Контакт

Македонија

(Видео) Ковачевски: Отворени се нови можности за економијата и за членството во ЕУ, повикувам на обединување и паметни одлуки

Објавено пред

Претседателот на Владата на Република Северна Македонија, Димитар Ковачевски, се обрати на годишната конференција „Година на нови можности“, што се одржува денеска и утре во хотелот „Александар палас“ во Скопје.

dobivaj vesti na viber

Во обраќањето премиерот Ковачевски посочи дека во 2022 година Владата се посвети на двата важни правца за граѓаните и за државава, економијата и европските интеграции и паралелно ги решаваше предизвиците од глобалната економско-енергетска криза. Притоа направени се значајни постигнувања, кои отворија нови можности за крупни исчекори на двата плана во 2023 година, за што премиерот Ковачевски повика на општествено и политичко обединување.

„Можеме да ја поминеме секоја пречка, можеме да го решиме секој предизвик, има решение за секој проблем. Само ако останеме фокусирани на приоритетите. И тоа ќе продолжиме да го правиме. Пред нас е година на нови можности за кои напорно работевме и за кои создадовме предуслови во текот на минатата година. И заедно со сите вас подготвен сум да водам по единствениот и избраниот пат до целта. 2022 година беше полна со предизвици во геополитички контекст. Во годината зад нас, што се совпаѓа со годишнината од мандатот на оваа Влада, можевме многу лесно да бараме оправдувања зошто нешто не може. Или можевме да се водиме од тоа како нешто може: како да направиме, да подобриме, да унапредиме. И ние одлучивме токму вака да работиме. За оваа една година од премиерскиот мандат, имав можност да се сретнам со многу луѓе од разни средини. Најмногу време посветив надвор од канцеларијата затоа што знам дека во најголем дел меѓу луѓето се вистината, знаењето и решенијата. И гледам дека има многу работници, земјоделци, учители, лекари, има и сопственици на големи компании и занаетчии и сопственици на мали фирми, кои работат напорно, многу напорно, за да обезбедат егзистенција за себе, за своите семејства, за своите вработени. И со даноците што ги плаќаат придонесуваат и во напредокот и изградбата на нашата држава. Некои од тие луѓе се овде во салата, други ќе нè слушнат преку медиумите, трети можеби нема ни да нè слушнат, преокупирани во обврските. Но, сите тие – вие сте мојата мотивација и изворот на сила и верба, дека овој пат што го одиме, сите деноноќни заложби да се обезбедат потребите на граѓаните, да се обезбеди европската иднина на државата, со сите кочници и блокади, објективни или со намера, дека сето тоа – вреди. Вреди, затоа што води до светла цел – добро за сите нас и за сите наши граѓани и за нашата држава“, изјави Ковачевски.

Ковачевски истакна дека во 2022 година, во услови на една од најголемите светски кризи во Европа, Владата успеа да ги заштити егзистенцијата и стандардот на граѓаните од енормните поскапувања на храната и на струјата предизвикани од светската, економско-енергетска криза и од војната што се води во Украина. Ги зголемивме минималната плата, просечната плата и пензиите. Им помогнавме на компаниите да ги задржат вработените. Во кризната 2022 година за целиот свет, ние имаме и нови инвестиции во државата со новоотворени работни места. Имаме и највисока реализација на капиталните инвестиции, највисоко ниво од осамостојувањето на државата. Но, првпат од независноста на државата донесовме и низа системски и стратегиски одлуки и решенија, со кои конкретно се насочивме кон стратешко и одржливо домашно производство на храна и стратешко домашно производство на енергија тргнувајќи од природните потенцијали на нашата земја: плодна земја, сонце, ветар и вода.

Додаде дека поставиле јасни економски и европски цели и во тие два правца ќе го унапредуваме развојот на државата. 2023 е година на нови можности затоа што во 2022 поставивме здрави основи.

„Ја зголемивме минималната нето-плата во март 2022 година на 18.000 денари месечно. Тоа е за 3.000 денари повисока минимална плата од претходната година во април кога изнесуваше 15.000 денари. Со измените и дополнувањата на Законот за минималната плата, што ги донесовме во 2023 година, во согласност со порастот на трошоците на живот, минималната плата ќе изнесува околу 20.200 денари. Покачена е и просечната нето-плата, на 33.000 денари во ноември 2022 година, според податоците на Државниот завод за статистика. Тоа е за 4.000 денари повеќе од претходната година во истиот месец кога изнесуваше 29.000 денари. Покачувањето на минималната плата извесно ќе влијае и на понатамошно зголемување на просечната плата. Ги покачивме и пензиите во 2022 година и обезбедивме редовна и предвремена исплата, а следува и ново покачување во оваа година. Околу 330 илјади пензионери во државата веќе земаат повисоки пензии почнувајќи од ланската септемвриска пензија. Пензиите во 2022 година пораснаа 10 проценти, што е историско покачување на пензиите и тоа за период од само една година“, изјави Ковачевски.

