Контакт

Македонија

(Видео) Старото матично стана младински центар

Објавено пред

Градоначалникот Петре Шилегов и градоначалникот на општина Центар, Саша Богдановиќ, денеска го пуштија во употреба новиот младински центар „Матично“, сместен во објектот на поранешната Управа за водење на матичните книги, на улицата Михаил Цоков.

Станува збор за култен објект на кој му беше неопходна целосна реконструкција, а сега прераснува во младински центар, во кој разни младински и извиднички организации, но и неформални групи, ќе може да ги реализираат своите едукативни и културни активности.

„Иницијативата за овој проект дојде токму од младите од општината Центар, што е доказ за инклузивноста што сакаме да ја внесеме во секој сегмент од општеството. Станува збор за еден од култните објекти во нашиот град, објектот на Матичното, што 52 години не беше реновиран, а сега може да го видиме во едно сосема поинакво и поубаво светло. Она што мене ме радува е што прифатената иницијатива од младите е доказ како со интеринституционална соработка можеме и од нешто што било руинирано да создадеме квалитет повеќе. Тука, пред сè, мислам на соработката што ја остварија Владата на Република Северна Македонија и Општина Центар со доделувањето на овој објект на трајно користење на Општината, внесувањето разни организации и донаторска помош, која беше дел од овој процес, како и индиректната помош што Град Скопје ѝ ја дава на Општината Центар, особено во реализацијата на програмите што се однесуваат на младите луѓе во нашата држава“, рече градоначалникот Шилегов на денешната прес-конференција.

Шилегов нагласи дека се гордее што ваков Младински центар излегува токму од срцето на Скопје, од општината Центар, како пример што треба да го следат сите единици на локална самоуправа.

„Ние пред неколку месеци имавме заедничка прес-конференција, на која почна реновирањето на овој објект, сега го гледаме во сосема ново светло, што значи дека можеби не се потребни толку многу материјални средства, не е потребен толкав ангажман, колку што е потребна креативност во реализацијата на определени проекти. Токму поради тоа, младите треба да бидат дел од тој процес зашто нивната креативност ни помага нам кои ги водиме институциите да ја промениме перспективата. Градот Скопје и тоа како ги поддржува младите во нашиот град. Досега неколкукратно, повеќе од 4 пати, ги имаме зголемено буџетските средства во споредба со минатото, со кои ги поддржуваме младите скопјани во областа на спортот и во областа на културата. Ги поддржуваме и добрите ученици со давање стипендии. Тоа се политики што јас мислам дека се вистинските политики и се влог во иднината, а дел од нашата работа е да мислиме на иднината. Токму овие деца, кои сега ја даваат оваа креација, за десетина години ќе бидат носители на општествениот живот“, рече Шилегов.

На денешниот настан присуствуваа и директорот на Агенцијата за млади и спорт, Наумче Мојсоски, и заменик-министерот за локална самоуправа, Зоран Димитровски.

Општина Центар е првата општина на територијата на Скопје, а и во државата, која отвора ваков младински центар како обврска што произлегува од Законот за младинското учество и младинските политики.

Македонија

Почина новинарот Драган Ристов, ја изгуби битката со коронавирусот

Објавено пред

Новинарот Драган Ристов ја загуби битката со коронавирусот.

Тој беше хоспитализиран на Клиниката „Жан Митрев“ и за неговото лекување се собираа финансиски средства.

Ристов почина на 47-годишна возраст поради сериозни компликации од коронавирусот.

Тој беше татко на две деца и дологогодишен новинар, сликар и советник за односи со јавност во општина Штип.

На македонската јавност ѝ е познат по тоа што секоја година беше одговорен и за прес-конференциите на Фестивалот за забавна музика „Макфест“.

Прикажи повеќе...

Македонија

11 починати и 843 новозаразени од Ковид-19

Објавено пред

Министерството за здравство информира дека во последните 24 часа се направени вкупно 3.519 тестирања, а регистрирани се 843 нови случаи на Ковид-19, и тоа во: Скопје – 360, Прилеп – 66, Неготино – 54, Куманово – 51, Кавадарци – 44, Струмица – 33, Велес – 30, Тетово – 26, Охрид – 25, Гевгелија – 22, Крива Паланка – 20, Гостивар – 18, Кочани – 16, Штип – 12, Богданци – 11, Битола – 9, Крушево – 8, Кичево и Пробиштип по 6, Струга – 5, Ресен и Демир Капија по 4, Валандово и Демир Хисар по 3, Свети Николе, Берово и Кратово по 2 и еден во Македонски Брод.

Регистрирани се 333 оздравени пациенти, и тоа од: Скопје – 115, Кавадарци – 64, Неготино – 26, Прилеп – 25, Тетово – 18, Куманово – 15, Велес и Гевгелија по 10, Штип и Струмица по 9, Гостивар, Битола, Дебар и Берово по 4, Кочани и Крушево по 3, Кичево и Кратово по 2 и по еден во Охрид, Ресен, Делчево, Валандово, Богданци и Демир Капија.

