Контакт

Македонија

„Глобал фајнанс“ ја смести Македонија меѓу последните на листата на безбедни држави

Објавено пред

Помеѓу 134 земји, Македонија се наоѓа на 125. место на најбезбедни земји во светот, според листата на магазинот „Глобал фајнанс“.

Споредбено со балканските држави, зад нас е само Босна и Херцеговина,  која се наоѓа на 130. место, а подобро рангирани се Србија (34 место), Словенија (47), Романија (51), Грција (58), Албанија (63), Хрватска (74), Бугарија (114), Црна Гора (121).

Проценката на безбедноста во земјата зема предвид три основни фактори – војна и мир, лична безбедност и ризик од природни катастрофи, вклучувајќи ги и факторите на ризик што произлегуваат од Ковид-19.

Секој од овие фактори се заснова на извештаите за 2020 година, направени во 2021 година.

Најдобро рангираните држави се во Европа и Азија.

Во првата десетка се наоѓаат: Исланд, Обединетите Арапски Емирати, Катар, Сингапур, Финска, Монголија, Норвешка, Данска, Канада и Нов Зеланд.

Филипините се на последното 134-то место.

Македонија

Петрушевски: Да имаше дисциплина на Олимпијадата за пљачкање, Владата на СДСМ ќе беше шамипон

Објавено пред

Ребалансот на буџетот е пред сè изборен, а не развоен како што вели власта, посочи пратеникот од ВМРО-ДПМНЕ, Бране Петрушевски на денешната собраниска дебата за ребалансот на буџетот за 2021 година.

„Целта е да се гласа за оваа влада која трпи критики од сите страни, не само од граѓаните, туку и од претставници на меѓународната зедница. Бидејќи сега е актуелна Олимпијадата и доколку има диспилина пљачкање, оваа влада ќе беше шампион, или ќе беа светски олимписки прваци. И тоа не го велам јас, туку и сите странци“, рече Петрушевски.

Притоа пратеникот се осврна на последниот извштај на Стејт департментот.

„Ви велат дека спроведување на антикорупциските закони е селективно, законите не се пишуваат врз основа на анализи и се носат по скратена постапка и тоа ви го кажува опозицијата цело време. Од бизнисот пак има жалби за долги процедури, нетранспарентно трошење на парите кои завршуваат кај бизнис елитата на СДСМ. Или едноставно кажано оваа влада ја уназадува инвестицската клима и се труди само да воведува нови даноци“, рече Петрушевски.

Прикажи повеќе...

Македонија

Почна со работа првиот Центар за поддршка на згрижувачките семејства

Објавено пред

Започна со работа првиот Центар за поддршка на згрижувачките семејства во нашата земја. Центарот се наоѓа во просториите на поранешниот дом за деца без родителска грижа „11 Октомври“ во центарот на градот.

Министерката за труд и социјална политика, Јагода Шахпаска, изрази големо задоволство по повод неговото отворање, кое како што истакна претставува и слика како едно општество се грижи за најмладите, децата, со посебен акцент на децата без родители и родителска грижа.

„Огромна е придобивката од отворањето на Центарот за поддршка на згрижувачките семејства чија цел е да ги поддржува, да им помага и да ги насочува згрижувачките семејства да обезбедат токму онаква грижа каква што му е потребна на детето сместено кај нив. Стручниот тим од Центарот ќе им дава стручна поддршка, обука, совети и водство за згрижувачките семејства за заеднички да го остварат „најдобриот интерес на детето“, како што предвидува и налага Конвенцијата за правата на детето. Со отворањето на денешниот Центар за поддршка на згрижувачки семејства во Скопје, но и со отворањето на ист ваков центар и во Битола веќе оваа среда, испраќаме порака дека згрижувачките семејства се исклучително важен дел во системот на социјална заштита,“ рече Шахпаска.

