Контакт

Македонија

Годинава 163 доктори побарале потврди за странство во Лекарската комора

Објавено пред

Во изминатите пет години бројот на поднесени барања од доктори на медицина за издавање  потврди за странство изнесува 794, и тоа по години – во 2015 година – 171, во 2016 година -162, во 2017 година -120, во 2018 година 178 и до декември 2019 година -163, објави Лекарската комора на Република Северна Македонија.

Од таму велат дека не располагаат со прецизен податок за бројот на доктори кои заминале да живеат и работат во странство.

„Согласно своите надлежности, Комората им издава потврда на докторите дека се членови на Комората и дека против нив не се води постапка пред Судот на честа при Лекарската комора. Овие потврди им се неопходни на докторите за едукација во странство, стручен или студиски престој во странство, обука и доусовршување, меѓународни проекти, како и на оние кои заминуваат да живеат и работат надвор од Република Северна Македонија“, се вели во соопштенито.

Во изминатите пет години во Комората стручен испит положиле 1.820 доктори на медицина од кои во 2019 година – 398 доктори.

Од вкупниот број  доктори кои оваа година го положиле стручниот испит, 60% од нив се изјасниле дека своето вработување ќе го бараат во Македонија. Само во последната испитна сесија од 171 доктор на медицина, 100 доктори се изјаснале дека своето вработување ќе го бараат во Македонија.

Според евиденцијата во Комората и податоците кои се дадени од докторите на медицина кои по полагањето на стручниот испит се стекнале со лиценца за работа во 2018 година 136 доктори се вработиле во здравствени установи низ републиката, а во 2019 година до месец ноември нивниот број изнесува 98 доктори.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Димовски: Преку Законот за стратешки инвестиции, СДСМ сака да даде предност на свои компании

Објавено пред

Пратеникот од ВМРО-ДПМНЕ, Илија Димовски обвини дека СДСМ преку Законот за стратешки инвестиции кој го донесоа на вчерашната седница сакаат во изборен период од политички орган составен од политичари со класични политички одлуки да даваат бенефиции на веќе очигледно договорени зделки, без цврсти критериуми со однапред познати фирми и компании.

Димовски вели дека законот бил предложен по скратена постапка, со европско знаменце, а притоа направен бил фалсификат, бидејќи регулативата на која се повикува не тангира повеќе од 90 проценти од содржината на овој закон.

Според него, Владата на СДСМ на овој начин додава нови 12 области кои воопшто не се предмет на наведената регулатива, со што се прави поширока дефиниција за тоа што е всушност стратешка инвестиција.

„Според дефинициите во законот, со овој закон дури и инвестиции кои што се однесуваат на подигање на плантажи со марихуана може да добијат статус на стратешки инвестиции. Овој закон предвидува и формирање на Комисија за стратешки инвестициони проекти која ќе ја сочинуваат премиерот и неколку министри како и генералниот секретар на Владата како постојани членови, како и министри и градоначалниоци во зависност од областа и локацијата на веќе замислените инвестициони проекти на за нив омилени компании. Влада со овој закон си остава простор за потенцијални злоупотреби, криминал и корупција, давајќи им бенефиции и повластен статус на очигледно предходно одбрани компании“, рече Димовски.

Спроведувањето на овој закон, вели Димовски, за жал, нема да подлежи на никаква стручна, експертска или било каква друга надворешна контрола.

„Она што е значајно да знаете, е дека во самиот закон се предвидува дека тој ќе стапи во сила веднаш по неговото донесување, што не е пракса за другите закони во Собранието, заради тоа со објавување во Службен весник секогаш се остава простор од најмалку 8 дена за стапување во сила на законите. Втората сомнителна работа е тоа што со овој закон Владата предложи, а Собранието ја задолжи во рок од 7 дена таа да ги подготви подзаконските акти што исто така е сулудо, знаејќи колку е бавна и неработлива оваа Влада, освен ако сето тоа не е припремено по нарачка на одредени компании пред донесувањето на овој закон“, рече Димовски.