Пријавени се вкупно 11 починати лица – 5 пациенти од Скопје (77, 73, 63, 63 и 39 години), по 2 пациенти од Кавадарци (77 и 71 година) и од Неготино (77 и 63 години) и по еден пациент од Куманово (75) и Кочани (72). Сите пациенти се починати во болнички услови.

Направени се 3.519 теста преку: ИЈЗ – 818, ЦЈЗ Скопје – 75, „Авицена“ – 308, „Биотек“ – 306, „Жан Митрев“ („Филип Втори“) – 176, „Систина“ – 306, лабораторија „Лаор“ – 248, Судска медицина – 12, ЦЈЗ Битола – 98, Клиника за инфективни болести и фебрилни состојби – 1, „Синлаб“ – 59, „Ремедика“ – 21, лабораторија во болницата во Козле – 18, ЈЗУ и ПЗУ (рапид-тест) – вкупно 1.056, УК Пулмологија со алергологија – 2 и ГОБ „8 Септември“ – 15.

Досега во земјата се направени вкупно 537.024 тестирања на Ковид-19.

Вкупната бројка на ковид-дијагностицирани лица од почетокот на епидемијата изнесува 106.110, бројката на оздравени пациенти е 94.275, на починати е 3.176, а бројот на активни случаи изнесува 8.659.

Според досега завршените епидемиолошки анализи ова е статистиката по градови. За секој град првин се наведени бројките на нови случаи, а потоа и вкупниот број активни случаи:

Скопје 360, активни 3.988
Куманово 51, активни 349
Прилеп 66, активни 704
Тетово 26, активни 254
Гостивар 18, активни 159
Штип 12, активни 105
Велес 30, активни 243
Кавадарци 44, активни 539
Битола 9, активни 188
Охрид 25, активни 428
Струмица 33, активни 182
Струга 5, активни 168
Кочани 16, активни 100
Кичево 6, активни 44
Неготино 54, активни 305
Гевгелија 22, активни 255
Свети Николе 2, активни 21
Крива Паланка 20, активни 126
Ресен 4, активни 50
Дебар, активни 17
Делчево, активни 65
Радовиш, активни 10
Берово 2, активни 28
Пробиштип 6, активни 37
Виница, активни 23
Валандово 3, активни 35
Крушево 8, активни 81
Богданци 11, активни 62
Кратово 2, активни 26
Демир Хисар 3, активни 25
Македонски Брод 1, активни 5
Демир Капија 4, активни 30
Македонска Каменица, активни 2
Пехчево, активни 4
Дојран, активен 1

Прикажи повеќе...

Македонија

Убиецот на Мартин Нешкоски од Бугарија спроведен во затворот „Идризово“

Објавено пред

За помалку од месец по апсењето, Бугарија го екстрадира специјалецот Игор Спасов, убиецот на Мартин Нешкоски.

Пред 25 дена тој беше уапсен во Софија, а денеска бугарските власти го испорачаа на граничниот преми Деве Баир. Од таму го презеде македонското МВР и го спроведе во затворот „Идризово“.

При преземањето на гриничкиот премин имаше засилено полициско присуство. Постапката за екстрадиција ја водеше Министерството за правда, а кога, по потерница од МВР, бегалецот Игор Спасов беше уапсен во соседна Бугарија. Тој треба да доиздржи затворска казна од седум години и три месеци во „Идризово“, според веб-страницата на МВР.

За Спасов имаше меѓународна потерница повеќе од една година за доиздржување на затворската казна.

Тој беше пуштен од затворот „Идризово“ на лекување со одлука на штипскиот суд поради лоша здравствена состојба во 2018 година. Кон крајот на септември 2019 година од затворот беше испратено известување до судот дека Спасов не се јавил на доиздржување на затворската казна.

Спасов беше уапсен на почетокот на февруари во софиската населба Младост од страна на бугарската полиција по добиена пријава за семејно насилство. По неговото пронаоѓање, беше известена Македонија, а Министерството за правда за осум дена испрати барање за екстрадиција со сите придружни документи.

Поранешниот специјалец Спасов е осуден на казна затвор од 14 години за убиството на Мартин Нешкоски, а кое се случи вечерта по прославата на ВМРО-ДПМНЕ по победата на парламентарните избори во 2011 година. Казната затвор ја издржуваше од 2011 година.

По неговото бегство, кружеа шпекулации дека тој е во Турција, но и дека во акцијата се вмешани полициски службеници. Јавното обвинителство во Штип во 2019 отвори и истрага за да утврди кој сè е вмешан, но и како Спасов успеал да ја напушти државата. До сега резултати од неа нема.

Прикажи повеќе...

