Македонија
(Видео) Стоилковски: Правосудниот систем работи по системот Заев – живи луѓе ќе јадеме

„Во Република Македонија не постои судство, ниту правен систем, постои Кацарска-џубокс за исполнување на нарачаните желби и пресуди на единствениот во Европа криминоген, однароден, аболиран и помилуван премиер Зоран Заев за организирање политички прогон. За македонскиот судски систем, повеќе не важи максимата: ‘Правдата е слепа’, туку во македонските судници под симболот на тасот слободно се чита: ‘Апсениот Заев рече живи луѓе ќе јадеме’. Нема аргументи, нема факти, нема докази – има само нарачка, диктат на властодржецот и желба на Кацарска-судството за што подлабоко задоволување“, изјави Наум Стоилковски, портпарол на ВМРО-ДПМНЕ.
Според него, во налетот на осветољубивоста и желба за изедначување залудни се обидите на ова џубокс Кацарска-судство и СДССМ кого било од ВМРО-ДПМНЕ, од поранешното и актуелното раководство, да го изедначи во очите на јавноста со криминогениот Заев и однародената влада.
„Зоран Заев не го признаваше судството за случајот ‘Глобал’. Зоран Заев не го признаваше судството за случајот ‘Пуч’. Зоран Заев не го признаваше судството за ‘Поткуп’ – фино аудио-видеодокументиран, со судски налог. Сега, Заев, со целиот криминоген габарит, стана главен реформатор на судството, ослободен, помилуван, аболиран – вели не се мешал во судството! Апсурд!“
Документите, т.е. обвинителниот акт за почесниот претседател на ВМРО-ДПМНЕ и актуелен пратеник во Собранието на Република Македонија, Никола Груевски – велат ниту има штета ниту има материјална корист. Има само набавено возило за потребите на Република Македонија, чиј безбедносен сертификат ги задоволува барањата за странските гости, ама и за владиниот кабинет. Па, нели, ќе го продаваа за да спасуваат болни деца? Нели го изложуваа таков гребен, гнасен, никаков?
Партизираното судство во пупката на Заев не може да мине необележан за овој период и за пресудите и однесувањата во нарачаните партиски чистки. Партиското судство се стави во улога на џелат, во улога на страшило за секој оној што мисли поинаку од извршната власт. Наместо правда и судство во заштита на правата на граѓаните, Република Македонија доживеа џелат и апо за слободоумните и правдољубивите!“, вели Стоилковски.
Тој додаде дека што и да направи, што и да помисли нарачателот, што и да измисли Кацарска-судството, еден факт ќе остане непроменет – ВМРО-ДПМНЕ не учествува во обезличувањето на македонскиот народ, на бришењето на македонската историја, на одземањето на името Македонија од Македонците и предавањето на соседите. А тоа е главната цел, тоа е главната болка.
„Почитувани, употребната вредност на овој криминоген и однароден нарачател, диктирач на судски пресуди, бргу ќе мине. За тоа какви ли пресуди ќе носат потоа за сите криминогени дејанија на оваа актуелна власт, во голем процент ќе зависи од нивните постапки денеска. Но, секако, ќе остане срамот на судската фела, на судството и правниот систем во целина, запаметен како период на коалиција ‘Кацарска-судство и Заев нарачателот’ за организиран политички прогон против опозицијата“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Меџити: Буџетот на Чаир, Бујар би го потрошил за една недела, државниот ревизор му ги извади валканите алишта на виделина

Кандидатот за градоначалник на Чаир од коалицијата „Вреди“, Изет Меџити, денеска реагираше на начинот на кој поранешниот министер Бујар Османи ги менаџирал јавните пари, предупредувајќи дека злоупотребите и вештачки надуените цени во тендерите се директна опасност за секоја институција и за буџетот на граѓаните.
„Ако само замислиме дека со вакви цени, со вакви рекетирања, Бујар ќе ја косеше тревата во Чаир исто како во салата ‘Борис Трајковски’, тогаш е јасно дека буџетот на општината ќе се проголта за една недела. Со таков начин на лошо менаџирање, наставниците ќе останеа без плати, а граѓаните без основни услуги“, изјави Меџити.
Тој се повика на последниот извештај на Државниот завод за ревизија, кој како што оцени, констатирал сериозни злоупотреби при организацијата на дводневен самит, за кој биле потрошени околу два милиони евра државни пари.
„Овде не станува збор за мои зборови или политички обвинувања. Овде зборуваат фактите, документите и официјалните извештаи. А кога еден министер троши два милиони евра за дводневен самит, додека граѓаните се мачат со инфраструктура, образование и основни услови, тоа е непростливо“, нагласи Меџити.
Тој потсети и на времето кога Османи беше министер за здравство, споменувајќи дека во Гинеколошката болница во Чаир тогаш добил прекар „пациентот“ – што според него е симболичен показател за неуспешното раководење со институциите.
Меџити кој денес оствари посета на ОУ “Васил Главинов” порача дека Чаир заслужува транспарентно управување, реални инвестиции и грижа за граѓаните, а не злоупотреби и тендери со рекетирање.
„Граѓаните имаат право да знаат каде завршуваат нивните пари. Моја обврска како иден градоначалник е да ја вратам довербата и да го заштитам буџетот на Чаир од вакви злоупотреби“, заклучи тој.
Македонија
На Табановце се чека околу 30 минути

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на ГП Табановце времето на чекање за излез од државата е околу 30 минути, додека на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Утре ќе се прска против комарци во Скопје

Од Градот Скопје известуваат дека утре (петок), во раните утрински часови ќе се изврши авионска дезинсекција на подрачјето на градот Скопје против ларви од комарци.
Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин.
Се известуваат пчеларите навреме да ги преземат потребните мерки за заштита на пчелите.