Контакт

Македонија

Градежни работи на патот Прилеп-Битола-Ресен

Објавено пред

Сообраќајот на државните патишта се одвива по суви коловози, информираат во попладневното соопштение од Авто-мото сојузот на Македонија (АМСМ).

Оттаму додаваат дека сообраќајот на патниот правец (А3) Прилеп-Битола-Ресен преку обиколницата кај Битола е нормализиран за сообраќај. Според соопштението, на делот на свлечиштето ќе се изведуват градежни работи, а за таа цел ќе биде затворена едната лента во должина од 200 метри. Поради тоа, сообраќајот ќе се одвива по една сообраќајна лента за што се поставени и семафори кои ќе го регулираат сообраќајот.

Исто така, поради асфалтирање на регионалниот пат (Р – 2336), село Теово-село Богомила, од 10 април годинава во наредните 30 дена сообраќајот ќе биде во прекин секој ден во период од 10 до 14 часот.

АМСМ препорачува внимателно возење, приспособена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани-Македонска Каменица-Делчево, Виница-Берово, Гостивар-Стража, Маврово-Дебар-Струга, Демир Капија-Удово, Катланово-Велес, Крушево Демир Хисар и Ресен-Буково.

Интензитетот на сообраќајот на патните правци надвор од градските средини е умерен. На граничните премини нема подолги задржувања за влез и излез од државата. Оваа информација се однесува само за македонската страна на премините.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

ГДУ ја утврди изборната програма во пресрет на изборите

Објавено пред

Граѓанско Демократска Унија денеска ја одржа својата 5-та Седница на Националниот Комитет на ГДУ.

Националниот Комитет на ГДУ ја утврди изборната програма во пресрет на претстојните парламентарни избори. За таа цел, НК на ГДУ го формираше Изборниот Штаб и координаторите по Изборни Единици, согласно постојниот Изборен модел.

Секретарот на ГДУ, Димo Петкоски е избран за шеф на Изборниот Штаб на ГДУ. Енсер Јусуфоски е избран за координатор за политички прашања. Членови на Изборниот Штаб се Димитар Попандонов, Фросина Китановска, Борче Пачемски, Добре Митрев и Даниел Јорданоски.

На Седницата на НК на ГДУ се формираше и работна група за подготовка на изборната платформа на ГДУ во состав: Ѓорѓи Трендафилов, Горан Рафајловски, Марјан Михов и Перица Спасовски.

Прикажи повеќе...

Македонија

Шекеринска: Скопје не е веќе мрачен вилает каде полицијта брка студенти по библиотеки

Објавено пред

Вицепреиерката Радмила Шекеринска во обраќањето пред присутните на последниот настан од караванот на СДСМ насловен „На прав пат“ говореше за успесите на власта за НАТО, за политиките на градоначалникот Петре Шилегов.

„Напишавме историја. Имаме право да бидеме и задоволни и горди. По 30 години мечта и сон, нашиот рад ќе биде главен град на членка на НАТО. Нашиот град кој ги пречека и Меркел и Столтенберг и Туск… Дојдоа да му дадат поддршка на нашиот народ и на овој Град. Скопје не е веќе мрачен вилает каде полицијта брка студенти по библиотеки“, рече Шекеринска.

Таа кажа дека не може да се види Шилегов скриен во канцеларија, како молчи и како седи и чека што да му каже некој „од горе“. „Петре како опозиционер им се спротистави на Груевци и Мијалковци. Петре покажа и дека знае да сослуша“, рече Шекеринска.

„Петре не е аргонатен, туку храбар и упорен и не бега од проблемите кои му ги оставија. Скопје има многу непријатели. Моторџиите, зградите кои никнуваат, кафеанџиите кои со гласна музика, загадувачите, но ние за тие непријатели не молчиме, туку зборуваме“, говореше Шекеринска пред присутните.

„Кога пред 10 дена за првпат го видов нашето знаме за Лондон во центарот на светот во тој свет, до знамето на Велика Бритнија јас мислев дека нема човек кој не го погледна тоа со солза во око. За жал имало. ВМРО-ДПМНЕ“, рече таа во говорот.

Шекеринска дополни дека ВМРО-ДПМНЕ го блокира Законот за одбрана само затоа што го содржи уставното име на државата, но не им смета уставното име на протколот за НАТО и кога добиваат плати од државата.

