Контакт

Македонија

(Видео) Милошоски: Mесто кредитен правобранител, добивме втор ТАТ

Објавено пред

„Заев е познат како премиерот кој вети дека Гугл и Фејсбук чекаат на граница да инвестираат во Македонија, поминаа 4 години, а Фејсбук и Гугл се уште чекаат на граница. Затоа секое ветување за економски напредок и за инвестиции е една голема лага како што беше и оваа лага“, изјави на денешната собраниска седница пратеникот од ВМРО-ДПМНЕ, Антонијо Милошоски.

dobivaj vesti na viber

„Оваа влада само на денот на експозето на владата може да има добри фази за добра економија, а со секој ден од денес па натаму самите ќе бидете сведоци на економски неуспеси, а единствено нешто што ќе се зголемува нема да бидат инвестициите, туку цените, невработеноста и иселувањето од Македонија. Секоја сабота и недела во Македонија во Битола, Штип, Гостивар, Куманово, Струга, Тетово и на други места видете колку автобуси се полни со дипломирани лекари, инженери, физиотерапевти, мајстори. Државата се празни затоа што власта е неспособна на оние коишто заминуваат да им создаде фер шанса да најдат работни места, не слушнавме ниту една фабрика која е отворена во Македонија, а имаме состав на влада каде ниту еден министер не е задолжен за привлекување на странски инвестиции“, истакна Милошоски.

Тој додаде дека ова е влада која создава недоверба на граѓаните како во случајот со Евростандард банка каде и Заев и министерката имале сензитивни информации и истите ги злоупотребиле за да на крајот сфатиме дека знаеле за ризичните пласмани, а министерката и блиските си ги повлекле парите.

„По однос на коалицијата е персоналниот состав тука ги гледам Артан Груби и предложената министерка за образование Мила Царовска и ќе ве потсетам на еден случај во кој од двајцата нив беше нарече скандал. Царовска во јануари 2019 излезе со обвинување дека директорите од ДУИ во фондот за пензиско и инвалидско осигурување оштетиле 12.000 граѓани со тоа што не им ги префрлале парите на нивните сметки, и со тоа направиле злоупотреба на 18 милиони евра. Потоа имавме реплика од страна на Груби и ДУИ каде што беше посочено дека доколку постои таков скандал одговорноста е кај Царовска. Тоа значи дека кога има потреба за забава на јавноста за манипулирање и дефокусирање на граѓаните се посочуваат одредени скандали, за на крајот тие кои го обзнаниле скандалот и си ја префрлале одговорноста треба да бидат колеги во влада на која граѓаните требало да и веруваат“, вели Милошоски.

Тој вели дека слушнавме експозе во кое новиот Клинички центар е ветен по десетти пат, 2016 година, 2017 кога формираа влада, па потоа не им беше соодветна локацијата и во 2018 година ќе го градеа во Ѓорче Петров, пред изборите Заев рече дека техничката влада нема да го попречи градењето, за денес повторно да слушнеме дека ќе биде изграден Клинички кој неколку пати беше ветен дека ќе се гради.

„Македонија две години по ред е на листата на земји со хибриден режим, таа листа има 4 категории, целосна демократија, нецелосна демократија, хибриден режим и авторитарен режим. Во хибриден режим Македонија е во друштво со Мозамбик, Мали, Пакистан, Боцвана и Сенегал. Тоа е нивото на демократијата на поделбата на власта и на владеењето на законите во Република Македонија. Ниво дадено со оценка од лондонскиот Економист“, истакна тој.

Милошоски потсети дека СДСМ вети дека ќе формира институција кредитен правобранител и беше објаснето дека тој ќе ги штити граѓаните и правните лица и ќе и овозможи подобри услови и подобра сигурност пред банките по однос на камати, кредити.

