Македонија
Владата: Објавувањето на Законот за јазиците во „Службен весник“ е уставно

Објавувањето на законите за јазиците и договорот од Преспа во „Службен весник“ е во согласност со Уставот, соопштија од Владата. Од таму додаваат дека претседателот Ѓорге Иванов го прекршил Уставот со непотпишување на договорите со оглед на тоа што тие двапати биле изгласани во Собранието.
„Владата на Република Македонија ја поддржува одлуката двата закона да бидат објавени во ‘Службен весник на РМ’ со потпис на претседателот на Собранието имајќи го предвид прекршувањето на Уставот од страна на претседателот Ѓорѓе Иванов. Иванов беше должен да го потпише указот за прогласување на двата закона, а кога тој одлучува да го крши Уставот, неопходно е да се преземат мерки што се во согласност со Уставот за да продолжи да функционира парламентарната демократија“, велат од Владата.
Од таму се повикуваат на членот 75, став 3 од Уставот на РМ, според кој, „претседателот на државата е должен да го потпише указот за прогласување на законите што ги носи Собранието на Република Македонија доколку тие вторпат се донесат со потребното мнозинство во законодавниот дом, односно Собранието“.
„И двата закона, Законот за употребата на јазиците во Република Македонија и Законот за ратификација на договорот од Преспа, се усвоени вторпат со потребното мнозинство во Собранието на Република Македонија. Законот за употреба на јазиците во март оваа година, а Законот за ратификација на договорот од Преспа на 5 јули, исто така оваа година. Во согласност со уставните одредби, а поради неизвршување на обврските на претседателот на државата, на претседателот на Собранието на Република Македонија, единствено што му преостана е да ја исполни должноста што произлегува од членот 52 од Уставот во согласност со кој законите што вторпат се донесени со потребното мнозинство во законодавниот дом, треба да бидат објавени во ‘Службен весник на РМ’ 7 дена по нивото донесување“, објаснуваат од Владата.
Од таму сметаат дека со оваа постапка претседателот на Собранието ја запрел тенденцијата една церемонијална постапка на претседателот на државата да се претвори во преседан кој се закануваше да го блокира функционирањето на системот, и тоа со кршење на Уставот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Меџити побара од хирурзите да оперираат за викендите без надомест за да се намали листата на чекање

Министерот за здравство Фатми Меџити ги повика хирурзите од сите специјалности доброволно да оперираат за викендите за да ги намалат листите на чекање.
Тој ги повика неговите колеги, без надомест да покажат хуманост, исто како што беше примерот на кардиохирурзите од Ниш, кои од почетокот на годината во саботите и неделите оперираа пациенти.
„Дајте тоа што беше позитивна приказна во Ниш да ја повториме тука. Да ја ревидираме таа листа на чекање, на операции. Да направиме и ние такво хумано дело со цел да не чекаат толку долго пациентите. Да покажеме дека еве, сакаме да направиме нешто повеќе за општеството, како општествена одговорност. Пред сѐ, ние сме хумани лица“ изјави Меџити.
Македонија
(Видео) Северина направи гужва на „Рузвелтова“

Поради концертот на хрватската пејачка Северина, вечерва во клубот „Мош“ во Скопје, настана хаос во сообраќајот на улицата „Рузвелтова“
Колона возила и нервозни возачи се движат и по булеварот „Илинден“. Според очевидци, на врата се чекало од 18 часот за влез на концертот на Северина.
Сообраќајот е целосно во застој, а полцијата ги брка сите што застануваат барајќи паркинг место.
Македонија
Змија во центарот на Скопје:„Ништо не е искосено, права џунгла“

Змии шират паника кај скопјани. На социјалните мрежи е споделена фотографија од змија, која, како што е наведено, се појавила на паркинг во центарот на Скопје.
„Змии шетаат во Центар. Ништо не е искосено, права џунгла е“ пишува во еден од коментарите под фотографијата.
Засега нема информации за каков вид на змија станува збор, но луѓето треба да бидат внимателни во овој период кога температурите се повисоки и змиите излегуваат.
Змија вчера беше забележана на кејот на Вардар, каде има поголемо движење на луѓе. Претходно змии имаше и во Аеродром, а ист проблем беше и лани кај МНР.