Охридскиот договор е документот што направи промена во земјата и имаше за цел да ја промовира еднаквоста меѓу народите и развојот на земјата и нејзините граѓани. За овој документ многу млади мажи и жени ги жртвуваа своите животи, многу населени места беа тешко оштетени и се уште ги чувствуваат последиците, велат од Алијанса за Албанците.

„Денес, 21 години од потпишувањето на овој договор, целта се уште не е постигната во ниту еден од столбовите на овој документ, додека во некои од нив имаме и уназадување. Правична и соодветна застапеност не само што не е постигната, туку е пренасочена и заменета со партиско претставување на високи и клучни функции за системот. Денес не само што не постои еднаквост меѓу народите, туку нема и индивидуална правда за граѓаните. Во економската сфера не само што е зголемена сиромаштијата, туку се продлабочи и дискриминацијата во распределбата на буџетот по етничка основа. Албанците денес имаат финансиски проблеми, додека само тие од власта станаа милионери. Неспроведувањето на Охридскиот договор и неговиот дух доведе до зголемување на криминалот и корупцијата, главно на штета на албанскиот граѓанин#, потенцираат од оваа партија.

За појасно да се разбере неуспехот на владите од овие две децении, раководени од ДУИ, додаваат од Алијанса за Албанците, доволно е да се потсетиме, како што велат, дека дете родено во 2001 година, денес на 21 година возраст го прекинува учењето и ја напушта државата, тргнувајќи по патот во печалба. Многу негови врсници се деца на загинати борци кои се жртвуваа за овој договор, а многу жени коишто оттогаш останаа без сопружници денес ги испратија и своите синови.

„21 години по потпишувањето на Охридскиот договор, владејачката партија ДУИ се фали со миграцијата на младите и малкуте инвестиции на приватните бизнисмени, обидувајќи се да им го украдат трудот и нивното пожртвување“, е наведено во соопштението од оваа партија.

„Она трпезно грозје кое се откупува, цената е далеку од рентабилна и земјоделците не можат да ги покријат своите производни трошоци, а да не зборуваме за екстра профит, односно за задоволување на семејните буџетски потреби. Оваа ситуација е повеќе од алармантна затоа што едноставно сметам дека министерството и владата требаше многу порано да преземат одредени мерки кои ќе значат стабилизација на цената“ порача денеска од Тиквешко претседател на Комисија за земјоделство, шумарство и водостопанство на ВМРО-ДПМНЕ – Цветан Трипуновски.

Тој вели дека загрижувачки за лозарите е тоа што едноставно не знаат со каква цена, со каков приход можат да располагаат наредниов период. Десетина дена пред почеток на бербата, цената е незамисливо да биде несоопштена, вели тој.

„Сакам да упатам сериозен апел до Владата и ресорното министерство, да си ги прекинат своите летни одмори и да се појават овде во тиквешијата заедно со винарските визби да најдат прифатливи цени и за лозарите и за винарските визби“ рече Трипуновски.

Првиот вицепремиер и министер за политички систем и односи меѓу заедниците, Артан Груби, по повод 21-годишнината од потпишувањето на Охридскиот мировен договор, денеска упати честитка до сите граѓани на земјата, потсетувајќи на временските констелации кои доведоа до потпишувањето на овој правен акт и важноста од неговото спроведување за перспективата на демократскиот развој на земјата.

Груби го опиша Охридскиот договор како камен-темелник на сите демократски достигнувања на земјата и иницијатор на поглавјето на европското патување на земјата.

“Пред 21 година, со потпишувањето на Охридскиот мировен договор во земјава, конечно ќе почнеше да исчезнува маглата од идеологии на омраза, надмоќ, дискриминација, деструктивни предрасуди за здравата перспектива на иднината што ја зафати нашата земја.

Денеска сите сведочиме за револуцијата на прогресивна трансформација што овој правен акт ја предизвика во регулирањето на државата преку воспоставување на неопходните вредности на мир, еднаквост, консензуална демократија и социјална кохезија.

Накратко, Охридскиот мировен договор е камен-темелникот на сите демократски достигнувања на земјата, вистинскиот одговор на повиците за еднаквост, иницијатор на поглавјето на нашето европско патување, штитот на нашата непоколеблива прозападна определба“ рече Груби.

Тој смета дека „никој не изгуби од еднаквоста, напротив, подобро се запознавме меѓусебните вредности и во соживот успеавме да се интегрираме во НАТО, да напредуваме значително на патот на интеграцијата во Европската унија со започнување на преговарачкиот процес“.