Притоа таа ја посочи и не помалку значајна улога на Центарот за поддршка на згрижувачките семејства, промовирање на згрижувањето, односно мотивирање на што поголем број заинтересирани граѓанки и граѓани да станат згрижувачи на деца.

„Денешниот број на згрижувачки семејства во земјава е околу 300 кои згрижуваат околу 500 деца, но ние очекуваме овие бројки и понатаму да се зголемуваат, за да може секое дете кое има потреба од сместување да биде згрижено во семејна средина“, рече министерката.

Директорката на Јавната установа „11 Октомври“,Соња Стамевска, информираше дека петнаесетината нововработени стручни лица во Центарот за поддршка на згрижувачките семејства во Скопје ќе работат со повеќе од 180 згрижувачки семејства кои се грижат за околу 390 деца од Скопје, Куманово, Тетово, Велес и повеќе други градови од земјава.

Подобрувањето на системот за згрижување, вклучувајќи го отворањето на новиот центар, Министерството за труд и социјална политика ги спроведуваше во партнерство со УНИЦЕФ и со делумна финансиска помош од Амбасадата на Велика Британија во земјава.

Во текот на неделава се очекува започнувањето со работа и на вториот центар за поддршка на згрижувачките семејства во Битола.

Прикажи повеќе...

Македонија

(Видео) СДСМ: УНЕСКО ги препозна конкретните мерки што ги преземаме за заштита на Охридскиот Регион

Објавено пред

Комитетот за светско наследство на УНЕСКО со консензус донесе одлука природното и културното наследство на нашиот Охридски Регион да не биде впишано на листата на светско наследство во опасност, а со тоа се препознаени заложбите и конкретните мерки кои ги преземаат парламентарното мнозинство, Владата и локалната самоуправа, рече на денешната прес-конференција пратеничката од СДСМ, Жаклина Лазаревска.

„Ова е признание за преземените конкретни мерки, за напредокот за зачувување на вредностите на Охридскиот Регион, но и силно и гласно предупредување дека сите мораме постојано да го штитиме охридското, македонското и светското наследство. Ова не значи дека работата е завршена, пред нас се бројни предизвици, но со максимална ангажираност и посветеност заеднички ќе ги надминеме“, нагласи Лазаревска.

Таа го повтори ставот на Владата дека во периодот што претстои, заедно со Албанија, ќе биде засилена соработката и координацијата со Центарот за светско наследство и советодавните тела на УНЕСКО, како и со Европската Унија и другите стратешки партнери, со цел целосна имплементација на Планот за управување со светското природно и културно наследство во Охридскиот Регион.

Прикажи повеќе...

Најново

Економија32 минути

Поевтинуваат горивата

Бензините и дизелот од ноќеска на полноќ ќе поевтинат за 1,5 и за 1 денар, соопшти Регулаторната комисија за енергетика....

Македонија1 час

(Видео) Јанакиески за притворот: Ова е малтретирање и изживување со човекови судбини

Ексминистерот за транспорт и врски, Миле Јанакиески, по објавувањето на пресудата за „27 април“ со која беше осуден на 6...

Македонија2 часа

Пресуда за Вељаноски, Ристовски, Јанакиески и Атанасовски – осудените плански го организирале упадот со цел да се зачува власта

Судот ги изрече пресудите за организаторите за упадот во Собранието на 27 април –  поранешниот претседател на Собранието Трајко Вељаноски е...

Македонија2 часа

Трајко Вељаноски осуден на 6,5 години затвор, Спиро Ристовски и Миле Јанакиески на 6 и 3 месеци, а Владимир Атанасовски на 6 години затвор

На судењето за организаторите за упадот во Собранието на 27 април, поранешниот претседател на Собранието Трајко Вељаноски е осуден на...

Европа3 часа

(Видео) Големо невреме во Лондон: Поради поплави затворени осум метростаници и две болници

Силен дожд и грмотевици го погодија Лондон што предизвика поплави во некои делови на главниот град на Британија, поради што...

