Македонија
Гранковиот синдикат молчи за барањата на медицинските сестри
Здружението на медицински сестри, техничари, акушери и стоматолошки сестри „За нас“ се жали дека сè уште не добило одговор на барањата доставени до гранковиот синдикат и претседателот Љубиша Каранфиловски.

На состанокот што се одржа на 6 јуни, над 5.000 члена на Унијата на ЗМСТАСЛ, предводени од претседателката, сестра Горданка Бешлиовска, упатиле официјални барања за промени до гранковиот синдикат.
Тие бараат покачување на коефициентот на групата со ССС од 1,887 да се покачи на 2,40; пресметка на додатоците на сменско работење, ноќна работа и дежурства; корекција на профилите во колективниот договор; утврдување на стажот, поднесување старосна граница за пензионирање, како и измена на членот 216 од Законот за здравствената заштита за давање континуирани здравствени услуги во вид на дежурства да се однесува и за медицинските сестри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Убиени оперативци на Хамас откако излегле од тунел во Газа
Израелските одбранбени сили (ИДФ) убија четворица оперативци на Хамас денес откако излегоа од тунел на југот од Појасот Газа, објави армијата.
Оперативците биле забележани како излегуваат од тунел во источниот дел на Рафа, област контролирана од ИДФ, каде што се верува дека десетици борци на Хамас се заробени под земја, објави „Тајмс оф Израел“.
Според армијата, четворицата оперативци биле убиени во напад на израелските војници и воздухопловните сили.
ИДФ работи на утврдување на нивниот идентитет, а претставници на одбраната се сомневаат дека меѓу убиените членови на ќелијата се командантот на батаљонот на Хамас за Источна Рафа и неговиот заменик, објави „Тајмс оф Израел“.
Македонија
Вечерва ќе се знае кој креативен средношколец ќе добие 1 милион денари за својата идеја
Големото финале на „Средношколец Милионер“, каде десет тима ќе ги претстават своите идеи за бизнис пред пет реални инвеститори се оржува денеска во просториите на Бреинстер НЕКСТ колеџот.
Како што се наведува во соопштението на организаторот станува збор за идеи што решаваат конкретни, современи проблеми од финансиска писменост и едукација, до AI алатки, локален развој, туризам, здравствени навики, фриленс можности за младите и др.
Финалистите денес ќе бидат оценувани според јасното дефинирање на проблемот, конкретното и применливо решение, изводливиот и исплатлив бизнис модел и целокупната подготвеност на тимот да ја спроведе идејата.
-Овој натпревар покажува дека новата генерација размислува практично, технички и пазарно. Тие не создаваат идеи „на хартија“, туку функционални концепти што може да се имплементираат веднаш. И горди сме на успехот кој го постигнаа сите учесници досега, велат организаторите на натпреварот.
Во финалето ќе се натпреваруваат четири тимови од средните училишта во Скопје, три од Битола, две од Велес и еден тим од Куманово.
Најдобриот тим ќе ја освои главната награда од 1.000.000 денари, со можност својата идеја да ја претвори во вистински бизнис.
Македонија
Скопје утрово се разбуди со температури под нулата
Најниска температура утрово е измерена со во Скопје – Петровец – 2 степени, во Штип, Струмица, Крушево, Маврови Анови – 1, додека во Скопје-Зајчев Рид, Крива Паланка, Велес, Демир Капија нула степени.
Во Виница, Берово се измерени еден степен, во Прилеп и Кавадарци два степени, во Тетово, Охрид, Претпор и Битола три степени и во Гевгелија пет степени.
Времето денеска ќе биде променливо облачно со сончеви периоди. Ќе дува слаб до умерен ветер од северозападен правец. Максималната температура ќе биде во интервал од 7 до 13 степени.
Во Скопје, времето ќе биде променливо облачно со сончеви периоди. Ќе дува слаб до умерен ветер од северен правец. Максималната температура ќе достигне до 9 степени.

