Македонија
(Видео) Николовски: Овие избори се доследни на модерниот и европски тренд по кој сме тргнати

Граѓаните не сакаат кочници и блокади и токму затоа денеска очекувам дека изборот на граѓаните ќе биде најдоброто и ќе го запечатиме токму овој европски пат по којшто е тргната нашата земја, порача од гласањето во Крива Паланка, генералниот секретар на СДСМ, Љупчо Николовски.
При тоа Николовски посочи дека македонската демократија денеска е пред уште една победа со, како што кажа, фер, демократски, професионални – европски избори за градоначалници и советници.
„Денеска Република Северна Македонија организира нови демократски и европски избори на коишто граѓаните треба да изберат какви општини сакаат и какви градоначалници и советници сакаат да ги водат нивните општини. Нашата македонска земја денеска е членка на НАТО, организиравме после 20 години попис и сме пред почетокот на преговорите со Европската Унија. Овие локални избори се токму на тој пат, на модерен, европски тренд по којшто сме тргнати како земја и враќање назад во минатото нема. Општините мора да се ориентирани и да бидат сервис на граѓаните, а граѓаните верувам дека денеска ќе застанат зад делата, зад проектите и зад напредокот и на државата и на општините“, посочи генералниот секратар на паритјата.
Николовски им честита на граѓаните за одлуките кои ги носат, порачувајќи дека после влезот и членството во НАТО, после завршувањето на пописот и после носењето на одлуките за преговорите со Европската унија, клучно во овој сегмент е и нов мандат на најдобрите градоначалници, на најдобрите советници коишто ќе им служат на сите граѓани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Приведен крадец од Битола, одземеното вратено на сопственикот

Вчера од страна на полициски службеници од полициската станица за безбедност на сообраќајот при СВР Битола на стариот пат Прилеп – Битола бил лишен од слобода А.М. (38) од Битола, кој управувал патничко возило”опел” со битолски регистарски ознаки.
Тој е осомничен за извршена тешка кражба во РЕК Битола, од каде се одземени ролни железо од Рудникот Брод, сопственост на РЕК Битола.
Пронајдените предмети се вратени на сопственикот, а по документирање на настанот ќе следува соодветна пријава.
Македонија
Спасовски: Лажните дојави за бомби се од група од Македонија и ќе одговараат за тероризам

Набргу група македонски државјани ќе добијат кривични пријави за тероризам и ќе одговараат за лажните дојави за бомби во училиштата и други објекти, вели министерот за внатрешни работи Оливер Спасовски во неделното интервју на Радио Слободна Европа.
Коментирајќи ги обвинувањата на опозицијата дека фаворизира одредени криминални групи, Спасовски тврди дека нема селекција во борбата против криминалот.
– За нас беше многу важно безбедноста на граѓаните, учениците на наставниот кадар да биде на највисоко можно ниво и во тој дел апсолутно не е променето ништо со протоколите, значи безбедноста мора да се сочува на едно високо ниво. Веќе поднесовме една кривична пријава против еден малолетник и практично навлегуваме во една група на лица коишто учествувале во праќањето на дојавите по електронски пат и токму користењето на VPN адреси итн и сме во позиција за која за многу скоро време целата таа група ќе биде комплетно разоткриена, – вели Спасовски во интервјуто.
На прашањето зошто било потребно толку време да се разоткрие групата и да се направат нови безбеносни протоколи во училиштата Спасовски вели дека „за секоја работа треба да има добра подготовка“.
– Индикативно е како од моментот на донесувањето на новите протоколи од утредента имаме сериозно намалување или престанување на дојавите. Тоа само укажува дека интензивно се работеше не само кон подготовка на процедурата, туку и во делот на истрагите. И ние само ја детектиравме таа криминална група која се занимаваше со ваквите дојави, за голем дел од дојавите за поголем временски период и за повеќе институции во коишто беа дојавите. Секако дека постои и другата тенденција, а тоа е геостратешките интереси коишто се испреплетуваат во државата, – вели Спасовски за РСЕ.
Тој е дециден дека дојавите за бомбми потекнуваат од македонски државјани.
Македонија
65 пијани возачи санкционирани на територија на СВР Битола

Во текот на изминатата вечер (25/26.03.2023) во периодот од 23.00 до 05.00 часот на територија на СВР Битола спроведена е засилена акциска контрола за санкционирање на возачи кои управуваат возило под дејство на алкохол, се вели во соопштението оттаму.
При контролата биле санкционирани 65 возачи.Од нив 7 на територија на Битола, 50 во Прилеп, по 2во Ресен и Крушево,3 Македонски Брод и еден во Демир Хисар. За време на контролата биле санкционирани и 51 други видови прекршоци.
Акциските контроли продолжуваат и во наредните денови, па оттука од МВР апелираат граѓаните да ги почитуваат сообраќајните правила.