Македонија
(Видео) Гневните жители на Кисела Вода до Темелковски и Филипче: Доста нѐ лажевте, болницата за зависници мора да биде дислоцирана
Градоначалникот на општина Кисела Вода, Филип Темелковски, и министерот за здравство, Венко Филипче, на денешната средба во просториите на општината се соочија со гневот на граѓаните од Кисела Вода поради неисполнетото ветување дека болницата за зависници ќе биде дислоцирана до 30 ноември.
Граѓаните кои со години се соочуваат со проблемите што им ги создаваат зависниците од болницата бараат како од минатата така и од актуелната централна и локална власт болницата да биде дислоцирана. По 20-минутна расправија граѓаните ја напуштија средбата велејќи дека не сакаат да слушаат празни ветувања.
На средбата министерот за здравство, Венко Филипче, информираше дека веќе една година форум составен од експерти од Министерството за здравство, Министерството за труд и социјална политика, Општината Кисела Вода и Полициската станица Кисела Вода секојдневно работат на изнаоѓање решение за овој проблем.
Разгневените граѓани веднаш реагираа на ова велејќи дека 30 години властите ги лажат со разни ветувања за дислокација, но велат дека овој пат се решени да одат до крај сè додека болницата за зависници не престане со работа и биде преместена од овој дел од Кисела Вода каде во непосредна близина има градинки, основни училишта и паркови каде што се движат млади лица.
„Министре, ние 30 години се занимаваме со ова, кој ќе нè разбере нас. Луѓето одат на работа и ги гледаат голи како седат, се шетаат и боцкаат. Само ние што живееме таму знаеме како ни е. Нам не ни требаат говори, сакаме да слушнеме конкретен датум кога болницата ќе биде дислоцирана. Доколку не се најде решение овој месец, од декември болницата нема да работи, ќе излеземе на протест“, велат граѓаните.
Тие додаваат дека сите градоначалници досега им ветувале дека болницата ќе биде преместена, но никој од нив не го направил тоа.
„Конкретно на средбава ништо ново не кажавте, ова го слушаме 30 години наназад. Лага е тоа дека изнаоѓате решение, само купувате време. Ги оставивме децата дома затоа што мислевме дека од оваа средба ќе има некаков резултат, ќе дадете некакво решение, вие не го направивте тоа. Кога вие ќе ја дислоцирате болницата, имате решение или немате, ако немате, кажете да си одиме дома. На 3 декември болницата нема да работи“, рекоа изреволтираните граѓани.
При настанатата вербална расправија министерот Филипче кажа дека болницата за зависници ќе биде со сигурност дислоцирана, а објектот ќе биде пренаменет во поликлиника. Тој конкретно не кажа на која локација ќе биде преместена истата, но истакна дека засега има 3 локации за кои се размислува.
Пред десетина дена жителите на Кисела Вода излегоа на протест на кој им дадоа рок на властите до крајот на месецов да го дислоцираат Центарот за превенција и третман на зависности од дроги. Денеска тие директно му укажаа на градоначалникот дека се спремни да преземат радикални мерки доколку центарот за зависници не престане со работа од декември.
Виктор Јованов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Филипче на конгрес на СПД во Берлин: Средба со германскиот вицеканцелар Клингбајл
Претседателот на Социјалдемократскиот сојуз на Македонија, Венко Филипче, денеска, ќе присуствува на конгресот на германската Социјалдемократска партија (СПД), кој под слоганот „Промената започнува со нас“ се одржува во Берлин, Сојузна Република Германија, соопшти утрово СДСМ.
Во рамки на конгресот претседателот Филипче ќе има средба со актуелниот вицеканцелар на Германија и сојузен министер за финансии, Ларс Клингбајл кој воедно е и ко-претседател на СПД. Предвидени се и билатерални средби со европски политичари и функционери присутни на конгресот.
На конгресот, на кој, меѓу другото, ќе се избира и новото раководство на СПД, ќе присуствуваат истакнати актуелни германски политичари и функционери, како и претседатели на социјалдемократски партии од Европа.
Поканата за присуство на Филипче на овој конгрес од СДСМ ја сметаат за израз на заедничката заложба за европска иднина, социјална правда и регионална соработка, засновани на вредностите на социјалдемократијата – еднаквост, солидарност и демократија.
Македонија
УХМР: Денес температури до 36 степени и ветер кој на места ќе дува и со над 70 километри на час
Управата за хидрометеоролшки работи за денес прогнозира сончево време со мала до умерена локална облачност. Ќе дува умерен до засилен ветер од северен правец кој локално може да достигне и над 70 километри на час.
Максималната температура ќе биде во интервал од 27 до 36 степени.
Во Скопје, сончево со мала до умерена облачност и со умерен до засилен северен ветер. Максималната температура ќе достигне до 34 степени.
Македонија
Од следната недела забрана за камиони над 15 тона на државните патишта за време на викенди и во денови со екстремно високи температури
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури,извести Авто-мото сојузот на Македонја (АМСМ).
Збраната ќе важи во термините:
петок од 17:00 – 22:00 часот,
сабота од 09:00 до 18:00 часот и
недела од 09:00 до 22:00 часот.
Во деновите со екстремно високи температури, определени од Министерство зa здравство, забранaта ќе важи и од понеделник до четврток во период од 11:00 до 17:00 часот.
Ограничувањето не се однесува на возила кои превезуваат животни, цвеќе, хуманитарна помош, жито и житни култури и леснорасиплива стока, нафта и нафтени деривати, превоз на опасни материјали и возила кои вршат превоз за компании кои имаат склучено договори за изведување на проекти на државните патишта со Јавното претпријатие за државни патишта.