„Наместо кредитен правобранител, нам ни се случи втор ТАТ. Да имаме пропаѓање на една банка со претходно знаење на министерката финансии и дотогашниот премиер дека имала ризични пласмани. И со тие кои што претходно знаеле и биле блиски до нив да си ги повлечат парите а 30.000 пензионери и можеби уште 10.000 правни лица да останат незаштитени и оштетени. Затоа сметам дека оваа влада ќе биде влада на големи економски разочарувања“, нагласи Милошоски.

Македонија

Зелени коридори на сите премини и размена на искуства и податоци: Скопје и Атина со заеднички план за побрза трговија

Објавено пред

Блиската соработка на Царинските управи на Македонија и Република Грција носи видливи придобивки за економиите на двете земји, при што двете страни се длабоко посветени кон унапредување на безбедноста и забрзување на протокот на стока преку засилена соработка, размена на искуства и споделување податоци.

dobivaj vesti na viber

Проширување на примената на зелените коридори на сите граничните премини, споделување на најдобрите практики и искуства на државната хемиска лабораторија на Грција, како и унапредување на соработката помеѓу службите за контрола и истраги, се дел од иницијативите што ќе бидат опфатени во заедничкиот Акциски план на коишто двете страни започнуваат да работат веднаш. Ова се дел од заклучоците на денешната билатерална средба на делегации од двете царински управи предводени од директорите Бобан Николовски и Димитриос Бурикос, на која активно учествуваше и директорката на Националната лабораторија на Грција, Софија Зиси.

„Овој состанок го гледам како можност за утврдување на конструктивни заеднички активности во областа на ефикасни контроли и практични мерки за олеснување на трговијата на границата, имајќи ги предвид напорите и активностите кои Царинската управа на Република Северна Македонија ги спроведува на патот на интеграцијата кон Европската Унија“, истакна Бурикос.

Директорот Бурикос во своето обраќање особено се осврна на реформата на Царинската унија на ЕУ, која значително ќе влијае на идната соработка. Во оваа насока, тој се осврна на трите главни области кои се акцентирани со реформата – централизација на царинските податоци преку заеднички Царински податочен центар на ЕУ, целосна дигитализација, како и поедноставување на постапките преку унапредување на програмата за Овластен економски оператор како клучна за олеснување на трговијата и зајакнување на безбедноста во синџирот на снабдување преку партнерство со приватниот сектор.

Директорот Николовски нагласи дека Царинската управа е цврсто посветена кон спроведување на реформската агенда за побрза интеграција во единствениот пазар на ЕУ, при што размената на искуства со Грција, како земја членка е од големо значење за понатамошно усогласување со европските системи и практики.

„Преку соработката со грчката Царинска управа јасно потврдуваме дека нема отстапувања од нашата цел, изградба на модерна царинска служба што работи по највисоки стандарди. Во фокусот на нашата соработка во периодот што следи се модернизација на царинската лабораторија, унапредување на контролите базирани на анализа на ризик, зајакнување на истражните механизми и олеснување на трговијата преку проширување на зелените ленти и размена на податоци во реално време. Нашата блиска соработка е основа и за унапредување на условите за водење бизнис, како клучно за зголемена трговска размена помеѓу двете држави“, вели директорот Николовски.

Прикажи повеќе...

Македонија

Таравари поднесе тужба за клевета против Изет Меџити

Објавено пред

Претседателот на поделената Алијанса за Албанците, Арбен Таравари, преку својот адвокат, Aбидин Абдули, вчера поднесе тужба за клевета во Основниот суд Скопје 2 против градоначалникот на Чаир, Изет Меџити.

dobivaj vesti na viber

Тужбата доаѓа по изјавите дадени од Меџити во телевизиска емисија на „Лајм“, каде што тој тврдел дека Таравари за време на својот мандат како министер, издал седум лиценци за фабрики за преработка на канабис.

Според соопштението, пред поднесувањето на тужбата бил даден и законски рок за јавно извинување, кој Меџити не го искористил.