Премиерот се осврна и на проектите што се реализираат во образованието и здравството.

„Во образованието завршена е изградбата на 3 училишни објекти и уште 3 се во фаза на градба. Завршена е реконструкцијата на 29 училишни објекти и почната е во 21 училиште. Како што најавиме, следува реконструкција на 118 училишни објекти во целата држава. И ќе почнеме со целосна реконструкција на сите 9 државни студентски дома. Во здравството реализирана е набавка на најсовремени апарати за дијагностика за 14 јавни здравствени установи во соработка со Светската банка, за кои инсталацијата е во тек, а вкупната вредност на инвестицијата е 13,6 милиони евра. Обезбедени се и нов линеарен акцелератор, нов апарат за зрачна терапија, нова магнетна резонанција, нов компјутерски томограф“, изјави Ковачевски.

Тој наведе дека само во 2022 година повратот на ДДВ изнесува над 727 милиона евра, што е и највисок поврат на ДДВ кон стопанството од независноста на државата до денес. Со ова дополнително ги поддржуваме ликвидноста и конкурентноста на компаниите и го зголемивме и повратот на ДДВ за граѓаните од 1.800 денари на 2.100 денари за тримесечје. Со овој штедлив и одговорен начин на работа и фокус кон потребите на граѓаните ги донесовме навреме и антикризните мерки.

Ковачевски истакна дека оваа Влада во јули минатата година донесе нови храбри и мудри одлуки, со кои, по 17 години од добиениот кандидатски статус, благодарение и на одлуката на парламентарците во македонското Собрание, ги почнавме преговорите со Унијата. Од ЕУ веќе добивме прва транша буџетска поддршка за справување со последиците од светската криза, во износ од 80 милиони евра.

Дали ќе ги отвориме поглавјата во рамките на преговарачкиот процес е нешто што од нас зависи. Во оваа 2023 година ја имаме најголемата шанса досега да ги забрзаме преговорите и до 2030 година, објективно и реално, Република Северна Македонија да стане членка на Европската Унија. Ги почнавме преговорите со целосно заштитен македонски јазик, а со тоа и македонски идентитет и тоа е веќе кристално јасно. За сите надвор, се надевам и за сите добронамерни дома. Македонскиот јазик е признаен и прифатен рамноправно меѓу европските јазици за што конкретен доказ е веќе потпишаниот договор со ФРОНТЕКС. Почитувањето, вреднувањето, зајакнувањето и унапредувањето на македонскиот јазик и на македонскиот идентитет зависат најмногу од нас самите тука дома. Нашата историја, традиција и јазик, што сме ги наследиле од нашите предци и за што е дадена вековна огромна жртва, никој и никогаш не може да ни ги земе“, изјави Ковачевски.

Премиерот повика на обединување за новите можности што ги носи 2023 година.

Македонија

(Видео) Пензионерката која го искара премиерот во маркет е активистка на ВМРО-ДПМНЕ

Објавено пред

Пензионерката која го искара премиерот Димитар Ковачевски за високите замрзнати цени е Ацка Станишева, активистка на ВМРО-ДПМНЕ. Таа денес го застана премиерот додека пред камери пазаруваше и ги проверуваше цените и го праша кој може да преживее со 12.000 денари со цени како денешните.

Дека станува збор за активистика на ВМРО-ДПМНЕ укажуваат низата фотографии објавени на профилите на опозициската партија, а кои се однесуваат на Општина Карпош. Учествувала на партиски состаноци, како и на протести. Пензионерката, фотографија има и со претседателот на ВМРО-ДПМНЕ Христијан Мицкоски. Таа доби јавна поддршка. „Макфакс“ се обиде да исконтактира со неа, но таа не одговори на нашите пораки.

dobivaj vesti na viber

Од јавно објавените фотографии, може да се види дека Станишева била вклучена во кампањата на ВМРО-ДПМНЕ за локалните избори во 2021 година. На тоа укажуваат објавите на Оливер Зафировски, кој се тркаше да стане градоначалник на Карпош како кандидат на ВМРО-ДПМНЕ. Таа одела од врата на врата и делела промотивен материјал со слоганот „Создади нова иднина“ и „За модерно Скопје“.

Фотографии со ликот на пензионерката објавени на фејсбук страницата на кандидатот Зафировски од ВМРО-ДПМНЕ

Фотографии со ликот на пензионерката објавени на фејсбук страницата на кандидатот Зафировски од ВМРО-ДПМНЕ

На социјалните мрежи, осамна и фотографија од Станишева и лидерот на ВМРО-ДПМНЕ Христијан Мицкоски, а фотографирани пред ЕУ инфо центарот.