На магистралниот пат А2 делница: Скопје – Охрид – Скопје (со важност до 01 септември) се забранува движење на тешки товарни возила чија вкупна маса преминува 7,5 тони за време на викендите, во следните интервали:
петок од 15:00 – 22:00 часот,
сабота од 07:00 до 12:00 и од 18:00 до 24:00 часот и
недела од 07:00 до 22:00 часот.
Од АМСМ велат дека овој посебен режим на сообраќај се воведува во текот на летото со цел избегнување на застојот во сообраќајот на патната делница кон најпосетуваното туристичко место во Република Македонија, намалување на застоите на пунктовите за наплата на патна такса и воопшто побрз проток на возилата и непречено движење на туристите.
И ова ограничувањето не се однесува на возила кои превезуваат живи животни, цвеќе, хуманитарна помош, жито и житни култури и леснорасиплива стока.
Голем видовденски протест вечерва во Белград, студентите се огласија за ненадлежни за она што ќе се случува по 21 часот
Денес, кога Србија празнуива Видовден, студентите кои седум месеци протестираат, најавија голем протест во Белград. Собирот ќе почне во 18...
Три реформски закони за администрацијата ја поминаа првата фаза
Собранието даде поддршка на предлог законот за вработените во јавниот сектор, предлог на законот за административни службеници и на предлог...
Арсовска: Внукот на градоначалникот на Студеничани градел објект кога имал 5 години, а го легализирал на 6
Градоначалничката на Град Скопје, Данела Арсовска, иронично објави дека внукот на Азем Садики, градоначалникот од Студеничани, на 5 години изградил објект,...
Муцунски: Од позиција на климање со глава, се вративме на патот на самопочит и влијание
Во Министерството за надворешни работи и надворешна трговија се одржа прес-конференција по повод една година од мандатот на Владата. Во...
Ризик од појавa на пожари поради високите температури: МЗШВ апелира на претпазливост
Министерство за земјоделство, шумарство и водостопанство ги повикува граѓаните на посебна претпазливост со цел спречување на појава на пожари на...
Ранливите потрошувачи и натаму незаштитени: итни мерки барат Инжинерите на Македонија
Додека Владата и Министерството за енергетика се фалат со новиот Закон за енергетика, илјадници граѓани остануваат без никаква реална заштита...
Се очекува Македонија годинава да ја посетат 1,5 милиони туристи, најбројни се гостите од Турција
Македонија веќе бележи двоцифрен годишен пораст во бројот на странски посетители, најновите податоци покажуваат 21.6 % раст во првата половина од...
Казни и до 2.000 евра: МВР со потсетување на целосната забрана за движење во шумите
Министерството за внатрешни работи ги известува граѓаните дека согласно насоките на Владата по барање од корисниците на шумите – ЈП...
Ја давел, ја влечел по подот и ја удирал: обвинение за семејно насилство во Бутел
Јавен обвинител од Основното јавно обвинителство Скопје поднесе Обвинителен предлог против едно лице за кривично дело – Телесна повреда при...
Постигнат договор меѓу САД и Кина? Ретки метали за Американците, помалку царини за Кинезите
САД постигнаа договор со Кина за тоа како да се забрзаат испораките на ретки земни метали во САД, изјави синоќа...
Сијарто: Украина погрешно мисли дека може да се приклучи на ЕУ без поддршката на Унгарија
Унгарскиот министер за надворешни работи Петер Сијарто изјави дека Министерството за надворешни работи на Украина погрешно мисли дека земјата може...
Да го имавме на нишан, ќе беше елиминиран: Кац за врховниот лидер на Иран
Израелскиот министер за одбрана Израел Кац изјави дека за време на неодамнешниот дванаесетдневен вооружен конфликт со Иран, Израел се обидел...
ЕУ ги продолжува санкциите кон Русија
Лидерите на земјите-членки на Европската Унија (ЕУ) го поддржаа обновувањето на секторските санкции против Русија за уште шест месеци, до...
Масовни напади од двете страни: Украина испрати дожд од беспилотни летала кон Волгоград, Русија тргна кон Запорожје
Ноќниот напад на руски беспилотни летала врз Запорожје предизвика серија пожари и штети на индустриски згради и гаражни објекти, објави...
Мицкоски: Финансиската полиција за 9 месеци откри криминали од 30 милиони евра што е доказ дека расчистуваме со криминалот
Финансиската полиција за 9 месеци откри криминали од 30 милиони евра што е доказ дека расчистуваме со криминалот, и правиме...
(Видео) Арсовска: Според документите на Ганиу, 11-годишно дете ја изградило 12-катницата во Чаир и поднело барање на нотар, ова е криминал
Документи со 20 случаи за незаконски легализации на дивоградби во Општина Чаир се поднесени до Основното јавно обвинителство за гонење...
Од 1 јули целосна забрана за движење во шумите
Министерството за земјоделство, шумарство и водостопанство по барање на ЈП Национални шуми – Скопје, согласно член 57, став 3 од...
(Видео) Филипче до Мицкоски: За јазикот и идентитетот никогаш не се преговарало, тие се потврдени со документи во ЕУ
На денешната седница на пратенички прашања, претседателот на СДСМ Венко Филипче со предупредување до премиерот Мицкоски и Владата во врска...
Мицкоски до Филипче: Зошто преговаравте за македонскиот идентитет и јазик, ние ќе сториме сѐ да ја внесеме Македонија во ЕУ
Претседателот на Владата, Христијан Мицкоски на денешната собраниска седница за пратенички прашања потенцираше дека Владата ќе стори сѐ да ја...
Топлотни бранови низ целиот свет: „Многу е рано, не изгледа добро“
Поради неподносливата топлина, Торонто одлучи да ги држи своите градски базени отворени речиси до полноќ. Британците масовно бегаат кон брегот....