Таравари категорично ги демантираше овие обвинувања, оценувајќи ги како невистинити и клеветнички. Тој претходно најави дека ќе преземе правни чекори доколку не биде упатено јавно извинување за дадените изјави.

Со поднесувањето на тужбата во Основниот суд Скопје 2, случајот сега се очекува да добие институционален тек.

Прикажи повеќе...

Македонија

Пријава против поранешниот градоначалник на Кичево, го оштетил буџетот за 1,4 милиони денари

Објавено пред

Од

Полицијата поднесе кривична пријава против поранешниот градоначалник на Кичево, Фатмир Дехари, две други лица и еден правен субјект, за злоупотреби и несовесно работење со што го оштетиле буџетот на општина Кичево за сума од над 1.400.000 денари.

dobivaj vesti na viber

„ОВР Кичево поднесе кривична пријава против Ф.Д.(52) од кичевското село Србица, поради постоење основи на сомнение за сторено кривично дело „злоупотреба на службената положба и овластување“, против Б.К.(46) од кичевското село Аранѓел поради постоењер основи на сомнение за сторено кривично дело „несовесно работење во службата“, против Д.С.(41) од кичевското село Длапкин Дол за сторено кривично дело „злоупотреба на постапката за јавен повик, доделување на договор за јавна набавка или јавно-приватно партнерство“, како и против едно правно лице со седиште во Длапкин Дол“, соопшти МВР.

На 08.01.2025, Ф.Д., во својство на градоначалник на општина Кичево, искористувајќи ја својата службена положба донел план за јавни набавки за 2025 година на општина Кичево спротивно на одредбите од Законот за комунални дејности. Иако, општина Кичево има јавно комунално претпријатие, Ф.Д. сите комунални дејности ги доверил на пријавеното правно лице со седиште во Длапкин Дол со намера да се стекне со поголема имотна корист на штета на буџетот на општина Кичево.

Второпријавениот, одговорно овластено лице за одржување на зелени површини, пропуштил должен надзор и несовесно постапил во вршењето на своите овластувања и должности, додека третопријавениот во својство на управител во правното лице, свесно ги повредил прописите на постапката за јавен повик.

Со тоа, вкупно исплатените парични средства за одржување на зеленилото околу зградата на општината изнесува вкупно 1.457.205 денари на штета на општина Кичево.

Прикажи повеќе...

Најново

Македонија1 час

Таравари поднесе тужба за клевета против Изет Меџити

Претседателот на поделената Алијанса за Албанците, Арбен Таравари, преку својот адвокат, Aбидин Абдули, вчера поднесе тужба за клевета во Основниот...

Македонија2 часа

Мицкоски: Јас бев најнапаѓан човек од Артан Груби, на Прочка се креваа дронови над куќата на мојата сестра

На денешната седница за пратенички прашања претседателот на Владата, Христијан Мицкоски беше прашан за актуелната тема во јавноста со апсењето...

Македонија3 часа

Цвеќе во помен на Борис Трајковски – 22 години од авионската несреќа

Делегација предводена од претседателката Гордана Сиљановска-Давкова, членови на политички партии, семејството денес оддадоа почит во помен на трагично загубените животи...

Македонија4 часа

Мицкоски до Филипче: Со тоа што ги напаѓате пензионерите, само потврдувате дека сте мекото ткиво на политичката сцена

Мене ми е жал што не ја научивте лекцијата, и удирате повторно по група на луѓе кои што за време...

Македонија5 часа

„Блокадафест“ пред влезот на Усје, целодневен протест со музичка програма

Утре со почеток од 15 до 23 часот ќе се одржи целодневен протест пред влезот на фабриката Усје. „Со нас...

Европа5 часа

Орбан му пиша на Зеленски: Четири години нè туркате во војната меѓу Украина и Русија

Унгарскиот премиер Виктор Орбан објави „отворено писмо“ до украинскиот претседател Володимир Зеленски на Икс, обвинувајќи го дека четири години се...

Македонија6 часа

ВЛЕН: Кој од ДУИ му се заканува на Артан Груби?

