Македонија
(Видео) Македонија ѝ донира тенкови на Украина
Македонија ѝ донира тенкови од советската ера на Украина, потврди македонското Министерство за одбрана, од каде што велат дека планираат да ја модернизираат сопствената армија за да ги исполнат стандардите на НАТО.
Од Министерството соопштија дека Владата одлучила одреден дел од овие тенковски капацитети да ѝ бидат донирани на Украина во согласност со потребите на таа земја.
Од тука не го соопштија бројот на тенкови што ќе ги донираат, но изјавија дека припаѓаат на т.н. трета генерација, а со оглед на развојот на технологијата, неконкурентни и некомпатибилни.
Од Министерството информираа дека дополнително во наредниот период би требало да се трошат и ресурси за уништување на тенковите, што, според нив, е нецелисходна активност за нашата Армија.
На социјалните мрежи денеска се споделува видео на кое може да се види транспорт на тенкови, а се наведува дека е снимено во Крива Паланка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски: Претходната Влада на СДСМ и ДУИ ги ограбуваше граѓаните, ова Влада инвестира и реализира капитални проекти
Македонија
ЈСП Скопје предупредува на лажна вест со која е фалсификувано логото на електронската картичка Скопска
ЈСП Скопје утврди лажна вест со која е фалсификувано логото на електронската картичка Скопска.
Ова како што информираат е објавено на социјалните мрежи од страна на група наречена „Карта за јавен превоз на Скопје“, за која, како што тврдат не е поврзана со ЈСП Скопје.
„Се работи за измама со лажен линк што краде податоци од платежните картички на граѓаните“, нагласуваат од ЈСП Скопје.
Македонија
Средба Муцунски- Дрекслер: нагласена важноста од натамошно унапредување на меѓусебната соработка на патот кон ЕУ
Денес, министерот за надворешни работи и надворешна трговија, Тимчо Муцунски ја прими на средба амбасадорката на Сојузна Република Германија, Петра Дрекслер.
На средбата беше изразено заемно задоволство од развојот на одличните билатерални односи меѓу двете земји, кои се одликуваат со редовен политички дијалог и интензивна размена на посети на високо ниво во изминатиот период. На таа линија, беше изразено задоволство од неодамна одржаната средба на министерот Муцунски со германската сојузна министерка за надворешни работи, Аналена Бербок во Берлин, на која беа поздравени одличните билатерални релации и реафирмирана германската поддршка за нашиот европски процес.
Посебно беше нагласена важноста од натамошно унапредување на меѓусебната соработка во рамки на евро-интегративниот процес на нашата земја и продолжување на цврстата поддршка на Германија на тој пат.
Во овој контекст, министерот Муцунски додаде дека земјата останува силно посветена на исполнување на неопходниот реформски процес за членството во Европската унија.