„Не им смета уставното име за протоколот за НАТО, или кога добиваат плата со уставното име“, рече Шекеринска. „ВМРО-ДПМНЕ не се кае за злото кое го истури по нашите градови и села. ВМРО-ДПМНЕ не се менува. Игра делува и се менува по тактот на Груевски. ВМРО-ДМНЕ Зборува за чесност. Повикува на скромност, а чевлите им газат во дебелите персиски килими во белата палата“, рече Шекеринска.

„Лузните кои ги оставија траат. Оставија не само лузни, туку и многу отров кој сака да не труе и да не кара. Затоа не го поддрживаат нашето членство во НАТО“, кажа таа пред присутните.

Претходно говореше градоначалникот на Скопје, Петре Шилегов. Со последната 26 трибина од серијата „На прав пат“ СДСМ го завршува караванот и ја заокружува изработката на изборната програма. Првиот драфт ќе биде промовиран кон крајот на декември.

Владејачката партија веќе најави нови настани кои ќе се темелат на клучните столбови на програмата. Кон средината на следниот месец партијата ќе излезе со финалната изборна програма.
Месецов завршува и кампањата „Од врата до врата“. Од партијата се пофалија дека 6000 партиски активисти посетиле приближно 70 илјади семејства.

Прикажи повеќе...

Македонија

Шилегов: Презедовме 28 мерки кои видливо го намалуваат загадувањето

Објавено пред

„На многу пат сме од пред две години. Успеавме полека, полека, чекор по чекор, Скопје да го претвориме во успешна приказна. Најдоброто допрва следува. Покажавме дека не беше залудна бробата за промени“. Со овие зборови, градоначалникот на Град Скопје, Петре Шилегов, го почна говорот во спортскиот центар „Борис Трајковски“, на завршниот настан од караванот на СДСМ, наречен „На прав пат“.

Шилегов во говорот се пофали дека системски почнале да ги решаваат проблемите кои со години биле ставани под тепих.

„Веќе се на пат 33 автобуси на гас, кој од февруари ќе ги гледаме на скопските улици“, рече Шилегов и кажа дека за две години ќе има повеќе патници во јавниот транспорт.

Градоначалникот на Скопје кажа дека системси го решаваат проблемот со хигината во градот.

„Се средува хаосот со комуналнот отпад во Градот. Го решивме проблемот со криминалното управување со Дрисла“, рече Шилегов.

„Влезени сме во војна, која не може да има поинаков крај, освен победа“, кажа тој во говорот и додаде дека работат на системско решавање на аерозагадувањето.

„За две години презедовме 28 мерки кои видливо го намалуваат аерозагадувањето. Инспекциите се засилени за загадувачите“, рече тој и додаде дека 13 од 23 средни училишта имаат енергетски фасади, Градот дал субвенции за оџачари, за набавка на инвертери, велосипеди, го обвновиле зеленилото во Градот, а градските улици и булевари се граделе побрзо и подобро од порано.

„Ми викаат многу работиш не ти чини пиарот, не знаеш да се фалиш. Ние не се фалиме, затоа што за нас тоа е редовна работа. Поважно од улиците, булеварите и објектите, Скопје се луѓето, Скопје е секој од нас што не е присутен во оваа сала“, рече Шилегов и кажа дека нема да дозволат Скопје да се врати, во како што рече, црното минато.

Претходно со скандирање „Зоки, Зоки“, присутните членови и симпатизери на СДСМ, го поздравија лидерот на партијата, Зоран Заев, кога влезе во спортската арена „Борис Трајковски“, по што следуваше интонирањето на химната. Присутните во салата по повикот на водителката ги кренаа картичките на кои пишуваше „На прав пат“, по што следуваше музичко-сценски перформанс.

Со последната 26 трибина од серијата „На прав пат“ СДСМ го завршува караванот и ја заокружува изработката на изборната програма. Првиот драфт ќе биде промовиран кон крајот на декември. Владејачката партија веќе најави нови настани кои ќе се темелат на клучните столбови на програмата. Кон средината на следниот месец партијата ќе излезе со финалната изборна програма.

Месецов завршува и кампањата „Од врата до врата“. Од партијата се пофалија дека 6000 партиски активисти посетиле приближно 70 илјади семејства

Прикажи повеќе...

Најново

Свет1 час

(Видео) Најмалку четири лица загинаа во земјотресот на Филипините

Најмалку четири лица загинаа во земјотресот со јачина од 6,9 степени кој го погоди островот Минданао во јужниот дел на...

Топ3 часа

Седум возила учествуваa во сообраќајна несреќа што се случи утрово во Скопје

Утрово во 06.45 часот на крстосница од булеварот „Александар Македонски“, улицата „16-та Македонска Бригада“ и улицата„Интернационални Бригади“ се случила сообраќајна...

