Македонија
(Видео) Јанушев: Ќе изградиме европска патна и железничка инфраструктура
![](https://makfax.com.mk/wp-content/uploads/2020/07/јjanushev.png)
Се обврзуваме на реконструкција на сите државни патишта, дополнително ќе ја завршиме изградбата на експресниот пат Штип-Кочани и Штип-Радовиш кои беа почнати во време на претходната влада на ВМРО-ДПМНЕ, порача генералниот секртар на оваа партија, Игор Јанушев.
Само држава со развиена инфраструктурна мрежа може да се надева на засилен економски раст. Се обврзуваме на:✅Реконструкција на сите државни патишта✅Завршување на изградбата на експресниот пат Штип – Кочани✅Завршување на изградбата на експресниот пат Штип – Радовиш✅Изградба на експресниот пат Ранковце – Паланка✅Отворање на граничниот премин "Црна скала" кај Делчево✅Отворање на граничен премин Клепало – Сандански кај Берово✅Изградба на пругата Куманово – Деве БаирМакедонија ќе биде земја со развиена патна и железничка инфраструктура на ниво како и останатите земји од Европа. #ИсправиСеМакедонијо#ОдбериОбнова
Posted by Igor Janushev on Сабота, 04 јули 2020
„Во делот на североистокот, од Ранковце до Крива Паланка ќе изградиме исто така експресен пат што ќе значи заокружување на Коридорот 8 на делницата помеѓу Скопје и Софија. Ќе ја разгледаме можноста и за отворање на граничниот премин ‘Црна скала’ и поврзување на Македонија со Бугарија преку нов граничен премин кај Делчево“, посочи Јанушев.
Најави и отворање на граничниот премин премин Клепало – Сандански со што, како што наведе, Берово ќе добие директен линк со котлината на река Струма и автопатот Софија-Солун.
„Градежната офанзива значи и реконструкција и рехабилитација на над 1.000 километри патишта, проект на кој се обврзуваме. Квалитетното железничко поврзување исто така ќе биде наш приоритет. Ќе ја завршиме пругата од Куманово до Деве Баир, но и ќе набавиме нови возови“, посочи генералниот секретар на ВМРО-ДПМНЕ, додавајќи дека Македонија ќе биде земја со развиена патна и железничка инфраструктура на ниво како и останатите земји од Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
СДСМ оддаде почит и положи цвеќе на вечните почивалишта на Глигоров и Трајковски
![](https://makfax.com.mk/wp-content/uploads/2024/09/SDSM-delegacija.jpg)
Во рамки на официјалното одбележување на Денот на независноста – 8 септември, делегација на СДСМ составена од пратеникот Митко Трајчулески, претседателот на СДММ Трајче Стојчевски и Викторија Мадиќ денеска оддаде почит и положи свежо цвеќе на вечното почивалиште на првиот Претседател на Република Македонија, Киро Глигоров, на вечното почивалиште на Претседателот Борис Трајковски, на почивалиштето на првиот премиер Никола Кљусев и на споменикот на борците од НОБ.
Нивната големина и значаен придонес е вграден во државотворниот процес на осамостојувањето и градењето на независноста на македонската држава. Вечна им слава и почит.
Македонија
Делегација на Левица положи свежо цвеќе по повод 8 Септември
![](https://makfax.com.mk/wp-content/uploads/2024/09/Levica.jpg)
На денешен ден 1991 година е одржан Референдумот за независност на Македонија, а на Референдумот позитивно се изјасниле 1.079.308 граѓани, односно 95,26% од оние кои гласале биле „за“ суверена и независна држава Македонија.
По тој повод, денес на 33 – годишнината од независноста на Mакедонија, делегација на Левица составена од членовите на Централниот комитет, Андреа Јанков, Гордана Ивановска и Марјан Димитриев, положи свежо цвеќе на споменикот на паднатите борци на НОБ во Алејата на великаните во Бутел.
„И овој 8 Септември потсетуваме дека Уставното име на државата е Република Македонија! Референдумот одржан на 30 септември 2018 година, за промена на уставното име беше неуспешен. Оттука, промената на уставното име на државата, како последица на Преспанскиот договор, којшто насила го склучи тогашната квислингшка власт (без потпис од претседателот) е ништовен! Левица останува доследна на правото за самоопределување на народите и како партија не ги признава империјалистички наметнатите договори, спротивни на повелбата на ООН, коишто го нарушија суверенитетот на државата и угледот на Македонците! Сметаме дека овие нелегитимни договори не треба да се почитуваат! Секоја наредна Влада која ги почитува истите, слободно, може да се смета за соучесник во најголемото предавство направено на македонскиот народ од тогашната влада на СДСМ“, порачуваат од Левица.
Македонија
Казни за нерегистрирани производители на сирење и месо во Прилеп
![](https://makfax.com.mk/wp-content/uploads/2022/10/sirenje-2.png)
Агенцијата за храна и ветеринарство (АХВ) казни нерегистрирани производители на сирење во Прилеп и Скопје, како и месарница поради неводење на дневна евиденција за потрошени суровини за производство на подготовки од месо.
Како што информираат од АХВ, во прилепското село Ново Лагово, индивидуален земјоделец е казнет поради нерегистрирано производство на сирење и му е наложено да ја регистрира дејноста.
Во Прилеп, исто така, е изречена казна на оператор со храна – месарница поради неводење на дневна евиденција за потрошени суровини за производство на подготовки од месо.
Преку нивните редовни и вонредни контроли на целата територија на земјава казнети се и физички лица на скопскиот зелен пазар „Буњаковец“.
– Нештетно се уништени 8 килограми сирење, 2 килограми кашкавал, 5 пакувања мед со саќе во количина од 4,5 килограми, кои немале документ за потекло, стои во соопштението од АХВ.
Оттаму дополнуваат дека контрола е спроведена и во сендвичарница на овој зелен пазар каде не се утврдени неправилности.