Доколку името на пензионерката се впише на „Фејсбук“ и таму излегуваат фотографии со нејзиниот лик, а зад неа, знамиња од ВМРО-ДПМНЕ. На профилот има и споделени фотографии од митинзи на опозициската партија.

„Макфакс“ побара став од Станишева, дали на ист начин и со исти прашања кои ги имаше за Ковачевски, би пристапила ако на негово место беше Христијан Мицкоски или Никола Груевски. Дополнително прашавме, Дали навистина ја мачела проблематиката за која зборуваше или поради политички причини застанала да дебатира со Ковачевски. До моментот на објавување не добивме одговор.

Прикажи повеќе...

Македонија

Коњановски бара одговорност од директорката на училиштето каде врз ученичка падна дел од таванот

Објавено пред

Директорката на средното медицинско училиште „Д-р Јован Калаузи“ од Битола, Наташа Илиева претпладне ја извести општината, дека утрово во 8.00 часот, паднал таванот во училишните тоалети, за подоцна, Илиева, на прашање од градоначалникот да потврди, дека при падот на таванот била незначително повредена ученичка од училиштето.

dobivaj vesti na viber

Градоначалникот Коњановски, веднаш по добивањето на информацијата, формира општинска комисија со која извршија увид во училиштето, со цел констатирање на состојбата.

При извршениот увид, директорката Илиева информираше дека, тоалетите пред неколку години беа реконструирани со донација, а последниве денови биле воочени проблеми на горниот кат, проследени со извесно прокапување.

Комисијата изготви записник во кој ја констатира состојбата, а градоначалникот Коњановски, го контактираше семејството на повредената ученичка, при што беше информиран дека, ученичката е исплашена и со родителите е во Клиничка болница, каде се прават испитувања поради болки во раката. Коњановски, останува во контакт со семејството, а од директорката Наташа Илиева побара одговорност, поради навремено непреземените мерки и непријавениот проблем.

На крајот на минатата година, од страна на градоначалникот на општина Битола, беа повикани, директорите на училиштата, со цел да укажат на потребите за реконструкции и интервенции, кои ги имаат објектите.

Од страна на директорката Илиева, не беше побарана интервенција од општината за објектот на средното медицинско училиште.

Прикажи повеќе...

Македонија

Пеце Суперхикс ја повлече објавата за тепањето на син му: Алармот е вклучен

Објавено пред

Музичарот Петар Младеновски, познат како Пеце Суперхикс, посочува дека алармот на институциите е вклучен, откако објави дека неговиот син бил нападнат во Капиштец. Од МВР за „Макфакс“ потврдија дека добиле пријава пред два дена. Младеновски кажа дека ја тргнал објавата од социјалната мрежа „Фејсбук“, поради негативни коментари, навреди, генерализирање и поистоветување на сите штитеници со криминалци или насилници, повици за напади, и ширење на лаги.

dobivaj vesti na viber

„Надлежните и одговорните се запознаени. Алармот е вклучен! Случајот е пријавен (полиција, инспектори за малолетна деликвенција итн итн) сѐ е документирано и очекуваме како семејство реакција од сите засегнати (Домот, Минис.за труд и социјала, МВР, Општината можеби со некаква иницијатива или слично). Искрено се надевам дека овие (сите) деца ќе бидат на некој начин подобро згрижени. Но, не можеме да дозволиме ова да се премолчи и повторува катадневно! И за Нив и за Нас!“, напиша Младеноски.

Од МВР за „Макфакс“ велат дека случајот е приајвен пред два дена, нешто по 21 часот.

„Ве известуваме дека на телефонскиот број 192 на 26.03 во 21.35 е пријавен напад на малолетник од неколку малолетници, по што од страна на полициски службеници е излезено на лице место, каде е затекнат П.М., татко на нападнатиот малолетник, кој во разговор со полициските службеници појаснил дека малолетниците му го одзеле баскетот на неговиот син и дека се откажува од пријавата во полиција“, велат од МВР.

Малолетно момче било нападнато во паркот „Капиштец“ во неделата додека играло кошарка.

Прикажи повеќе...

Најново

Македонија2 часа

(Видео) Пензионерката која го искара премиерот во маркет е активистка на ВМРО-ДПМНЕ

Пензионерката која го искара премиерот Димитар Ковачевски за високите замрзнати цени е Ацка Станишева, активистка на ВМРО-ДПМНЕ. Таа денес го...

Македонија5 часа

(Видео) Детали од пазарењето на премиерот, сдсмовка го чекаше кај брашното со вклучена камера

Со петнаесетина камери, премиерот Димитар Ковачевски беше пречекан во локален маркет во скопско Тафталиџе. Пред да почне со пазарење ги...

