Македонија
(Видео) Ковачевски во Брисел: Европската Комисија препознава солидно усогласување на нашето законодавство со европското

Претседателот на Владата на Република Северна Македонија, Димитар Ковачевски денеска за време на работната посета на Брисел во рамки на која го отвори претпоследниот билатерален скрининг за поглавјето 30 посветено на надворешните односи даде изјава.
„Денес ми е задоволство што сум во работна посета во Брисел, во рамки на која го отворив претпоследниот билатерален скрининг за поглавјето 30 посветено на надворешните односи. Процесот на скрининг се одвива успешно и според утврдената динамика. Од првата меѓувладина конференција на 19 јули 2022 кога официјално ги започнавме преговорите со Европската Унија, се одржуваат објаснувачки и билатерални состаноци, за сите 33 поглавја поделени во 6 кластери“, рече Ковачевски.
„Во овој период од 15 месеци, имавме скоро 100 работни денови во Брисел, учествуваа приближно 1.000 учесници од сите институции, беа одржани 850 презентации, а во процесот учествуваа 206 различни институции.
Скринингот завршува утре на 7 декември и навистина сум задоволен што вицепремиерот Маричиќ и неговиот тим во СЕП успешно и во рок го поминаа целиот процес, а задоволството го дели и Европската Комисија и тоа го потврдија во нивниот извештај.
Констатацијата на ЕК е дека имаме солидно ниво на усогласеност. Понатаму следат патоказите, кои се наша обврска која произлегува од Преговарачката рамка, кои пак се услов за отворање на првиот кластер.
За државата воедно од огромна важност е Планот за раст, кој го презентираше претседателката Фон дер Лајен, а кој го баравме ние, земјите од Западен Балкан. ЕК го подготви и достави Планот и тоа е навистина охрабрувачки.
Планот за раст е токму она што го очекувавме – елабориран, оперативен и фокусиран на неколку приоритети што го прави остварлив, а не само уште еден план со недостижни цели.
Овој План, ќе даде нов, силен поттик на процесот на евроинтеграции. Со неговата реализација која зависи и од ЕУ но пред се од нас, земјите од Западен Балкан двојно ќе го зголемат обемот на економијата на регионот и во земјата преку зголемена економска соработка.
Планирани се 2 милијарди евра во грантови за земјите од Западен Балкан кои имаат можност да користат најмалку 4 милијарди евра во заеми за стратешки проекти кои што ќе го подобрат животот на граѓаните и работењето на компаниите а секако и инфраструктурата за поврзувањето на земјите од Западен Балкан.
За да може да се операционализира сето ова воспоставена е структура за спроведување на планот за раст и на политичко и експертско ниво.
Формирани се експертските и политичките работни групи, а првите чекори веќе и се преземени – на 17. ноември, во организација на Министерството за финансии, во Скопје се одржа министерска конференција со министри за финансии главни преговарачи од земјите од регионот, како и високи претставници од ЕК на која се утврдија детали за понатамошното функционирање на процесот и конкретни рокови кои треба да обезбедат што поскоро пристап до средствата“, изјави премиерот Ковачевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Скопје
Герасимовски: По повеќе од 30 години реконструирани улиците „Андон Дуков“ и „Донбас“ во Дебар Маало

По повеќе од три децении, за првпат се изврши комплетна реконструкција на улиците „Андон Дуков“ и „Донбас“ во Дебар Маало, кои претходно беа во многу лоша состојба, со оштетен асфалт и без атмосферска канализација. Вкупната должина на реконструираните улици изнесува 131 метар, „Андон Дуков“ е со должина од 61 метар, а „Донбас“ е долга 70 метри. На „Андон Дуков“ е поставен нов асфалт со површина од 227 квадратни метри, додека на „Донбас“ се асфалтирани 286 квадратни метри, извести општина Центар.
Реконструкцијата вклучува изградба на нова атмосферска канализација со цевки со дијаметар Ф300 mm во должина од 92 метри, што ќе овозможи ефикасно одводнување на дождовната вода. Покрај асфалтирањето на коловозите, поставени се нови бетонски рабници и тротоари со павер елемент.
Градоначалникот Горан Герасимовски истакна дека реконструкцијата на овие улици значително го подобрува квалитетот на живот во овој дел од Центар и ги решава долгогодишните проблеми на граѓаните.
„Сега улиците се безбедни и функционални и со современа инфраструктура, со што се решава повеќедецениски проблем во населбата. Продолжуваме посветено да вложуваме во подобрување на нашата урбана средина“, изјави Герасимовски.
Улиците се од особена важност за поврзување со улицата „Орце Николов“ и минуваат низ густо населени делови со станбени и деловни објекти, што ја прави оваа реконструкција уште позначајна за локалните жители, додаваат од општината.
Македонија
Љубов на Нептун начин

