Македонија
(Видео) Спасовски од Старо Нагоричане: Постигнувањата во овој регион се доказ за вложувањата во рамномерен регионален развој
Техничкиот премиер Оливер Спасовски оствари работна посета на општина Старо Нагоричане. Во изјавата за медиумите, премиерот Спасовски истакна дека со градоначалничката на општина Старо Нагоричане, Жаклина Јовановска, разговарале за тековните проекти на општината коишто се реализираат со поддршка на разните програми на Владата насочени кон развојот на локалните самоуправи.
„Како што знаете, општината Старо Нагоричане е со доминантно рурални карактеристики од кои произлегуваат и нејзините предности, кои заслужуваат целосна поддршка. Како прво, тоа значи креирање програми за поддршка на граѓаните од општината кои доаѓаат од програмите за рурален развој и за поддршка на земјоделството. Во таа насока се договоривме со градоначалничката Јовановска да ги зајакнеме започнатите заеднички активности кои се однесуваат на приближување на можностите до граѓаните земјоделци во општината за да ги влечат придобивките од владините програми за развој на земјоделството и руралниот развој. Тука е бесплатната зелена нафта и повратот на персоналниот данок за земјоделците, средства кои тие можат да ги реинвестираат во модернизација на нивните земјоделски дејности“, истакна премиерот Спасовски.
Тој потенцираше дека посебно сака да ја афирмира програмата за поддршката млади и на жени земјоделки за кои се определени средства и до 10.000 евра и истакна дека силен потенцијал има и ИПАРД-програмите за финансирање во земјоделството и сточарството за што има бесплатна обука на фармери за поефикасно искористување на ИПАРД-средствата.
„Се разбира, поради карактеристиките на територијата на општината, поради претежно планинските предели и оддалеченоста меѓу селата, посебна грижа во изминатиот период беше посветена на патната инфраструктурна мрежа. Во изминатите три години како централна власт инвестиравме 1 милион 430 илјади евра за патната инфраструктура во општината: за рехабилитација на регионалниот пат Младо Нагоричане – Пелинце, и за регионалниот водовод за Младо Нагоричане, за којшто се почнати подготвителните активности и за кој се наменети 820 илјади евра. Во рамки на рамномерниот регионален развој, 10 проекти со вкупна вредност од 82 милиона 61 илјада 357 денари се завршени или се во фаза на реализација: за подобри услови за рурален развој, за развој на туризмот и мобилноста во Североисточниот Плански Регион, за заштита на животната средина, за подготвителни активности за повеќе локални патни правци. Никогаш како овие три години не се вложувало во нашата држава за рамномерен регионален развој. Постигнувањата во овој североисточен регион и во реонот на Старо Нагоричане го покажува тоа“, објасни Спасовски.
Тој изрази уверување дека Старо Нагоричане има особени предности во поглед на планинскиот, селскиот и културно-историскиот туризам.
„И самите го знаете значењето на Меморијалниот центар АСНОМ, потоа тука е манастирот ‘Св. Ѓорѓи’ од 11 век, која има огромно значење и претставува прекрасен примерок од средновековната византиска архитектура. Тука е и мегалитската опсерваторија Кокино и сите овие културно-историски споменици, заедно со питомите природни убавини на околните планини, ја прават општината атрактивна туристичка дестинација. Затоа е многу важна поддршката на Владата што досега ја дававме за заштита на животната средина и подобрување на условите за живот во Североисточниот Плански Регион, за рурален развој, и развој на туризмот и мобилноста во општината и во регионот“, истакна Спасовски.
Тој акцентираше дека станува збор за сериозни проекти кои претставуваат силен аргумент и за прекуграничните проекти со соседните држави Србија и Бугарија, и за пристап до високи финансиски средства од фондовите на ЕУ, за кои гарантира државата, и кои им стојат на располагање на општината за реализација на заеднички проекти во интерес на граѓаните од општината и регионот.
