Таргет-Тврдина“ за...

Македонија18 часа

„Водовод“ не најде бактерии во градската мрежа во Скопје по паниката што се прошири на социјалните мрежи

Водата од градскиот водовод во скопски Бутел нема бактерии и исправна е за пиење, а веста што се прошири на...

Свет19 часа

Одложен самитот на ЕУ – претседателот на Европскиот совет ставен во карантин

Состанокот на ЕУ, кој требаше да се одржи на 24 и 25 септември, е одложен за 1 и 2 октомври,...

Македонија23 часа

Пет лица починаа од коронавирус, потврдени се 88 нови случаи во Македонија

Министерството за здравство информира дека во последните 24 часа се направени 1.618 тестирања, а регистрирани се 88 нови случаи на...

Македонија23 часа

(Видео) Филипче: Состојбата со вирусот повторно се влошува, ако е потребно ќе има рестрикции

Министерот за здравство, Венко Филипче, на денешната прес-конференција најави дека за есенва се размислува за воведување на повеќе мерки како...

Македонија1 ден

Мицкоски ги повика граѓаните утре да излезат на протест против неправдата и мафијата

Лидерот на ВМРО-ДПМНЕ, Христијан Мицкоски, повика на нов протест што ќе се одржи утре во 18.30 часот. Како што порача...

Економија1 ден

(Видео) Бектеши: Субвенциите за етнички вработувања се дел од изгласаната владина програма

Вработувањата кои ќе поттикнат добри меѓуетнички односи се вметнати во Владината програма која е изгласана од Собранието, изјави министерот за...

Свет1 ден

Русија очекува до 15 октомври да регистрира втора вакцина против коронавирус

Русија очекува до 15 октомври да регистрира уште една, втора по ред, потенцијална вакцина против коронавирус, јави агенцијата ТАСС повикувајќи...

Европа1 ден

Шведска нема да ги вакцинира децата против коронавирусот

Шведската влада нема да препорача вакцина против коронавирусот за деца на возраст под 18 години. Според шведските експерти, децата го...

Спорт1 ден

Италијански судија убиен во својот дом

Италијанскиот фудбалски судија Даниеле Де Сантис (33) и неговата девојка Елеонора Манта (30) биле убиени во домот на судијата во...

Македонија1 ден

Училишниот час ќе трае пократко од 40 минути, постои можност и учебната година да заврши порано

Собранието вчера вечерта ги изгласа измените на Законите за основно и средно образование со кои се обезбедува непречено организирање на...

Досие