Февруари е месец посветен на ретките болести. Годинава кампањата „Запознајте ги ретките болести“ во организација на Здружението „Ретко е да си редок“  се спроведува по седми пат и повторно со поддршка од компанијата Mozzart.

Претседателката на Здружението, Гордана Лолеска изрази голема благодарност за поддршката која компанијата ја дава за подобра организација и реализација на национална кампања за ретките болести.

„ Голема благодарност до компанијата Mozzart што повторно одлучи да застане зад нашата кампања посветена на ретките болести за кои треба да зборуваме се повеќе. Нивната помош многу ни значи на секое поле и е премногу важна. Овој проект првенствено беше замислен да оди во вид на текстови за ретки дијагнози по веб порталите секој ден во месец февруари, но ентузијазмот за работа и идејата да се направи нешто повеќе го дозбогатија проектот со видеа и аудија за секоја болест, така што проектот се емитуваше низа цела територија на Македонија и низ различни медиуми со што еден мал замислен проект прерасна во национална кампања за ретки болести“, изјави Гордана Лолеска, Претседател на Здружението „Ретко е да си редок“.

Првиот ден на ретки болести бил одбележан во 2008 година на 29 февруари и оттогаш, истиот се одржува секоја година на последниот ден од февруари, месец познат по својот редок број на денови.

„Втора година даваме поддршка на Здружението „Ретко е да си редок“ како и на кампањата „Запознајте ги ретките болести“.  По првата успешна соработка, одлучивме истата да ја продолжиме и оваа година и да бидеме дел од овој проект во кој ќе се реализираат голем број активности, а се со цел да се даде поддршка на лицата со ретки болести и на Здружението кое стои зад целата кампања. Драго ни е што и оваа година ќе бидеме дел од активностите и заедно ќе допринесеме за подобро запознавање на ретките болести”, изјави Ивана Стефановска Крстевска од Mozzart.

Она што не е ретко се добрите дела кои ги реализира лидерот во приредување игри на среќа. Препознатливи како компанија со најголема општествена одговорност, Mozzart не престанува да подава рака, да помага и да дава поддршка на многу места и во различни области.

ПР текст

Судскиот совет будно го следи случајот со смртно прегазената Фросина Кулакова од Неготино, уверува претседателот на Судскиот совет Александар Камбовски. Во вој момент смета дека не треба да се носат одлуки или да се вадат заклучоци, но не ја исклучи можноста повторно да се разгледаат досегашните случаи на убиецот на Фросина, Васил Јованов кој веќе бил осудуван за неколку дела, бил испратен во казнено-поправен дом, но јавноста на неколкуте протести по несреќата, замери дека секогаш му биле давани благи казни.

„Се работи за случај кој што ја потресе цела држава. Сите изразуваме сочувство до семејството и не би сакал сега во вакви моменти на чувства кои ги има кај сите граѓани да се носат некои избрзани одлуки или некои заклучоци да се изведуваат. Не се добри такви некои брзи промени да се прават во законот“, вели Камбовски.

Во однос на забелешките од семејството кое бара одговорност не само од убиецот, туку бара да одговараат и неговиот татко и судијката Даниела Алексовска-Стојановска која претходно Васил Јованов го спасила од затвор, претседателот на Судскиот совет Камбовски не сакаше да коментира.

„Случајот конкретно јас не го знам, не знам кои биле доказите, како бил настанот и не би се осудил да коментирам во врска со одлуката се додека не го видам цел предмет. Сигурно дека ќе се разгледува, секаде каде што има пропуст ќе биде санкциониран. Сите се залагаме за владеење на правото, не познавам никој што се согласува вакви состојби да ни се случуваат“, рече Камбовски.

Околу прашањето за тоа какви казни определуваат судовите, Камбовски смета дека ни недостасува официјална анализа која би покажала дали навистина секогаш се оди со поблаги казни оти Законот предвидува најблага казна од 4 години, но највисока од 20 години затвор. Тој смета дека драконски казни нема да го решат проблемот.

„Ако мислиме дека само со драконски казни ова ќе го решиме, ова нема да се реши. Ние имаме подлабок, поголем проблем. Не е ова проблем само на благи казни, не е ова проблем само на постапување на судовите. Ова е проблем на целово општество кое што го имаме и треба сите ние кои сме чинители во општеството да размислиме што може да направиме ова да не се повторува во иднина“, нагласи Камбовски.

Судскиот совет Камбовски вели дека најверојатно ќе направи разговори со судијката за да види кои се фактите во случајот, но сето тоа ќе оди во предвидена процедура. Во вој момент вели дека случајот будно го следат, но тоа не значи ниту дека ќе отвораат некоја постапка против судијката ниту пак дека нема да отвораат.

Правда за убиецот на Фросина, одговорност од таткото и од судијката вчера преку протести побараа и огромен број жители на Скопје и на Кавадарци.

Фросина Кулакова беше прегазена на пешачки премин на булеварот Партизански одреди во Скопје на 29 јануари од 20 – годишниот Васил Јованов за кого беше објавено дека возел пијан, без возачка дозвола и минал на црвено светло.

Согласно Годишниот извештај работата за 2024 година, Државниот инспекторат за животна средина, спровел 1.535 инспекциски надзори од кои 1.008 редовни, 247 вонредни и 280 контролни инспекциски надзори.

Како резултат на контролите, утврдени се 300 неправилности/законски повреди за кои се изготвени 300 решенија со кои се наредуваат или забрануваат одредени активности, односно се поведени постапки за санкционирање.

Реализирани се повеќе вонредни инспекциски увиди на територијата на целата држава на барање на Министерството за внатрешни работи во делот на управувањето со отпад, со цел сузбивање на нелегални дејствија при постапување со истиот. Контролите се реализирале во соработка со Царинската Управа, Државниот пазарен инспекторат и Управата за Јавни Приходи и други релевантни институции.

„Во текот на 2024 година добиени се вкупно 72 претставки од граѓаните по пат на достапните начини на комуникација – Фејсбук Месинџер и Веб-Пријави. Во однос на претходните два шестмесечни периоди од 2023 година бројот на претставките е намален, благодарение на превентивното постапување на инспекторите од Државниот инспекторат за животна средина, во рамки на редовните планирани инспекциски надзори, односно редовното информирање на јавноста преку каналите за информирање за тоа за кој вид на проблем каде да се обраќаат.
Од вкупно примените 72 претставки, 3 биле наменети за инспекторите во ДИЖС, сите останати 69 претставки се однесувале на постапување на општинските/овластените инспектори за животна средина, како и на општинските/овластените комунални инспектори за комунални работи. Најчесто претставките се однесувале на управување со отпад, палење на отпад/стрништа на јавни површини, бучава од угостителски објекти, непријатна миризба од чување домашни животни, атмосферски канал, септичка јама и канализација“, посочуваат од ДИЖС.

ДИЖС, како што истакнуваат, има постапено по сите претставки со теренски инспекциски надзори, самостојно или координирано со овластен инспектор за животна средина од општините. Претставките што не биле во надлежност на ДИЖС, се препратени до соодветни институции или барателите се упатени каде да се обратат.

„Основна функција на Државниот инспекторат за животна средина е спроведување на инспекциски надзор во согласност со законските прописи и други правни акти со кои се регулирани прашања од сферата на заштитата на животната средина, природата и водостопанството. ДИЖС главно има надлежности над деградација на животната средина и медиумите, на правните субјекти што поседуваат А – Интегрирана еколошка дозвола и елаборати издадени од Министерството за животна средина и простопрно планирање, завршуваат од ДИЖС.