Градоначалничката Жаклина Јовановска во својата изјава изрази голема благодарност за посветеност на Владата за реализација на проекти со општините и подобрување на животот во руралните региони.
„Владата несебично се залагаше нашата општина, која спаѓа во Североисточниот Регион, како еден од најнеразвиените региони, да помогне граѓаните да имаат еден достоинствен живот каков што заслужуваат бидејќи претходната власт воопшто не обрнуваше внимание на овој регион како да не постои. Старо Нагоричане е општина од рурален тип којашто опфаќа голем број села коишто се од разбиен тип и ние реално без многу силна поддршка од Владата каква што добивавме и се надевам ќе добиваме не можевме да успееме да ги оствариме сите проекти кои ги наброи самиот премиер и верувам дека заедно со голема поддршка на граѓаните ќе го задржиме и во иднина темпото на инвестирање во сите аспекти на инфраструктурата и севкупниот развој на нашата општина и регион“, истакна Јовановска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Стаменкоска Трајкоска: Создаваме еднакви можности и подобра иднина за сите ученици
Продолжува соработката меѓу Општина Кисела Вода, осумте општински основни училишта и општествено одговорни правни субјекти, која има за цел да им обезбеди поддршка на децата од семејства во социјален ризик. Оваа соработка се реализира во рамки на проектот „Грижа и сигурност за секое дете“, кој Општина Кисела Вода континуирано ќе го спроведува и во текот на учебната 2025/2026 година.
Во рамки на проектот, децата од социјален ризик имаат можност без никаков паричен надомест да посетуваат настава по странски јазици, информатика и програмирање, како и да бидат вклучени во различни спортски активности. Воспоставена е соработка со 14 спортски клубови (кошарка, фудбал, карате, одбојка, ракомет, кик-бокс и џиу-џица), во кои во моментов тренираат 26 деца, како и со 6 училишта за странски јазици, што ги посетуваат 9 ученици, и 2 училишта за информатика и програмирање, со 4 ученици вклучени во наставата, информираат од Општина Кисела Вода.
Овие активности беа тема на денешната работна средба меѓу градоначалничкат Бети Стаменкоска Трајкоска, претставниците на општинската администрација и директорите на општинските основни училишта.
Во својата изјава, градоначалничката истакна дека Општина Кисела Вода континуирано инвестира во унапредување на наставниот процес, со цел секое дете да има еднаква можност за развој и напредок.
-Остануваме целосно посветени на создавање еднакви и подобри услови за образование и поголема достапност до современи образовни и спортски активности. Благодарни сме на сите општествено одговорни правни субјекти кои со својата поддршка и ангажман се значаен партнер на Општина Кисела Вода во оваа важна мисија- изјави градоначалничката Бети Стаменкоска Трајкоска.
Македонија
(Видео) Стојаноски: Бројките говорат дека граѓаните се заштитени на улиците со „Безбеден град“, а Филипче и неговата СДС кои не ги поддржуваат проектите продолжуваат да тонат
Последниот закон потребен за од први февруари да започне официјалното функционирање на системот „Безбеден град“ денеска е пред пратениците.
Станува збор за Предлог на законот за изменување и дополнување на Законот за прекршоците со кој се предвидува можност за примена на технологиите како систем за детектирање преку технички средства и уреди за снимање кои можат да бидат добра алатка за брзо и ефикасно детектирање на сообраќајните прекршоци и спроведување на санкции за истите, истакна Бојан Стојаноски, пратеник на ВМРО-ДПМНЕ.
„Безбеден град е проект зад кој застанаа сите политички фактори. Поддршката е обезбедена на лидерската средба иницирана од претседателот Христијан Мицкоски.
Но, Филипче и ова негово СДС продолжува со деструктивната политика. Со одлуката да не го поддржат проектот и потребните закони за негово функционирање покажуваат дека не се заинтересирани ниту за проект кој овозможува безбедност на граѓаните во сообраќајот.