„Ништо повеќе не е исто како порано. Почнува внатрешната пресметка во Мала Речица. Од една страна се Али Ахмети со...

Регион6 часа

Дачиќ на респиратор, состојбата е сè уште многу сериозна: „Прерано е за било какви прогнози“

Српскиот министер за внатрешни работи Ивица Дачиќ беше хоспитализиран вчера поради пневмонија и неговата состојба е оценета како многу сериозна....

Свет7 часа

Продолжуваат преговорите за крај на војната во Украина: Трамп му наредил на американскиот тим да се обиде да го спречи убивањето

Американскиот претседател Доналд Трамп му наредил на американскиот преговарачки тим за разговори за завршување на војната во Украина да се...

Македонија7 часа

Претседателот на Албанија, Бајрам Бегај во официјална посета на Македонија

Претседателот на Албанија, Бајрам Бегај, од денес до сабота престојува во официјална посета на земјата. Бегај денеска ќе се сретне...

Македонија7 часа

„Зошто Тренчевска и СДС го штитат Артан Груби и дали поранешните функционери на СДС се исплашени од неговите искази“, прашува ВМРО-ДПМНЕ

„Соработката и партнерството на СДС со екс вицепремиерот Артан Груби излезе на површина. СДС со години молчеа и го толерираа...

Македонија7 часа

„Дури ни Груби првично не се пожалил на безбедносен ризик – ДПМНЕ преку АНБ и МВР без проценка го испратија дома“, велат од Левица

„Фарсата на ДПМНЕ и Артан Груби оди дотаму што, првично, дури ни самиот Груби не пријавил дека се чувствува небезбедно....

Регион8 часа

(Видео) Вучиќ утрово го посети Дачиќ: Неговата состојба е нешто подобра

Српскиот претседател Александар Вучиќ утрово, на пат кон Казахстан, објави дека го посетил министерот за внатрешни работи Ивица Дачиќ и...

Свет8 часа

Клинтонови ќе сведочат за врските со Епстин по заканата со санкции

Четвртина век по напуштањето на Белата куќа, Бил и Хилари Клинтон се само неколку часа од нова правна пресметка со...

Свет8 часа

(Видео) Бројот на жртви во поплавите во Бразил се искачи на 46: потрагата по исчезнатите е во тек

Бројот на жртви од катастрофалните поплави во бразилската држава Минас Жераис се искачи на 46, соопштија пожарникарите во среда. Поплавите...

Регион10 часа

„Следните 72 часа се клучни“: Се огласи доктор од клиниката каде што се лекува Дачиќ

Српскиот вицепремиер и претседател на Социјалистичката партија на Србија, Ивица Дачиќ, вчера беше хоспитализиран на Клиниката за пулмологија на Клиничкиот...

Регион10 часа

Ивица Дачиќ итно хоспитализиран, во тешка состојба

Српскиот министер за внатрешни работи и вицепремиер Ивица Дачиќ вчера вечер беше хоспитализиран со билатерална пневмонија, тој е во сериозна...

Македонија22 часа

Уставниот суд: Нема постапка за пензиите, запрена за Кривичниот законик

По 5. седница на Уставниот суд, претседателот Дарко Костадиновски и судијата проф. Осман Кадриу информираа за одлуките по предмети од...

Македонија23 часа

Преживеаните музичари од „Пулс“ сведочеа дека не виделе кој ги наместил и активирал прскалките кобната ноќ: „Пожарот почна на рефренот, тргнав кон врата која беше заклучена“

Со опис на првите искри, паниката и стампедото во кое животот го загубија 63 лица, денеска продолжи судењето за пожарот...

Македонија1 ден

Петрушевски: Тужбата за клевета нема да го испере Заев, стојам зад секој кажан збор

Тужбата за клевета нема да го испере Заев, ниту ќе ја сокрие вистината, вели пратеникот од ВМРО-ДПМНЕ, Бране Петрушевски, по...