Пратеникот додаде дека СДСМ дури и на одење се обидува на криминален начин да даде бенефиции за нив веќе познати компании.

Прикажи повеќе...

Македонија

Царовска: Оперативниот план за вработување со реализација од 98,6 проценти

Објавено пред

Вицепремиеркара задолжена за економски прашања Мила Царовска, дополнителната заменска министерка за труд и социјална политика Санела Шкријељ и директорката на Агенцијата за вработување Билјана Јовановска ги презентираа резултатите на Оперативниот план за активни програми и мерки за вработување и услуги на пазарот на трудот за 2019 година.

Царовска истакна дека Оперативниот план за 2019 година е со исклучително висок процент на реализација од 98,6 проценти, што е резултат од добро осмислените програми и мерки, кои се креирани во соработка со бизнис-секторот, со цел истите максимално да се апсорбираат од страна на бизнис-заедницата на локално и државно ниво.

„Имплементацијата на Оперативниот план за 2019 година, значително придонесе за намалувањето на невработеноста, која моментално е на рекордно ниска стапка од 17,1 отсто, пришто во изминатите две и пол години, регистрирани се нови 59.600 вработувања, дел од нив како резултат токму програмите и мерките од оперативните планови. Во 2019 година за реализација на ОП од буџетот се издвоени рекордни 1,3 милијарди денари, што е за 84 проценти повисок износ во споредба со 2016 година кога буџетот изнесувал 707 милиони денари. Ова се средства со кои директно се влијае кон зголемување на вработливоста на невработените лица, но и можност за формирање нови компании, кои понатаму треба да отворат нови работни места“, потенцираше Царовска.

Вицепремиерката додаде дека најголем дел од средствата се наменети токму за поттикнување на претриемништвото и креирање нови микро компании, а дека како резултат на програмите и мерките од ОП се произлезени и системски решенија. Како конкретен пример таа го посочи Законот за практиканство, како рамка младите невработени лица да добијат можност да ги стекнат потребните вештини и искуство преку практична работа во компаните и на тој начин ја зголемат можноста за сопствено вработување. Вицепремиерката упати благодарност до УНДП кои имаа голем придонес во реализацијата на мерката саомвработување.

„Преку Програмата за самовработување, во 2019 година, одобрени се 1484 грантови, а притоа се формирани 1320 микро компании. Од овие лица, 468 се млади луѓе, односно 36,8 проценти‘ од вкупниот број, додека 439 се жени (33,9%). Со оваа мерка не само што овозможуваме овие млади невработени лица да отворат сопствен бизнис, туку во целиот процес на едукација претходно, го создаваме претриемачкиот дух и ги поттикнуваме со други мерки да продолжат да отвораат дополнителни работни места“, подвлече вицепремиерката за економски прашања Мила Царовска.

Директорката на Агенцијата за вработување, Билјана Јовановска, во своето излагање, нагласи дека успешната реализација на Оперативниот план е резултат на тимска работа и позитивна енергија на вработените во Агенцијата и центрите за вработување, вработените во Министерството за труд и социјална политика, како и партнерите во спроведувањето УНДП и УНОПС, работодавачите и самите невработени лица. Таа додаде дека сите активни програми и мерки беа атрактивни за работодавачите и невработените лица и постигнат е максимален опфат согласно планираното.

„Преку субвенционирањето на плати отворени се 1383 нови работни места, додека со поддршка за вработување и раст на правни субјекти се придонесе за отворање на 621 работно место. Практиканството е уште една мерка која беше атрактивна кај работодавачите и младите лица, при што со оваа мерка беа опфатени 1697 лица. Она што особено беше побарано од стопанството беа обуките, се спроведоа вкупно 55 обуки за 22 занимања на територија на цела држава, при што 3704 лица успешно завршија обука. Станува збор за најразлични обуки, детектирани за потребите на пазарот на трудот: монтери, инсталатери, оператори за веб-дизајн, изработувачи на мебел, оџачари, гастрономи, електромеханичари, автомеханичари, заварувачи, фризери, козметичари“, појасни директорката Јовановска.

