Македонија
ВМРО-ДПМНЕ: Барањата на Бугарија не смее да станат дел од преговарачката рамка

Oпозициската ВМРО-ДПМНЕ е децидна дека барањата на Бугарија не смее да станат дел од преговарачката рамка.
Од партијата преку соопштение велат дека Ковачевски молчи, додека таква рамка е капитулација за државата.
„Бугарските барања за ставање на нивните ултиматуми и уцени во преговарачката рамка, која ќе треба да ја исполни земјава при влез во ЕУ, се заглавување на Македонија и можност Бугарија да бара нови и нови отстапки кога ќе посака, а сето тоа да го правда како обврска за влез во ЕУ“, се вели во соопштението од ВМРО-ДПМНЕ.
ВМРО-ДПМНЕ нема да поддржи ставање на бугарските барања во преговарачка рамка доколку тоа треба да биде гласано во Собранието.
„Прифаќање таква рамка е капитулација за државата. Ковачевски да не молчи и да каже и дали одобрил откажување од Гоце Делчев? Ковачевски, како и се досега, молчи и за преговарачката рамка што сакаат да ја наметнат Бугарите и за Делчев. Ковачевски не направи ништо за државата откако е премиер. Само порази и неуспеси. Затоа се потребни предвремени парламентарни избори што побргу“, се додава во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Сервисни информации
Без вода дел од скопски Карпош

ЈП „Водовод и канализација“, информира дека поради технички зафати жителите во дел од скопската општина Карпош во одреден временски период ќе останат без вода за пиење .
„Поради технички зафати во водоводната мрежа, (изведување на приклучок), на ул. Козле бр.3/33, од 09:00 часот до завршување на интервенцијата, прекинато водоснабдување ќе имаат корисниците од ул. Козле – крак бр. 3. (Општина Карпош)“, информираат од оваа институција.
Сервисни информации
Без струја делови од неколку скопски општини

Регионалниот центар за управување со кризи на Скопје информира дека заради технички зафати во дистрибутивната електро мрежа, денеска без електрична енергија ќе останат следните корисници:
· од 08:00 до 15:00 часот, корисниците од ул. 1515 во нас. Пинтија. (Oпштина Кисела Вода),
· од 09:00 до 13:00 часот, корисниците од дел од улиците: Ефтим Спространов и Димитар Мирачиев. (Oпштина Кисела Вода),
· од 09:00 до 14:00 часот, корисниците од ул. Бриселска. (Oпштина Карпош).
Македонија
Сончево и многу топло со температури до 38 степени

Утре претпладне ќе биде сончево и многу топло со мала до умерена облачност. Во попладневните и вечерните часови наместа ќе има развој на нестабилна облачност со пороен дожд, грмежи и засилен ветер, а локално ќе има услови за појава на краткотрајно невреме со појава на град и силен ветер. Минималната температура ќе биде во интервал од 12 до 21, а максималната ќе достигне од 30 до 38 степени. УВ=8
Во Скопје, времето ќе биде сончево со мала до умерена облачност. Ќе дува слаб до умерен северозападен ветер. Минималната температура ќе се спушти до 18, а максималната ќе достигне до 35 степени.
Во наредните денови ќе следува период на многу топло време со дневни температури кои насекаде ќе бидат над 30 степени.
Поради зголемената влага во атмосферата ќе се има чувство дека температурата на воздухот е повисока за 1 до 2 степена. И покрај топлото време поради влијание на циклонска активност од исток, претежно во попладневните и вечерните часови наместа ќе има развој на нестабилна облачност со пороен дожд, грмежи и засилен ветер, а локално ќе има услови за појава на краткотрајно невреме со појава на град и силен ветер, најави УХМР.