Контакт

Македонија

Владата: Работата на функционерите е под лупа како никогаш досега

Објавено пред

Владата останува посветена на реформите во полето на борбата против корупција, a работата на функционерите e под лупа како никогаш досега, велат од Владата преку соопштение како одговор за индексот на перцепција на корупцијата.

„За бескомпромисна борба против корупцијата ги подигнавме отчетноста и транспарентноста на институциите на извршната власт, која треба да биде зајакната и со независно, транспарентно и отчетно судство и обвинителство, со непартизирана антикорупциска комисија.

Владата на Република Северна Македонија останува да се раководи од ставот дека отворените податоци се силен поттик и дополнително ги јакнат доброто управување, транспарентноста, интегритетот и со јавното учество на граѓаните и другите засегнати страни во креирањето на политиките.

Сите реформи што беа преземени и што се спроведуваат се во насока на создавање силни и независни институции и механизми за борба против корупцијата сѐ со цел да се врати довербата на граѓаните во институциите на системот.

Во таа насока имаме сериозни остварувања и резултати. Според последното истражување на Action SEE за транспарентност, отвореност и отчетност на извршната власт во регионот на Западен Балкан објавено минатата година, Владата на Република Северна Македонија, заедно со Црна Гора, се издвојува во регионот според индексот на отвореност, кој изнесува 78 отсто во однос на исполнување на индикаторите.

Трендот е растечки во последните две години и донесе пресврт во рангирањето на нашата земја ако се знае дека во 2016 година бевме на последното место со 52 отсто исполнети индикатори.

Донесовме законска регулатива, која на Државната комисија за спречување на корупцијата – од почнувањето со функционирање во новиот состав минатиот февруари, ѝ создаде солидно досие на поведени случаи, вклучително и поведени иницијативи за утврдување кривична одговорност за актуелни носители на јавни функции, како и поништени решенија за вработување.

На 17 јануари ДКСК ја донесе петгодишната национална стратегија за спречување корупција, чии цели се зголемување на нивото на политичка одговорност, спречување на политичкото влијание, јакнење на интегритетот и транспарентноста при вработување во јавниот сектор, кое треба да се базира на квалитет, јакнење на надзорните и контролните механизми и намалување на корупцијата во јавните набавки и доделувањето грантови.

Минатата година усвоена е стратегијата за транспарентност на Владата на Република Северна Македонија за периодот 2019-2021 година, со акциски план, за унапредување на амбиентот за транспарентност и доверба во работата на институциите.

Со порталот „Отворени финансии“ оваа Влада го отвора државниот трезор на Министерството за финансии и на увид на јавноста ѝ ги става сите минати, сегашни и идни финансиски трансакции, на буџетските корисници од буџетот на Република Северна Македонија. Сите идни ќе се прикажуваат на секои 15 дена.

Првпат во политичката пракса во нашата земја Владата е таа што самоиницијативно го стави своето финансиско работење на најотворен и најтранспарентен начин.

Многу малку земји може да се пофалат дека имаат воведено ваква алатка, која им овозможува на граѓаните да имаат увид во приходната и расходната страна на буџетот во секое време.

Поттикнати од начелото за транспарентно и отчетно трошење на државните средства, односно на парите на граѓаните, порталот „Отворени финансии“ го отвора патот на граѓаните, експертските и граѓанските организации за транспарентен увид во трошењето на народните пари и отвора широка можност за сугестии и предлози за учество на граѓаните и за креирање подобри политики во менаџирањето на буџетот на граѓаните.

Отворањето на трезорот и сите податоци во него е една од најголемите мерки во насока на намалување на корупцијата и неправилностите во работењето на државните институции, како и штедење на парите на граѓаните.

Преку порталот „Отворени податоци“ го овозможивме максимално учеството на граѓаните при креирањето политики и при анализа на испорачаните резултати. Кусо кажано, преку порталот за отворени податоци ги качивме транспарентноста и отвореноста на институциите на едно повисоко ниво.

Пред две години првпат во политичката историја на Република Северна Македонија, Владата, самоиницијативно, на увид на граѓаните ја стави можноста да го следат и анализираат трошењето на средствата на граѓаните од страна на владините функционери.

