Контакт

Македонија

(Видео) Трајановски го критикува Шилегов: Ветувањата за чист воздух се покажаа како голо политиканство

Објавено пред

Две години не сакав да коментирам ништо од работењето на Шилегов за да не бидам сфатен погрешно и да не се даде каква било политичка конотација на коментарите, рече на прес-конференција поранешниот градоначалник и член на ВМРО-ДПМНЕ, Коце Трајановски, кој оцени дека на половина од мандатот на Шилегов, Скопје е град во кој хигиената е на многу ниско ниво.

„Отпадот е расфрлан околу контејнерите и на мали депонии, гледаме голема негрижа кон зеленилото, воздухот магично не се исчисти како што ветуваа, а градежните проекти речиси и да ги нема“, додаде тој.

Според Трајановски, центарот на градот е како 2 години никој да не пипнал ништо, од чистење па сè до уличните кучиња, кои, како што рече, никој повеќе не ги третира.

„За кучињата, според мои информации, Град Скопје и КХС им плаќаат големи суми на граѓаните каснати од кучиња. Се формира и ново ЈП ‘Лајка’, кое, освен за вработување партиски и ‘шарени’ послушници, не видовме дека воопшто работи нешто. Програмата ‘Залови – стерилизирај и врати’ веројатно и не постои. Требаше веднаш да се прошири, модернизира и доопреми ‘Вардариште’. А НВО не може да биде решение за толку крупна работа за Град Скопје“, смета поранешниот градоначалник.

Трајановски особено се задржа на загадувањето во главниот град и посочи дека од ветените 39 мерки, за овие 2 години завршена е само една.

„Воздухот не се исчисти магично, напротив, само се покажа голото политиканство на сегашните политичари, кои тогаш од позиција на опозиција ветуваа сè и сешто само за да дојдат на власт. Не работат мерните станици, овие 2 години во одреден период станавме најзагаден град во светот. Иако грејната сезона само што почна“, нагласи тој.

Трајановски додаде дека велосипедски патеки не се градат, со исклучок на неколку конекторски патеки.

„Здруженијата за слободен велосипедски сообраќај веќе не ни потсетуваат или бараат каде се велопатеките од планот за Скопје-велоград, кој беше направен додека јас бев градоначалник. Напротив, беше претставен истиот план само со одложен рок за две години. Нема ниту венци или протести пред Град Скопје за прегазени велосипедисти“, рече претставникот на ВМРО-ДПМНЕ.

Според него, на градежен план во Скопје во последните две години речиси ништо не се сработило.

„Имаше реконструкција на неколку булевари, која беше претставена како врвно градежно достигнување иако на истите тие булевари не беа сменети ниту рабниците. А всушност е само гребење и асфалтирање. Сметам дека ова се направи по изгубените претседателски избори во Скопје и во пресрет на следните парламентарни избори“, изјави Трајановски во своето обраќање и додаде дека од големите градежни ветувања, како Големиот ринг околу Скопје, со булеварите Црногорска, Словенечка, Хрватска, нема ни трага ни глас.

„Сметам дека овие две години се изгубени за Скопје. Се најавуваат нови проекти, но сметам дека тоа е во функција на предизборната кампања со цел да ја поправат лошата слика и да добијат повеќе гласови“, изјави поранешниот градоначалник.

Македонија

(Видео) Спасовски на Летната школа за женски активизам: Предводници сме на концептот 50-50 застапеност

Објавено пред

Потпретседателот на СДСМ, Оливер Спасовски денеска учествуваше на Летната школа за женски активизам во организација на Форумот на жени на СДСМ и Прогрес Институтот.

Во своето обраќање, Спасовски истакна дека СДСМ е партијата која се води од заложбите за целосна рамноправност меѓу мажите и жените и тоа досега е покажано низ конкретни, видливи примери.

„Кога во 2017 година ја презедовме одговорноста да ја водиме државата, наша приоритетна заложба беше да градиме еднакво општество за сите. Тоа значи и целосна родова еднаквост. Уште во првите денови од првиот мандат, презедовме чекори на зголемување на еднаквоста, преку зголемување но и воедначување на минималната плата во сите дејности. Со тоа ја исправивме тешката неправда врз нашите сограѓанки кои работеа во чевларската, кожарската и текстилната индустрија кои со години добиваа пониска минимална плата. Преку грантви, ги охрабривме жените во руралните средини да започнат свој бизнис, да вработуваат и други луѓе. Ја усвоивме Истанбулската конвенција чие спроведување значи и поголема заштита од родово базирано насилство. Нашата партија е предводник на концпетот 50-50 застапеност на мажи и жени во политиката и тоа освен на централно, ќе продолжиме да го правиме и на локално ниво“, порача Спасовски.