Најново

Европа4 часа

Состојбата во Чешка критична, дел од пациентите се испраќаат во други земји

Чешка побара од Германија, Швајцарија и Полска да примат десетици пациенти заразени од Ковид-19, бидејќи состојбата во чешките болници е...

Регион5 часа

Србија викендов делумно се затвора, рапиден скок на новозаразени од Ковид-19

Заврши седницата на кризниот штаб во Србија на која беше анализирана моменталната епидемиолошка состојба. Одлучено е да има затворање од...

Македонија8 часа

11 починати и 843 новозаразени од Ковид-19

Министерството за здравство информира дека во последните 24 часа се направени вкупно 3.519 тестирања, а регистрирани се 843 нови случаи...

Македонија8 часа

Убиецот на Мартин Нешкоски од Бугарија спроведен во затворот „Идризово“

За помалку од месец по апсењето, Бугарија го екстрадира специјалецот Игор Спасов, убиецот на Мартин Нешкоски. Пред 25 дена тој...

Македонија10 часа

Руската вакцина ќе пристигне во Македонија оваа недела

Премиерот Зоран Заев соопшти дека, најверојатно, првите 3.000 вакцини „спутник в“ ќе пристигнат во земјата в недела. „Еве, јас знам...

Македонија11 час

Медицинска сестра од Ортопедија за операција барала 300 евра, бонбониера и пијалак, во полиција ја пријавиле доктори

Медицинска сестра од Клиниката за ортопедија е обвинета дека за операција барала и добила 300 евра, бонбониера и пијалак. Во...

Топ12 часа

Прекината свадба во Тетово, притворен сопственикот на угостителскиот објект

Полицијата вчера прекинала свадба со 110 гости угостителски објект во Тетово. Приведен е сопственикот на угостителскиот објект. „По претходна пријава,...

Топ12 часа

Познат идентитетот на убиените во Топанско Поле

МВР со детали за пукањето ноќеска во скопската населба Топанско Поле. Како што се наведува, убиени се лицата А. Б....

Регион13 часа

„Блиц“: Колапс на системот во Врање – преполни болници, а Македонците стигнаа на шопинг

Епидемиолошката состојба во српскиот град Врање е вонредна и исклучително тешка, предупредуваат експертите во земјата. Покрај наглото зголемување на бројот...

Европа13 часа

Молдавија прва во Европа доби вакцини преку „Ковакс“

Молдавија е прва европска земја што доби вакцини против коронавирусот од глобалната програма „Ковакс“, објави претседателката Маја Санду. Таа на...

Свет14 часа

(Видео) Во зоолошка во Сан Диего вакцинирани мајмуни против коронавирусот

Девет мајмуни во зоолошката градина во Сан Диего – четири орангутани и пет бонобо – се вакцинирани против Ковид-19, со...

Македонија14 часа

Ноќеска пукање во Топанско Поле, мртви две лица

Двајцата убиени, во кои ноќеска беше пукано, се од Скопје, на возраст од 24 и 28 години, велат од МВР...

Регион14 часа

Словенија ги заострува условите за влез во земјата поради новите видови коронавирус

Поради опасност од внесување нови варијанти на коронавирусот, Словенија ќе спроведе засилен надзор и ќе ги заостри условите за влез...

Свет14 часа

Папата ја почна историската посета на Ирак

Папата Франциско, утрово, на аеродромот во Рим полета со авион во историска посета на Ирак, пренесоа агенциите. Како што се...

Европа15 часа

Австралија бара од ЕК да ја преиспита одлуката за блокирање на вакцините од „Астра зенека“

Австралија бара од Европската комисија да ја преиспита одлуката за блокирање на испораката на вакцините на „Астра зенека“ во таа...

Свет15 часа

Во Мексико убиени над 60 политичари пред изборите во земјата

Најмалку 64 политичари се убиени во последните шест месеци во Мексико. Се претпоставува дека тоа има некаква врска со парламентарните...

Свет1 ден

90 проценти од Израелците примиле барем една доза вакцина или го прележале коронавирусот

Премиерот на Израел, Бенјамин Нетанјаху, денес објави дека Израел, Австрија и Данска ќе формираат заедничка основа за истражување, развој и...

Македонија1 ден

Нов силен земјотрес во Грција, почувствуван и во Македонија

Земјотрес со јачина од 5,9 степени според Рихтеровата скала ја погоди Грција, а потресот беше почувствуван и во Македонија. Според...

Свет1 ден

Путин: Руските вакцини против коронавирусот се најбезбедни и најефикасни во светот

Претседателот на Русија, Владимир Путин, рече дека руските вакцини против коронавирусот се најбезбедни и најефикасни во светот. Путин на состанокот...

Свет1 ден

Земјотрес со јачина од 7,2 степени го погоди Нов Зеланд, издадено предупредување за цунами

Силен земјотрес го погоди Нов Зеланд. Според првичните проценки на emsc-csem.org, земјотресот бил со јачина од 6,9 степени според Рихтеровата...

Досие