Дополнителната заменска министерка за труд и социјална политика Санела Шкријељ се осврна на реализацијата на Младинската гаранција, како мерка која е насочена исклучиво кон младите лица, кои се иднина на нашата држава, како инвестиција во нивното знење, доградба и преквалификација.

Свесни за предизвиците како што се високото ниво на младинска невработеност и иселувањето, сите мерки од Оперативниот план се насочени пред сè кон поддршка и поттикнување на младите луѓе, додаде Шкријељ.

„Младинската гаранција е една од носечките европски иницијативи, а Република Северна Македонија е единствена држава која не е членка на ЕУ, а почна со реализација на овој проект. Започна со реализација во 2018 година, најпрвин како пилот-проект, за во 2019 да се прошири на територијата на цела држава. Охрабрени сме со резултатите од реализацијата на Младинската гаранција, во 2019 година 20.301 лице се опфатени со оваа мерка. Секое младо лице во рок од 4 месеци по пријавување во Агенцијата за вработување добива можност за вработување, обука, преквалификација или практиканство. Од бројката на вклучени, 52% се жени, охрабрува што мерките кои се креирани се атрактивни и одговораат токму за млади девојки и жени. Само во 2019 година бројот на вработени преку младинска гаранција се 6004 лица, а овој број ќе продолжи да расте, во април 2020 година би можеле да ја имаме конечната бројка за лицата вклучени во 2019 година. Радува што мерката има позитивен ефект кај ранливите групи на лица, како што се Ромите. Во 2019 година во младинска гаранција се вклучени 1457 Роми, од нив 212 се веќе вработени. Во последниот квартал стапката на невработеност кај младите изнесува 35,3%, за споредба во 2016 тој процент беше 48,2%, а паралелно расте стапката на вработеност. На институциите останува да продолжиме да рабтиме во овој правец и да се издвојат сè повеќе средства имплементација на вакви програми“, заклучи дополнителната заменска министерка Шкријељ.

Прикажи повеќе...

Македонија

Филипче: Нов апарат за компјутеризирана томографија на Институтот за радиологија

Објавено пред

Институтот за радиологија набави нов апарат за компјутеризирана томографија (модел Сименс, 64 слајсен). Овој апарат е набавен кон крајот на 2019 година и е пуштен во употреба.

Апаратот за компјутеризирана томографија работи во две смени, со редовно закажани пациенти преку националниот електронски систем „Мој термин“. Очекуваме со новиот апарат да се скрати времетраењето на прегледот, со подобра резолуција на добиените резултати и детекција на најситните промени.

„Инвестираме во човечкиот капитал, набавка на нови лекови, како и нова медицинска опрема за да му овозможиме подобри услови за работа на медицинскиот персонал и квалитетна здравствена заштита на нашите пациенти. Водиме максимална грижа за подобро здравје на пациентите. Во моментот, на Институтот за радиологија се во функција четири апарати за компјутеризирана томографија, со што значително е подобрено функционирањето во оваа јавна здравствена установа“, потенцираше министерот за здравство д-р Венко Филипче.

Апарат за компјутеризирана томографија е набавен со средства од установата во вредност од 10 милиони денари.

Прикажи повеќе...

Најново

Македонија1 час

Вооружен грабеж во НЛБ Банка во Ѓорче Петров

Утринава во експозитурата Ѓорче Петров на НЛБ Банка се случи вооружен грабеж. Од банката велат дека вработените и сите клиенти...

Регион2 часа

Грција идната недела ќе добие нов претседател

Грчката влада достави предлог до парламентот за избор на нов претседател на републиката, што ќе се одржи на 22 јануари,...

Топ3 часа

Две деца повредени кога „бе-ем-ве“ излетало на патот Велес – Извор

Вчера во 16:00 часот било пријавено дека на регионалниот пат Велес – Извор, по крстосницата за селото Г.Оризари, патничко возило...

Свет3 часа

(Видео) Кралот на кокаинот доби пиво со неговиот лик и име

Мексиканскиот наркобос Хоакин „Ел Чапо“ Гузман издржува доживотна казна затвор, а неговата ќерка Алехандрина се труди да ја одржи неговата...