Владата на Северна Македонија креира и спроведува политики што нѐ приближуваат кон отворени и транспарентни општества и на отворени ресурси достапни за сите. Бројките на отворени и затворени случаи, како и бројот на високи функционери чии имоти и начин на работа беа и се предмет на истражување на институциите (пред сѐ, на ДКСК), покажува дека правецот во кој се движи државата кога во прашање е борбата против корупцијата, е добар и среднорочно и долгорочно вродува со плод. Работата исто како и имотот на функционерите е под лупа како никогаш досега.

Владата на Северна Македонија останува посветена на реформите во полето на борбата против корупцијата и ќе продолжи со имплементација на механизмите кои овозможуваат правично функционирање на системот“, се наведува во владиното соопштение.

Македонија

Пратениците на ВМРО-ДПМНЕ се сретнаа со граѓани од повеќе места

Објавено пред

Во рамки на агендата на ВМРО-ДПМНЕ предвидена за претстојниот период насловена како “Пратениците со народот”, пратениците од опозициската партија се сретнаа со граѓани од повеќе населени места, со кои поразговараа за актуелните случувања во државата, секојдневните проблеми на граѓаните, како и во однос на политичката ситуација.

Пратениците Ане Лашкоска и Петар Ристески, заедно со претседателот на ОК Прилеп на ВМРО-ДПМНЕ Дејан Проданоски ги посетија жителите на населените места Галичани, Мало Коњари и Големо Коњари, со кои поразговараа за нивните секојдневни проблеми, неисполнетите ветувања од страна на власта, проблемите во земјоделието и уште низа други проблеми кои ги засегаат луѓето од овој крај на Република Македонија, соопштија од партијата.

Како што додаваат од ВМРО-ДПМНЕ, луѓето имаат големи потешкотии во земјоделието, бидејќи немаат никаква помош од државата за набавка на нова механизација со која ќе се олесни работата, а уште поголем проблем, велат тие е што нивните производи не можат да се продадат, бидејќи цената е премногу ниска и откупот не е загарантиран. Како еден од најголемите проблеми кои што се актуелни во изминатите месеци е законот за продажба на земјоделско земјиште, кое што како што велат жителите, не смее да се дозволи по никоја цена.

Жителите на населеното место Припор беа посетени од страна на пратеничката Бети Стаменкоска Трајкоска, со која ги споделија нивните и проблемите на населението во Припор. Жителите од ова населено место велат дека економската ситуација во државата никогаш не била полоша и понестабилна, што придонесува за несигурност на граѓаните, бидејќи голем дел од присутните се пожалија на изгубени работни места и немање извор за егзистенција. Покрај тоа, велат дека секојдневно се соочуваат со проблеми во јавното здравство, бидејќи не добиваат соодветен третман од здравствените установи поради лошите услови кои здравствените работници ги имаат насекаде низ државата. Сигурни се во желбата оваа ненародна власт да ја препушти државата на нови политичари, кои со искрена и чесна намера ќе сакаат да работат за доброто на граѓаните, наместо да манипулираат и лажат како моменталната гарнитура на власт.

Пратеничката Ангелина Петкова ги посети жителите на населеното место Миравци, општина Гевгелија. Жителите изразија огромно незадоволство поради лошото менаџирање на државата од страна на власта и поразите кои државата го доживува на дневно ниво во секој сегмент од општеството. Жителите велат дека крајно е несериозно и не е во ред тоа што министерката Царовска ги укинува учебниците и наметнува дигитализација и онаму каде што голем дел од семејствата немаат услови за набавка на компјутери и таблети. Исто така напоменаа дека се разочарани од страна на власта што го одбиле предлогот од страна на пратеничката Петкова за изградба и реконструкција на патот Прдејци – Смоквица, бидејќи е од круцијално значење на населението.

Пратеничката Даниела Христова ги посети жителите на населеното место Умлена, општина Пехчево. Тие велат дека се комплетно незадоволни од оваа ненародна власт, која според нив е најлошата во историјата на Република Македонија. Покрај националните понижувања кои македонскиот народ ги трпи поради нивните лоши политики, граѓаните се економски клекнати на колена и не можат да преживеат, ниту пак да заработат и за скромен живот. Покрај овие порази кои ги повредуваат како Македонци, велат дека власта ги заборавила и апсолутно ништо не сработила во нивното населено место, а патот за кој во неколку наврати им било ветено дека ќе биде направен, жителите го чистат и сами го поправаат, бидејќи како што велат немаат друга опција.

