Претседателот Стево Пендаровски ќе ги одликува Горан Стефановски, Зафир Хаџиманов и Ремзи Несими, постхумно, и Живко Мукаетов со Орден за заслуги за државата.

Горан Стефановски постхумно се одликува за исклучителен и неповторлив придонес во континуитетот и во осoвременувањето на книжевното културно наследство.

Зафир Хаџиманов постхумно се одликува за огромниот придонес во специфичниот полижанровски развој во сферата на уметничкото творештво.

Ремзи Несими постхумно се одликува за неговиот траен придонес во филолошките науки и албанологијата во Република Северна Македонија и во светот воопшто.

Живко Мукаетов се одликува за професионалните стандарди во фармацевтската индустрија и за неговата филантропска култура и општествена одговорност.

Министерството за внатрешни работи известува дека на подрачјето на Скопје, денеска во временскиот период од 18.45 часот до 20.30 часот, поради протестен марш, ќе биде воведен посебен режим на сообраќајот.

Почетокот на протестот е најавен од 18.45 часот пред Министерство за надворешни работи, на улицата Филип Втори Македонски, па по улиците 11 Октомври, Димитрие Чуповски, Васил Главинов, потоа по булеварот ВМРО и булеварот Илинден (пред Владата на Република Северна Македонија) до завршување на протестот, најавено за 20.30 часот.

Од тие причини Министерството за внатрешни работи апелира до сите учесници во сообраќајот да ги почитуваат наредбите што ќе ги даваат униформираните полициски службеници.

Протестниот марш е во организација на АМАНЕТ 1903 – Скопје под мотото „Заев – ти си предавник“.

Сончево со мала до умерена локална облачност. Ќе дува слаб до умерен ветер од северен правец. Минималната температура ќе биде во интервал од 11 до 21, а максималната од 28 до 35 степени.

Во Скопје, сончево со мала до умерена облачност и со слаб до умерен северен ветер. Минималната температура ќе биде 18, а максималната ќе достине до 33 степени.

Следува период на стабилно и топло време, освен утре кога во планинските предели ќе има изолирана појава на краткотраен дожд и ретки грмежи.

Од понеделник температурите ќе бидат во натамошен пораст, а особено топло се очекува во средината на следната седмица.