Тој се заблагодари за сиот досегашен ангажман на Форумот на жени кои го дава во креирањето на квалитетни родови политики.

„Форумот на жени на СДСМ даде значаен придонес во креирање на изборната програма која доби најголема поддршка од граѓаните. Верувам дека во следниот период, во овој мандат, Форумот на жени ќе продолжи со посветеноста и ќе даде важен придонес во реализација на мерките и политиките во програмата кои го унапредуваат квалитетот на живот на сите граѓани. Да работиме уште повеќе за да биде уште подобро“, заклучи Спасовски.

Прикажи повеќе...

Македонија

Почина новинарот Драган Чубриќ од Охрид

Објавено пред

По кратко боледување, почина Драган Чубриќ (67), долгогодишен новинар од Охрид.
Чубриќ дипломирал новинарство во Белград. Имаше плодна и богата новинарска кариера. Беше дописник на дневните весници „Нова Македонија“, „Вест“, во еден период работеше и како уредник во локалната телевизија ТВМ, а беше сопственик и уредник на порталот „ОhridLive“. Последните години беше дел од тмот на порталот „SDK.mk“.

Негова пасија беше авиомоделарството. Беше претседател на Аерооклубот „Охрид”. Ќе остане запаметен по љубовта кон новинарството, новинар од „стариот ков“, доследен на професија.
Чубриќ во својата долгогодишна кариера и објавените безброј текстови, остави белег во охридското и македонското новинарство.

Погребот на новинарот Драган Чубриќ ќе се изврши утре во 12 часот на градските гробишта во Охрид.

Прикажи повеќе...

Македонија

Велосипедистите викендов на спортска авантура во Берово

Објавено пред

Во организација на Планинарскиот Спортски Клуб Малешевска Корија, Берово се одржа настанот „Малешевска Корија – Спорт авантура 2020“. Настанот како што информирше Дина Муцунска претседател на клубот и организатор е поддржан од Агенцијата за млади и спорт во рамки на „Европската недела на спортот“.

„Активноста е поддржана од Агенцијата за млади и спорт преку проектот „Европска недела на спортот“- Be Active за што се заблагодаруваме на менаџерката Александра која ги препозна вредностите на нашето здружение во неговите активности за промоција на планинските спортови и здравите животни навики. За успешна реализација на настанот ни помогнаа општината и градоначалникот, полицијата, брзата помош и докторите кои ќе се погрижат за безбедноста и сигурноста на сите учесници.

Настанот вклучува две планински велосипедизам – „МТБ“ тури, низ многу атрактивни предели на Берово и неговата околина, како неколку културни објекти, природни знаменитости, езерото, вековни шуми, пространи видици, многу забава и дружење и е наменет за љубителите на природата, младите, рекреативците, спортистите, како и за оние љубопитните кои сакаат да ја почувствуваат планината одблиску низ активно искуство.

„Денес имавме учесници од цела Македонија и сме многу радосни поради тоа, затоа што речиси сите споделија дека сигурно ќе се вратат и повторно по нови планински активни искуства во беровските планини. За среќа немаше никакви повреди, сите се презадоволни и со насмевки на лице ни се заблагодаруваа за организацијата која им овозможи извонредно поминато време и незборавни спомени“, истакна Муцунска.

Планиннарско Спортскиот Клуб Малешевска Корија, Берово ги стави на располагање за изнајмување своите 25 премиум планински велосипеди, кои се од голема вредност за развој на планинскиот велосипедизам во регионот.

Прикажи повеќе...

Најново

Свет5 часа

Пакет со отров испратен до Доналд Трамп

Пакетот, кој содржи отровен рицин, е испратен до претседателот Доналд Трамп, пренесува „Си-ен-ен“.Двајца полицајци го пријавиле случајот. Извршени се два...

Свет5 часа

Борис Џонсон: Доаѓа вториот бран на епидемијата

Британскиот премиер Борис Џонсон изјави дека вториот бран на епидемија на коронавирус пристигнува во Велика Британија. Говорејќи во центарот за...

Култура6 часа

„Браќа Манаки“ во Битола – годинава без црвен тепих, но традицијата продолжува

Претседателот Стево Пендаровски вечерва, во Пациото на НУ Завод и музеј Битола, присуствуваше и се обрати на 41. Издание на...