Пратеникот Миле Лефков заедно со претседателот на ОК Зрновци на ВМРО-ДПМНЕ Борчо Коцев и градоначалникот на општина Зрновци Блаже Станков го посетија манастирот “Св.Тома’ кој се наоѓа во клисурата на Зрновска река. При посетата на манастирот остварија и средба со жителите околината и поразговараа за нивните проблеми, како и очекувањата од оваа ненародна власт предводена од Зоран Заев, која што како што велат не сторила ништо за нив во изминатите речиси пет години. Овие луѓе велат дека најмногу од се ги повредува фактот што како Македонци никогаш не биле повеќе обесправени и понижени и токму поради тоа не сакаат да дозволат Заев да продолжи да ја води државата. Посакуваат брз крај на оваа расипничка власт и градење и развивање на Република Македонија од почеток.

Прикажи повеќе...

Македонија

Маричиќ за 9 Мај: Идејата за обединета Европа е преголема за да биде попречувана

Објавено пред

Министерот за правда Бојан Маричиќ денес честитајќи го Денот на Европа и Денот на победата врз фашизмот порача дека идејата за обединета Европа е преголема за да биде попречувана. Осврнувајќи се на денот кога светот ја одбележува победата врз фашистите, министерот за правда на социјалните мрежи напиша дека речиси 50 милиони луѓе во светот загинаа во војната против фашизмот, кој никогаш не смееме да се врати во која било форма.

„ Светот денеска го одбележува Денот на победата врз фашизмот, а нашиот континент и Денот на Европа – 9 мај ги спојува овие два значајни настани кои имаат големо значење и за Северна Македонија. За време на Втората светска војна, Македонците без двоумење застанаа на вистинската страна на историјата и заедно со антифашистичкиот фронт победија. Речиси 50 милиони луѓе во светот загинаа во војната против
злото кое никогаш не смееме да се врати во која било форма и тоа не смееме да се заборавиме.Исто така не смее да се заборави идејата за
обединета Европа која се роди петнаесетина години подоцна преку Шумановата декларацијата. Обединети во различностите, со заемна почит едни кон други кон траен мир и просперитет. Нашата земја природно припаѓа кон Европската унија. Направивме многу реформи за наша интеграција и очекуваме ЕУ да ги потврди вредностите на кои се темели и процесот за конечно обединување на континентот да продолжи. Идејата за обединета Европа е преголема за да биде попречувана, напиша Маричиќ.

Прикажи повеќе...

Македонија

Делегација од кабинетот на Претседателот положи цвеќе по повод 9 мај – Ден на победата над фашизмот

Објавено пред

Делегација од Кабинетот на Претседателот Стево Пендаровски по повод Ден на победата над фашизмот и Ден на Европа, им оддадоа почит на борците.

Делегоацијата која беше во состав Блерим Кољали, посебен советник за национална безбедност, Валентин Димевски, посебен советник за безбедност и одбрана и Билјана Блажеска, аѓутант на претседателот, положи цвеќе на партизанските гробишта во Бутел.

Прикажи повеќе...

Најново

Топ41 минута

Се преврте автомобил кај клучката Коњари, загина 27 годишник

Во сообраќајна несреќа што се случи вчера попладне на автопатот Скопје-Штип, во близина на клучката Коњари, загина 27 годишно лице...

Македонија51 минута

Во болниците во земјата од коронавирус се лекуваат 760 пациенти

Вкупната бројка на пациенти позитивни и суспектни на корона вирусот кои се лекуваат на инфективните одделенија во главниот град и...

Македонија1 час

(Видео) Колариќ: Шилегов делел субвенции за инвертер клими на партиски луѓе

Советничката на ВМРО-ДПМНЕ во Град Скопје, Светлана Колариќ на денешната прес-конференција обвини за измама и злоупотреба во врска со најавените...

Македонија2 часа

Во земјава досега втора доза вакцина против Ковид-19 примиле 22.900 граѓани

На вакциналните пунктови во државата заклучно со вчера вакцинирани се вкупно 107.978 граѓани, а ревакцинирани се 22.900 граѓани. Прва доза...