Македонија4 часа

Меркел: Северна Македонија и Албанија заслужуваат да ги почнат преговорите со ЕУ

„Северна Македонија и Албанија заслужуваат да ги почнат преговорите со ЕУ, но на тој пат двете земји можат да се...

Македонија4 часа

Усвоени измените во законот за извршување, социјално загрозените нема да плаќаат

Законодавниот дом ги изгласа најновите измени и дополнувања на Законот за извршување кои ги подготви Министерството за правда. Ова е...

Свет5 часа

Премиерот на Украина поднесе оставка

Премиерот на Украина, Олексиј Хончарук, денеска поднесе оставка, јавува „Ројтерс“. Од кабинетот на претседателот на Украина, Володимир Зеленски, соопштуваат дека...

Регион5 часа

Лајчак: Следните месеци клучни за односите помеѓу ЕУ и Западен Балкан

Шефот на словачката дипломатија Мирослав Лајчак изјави дека следните месеци ќе бидат клучни за односите помеѓу Европска Унија и земјите...

Свет5 часа

Земјотрес со јачина од 5,6 степени го погоди Мексико

Земјотрес со јачина од 5,6 степени според Рихтеровата скала утрово е регистриран во јужниот дел на Мексико, кој според медиумите...

Свет5 часа

Oслободени новинарите на „Анадолија“ коишто беа уапсени во Каиро

Новинарите на турската државна новинска агенција „Анадолија“, кои во средата беа уапсени во Каиро, се ослободени откако платија кауција од...

Регион5 часа

(Видео) Масовни протести – Црна Гора ги брани верските објекти

Илјадници верници на Српската православна црква и граѓани протестираа против Законот за верската слобода. Црногорскиот митрополит Амфилохие, кој ја предводеше...

Свет19 часа

Трамп го прекршил законот кога ја спречил воената помош за Украина

Белата куќа го прекршила американскиот закон кога ја прекинала воената помош наменета за Украина, одлучи независното тело кое ја надгледува...

Македонија24 часа

Докторката на Трајковски ќе сведочи во „ТНТ“ за неговата дијагноза

Судот одлучил на следното рочиште за „ТНТ“ да ја повика докторката која на обвинетиот ексградоначалник на Гази Баба, Тони Трајковски,...

Европа1 ден

Русија доби нов премиер

Државната Дума ја потврди кандидатурата на поранешниот шеф на Федералната даночна служба, Михаил Мишустин, за нов премиер на Русија. Мишустин...

Топ1 ден

Опожарени возилата на Сузана Турунџиева и на Ребека

Автомобилот на пејачката и водителка Сузана Турунџиева бил опожарен изутринава околу 3 часот. Огнот го зафатил и возилото на пејачката...

Македонија1 ден

Шкријељ: Нема да дозволиме граѓаните поради предизборни препукувања да останат без нивните права

Дополнителната заменик-министерка за труд и социјална политика Санела Шкријељ денеска на прес-конференција во Владата повика на конструктивност и соработка со...

Топ1 ден

Шестмина повредени во сообраќајна несреќа кај Велес

Една жена е потешко повредена додека петмина други полесно во сообраќајната несреќа што се случи изутинава околу 8 часот на...

Свет1 ден

Спасено девојче од Пакистан кое 18 часа било затрупано со снег

Едно 12-годишно девојче е пронајдено живо откако лавина ја погодила нејзината куќа во Пакистан и откако 18 часа било затрупано...

Топ1 ден

Притвор за скопјанец кој марихуаната ја чувал во тегли од лутеница и ајвар

Скопското основно јавно обвинителство покрена обвинение против 27-годишник од скопската населба Влае кој криел марихуана во тегли за зимница. Како...

Регион1 ден

Рама го тужи Харадинај за клевета

Албанскиот премиер Еди Рама  поднел тужба до Основниот суд во Приштина за клевета против косовскиот колега во заминување Рамуш Харадинај....

Досие