Македонија
(Видео) За неполни две години, антикорупциската комисија постапила по вкупно 713 предмети

Со презентација на клучните активности, резултати и идни предизвици во борбата против корупцијата и судирот на интереси, Државната комисија за спречување на корупцијата го одбележа 9 Декември – Меѓународниот ден за борба против корупцијата.
На настанот, кој поради препораките за заштита од Ковид-19, се одржа во хибридна форма, меѓу другото, беше споделено дека за неполни две години од работата на актуелниот состав на Државната комисија за спречување на корупцијата, донесени се одлуки по вкупно 713 предмети.
Од нив, 374 одлуки од областа на корупцијата, 156 од областа судир на интереси, 70 одлуки се однесуваат на непочитување законски одредби за време на изборниот процес, а 113 одлуки се однесуваат на проверката на имотот на функционерите.
Во овој период Комисијата поднела и над 340 постапки по сопствена иницијатива, а истовремено примила и разгледала и речиси 1.700 пријави од граѓани, организации и институции со сомневање за постоење корупција, злоупотреба и судир на интереси.
Дополнително, извршена е и антикорупциска проверка на 16 закони, а благодарение на соработката со државните институции и граѓанските организации, донесена е и новата петгодишна стратегија за спречување на корупцијата и судирот на интереси, со план на активности до крајот на 2024 година.
„За Државната комисија за спречување на корупцијата, охрабрувачки се резултатите од истражувањата, кои покажуваат дека се зголемува позитивната перцепција на граѓаните, особено на укажувачите, и нивната подготвеност да пријават незаконско дејствување и корупција. Се разбира, ние мора да го искористиме ваквиот тренд и дополнително да ги охрабриме граѓаните да ги пријавуваат сите незаконски и коруптивни активности нудејќи им ефикасна заштита“, истакна претседателката на Државната комисија за спречување на корупцијата, Билјана Ивановска.
За потребата од зголемување на ефикасноста на системот за антикорупција и потребата од натамошна координација и соработка помеѓу државните институции и граѓанскиот сектор, укажа и шефот на Делегацијата на ЕУ, Дејвид Гир.
„Со зголемени овластувања и проширен мандат, Државната комисија за спречување на корупцијата има централна улога во напорите за борба против корупцијата. За да го направи тоа ефикасно, потребно е да биде поддржана со соодветни буџетски и финансиски ресурси и по нејзините препораки соодветно да се постапува. Во моментот ЕУ обезбедува поддршка на Државната комисија за спречување на корупцијата со цел да се зајакнат интегритетот, транспарентноста и отчетноста на јавните институции. Но, напорите за борба против корупцијата не може да бидат задача само на јавните институции. Меѓународниот ден за борба против корупцијата нè потсетува дека тоа е одговорност за целото општество што бара акција и одлучност од сите нас“, рече Гир.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Заев пред амбасадорите на земјите членки на ЕУ: Во дијалогот со Бугарија имаме црвени линии за кои не се преговара

Во просториите на Владата вчера се одржа редовниот годишен состанок на шефовите на дипломатските мисии на државите-членки на ЕУ во земјава, на која премиерот Зоран Заев ги информира амбасадорите за актуелните и најважни активности во процесот за интеграција на земјата во ЕУ.
Како што информираат од владината прес-служба, пред амбасадорите, предводени од шефот на делегацијата на ЕУ, Дејвид Гир, Заев детално го образложил континуитетот на реформските процеси, додавајќи дека членството на Северна Македонија во ЕУ нема алтернатива и дека е важно да се продолжи дијалогот со Бугарија, во духот на меѓусебно почитување.
„Истовремено остануваме цврсто определени за одредени прашања, кои се наши црвени линии, како што е македонскиот идентитет и македонскиот јазик, за нив не преговараме“, нагласил Заев.
За време на дебатата, премиерот ја поздравил изразената поддршка за проширувањето од страна на амбасадорката на Португалија, Вирџинија Пина, додавајќи дека е многу важен ставот на португалското претседателство дека почетокот на преговорите со Северна Македонија е меѓу приоритетите.
Премиерот воедно изразил благодарност за поддршката на Брисел за вклучување на земјите од Западен Балкан во набавката на вакцини против Ковид-19 и изразил очекување дека ќе има забрзување на оваа постапка.
Македонија
Сончево време со максимални температури до 9 степени

Времето денеска ќе биде сончево со мала до умерена облачност, информираат од Управата за хидрометеоролошки работи.
Додаваат дека ќе дува слаб до умерен ветер претежно од југозападен правец, а максималната температура ќе достигне од -1 до 9 Целзиусови степени.
Во Скопје сончево со мала до умерена облачност и со слаб југозападен ветер. Максималната температура ќе достигне до 4 степени.
Во текот на изминатата ноќ беше ведро, а најниски минимални температури се измерени во: -14 – Берово, -13 – Битола, -10 – Скопје-Петровец и Прилеп, -9 во Крива Паланка, Демир Капија и во Куманово, -8 во Тетово, Претор, Штип и во Струмица, -7 во Скопје-Зајчев Рид и во Гевгелија, -6 во Охрид, -5 во Крушево и во Дебар.
Висината на снежната покривка до 7 часот утрово изнесувала 32 сантиметра на Попова Шапка, 14 во Битола, 7 во Маврови Анови и во Крушево, 3 во Дебар, Охрид и во Претор и 1 сантиметар во Крива Паланка.
Македонија
Во делови од Македонија почувствуван земјотрес со епицентар во Албанија

Земјотрес со локална Рихтерова магнитуда од 4,0 степени во соседна Албанија бил почувствуван во делови од државата синоќа околу 3.29 часот по полноќ, информираат од Сеизмолошката опсерваторија при Природно-математичкиот факултет.
Од таму посочуваат дека земјотресот, чиј епицентар се наоѓал во соседната земја, 145 километри југозападно од Скопје, бил особено почувствуван во југозападните делови на Македонија со интензитет од III до IV степени според Европската макросеизмичка скала.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Црна хроника2 месеци
Млада девојка од Штип пронајдена мртва во нејзиниот дом
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија1 месец
(Видео) Отстранети два нелегално изградени објекта во општина Центар
- Македонија4 недели
Возачот на „бентлито“ што „влета“ на плоштад казнет со 45 евра, објавена фотографија од записникот
- Спорт3 месеци
Гетџи: По мечот со Хабиб, мојата мајка конечно ќе може да се пензионира