Свет2 часа

(Видео) Путин: Секогаш ќе се сеќаваме дека величествената победа над нацизмот ја постигна советскиот народ

Претседателот на Русија, Владимир Путин, на почетокот на традиционалната воена парада во Москва, им го честиташе на граѓаните Денот на...

Македонија3 часа

Заев за „Катимерини“: Во 21 век да ја одредуваш историјата на друга нација не е во согласност со европскиот дух

Премиерот Зоран Заев во нeделното издание за грчки „Катимерини“, во интервјуто со наслов „Заедно за Балкан од 21 век“, говори...

Свет4 часа

Делови од кинеската ракета паднаа во Индискиот океан

Остатоците од најголемата кинеска ракета паднаа денес во Индискиот Океан, а повеќето од нејзините компоненти беа уништени при влегувањето во...

Свет16 часа

Макрон: САД да ги повлечат забраните за извоз на вакцини

Францускиот претседател Емануел Макрон ги повика САД да се откажат од ограничувањата на извозот на вакцини против Ковид-19 и компонентите...

Регион17 часа

Хрватски медиуми: Зошто Вучиќ создава најмоќна воена сила во регионот?

Хрватските медиуми пишуваат дека претседателот на Србија, Александар Вучиќ, ја создава најмоќната воена сила во регионот. „ Во последно време...

Спорт18 часа

Дејан Георгиевски обезбеди олимписка норма

Македонскиот репрезентативец во таеквондо, Дејан Георгиевски, избори пласман на Олимписките игри во Токио, во категоријата до 87 килограми. Европските квалификации...

Топ21 час

Човечки труп извлечен од реката Вардар во Велес

Во Велес, во водите на реката Вардар, во близина на Нов мост, вчера бил пронајден човечки труп, кој бил извлечен...

Македонија22 часа

Досега во земјава две дози вакцина против коронавирус примиле 21.890 граѓани

Во државата вкупно се аплицирани 118.984 дози вакцини, а ревакцинирани се 21.890 граѓани. Со последните бројки, 32% од населението над...

Македонија22 часа

Во Македонија 198 нови случаи на коронавирус, 12 лица починаа

Во последните 24 часа во Македонија се потврдени 198 нови случаи на коронавирус, 12 лица починаа, а 333 пациенти оздравеа,...

Македонија1 ден

Мицкоски: Дволичноста на Пендаровски е заради притисокот врз него, реалноста е дека се согласи со мене за 27 април

Претседателот на ВМРО-ДПМНЕ, Христијан Мицкоски, по денешната посета на Општина Делчево одговарајќи на новинарско прашање, рече дека претседателот Стево Пендаровски...

Топ1 ден

Автомобил удри во дете на велосипед во Прилеп, возачот избегал

Малолетен велосипедист е тешко повреден откако во него удрил автомобил, а возачот избегал. Според информациите на МВР, несреќата се случила...

Македонија1 ден

Во болниците во Македонија од коронавирус се лекуваат 806 пациенти

Вкупната бројка на пациенти со коронавирус кои се лекуваат на инфективните оддели во Скопје и во болниците низ земјава е...

Свет1 ден

(Видео) Судир во џамија во Ерусалим – полицијата употреби гумени куршуми и водени топови

Во судир меѓу израелската полиција и група Палестинци што се случи синоќа во Ерусалим, повредени се 205 Палестинци и 17...

Македонија1 ден

СЗО: Децата не треба да се вакцинираат сѐ додека не бидат вакцинирани ризичните групи

Светската здравствена организација (СЗО) оцени дека децата не треба да се вакцинираат против Ковид-19 додека не се вакцинираат старите лица...

Македонија2 дена

Семејството на девојката чии органи беа донирани и спасија други животи ќе добие државен стан

Министерот за транспорт и врски, Благој Бочварски, на социјалните мрежи напиша дека на седница на Комисијата за станбени прашања било...

Македонија2 дена

Пендаровски негира дека службената белешка за Камчев излегла од неговиот кабинет

Шефот на државата, Стево Пендаровски, е загрижен што службената белешка со назнака „строго доверливо“ од Агенцијата за национална безбедност, по...

Досие