Дека станува збор за систем што дава резултати говорат и бројките од Министерството за внатрешни работи.
Колку за илустрација, првиот ден кога почна тест периодот на први декември камерите во Скопје регистрирале 110.000 прекршоци од кои 90 проценти за брзо возење. Само за еден ден од функционирање на системот или на втори декември, бројката драстично паднала на 50.652 прекршоци“.
Според информациите од МВР, додаде тој, бројката на смртни случаи е намалена од 11 на 2 смртни случаи во декември 2025 и јануари 2026 година, а бројот на повредени како последица на непочитување сообраќајни правила компарирано за овие педесетина дена е намален за 35 проценти.
Како што нагласи, граѓаните со овој проект се заштитени на улиците, а на СДС и останува да тоне со своите деструктивни политики.
Македонија
Уметност и хуманост во едно: Mozzart дели бесплатни карти za „Олд Сејбрук“
Mozzart подарува бесплатни карти за претставата „Олд Сејбрук“ и ги отвора вратите на една вечер во која театарот дише со полни гради.
Кога светлата ќе се пригушат, а сцената оживее, започнува патување низ смеа што ослободува. Секој дијалог носи трага од искреност, секоја тишина има своја тежина, а секоја емоција го наоѓа патот до публиката.
Театар Комедија ќе биде дом на една посебна приказна на 11 февруари.
Настанот носи и хуманитарна мисија. Присутните ќе имаат можност преку SMS порака да донираат за организацијата Банка за храна. Една порака – еден оброк за оние на кои им е најпотребно. Така секој аплауз ќе одекне двојно: како радост на уметноста и како глас на добрината.
Валентин Костадиновски, Дарја Ризова, Елена Кузманов, Благој Веселинов, Атанас Атанасовски, Маја Љутков и Тони Денковски ќе ве поведат низ свет полн со емоции, каде секој збор и секој поглед на сцената ќе потсетат дека уметноста е најубавиот начин да се сподели човечноста.
Сите љубители на уметноста и хуманоста се поканети да бидат дел од оваа незаборавна вечер каде душата и сцената се спојуваат во едно.
Од понеделник, 26.01.2026, своите карти можете да ги обезбедите на билетарата во Театар Комедија.
Количините се ограничени – најбрзите ќе имаат привилегија да бидат дел од ова искуство. Влезот е бесплатен, а картите ќе се делат сè до пополнување на капацитетот.
Mozzart и Театар Комедија ветуваат вечер што ќе ја паметите – вечер во која уметноста и хуманоста се прегрнуваат и создаваат незаборавна симфонија на добрина.
ПР
Филков: Случајот со апелациониот судија не е само скандал, тоа е симбол на длабока системска слабост
Министерот за правда Игор Филков на денешната прес-конференција се осврна на актуелните состојби во правосудството и пристапот на Министерството за...
ДУИ: Дебаклот во Давос како слика за урнисана меѓународна позиција на земјава
Демократската унија за интеграција реагира на како што велат, крајно погрешната и штетна патека по која се движи Република Северна...
Нема подигање пратки од Пошта, вработените протестираат за плата: ги минаа празниците и најдолгиот месец во годината без пари
Вработените во Македонска пошта од целата држава денес излегоа на протест преку кој побараа да им се исплати платата која...
Мицкоски: Без одржлива струја нема развој на вештачката интелигенција – градиме гасни интерконектори со две соседни држави
Македонија ги зајакнува преносните линии за електрична енергија и за гас, во однос на вештачката интелигенција. Се гради еден гасен...
СДСМ со пакет амандмани: промена на членот за злоупотреба на службената положба, без рок за конфискација и 48 часа за снимките од „Безбеден град“
Пратениците на СДСМ поднесоа повеќе амандмани на Предлог-законот за изменување и дополнување на Кривичниот законик. Како што соопштуваат од партијата,...