Македонија3 часа

Заев: Скопје никогаш нема да заборави на жртвите од земјотресот и солидарноста по него

Катастрофалниот земјотрес пред 58 години за само 20 секунди го запре животот на Скопје и им го одзеде животот на...

Свет5 часа

Фаучи: Најверојатно ќе биде потребна трета доза од вакцината

Водечкиот американски експерт за инфективни болести, Ентони Фаучи, процени дека на вакцинираните Американци чиј имунолошки систем е загрозен, може да...

Македонија5 часа

Сеќавање за жртвите – Скопје одбележува 58 години од катастрофалниот земјотрес

Скопје денеска со повеќе активности и манифестации ќе одбележи 58 години од катастрофалниот земјотрес во 1963 година во кој 1.070...

Македонија6 часа

Почнува вакцинирањето во домашни услови

Од денеска граѓаните кои поради здравствени причини не се во можност да дојдат на вакцинален пункт за да примаат вакцина...

Македонија23 часа

Охридското Езеро засега го задржува статусот на УНЕСКО

Комитетот за светско наследство на УНЕСКО на својата 44 сесија, која се одржува во Фуџу, Кина, донесе одлука Природното и...

Регион24 часа

Возачот на косовскиот автобус признал дека задремал зад воланот, загина и неговиот колега

Хрватската полиција го уапси возачот на косовскиот автобус кој денеска излета од автопатот кај Славонски Брод, Хрватска. Најмалку 10 лица...

Македонија1 ден

МНР купи електрични тротинети за вработените, набавката била дел од проектот „Зелена дипломатија – новото нормално“

Министерот за надворешни работи, Бујар Османи, ги промовираше електричните тротинети, набавени за користење од страна на вработените во министерството, образложувајќи...

Свет1 ден

(Видео) Невреме повторно ја погоди Белгија, поплавата носеше возила

Силно невреме повторно ја погоди Белгија и предизвика штета, десет дена по поплавите во кои загинаа 36 лица. Возилата во...

Македонија1 ден

Скопје добива легални ѕидови за слободно користење на уличните уметници

Како дел од активностите на кандидатурата на Град Скопје за „Европска престолнина на културата за 2028 година“, назначени се две...

Македонија1 ден

Мал процент на граѓани се заразиле со Ковид по две дози вакцина, од утре вакцинација и дома

Само 0,02 отсто од македонските граѓани се заразиле со коронавирус по вакцинацијата. Конкретно, од вкупно 330.320 граѓани со примени две...

Македонија1 ден

Гужви на Богородица и Табановце, за влез и излез во државата се чека и до 45 минути

Големо раздвижување на граничните премини има утрово. Автомотосојузот на Македонија соопшти дека на граничните премини Богородица и Табановце задржувањето за...

Македонија2 дена

Силно сме спротивставени на корупцијата, велат од Владата по извештајот на Стејт Департментот

Силно сме спротивставени на корупцијата – за разлика од претходната, оваа Влада сериозно ги зема предвид и постапува по меѓународните...

Македонија2 дена

Заев: Во првиот круг секој ќе настапи со свој кандидат, а во вториот ќе коалицираме со ДУИ, БЕСА и ДПА

Бидејќи сме коалициони партнери со ДУИ, БЕСА и со ДПА, заедно ќе настапиме за локалните избори, изјави премиерот и претседател...

Македонија2 дена

Регистрирани 37 нови случаи на коронавирус, најмногу во Тетово и Скопје

Во последните 24 часа се направени 4.264 тестирања, а регистрирани се 37 нови случаи на Ковид-19: Тетово – 13, Скопје...

Свет2 дена

(Видео) Илјадници луѓе излегоа на протест во Австралија поради карантинот

Илјадници луѓе се собраа денес во Сиднеј и другите австралиски градови во знак на протест против воведените рестриктивни мерки поради...

Досие