Денес се одржа третата седница на Советот за реформа на јавната администрација како највисоко координативно тело задолжено за управување со реформските процеси во јавната администрација, со која претседаваше премиерот Христијан Мицкоски.

На седницата членовите на Советот го разгледаа и усвоија ажурираниот акциски план 2023 – 2026 година од стратегијата за реформа на јавната администрација 2023 – 2030, кој е усогласен со приоритетите од програмата за работа на Владата 2024 – 2028, како и со документите од процесот на европската интеграција – Патоказот за РЈА и Реформската агенда.

Планот е во корелација и со измените во Законoт за организација и работа на органите на државната управа, со што се идентификувани водечките институции надлежни за реализација, како и другите органи вклучени во спроведувањето на активностите, дополнително интегрирани се и препораките од извештајот од оценската мисија на SIGMA за 2024 година, информираат надлежните.

Во рамките на дискусијата беше истакната важноста од планираното и навремено спроведување на реформските активности со цел унапредување на ефикасноста, професионалноста и на транспарентноста во работењето на јавната администрација.

Министерот за јавна администрација Горан Минчев во своето излагање ја нагласи значајната улога на Советот и континуитетот во неговата работа.

„Одржувањето вакви седници на Советот за реформа на јавната администрација е од исклучително значење бидејќи нивната редовност, транспарентност и конструктивност беа поздравени и нотирани во извештајот за напредокот на Европската комисија како позитивна практика во управувањето со реформските процеси“.

Тој додаде дека Министерството за јавна администрација ќе продолжи активно да го координира спроведувањето на реформските мерки и да обезбедува поддршка на институциите со крајна цел создавање модерна, услужна и професионална администрација во служба на граѓаните.

Владата е цврсто определена да ја имплементира стратегијата за паметна специјализација на Македонија, која ќе овозможи да изградиме општество базирано на знаења и иновации, а Заедничкиот истражувачки центар на Европската комисија останува наш најважен партнер во исполнувањето на целта. Благодарни сме за досегашната поддршка и ги прифаќаме сите сугестии за унапредување на идните политики поврзани со развој на науката и иновациите.

Ова го истакна министерката за образование и наука Весна Јаневска на конференција за процесот на паметна специјализација на земјите од Западен Балкан, што денес се одржува во Брисел, во организација на Заедничкиот истражувачки центар на Европската комисија, а каде што таа ги презентира досегашните резултати од спроведувањето на акцискиот план 2024 – 2025 на стратегијата за паметна специјализација на државата.

„Акцискиот план за периодот 2024 – 2025 опфаќа 35 мерки и 63 активности со буџет од 6,1 милиони евра. Министерството за образование и наука е вклучено во 31 активност, а според анализата, досега се реализирани над 80 % од предвидените обврски“, рече Јаневска додавајќи дека новиот акциски план за периодот 2026 – 2027 е во подготовка и во него ќе бидат интегрирани препораките на Заедничкиот истражувачки центар на ЕК за зајакнувањето на финансиската одржливост, ангажманот на приватниот сектор и подобрување на механизмите за мониторинг и евалуација на стратегијата за паметна специјализација.

Министерката рече дека оваа година Владата речиси двојно го зголеми буџетот за наука и истражувања во споредба со 2024 година, финансира имплементација на проекти на јавните научни и високообразовни установи, на МАНУ и бизнис-заедницата, кои се во тесна релација со целите од стратегијата за паметна специјализација, како и дека е усвоен нов закон за иновациска дејност, научно-технолошки развој и претприемаштво, врз основа на кој е основана и нова Национална агенција за иновации и претприемаштво – ИНОВА. Во процес на изработка се и нови закони за високо образование и за научноистражувачка дејност.

„Би сакала да ја споделам нашата неодамнешна национална иницијатива за воспоставување научно-технолошки парк, што претставува клучен стратешки приоритет за Владата. Целосно сме посветени на неговата успешна реализација и во моментот ја подготвуваме потребната документација во тесна соработка со сите релевантни засегнати страни. Планирано е имплементацијата на проектот да почне во 2026 година означувајќи значајна пресвртница во унапредувањето на технолошкиот развој и иновациите во нашата земја“, рече Јаневска.

Министерката посочи дека државата има одлична соработка со Заедничкиот истражувачки центар на ЕК, со кој минатата година МОН потпиша меморандум за соработка, а лабораториите на Центарот станаа достапни за македонските научници и истражувачи. Рече дека в година ќе биде објавен и повик за финансиска поддршка на научниците за да се стимулира поголема искористеност на лабораториите.

На конференцијата, покрај министерката Јаневска, учествуваа и еврокомесарката за проширување, Марта Кос, генералниот директор на JRC, Бернард Магенхан, како и министри и претставници од земјите од Западен Балкан.

На Универзитетската клиника за пластична и реконструктивна хирургија е извршена целосна реконструкција на сместувачките капацитети, каде што изминатиот период се лекуваа некои од повредените лица од пожарот во Кочани и по тој повод министерот за здравство Азир Алиу денеска ја посети оваа клиника.

„Целосно се реконструирани сместувачките капацитети на Универзитетската клиника за пластична и реконструктивна хирургија. Реновиран е посебен апартман на клиниката, како и собата за преврски, со што пациентите добиваат унапредени услови за престој и третман, а значително е подобрена и функционалноста на просторот, што директно влијае на квалитетот на грижата за пациентите. Со донацијата од големата ложа на Македонија, во вредност од 25 илјади евра, обезбедена е и нова медицинска опрема, која опфаќа антидекубитални душеци, медицински лопатки, постаменти за инфузија и други апарати“, истакна министерот Алиу при посетата.