Свет7 часа

Хаос во Лондон поради рестриктивните мерки: судири меѓу полицијата и демонстрантите

Полицијата во Лондон се судри со демонстрантите против рестриктивните мерки насочени кон спречување на ширењето на коронавирусот. Повеќе од 1.000...

Топ7 часа

Едно лице загина во возило кое излета на патот Неготино – Кавадарци, повредени уште тројца од семејството

Јавен обвинител од Основното јавно обвинителство Кавадарци во координација со ОВР Неготино, изврши увид на лице место, каде денеска во...

Регион9 часа

Стотици луѓе на Парадата на гордоста во Загреб, бараат промена на Уставот

Стотици луѓе се собраа на плоштадот Свети Марко во Загреб, каде се одржува 19. Парада на гордоста. Учесниците на Парадата...

Македонија9 часа

Шестмина починати и 140 нови случаи на Ковид-19 во земјава

Министерството за здравство информира дека во последните 24 часа се направени 1397 тестирања, а регистрирани се 140 нови случаи на...

Регион9 часа

(Видео) Ураганот донесе поплави и однесе два животи во Грција

Медитеранскиот ураган Јанос, кој ја погоди централна Грција денеска, однесе два животи, предизвикувајќи поплави и материјална штета. Two dead, one...

Спорт10 часа

Ѓоковиќ кршеше рекети, судијата го нарекуваше Федерер, но влезе во полуфинале

Светскиот рекет број 1, Новак Ѓоковиќ со судни маки успеа да се пласира во полуфиналето на Мастерсот во Рим, откако...

Македонија10 часа

(Видео) Како ќе изгледа враќањето на училиште: на секое дете ќе му се мери температура, маските ќе се вадат само за време на оброкот

Министерството за образование и наука во соработка и со поддршка на УНИЦЕФ И УСАИД, изработи видео во кое на јасен...

Топ11 час

Приведен светиниколец за мачење на животни

СВР Штип – ОВР Свети Николе ќе поднесе кривична пријава против М.Е. од селото Ерџелија, Свети Николе, поради мачење животни,...

Македонија12 часа

Османи: Предизвиците со Бугарија иако делуваат жестоко, тие се надминливи

Министерот за надворешни работи, Бујар Османи, денеска ги претстави приоритетите во неговиот мандат. Како прв и најважен приоритет Османи ги...

Свет13 часа

Се огласи Навални: Патот кон закрепнувањето е јасен, но долг

Рускиот опозиционер, Алексеј Навални, објави фотографија на „Инстаграм“ на која се гледа како се симнува по скали и напиша дека...

Гордана Јанкулоска, судење, Титаник Гордана Јанкулоска, судење, Титаник
Македонија15 часа

Јанкулоска: Ако некој ме бара, јас сум дома

Поранешната министерка за внатрешни работи, Гордана Јанкулоска, објави статус на „Фејсбук“ со кој ги негира информациите дека таа избегала откако...

Македонија16 часа

МОН: Децата кои немаат уреди за онлајн настава ќе може да ја следат од училница

Децата коишто немаат уреди за следење на онлајн настава во време на Ковид-19 ќе добијат можност за учење како и...

Свет16 часа

Трамп: До април ќе има вакцина за секој Американец

Претседателот на САД, Доналд Трамп, објави дека очекува до април САД да имаат доволно вакцини против коронавирус за секој Американец....

Македонија16 часа

За еден ден казнети 384 возачи во Скопје

Министерството за внатрешни работи во текот на вчерашниот ден продолжи со засилените акциски контроли во областа на сообраќајот. На територија...

Свет17 часа

Европската агенција за лекови одобри употреба на дексаметазон за лекување на Ковид-19

Европската агенција за лекови (ЕМА) одобри употреба на лекот дексаметазон за лекување на пациенти со Ковид-19 кои имаат проблеми со...

Топ17 часа

Млад скопјанец осомничен дека криел оружје и дрога во бункери во Бутел

Дваесет и четиригодишен скопјанец е осомничен дека ги сокрил оружјето, муницијата и дрогата во бункери во Бутел кои беа откриени...

Спорт17 часа

Либански фудбалер почина откако беше погоден од залутан куршум

Либанскиот фудбалер Мохамед Атви почина во болница откако беше погоден со залутан куршум во главата. 32-годишниот Атви бил погоден во...

Досие