Македонија
(Видео) Ѓорѓиевски: Оливер Спасовски да преземе одговороност, улиците на Скопје се претворени во бојно поле

Улиците на Скопје се претворени во бојно поле, веќе не владеат законот и полицијата, туку оружјето и мафијата, изјави Орце Ѓорѓиевски, член на ИК на ВМРО-ДПМНЕ по синоќешната крвава пресметка на улица „Рузвелтова“.
„Безбедносната состојба е сериозно нарушена. Улиците секој ден стануваат се повеќе крвави. Никој не се чувствува сигурен на улица. ВМРО-ДПМНЕ предупредуваше дека е нарушена безбедноста, Оливер го злоупотребувавте МВР за да испраќате соопштенија дека тоа било само во главите на вмровците. Ги лажеше граѓаните, а сега неговите лаги се плаќаат со човечки животи. Нашите граѓани се плашат да излезат од дома“, изјави изјави Ѓорѓиевски.
Член на Извршниот комитет на ВМРО-ДПМНЕ додава дека наместо Македонија да оди напред, „неспособноста и корумпирано раководство на МВР“, како што наведе не враќало 30 години назад. Ѓорѓиевски побара министерот за внатрепни работи, Оливер Спасовски да излезе и да објасни што се случува, и да преземе одговороност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода дел од скопски Карпош

ЈП Водовод и Канализација известуваат дека денеска ( четврток) поради изведување на водоводен приклучок од ф – 100 мм на ул. Осло бр. 15б, во периодот од 09.00 часот па се до завршување на работата, без вода ќе останат корисниците од ул. Осло. ( општина Карпош )
Македонија
Катерина Мирчовска именувана за нова директорка на болницата во Кочани

Катерина Мирчовска е именувана за нова директорка на болницата во Кочани, објави директорот на ФЗОМ, Сашо Клековски.
„Силно лидерство за болницата во Кочани!
Вчера за директорка на Општата болница Кочани е именувана Катерина Мирчовска, хирург. Веста помина штуро, со појаснување дека тоа е на барање на повредените од трагедијата за Кочани.
Катерина ја запознав низ работата за повредените од трагедијата во Кочани. Импресионира на прв впечаток. Полна со енергија, посветена, професионална, со големо срце, ги знае во детали сите најразлични потреби на повредените. Катерина се откажа од својот трансфер во ГОБ 8 септември Скопје за да се посвети на повредените“, објави Клековски на „Фејсбук“.
Тој додава дека Катерина е најдобар можен избор за водење на болницата во периодот на опоравување на повредените и ветува силно лидерство за болницата во овој критичен период.
Македонија
Меџити во Украина: Силно ја осудуваме руската агресија и бараме итно запирање на војната

Првиот вицепремиер и министер за животна средина и просторно планирање на Република Северна Македонија, Изет Меџити, денес учествуваше на Самитот „Украина – Југоисточна Европа“ што се одржа во Одеса, Украина.
Самитот, кој беше отворен од претседателот на Украина, Володимир Зеленски, претставува продолжение на претходните средби одржани во Атина, Тирана и Дубровник, со учество на високи претставници од земјите на Југоисточна Европа. Главната цел на самитот е поддршка за Украина и зајакнување на регионалната соработка и безбедноста.
Во своето обраќање, вицепремиерот Меџити изрази благодарност за гостопримството на украинските власти и ја реафирмираше непоколебливата поддршка од страна на Северна Македонија за суверенитетот и територијалниот интегритет на Украина.
„Обединети сме пред предизвиците кои го загрозуваат мирот, безбедноста и меѓународниот поредок. Силно ја осудуваме руската агресија и бараме итно запирање на војната“, – истакна тој.
Вицепремиерот Меџити ја нагласи и посветеноста на земјата за продлабочена регионална соработка и изградба на безбедна, мирољубива и демократска Европа.