Македонија
ВМРО-ДПМНЕ: Филипче и Заев сакаат со студија од 35 страни да потрошат над пола милијарда евра за Клинички центар

„Македонија со Заев и Филипче се претвори во црна дупка во Европа среде пандемија од Ковид 19 вирусот. Бројките и меѓународните извештаи тоа го говорат. Имаме најголема смртност во светот, најмал број на вакцинирани граѓани и сето тоа е резултат на нивната неспосбност и немање на стратегија.
Можеби немаат стратегија за справување со ковид 19, ама затоа секогаш имаат план за сомнителни зделки и матни набавки.
Еднаш се обидоа со провизии при набавка на кинеските вакцини, сега се обидуваа на крајно скандалозен начин да протуркаат изградба на клинички центар, кој е потенцијален коруптивен бизнис од над половина милијарда евра.
Цели четири години ја замајуваат јавноста со градење на овој капитален објект во здравствената инфраструктура ,цели 4 години прво бараа простор, па пуштаа неколку фотографии, за сега со некаква физибилити студија од само 35 страни да сакаат да почнат изградба. Замислете градење на капитален објект најкорумпираната влада во Европа сака да го отпочне со смешна физибилити студија од неколку страни и за тоа да потрошат 508 милиони евра. Дополнително што таа физибилити студија ја базираат на анализи од 2009 години, чии податоци се застарени и не одговараат на реалната слика и на КОВИД реалноста во која сме веќе една година. Оваа физибилити студија не нуди целосно решение , туку треба да биде само замајување на јавноста во скандалозно трошење над половина милијарда евра само за објект, и уште неколку стотина милиони евра за дополнителна инсфраструктура.
Но, двоецот Заев –Филипче, како и за набавката на вакцини преку фантом фирми од хонг конг, така и за изградбата на клинички центар планира на крајно сомнителен начин да троши огромни народни пари среде епидемија без да понуди план, издржан проект или конкретна стратегија.
Здравјето на граѓаните и здравствениот систем се премногу скапа играчка за нови баснословни иматни бизниси на овој двоец.“
Соопштение на ВМРО-ДПМНЕ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Вечерва зградата на Владата свети во сино во знак за подигање на свеста за аутизмот

Вечерва зградата на Владата свети во сино, во знак на 2 април Светски ден за подигање на свеста за аутизмот. Ова на социјалните медиуми го објави премиерот на Македонија Димитар Ковачевски.
„Давам неизмерна поддршка и почит кон лицата со аутизам, нивните родители, семејства, пријатели, наставници, соученици. Како Влада се залагаме да обезбедиме системски решенија за грижа за децата и возрасните со аутизам. Не сме сите исти, ниту по физички изглед, ниту по карактер, но сите во оваа држава имаат исти права“, напиша Ковачевски.
Како што вели тој, да ги прифаќаме различностите, бидејќи секој е различен и посебен на свој начин.
Македонија
Од понеделник пороен дожд

УХМР соопшти дека во понеделник, под влијание на нов влажен и постуден бран, ќе има врнежи од дожд кои попладне на повеќе места ќе бидат пообилни, над 30 литри на метар квадратен. На планините и на некои повисоки места врнежите ќе бидат од снег.
Следните три дена, ќе преовладува студено и ветровито време со повремени локални врнежи, претежно во западните делови.
Времето утре ќе биде променливо облачно со сончеви периоди, а попладне со повремен локален дожд. Ќе дува слаб до умерен ветер од променлив правец.
Македонија
Левица: ДУП-от во Карпош ДПМНЕ го поддржа уште 2017 година

Со гласањето на Деталниот урбанистички план за блок ССЗ 01.10 кој се наоѓа во Злокуќани. се исправа неправдата која е нанесена на жителите во овој дел од општина Карпош, поголем дел Ромско население, поради тоа што со децении не е усвоен ДУП, а со самото тоа не може да управуваат со нивните имоти и да ги уживаат правата кои ги имаат останатите жители на Општина Карпош, велат од политичката партија Левица.
Со овој план, од партијата посочуваат дека конечно ќе може да се легализираат куќите во ова населено место.
Дополнително, со нивната легализација ќе може голем дел од домаќинствата да се инкорпорираат во јавниот комунален систем и да добијат квалитетна услуга, се вели во соопштението.
Од Левица потенцираат дека ова е еден од ретките ДУП-ови што нема елементи на бетонизација, а зачудени се од одлуката на советничката група на ВМРО-ДПМНЕ која не го поддржа овој ДУП.
„Земајќи го во предвид ова како и придобивките за жителите на овој дел од Општина Карпош, за очекување беше истиот да го поддржат сите советнички групи. Изразуваме зачуденост од одлуката овој ДУП да не го поддржат советничката група на ДПМНЕ. Токму советничката група на оваа политичка партија во март 2017 година го изгласаа овој ДУП во оваа форма“, посочуваат од партијата.
Велат дека нивната хистерична реакција е веќе видена во Советот на Општина Карпош, особено по „замрсените“ односи меѓу лидерот на партијата Христијан Мицковски и градоначалникот Стевчо Јакимовски.
„Сакаме да напоменеме дека во овие политички игри ДПМНЕ ги вовлече и советничките од Независни кои без соодветно образложение гласаа против жителите на Злокуќани. Нападите кон локалниот огранок на Левица во Општина Карпош се за очекување и претставува прелсикување на политиката која ДПМНЕ ја води на централно ниво, па за секој нивни неуспех, за секое национално велепредавство криви се Левица, а не нивните функционери кои во Собранието на Република Македонија за многу штетни закони гласаа заедно со СДС и ДУИ“, истакнаа од Левица.