Секој сака подароци. Нема ништо подобро од тоа да го направиш среќен оној што го сакаш. Но, доколку сте во дилема и не знаете што да им подарите на саканите, посетете ги Нептун продавниците или веб-страната на www.neptun.mk за да најдете голем број на производи по одлични цени, бројни попусти, оригинални подароци и супер идеи токму по повод 14 Февруари, Денот на вљубените.
Овој убав, неформален празник е вистинско време за подарување, а во Нептун ќе најдете епилатори, фенови, пегли за коса и тримери од врвни брендови за вашите дами. Издвојуваме и врвни модели на мобилни телефони по одлични цени, што без исклучок ќе израдуваат секого. Ако вашата љубов е технолошки фан, убедени сме дека ќе го израдуваат матични плочи, графички картички, процесори и дискови. А ако не можете да се одлучите, во продавниците на Нептун секогаш ќе наидете на поддршка од едуцирани, професионални и обучени продажни асистенти за стручна помош при изборот.
Паметен часовник е наш фаворит за подарок и за него и за неа, бидејќи моќната технологија што ја поседуваат, овозможува безброј поволности и удобности за секого. Опремата за игри е исто така одличен подарок за сите гејмери, предлог е гејмерска опрема со врвни перформанси и функционалности. За добра атмосфера потребен ви е добар звучник, не можете да згрешите, а во Нептун ќе најдете модели за сечиј буџет.
Псссссс! Нептун Македонија имаат и сензуални подароци за парови, за вас имаме уште неколку смели предлози со кои може да го зачините овогодинешниот Ден на вљубените. Понудата е огромна, цените пристапни, а доставата дискретна. Зачинете ја вашата врска и уживајте во љубовта и сензуалноста.
Љубовните попусти во Нептун Македонија траат до 23.02.2025 и важат во сите продавници и на веб-страната на Нептун.
А за да заштедите време, ја препорачуваме мобилната апликација на Нептун Македонија, која го прави купувањето уште побрзо, поедноставно и побезбедно. Достапна е за сите мобилни уреди, и е совршен асистент за паметно купување. Само поставете си нотификации и известувања за попусти и сигурни сме дека ќе најдете многу решенија за вашите љубовни проблеми.
ПР
Македонија
Власта им го продолжи мандатот на нивните судии од „тефтерчето“ за уште 3 години, велат од партијата Левица

„На вчерашната собраниска седница, владејачкото мнозинство во скратена постапка усвои скандалозни измени на Законот за работни односи, кои ќе ја продлабочат очајната состојба во правосудството. Односно, со донесените измени се поместува старосната граница за пензија од 64 на 67 години за избраните и именуваните функционери, по нивно барање“, велат од партијата Левица.
„Под изговор дека оваа потреба произлегува поради дефицитот на кадри во правосудството, ДПМНЕ дефакто ќе им го продолжи мандатот на нивните судии од “тефтерчето” за уште 3 години, а довербата во правната држава ќе продолжи да тоне. Лицемерието на власта е евидентно, која секојдневно обвинува дека судиите и обвинителите не си ја вршат својата работа. Наместо суштински реформи кои ќе ја зајакнат одговорноста на судиите и обвинителите (кои и сега уживаат силна правна заштита) – сведочиме зголемување на нивните привилегии.
При јасна недоверба во судството, власта на Мицкоски со ова докажува дека им го продолжува периодот за уживање на привилегиите од корумпираниот систем на избраните и именувани лица до навршени 67 години.
Потсетуваме дека пратеничката група на Левица поднесе предлог-закон за кривична одговорност на судиите, бидејќи цениме дека огромната заштита која ја уживаат судиите е една од главните причини за силната корупција во правосудството. Апелираме до партиите од власта наместо да го продолжуваат мандатот на корумпираните судии, истите да го поддржат законот на Левица и конечно судиите кривично да одговараат, наместо да бидат заштитени од системот при нивното катастрофално работење“, соопшти партијата Левица.