Македонија
(Видео) Маркоска: СДСМ менаџира со кризата, ВМРО-ДПМНЕ се обидува да блокира
Има голема разлика која што овие денови стана уште повидлива. СДСМ работи за граѓаните, се грижи за стандардор и се справува со кризата. ВМРО ДПМНЕ се обидува да кочи, да блокира, на штета на граѓаните и државата. Во време на најголема светска економска криза Владата предводена од СДСМ и парламентарното мнозинство спроведуваат ефикасни решенија за заштита на животниот стандард и помош за компаниите, изјави на денешната прес-конференција, Даниела Маркоска, пратеничка на СДСМ.
Таа додаде дека мерките вредни 400 милиони евра дадоа резултат. Во период од само два месеци ја зголемивме минималната плата на 18.000 денари, обезбедивме дополнителна финансиска помош од по 1.000 денари месечно за пензионерите и примателите на социјална помош, а заедно со здруженијата на пензионерите договоривме нова методологија за рекорден раст на пензиите.
Маркоска истакна дека додека СДСМ ги зголемува платите и пензиите и помага на економијата, ВМРО-ДПМНЕ се противи на секој денар кој завршува назад кај граѓаните и компаниите.
Таа додаде дека ВМРО-ДПМНЕ и Христијан Мицкоски се противеа на зголемувањето на минималната плата, на покачување на пензиите, на проектот Мој ДДВ, се противеа на поголеми субвенции за земјоделците.
Ќе ги надминеме сите обиди за блокади на опозицијата и потребните законски решенија ќе бидат донесени, изјави Маркоска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Забранет сообраќајот на регионалниот пат Гостивар – село Чегране поради излевање на реката Вардар и обилниот дожд
Во 20.40 часот е воведена забрана за сообраќај на регионалниот пат Р2-233 Гостивар – село Чегране поточно во село Форино, поради излевање на реката Вардар и обилни врнежи од дожд, извести АМСМ.
Сообраќајот се пренасочува од село Чајле кон село Старо Чајле према село Форино.
Воведена е забрана за сообраќај и на локалниот пат од „Тумчевишка Петла“ кон село Тумчевиште и село Чегране, додаваат од АМСМ.
Македонија
Меѓународните односи, реформите и борбата против корупција во фокусот на разговорите меѓу Сиљановска-Давкова и Варнс
Претседателката Гордана Сиљановска-Давкова ја прими Никол Варнс, вршителка на должноста шеф на мисијата во Амбасадата на САД.
Таа изрази подготвеност за понатамошна соработката со истата динамика и посветеност како со претходната амбасадорка.
Разговорот започна со осврт на меѓународните односи, состојбите во НАТО, ЕУ и регионот.
Потоа соговорничките се фокусираа на македонските работи: реформските процеси во судството, дигитализацијата, борбата против корупцијата и организираниот криминал и реализацијата на инфраструктурните проекти.
За нив, инклузивниот модел на одлучување и меритократијата во сите сфери на општествениот живот, а особено во образовниот систем и во регрутирањето на државната и јавна администрација на највисоко ниво се клучни не само за нашата евроинтеграција, туку и за просперитетот на државата.
Во време на безбедносни предизвици и ризици, за обете, американско-македонското стратешко партнерство, како и сојузништвото во НАТО се важни за стабилноста.
Амбасадорката ја потврди американската подготвеност за унапредување на пријателските односи, поздравувајќи ја неодамна усогласената заедничка изјава за рамката за идниот Договор за реципрочна, фер и балансирана трговија, како значаен чекор во зајакнувањето на економската соработка.
Сиљановска-Давкова и Варнс очекуваат со Акцискиот план да се конкретизираат низа проекти во интерес на граѓаните.
Македонија
Укината забраната за сообраќај на камиони на патот Гостивар-Стража-Кичево
Од 17:20 часот укината е забраната за ТМВ на патниот правец Гостивар-Стража и обратно.
Сообраќајот на државните патишта се одвива во зимски услови, по влажни коловози. Врнежи од снег има на Пониква и на патниот правец Штип-Неготино кај с.Лесковица, кој во моментов не претставува пречка за одвивање на сообракајот, јави АМСМ.

