Македонија
(Видео) Пендаровски: За Албанец да биде претседател на државата, мора да ја има поддршката од сите етникуми
![](https://makfax.com.mk/wp-content/uploads/2024/02/pendarovski-intervju.jpg)
Претседателот Стево Пендаровски во интервју за „Еуроњуз Албанија“ вели дека Албанец може да биде на функцијата претседател на државата, но мора да ја има поддршката од сите етникуми.
„Зошто да не биде Албанец претседател, но ако ја има поддршката од македонскиот и другите неалбански етникуми. Етнички Албанец не може да биде претседател на Република Македонија без гласовите на сите етникуми”, вели Пендаровски.
Претседателот во интервјуто нагласи и дека ја цени работата, посветеноста и соживотот на Албанците во Македонија. Тој рече дека по потпишувањето на Охридскиот договор во 2001 година, нивната застапеност во политиката и на локално ниво значително е зголемена.
„По потпишувањето на Охридскиот договор, Албанците се широко застапени и нема владина позиција до која немаат пристап. За овие 22 години Албанците направија голем напредок. Ако во 2001 година застапеноста на Албанците на државно ниво беше 2,4, сега е 21 отсто“.
Со овој аргумент претседателот Пендаровски го коментира и изборот на Талат Џафери на чело на Владата во државата.
„Ние работиме со Џафери официјално, но и приватно се познаваме подолго време. Работеше професионално и непристрасно, и тоа беше една од причините зошто СДСМ (Социјалдемократскиот сојуз на Македонија) го поддржа да биде првиот Албанец претседател на парламентот во Северна Македонија“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.