Македонија
ВМРО-ДПМНЕ: Заев вози скапи мотори што ги нема во имотниот лист
ВМРО-ДПМНЕ преку сооопштение обвинува дека непотизмот и корупцијата станале заштитен симбол на, како што ја нарекуваат власта, криминалниот картел. Опозицијата смета дека целта на премиерот и луѓето околу него е лично богатење, па затоа менуваат закони со кои се ослободуваат од давачки фирмите на вицепремиерот Кочо Анѓушев или на истите, како што тврдат, им се даваат милионски тендери.
„Вицепремиерот доаѓа на функција со долгови од 26 милиони евра, кои мора да ги враќа. Со секој изминат ден станува јасно како Заев вози мотори вредни десетици илјади евра што ги нема никаде во имотниот лист. Не е проблем фирмите на Заеви да купуваат екстра луксузни мотори кога власта им овозможува да купуваат имоти и компании евтино. Станува јасно зошто ги нема колоните млади што брзаат да се вратат во Македонија. Работните места во земјата се резервирани за децата на функционерите од владината коалиција. Според СДСМ, нема подобар кадар за ЕЛЕМ од ќерката на пратеникот Талат Џафери и советникот во Министерството за култура, Мирослав Грчев. Корупцијата е единствената што расте, а економијата стагнира“, се вели во соопштението на ВМРО-ДПМНЕ.
Tие велат дека новите инвеститори бегаат и ја заобиколуваат Македонија, а владата прави измени и се приспособува во насока на криминално дејствување елиминирајќи ги контролните механизми за таквите постапки.
„Една од ‘реформите’ е укинувањето на Советот за јавни набавки за да се штимаат тендери по желба на власта. Односот на СДСМ кон институциите и бизнис-секторот во Република Македонија е како во најзаостанатите земји во светот. Патот по кој Владата на СДСМ ја води државата не води кон подобрување на стандардот и побогата држава. Голема е цената што ја плаќаат граѓаните за СДСМ да си игра власт во Република Македонија. Државата не е игротека, а граѓаните не се играчки на Зоран Заев“, вели ВМРО-ДПМНЕ.
Додаваат дека граѓаните имаат потреби, интереси и цели, кои не можат да ги остварат поради корумпираноста на власта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сообраќајот на ГП „Богородица“ е нормализиран
Сообраќајот на граничниот премин „Богородица“ (ГП Евзони) од 21 часот е нормализиран, информира АМСМ.
Поради блокада на границата за влез и за излез во текот на целиот ден, колони возила чекаа на граничниот премин „Дојран“ за влез во земјава. Претходно од АМСМ информираа дека од 11:00 часот сообраќајот на ГП „Евзони“ (Богородица) е блокиран за влез и излез поради штрајк на земјоделците.

На ГП „Дојран“ сообраќајот се одвива непречено, но поради зголемен интензитет има задржувања за влез во државата.
Македонија
Алијанса за Албанците на 27 декември ќе одржи собрание за реогранизација на партијата
На последниот состанок на Претседателството на Алијансата за Албанците, каде што се дискутираше за политичките случувања во земјата и понатамошните чекори кон структурирање на органите, членовите на Претседателството едногласно гласаа за одлуката за свикување на партиското Собрание, соопштија од партијата.
Според најавата, Собранието ќе се одржи на 27 декември и ќе се дискутира за реорганизација на структурите и органите на партијата, партиските политики и важните стратешки документи.
„Алијансата за Албанците продолжува да останува во одбрана на националната кауза, гласот на артикулирање на уставните и законските права на Албанците и зачувување на евроатлантската ориентација на земјата како единствен пат за перспективата на граѓаните“, пишува во соопштението.
Македонија
Повторно во прекин сообраќајот на „Богородица“
Сообраќајот на граничниот премин „Богородица“ кон Грција (ГП „Евзони“) од 17:00 часот повторно е во прекин, информира АМСМ.
Сообраќајот беше во прекин од 11:00 часот поради штрајк на земјоделците.
Во 15 часот повторно беше нормализиран, а сега повторно е затворен.
На ГП „Дојран“ има задржувања за влез во државата.