Свет8 часа

Убиените деца имале 9 години, напаѓачката била талентиран уметник и добар ученик

Вчера, три деца и тројца возрасни беа убиени во пукање во приватно основно христијанско училиште во Нешвил, на југот на...

Македонија10 часа

Славјанка Петровска секојдневно користи седативи и е опседната, рече Ковачки покажувајќи документ од психијатар

Пратеникот Драган Ковачки, денеска, на седницата за пратенички прашања рече дека поседува документ од специјалист психијатар, според кој министерката за...

Македонија11 часа

Сведоштво на татко: Син ми беше нападат во Капиштец од деца додека играше кошарка, деликвентите ѝ се познати на полицијата

Малолетно момче било нападнато во паркот „Капиштец“ во неделата додека играло кошарка. За случајот информира таткото на момчето, музичарот Петар...

Македонија11 часа

(Видео) Ковачевски се гледа поинаков од Груевски кога пазари во маркети пред камери

Премиерот Димитар Ковачевски, денес, на третото јавно пазарење избегна да каже колку ги плаќа луѓето што му смислуваат да оди...

Македонија12 часа

(Видео) Цените се до плафон, какво е ова поевтинување, го праша пензионерка Ковачевски

Најголемите пензии 4.000 денари, најмалите 900 денари, ве молам, кој може да преживее со 12.000 денари, беше прашањето на една...

Македонија12 часа

Забрана за работа 10 дена добија локалите „Интермецо“ и „Мош“

По зголемениот број пријави од граѓани за гласна музика од угостителски објекти и непочитување на работното време во ноќните часови,...

Македонија12 часа

(Видео) Ковачевски за Бектеши: Тој е по спортот, играл за „Влазерими“ како млад, а сега игра кај Груби во канцеларија

Поранешна ракометарка го застана премиерот Димитар Ковачевски на пазарењето пред камери утрово за да го поздрави. Му се претстави како...

Македонија13 часа

Сојузот на средношколците по договорот со МОН: Ќе се обезбедат банки со прашања за интерните испити

Државната матура ќе биде приспособена на состојбата во образованието и ќе биде олеснета за оваа генерација матуранти, која беше најмногу...

Европа14 часа

„Сè што можам да кажам е да се молиме“, Трамп за одлуката на Путин да распореди нуклеарно оружје во Белорусија

„Американците треба да се молат по одлуката на рускиот претседател Владимир Путин да распореди нуклеарно оружје во Белорусија“, изјави поранешниот...

Европа14 часа

Кажале дека превезуваат керамички плочки – запленети над два тони кокаин во вредност од најмалку 20 милиони долари

Перуанските власти објавија дека полицијата во земјата запленила 2,3 тони кокаин во складиште во најголемиот залив во Перу, Ел Калао,...

Култура14 часа

Културните работници на протест пред Министерството за финансии – бараат повисоки плати

Денеска, во 10 часот, повторно пред просториите на Министерството за финансии, вработените од Министерството за култура, Управата за заштита на...

Свет14 часа

Американците објавија импресивни податоци: Русите произведуваат повеќе тенкови отколку целиот свет заедно

Американските аналитичари признаа дека руската воена индустрија покажува неверојатни резултати. Заменик-претседателот на Советот за безбедност, Дмитриј Медведев, неодамна изјави дека...

Европа14 часа

Момче со нож избоде професорка во Бразил – се обидела да реши спор меѓу напаѓачот и уште еден ученик

13-годишен ученик од основно училиште со нож ги нападнал своите наставници во јавното училиште во Сао Пауло, Бразил, при што...

Европа14 часа

Бајден по трагедијата во Нешвил: „Мора да направиме повеќе за да го запреме насилството“

По нападот во училиште во градот Нешвил, Тенеси, во кое загинаа шест лица, меѓу кои три деца, американскиот претседател Џо...

Европа15 часа

Британски „Телеграф“: На руските регрути им се нуди бонус од 650 долари за секој поминат километар

На руските регрути им се нуди бонус од 650 долари (580 евра или 530 фунти) за секој поминат километар како...

Свет15 часа

(Видео) Поранешна ученичка уби шест лица во училиште во САД – објавени нови детали од нападот

Вчера, три деца и три возрасни лица беа убиени во пукање во приватно основно христијанско училиште во Нешвил, на југот...

Топ1 ден

Французин крадел во станови во Скопје, одреден му е притвор

31-годишен французин е во притвор откако бил уапсен за кражби во три стана во скопската општина Центар. Одреден му е...

Македонија1 ден

Старо ветување, нов министер: Лога вети дека за месец ќе заврши дискриминацијата на Јанкулоска и затвореничките

Старото ветување дека дискриминацијата на Гордана Јанкулоска и затвореничките во „Идризово“ ќе биде минато, го повтори и новиот министер за...