Регион4 часа

Нов земјотрес во Албанија, почувствуван во Црна Гора

Нов земјотрес од 4,5 степени ја погоди Албанија доцна синоќа, јавуваат медиумите. Според Евромедитеранскиот сеизмолошки институт, епицентарот бил на 22...

Свет5 часа

Грета Тунберг се извини: Тоа се случува кога импровизирате говор на друг јазик

Шведската активистска за борба против климатските промени, Грета Тунберг, се извини за изјавата дека политичарите треба да бидат „турнати до...

Спорт5 часа

Македонец е светски првак во УФЦ–Александар „The Great“ Волкановски

Македонецот Александар „The Great“ Волкановски (31) е новиот шампион во УФЦ, во перо категорија. Волкановски утринава во Лас Вегас го...

Економија6 часа

Почнува наградната игра „Мој ДДВ #MojaНаграда“

Од денес со скенирање на секоја фискална сметка преку апликацијата МојДДВ, секој полнолетен граѓанин е потенцијален добитник на една од...

Свет20 часа

Уништувањето на шумите во Амазонија достигна највисоко ниво за месец ноември

Уништувањето на шумите во бразилската Амазонија го достигна своето највисоко ниво за месец ноември, откако почна да се бележи неславни...

Македонија23 часа

Заев за ДУИ ќе се консултира во СДСМ и со малите партии

Премиерот Зоран Заев најави внатрепартиски консултации како и разговори со помалите партии на кои ќе се одлучува за поднесувањето на...

Топ23 часа

Пожар во стан во Тетово – еден тешко повреден, десетина затруени

Еден маж е потешко повреден со изгореници, а 10 лица се затруени од чад, во пожарот што се случи денеска...

Македонија24 часа

Врховните судии потврдија дека Јован Врaнишковски перел пари

Врховниот суд го отфрли како неосновано барањето за вонредно преиспитување на пресудата против расчинетиот владика на МПЦ-ОА, Јован Вранишковски. Тројцата...

Македонија1 ден

(Видео) Русковска: На почетокот на јануари се надевам на второ обвинение за „Рекет“

Шефицата на Обвинителството за гонење организиран криминал и корупција, Вилма Русковска рече дека втората истрага за случајот „Рекет“ е при...

Македонија1 ден

Николоски тврди дека со СДСМ имале договор: За изборниот модел требаше да преговараме по изборите

Преговорите за Изборниот законик практично влегоа во ќор сокак, по вина на власта којашто на подмолен и недемократски начин, сака...

Македонија1 ден

(Видео) Дескоска, Здравев и Џолев на примопредавање на златната метла

Министерката за правда, пред почетокот на денешната акција за чистење на претседателот на Судскиот совет, Киро Здравев му ја подари...

Македонија1 ден

Коце Трајановски нема да биде гонет за конкурсот за Водовод, застарело делото

Ексградоначалникот на Град Скопје, Коце Трајановски и уште три други лица нема кривично да одговараат за злоупотреба на службената положба...

Топ1 ден

Патнички воз удри во автомобил, жена со повреди заврши во болница

Вчера напладне на железничка пруга Велес-Кочани, на патен премин кај селото Лозово, се случи железничка незгода во која патничкиот воз...

Европа1 ден

Џонсон: Нема втор референдум за независност на Шкотска

Британскиот премиер Борис Џонсон и порача на шкотската лидерка Никола Старџен дека нема да има нов рефердендум за независност на...

Свет1 ден

Северна Кореја изведе нова нуклеарна проба

Северна Кореја ја инофмрира светската јавност за нов „важен тест“, направен на космодромот Сохе во земјата, пренесоа руските медиуми. „На...

Македонија1 ден

ВМРО-ДПМНЕ: Јанева го злоупотребила буџетот на СЈО за роднини и пријатели

Катица Јанева , под заштита на Зоран Заев, била дел од милионска рекет шема, но и го злоупотребувала буџетот на...

Македонија2 дена

(Видео) Морачанин: ДУИ и ВМРО-ДПМНЕ да не се вадат дека не биле информирани, од септември зборуваме за една изборна единица

По тензичниот ден во Собранието каде што ВМРО-ДПМНЕ и ДУИ со поднесување на илјадници амандмани ја блокираа расправата за измени...

Топ2 дена

Кривична пријава против поранешна директорка на средно училиште во Скопје

Управата за финансиска полиција  поднесе кривична пријава до Основното јавно обвинителство Скопје против Е.А., поранешна директорка на средното училиште „Браќа...

Досие