(Видео) Бурата „Ингрид“ пустоши низ Франција: бранови како згради, ветерот носи сè пред себе
Бурата „Ингрид“ денес донесе силни ветрови, обилни врнежи од дожд и крајбрежни поплави во западниот француски департман Финистер во регионот...
Аракчи му порача на Зеленски: На светот му е доста од збунети кловнови
Министерот за надворешни работи на Иран, Абас Аракчи, му порача на претседателот на Украина, Володимир Зеленски, дека „на светот му...
Јанкулоска: СЈО и сите таму беа „црпнати“, водеа политички прогон и билдаа партиски рејтинзи
Поранешната министерка за внатрешни работи, Гордана Јанкулоска, го коментира застарувањето на предметот „Талир“ на некогашното специјално обвинителство. Таа обвини дека...
Трамп до канадскиот претседател: Ја повлекувам вашата покана до најпрестижниот Одбор за мир
Претседателот на САД, Доналд Трамп, денес ја повлече претходната покана до Канада да се приклучи на Одборот за мир, иницијатива...
Путин се сретна со Американците, им рече дека не се откажува од украинските региони
Русија објави дека денес ќе одржи безбедносни разговори со САД и Украина во Абу Даби, предупредувајќи по средбата на претседателот...
САД, Украина и Русија на преговарачка маса во Абу Даби
Првите трилатерални мировни преговори меѓу Соединетите Американски Држави, Украина и Русија ќе се одржат денес во Абу Даби, потврди Кремљ....
Незаконски e суспендирана првата обоистка Татијана Петрушевска од МОБ, објави Синдикатот на културата кој повика на заштита од министерот Љутков
Обоистката од Оркестарот на Националната опера и балет (НОБ) Татијана Петрушевска незаконски е суспендирана од работа од страна на генералниот...
„Постои нешто магично во оваа земја“: Проштална порака на Агелер до македонските граѓани
Американската амбасадорка Ангела Агелер ѝ се обрати на јавноста со отворено писмо по повод завршувањето на нејзиниот тригодишен мандат во...
(Видео) Мицкоски од Давос: „Бошков Мост“, „Чебрен“ и „Галиште“ ги привлекоа инвеститорите
Премиерот Христијан Мицкоски од Давос соопшти дека имал уште еден успешен ден со бројни билатерални средби и настапи, во рамки...
Алиу: Забрана за рекламирање и промоција на тутунски производи, јавното здравје пред комерцијалниот интерес
Новиот предлог-закон за заштита од пушење предвидува целосна забрана за рекламирање, промоции и спонзорства од тутунската индустрија. Овие законски одредби...
(Видео) Филипче: Илјада токсични наслови – докази за организиран линч врз мене и СДСМ
Претседателот на Социјалдемократски сојуз на Македонија, Венко Филипче, денеска на прес-конференција истакна дека против него и СДСМ се води координирана...
Од денес извод на родени, починати, венчани или потврда за слободна брачна состојба се вадат со неколку клика
За извод од матична книга на родени, починати, венчани или потврда за слободна брачна состојба граѓаните од денес не мораат...
Групација за производство на цигари: Предложениот закон за заштита од пушење сериозно ќе загрози значајни сегменти од индустријата, бизнис секторот и економијата
Групацијата за производство на цигари, која е дел од Здружението на производители на тутун и производи од тутун во рамките...
Ова се земјите што дојдоа да го формираат Одборот за мир на Трамп
Претседателот на САД, Доналд Трамп, го претстави својот Одбор за мир. На церемонијата присуствуваа помалку од 20 земји, а меѓу...
РКЕ најави паметни броила – граѓаните од телефон ќе може да ја следат потрошувачката на струја
Задолжително тестирање на критичната инфраструктура, воведување на сет на меѓународни безбедносни правила, секоја енергетска компанија да подготвува одделен буџет во...
