Сообраќајот на магистралниот пат Гостивар – планински превој „Стража“, во близина на каменолом „Прогрес 98“, од 18:10 часот е во целосен прекин поради случена сообраќајна незгода, информира АМСМ.

На останатите државни патишта сообраќајот се одвива без забрани по влажни коловози на повисоките места во северозападните и источните делови од државата. Во останатите делови од државата коловозите се наместа влажни.

Поради појава на магла, видливоста на патниот правец Шипковица – Тетово е намалена на 30 – 40 метри.

Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.

Не му беа доволни 11 години прислушување на Мицкоски, па бара нови снимки да преслушувале „експертите“ од ВМРО-ДПМНЕ, реагира СДСМ на барањето на лидерот на ВМРО-ДПМНЕ да се формира независно тело кое ќе го предводи човек на предлог на опозицијата и кое ќе ги преслуша, анализира, систематизира прислушуваните разговори на сите судии и обвинители.

„Нека не сонува Мицкоски, Македонија тргна напред и враќање назад во црното минато нема, никој нема да ја запре.  Бадијала си придава толку големо значење, Мицкоски никој не го смета за сериозен, најмалку граѓаните кои ја поразијата неговата деструкција. Впрочем слабиот одзив на граѓаните и на членовите на ВМРО-ДПМНЕ и овој протест во Кочани, се јасна порака за Мицкоски дека блокади, обрана на криминал, деструкција не поддржуваат“, велат од СДСМ.

Нервозниот Мицкоски, додаваат од партијата, е полн со црнила, темници и мрачни сценарија, последица од децениското криминално владеење на ВМРО-ДПМНЕ.

„Како лева рака на Никола Груевски, како негов советник во кабинетот кој му го дал и бизнисот со хидроцентрали, Христијан Мицкоски нема нешто друго да им понуди на граѓаните. Со истите зборови на Никола Груевски, денека Мицкоски ги прогласи за патриоти насилниците со црни маски и црни качулки кои го извршија бруталниот напад на Собанието на 27 април“, велат од СДСМ.

Претседателот на  ВМРО-ДПМНЕ, Христијан Мицкоски, на протестниот марш во Кочани упати барање до Владата да се формира независно тело кое што ќе го предводи човек на предлог на опозицијата и кое што ќе ги преслуша, анализира, систематизира прислушуваните разговори на сите судии и обвинители.

„Веднаш да се формира независно тело  кое што ќе го предводи човек на предлог  на опозицијата, кое што ќе ги преслуша, анализира, систематизира  сите материјали кои што се собрани изминативе две години како резултат на црнит вотергеј на Заев, односно прислушувањето на сите судии и обвинители. Да ги видиме нарачаните пресуди  за поткуп, да ја видиме нарачаната пресуда за „Глобал“ , да видиме како нарачувате обвиненија за луѓето од 27 април, да видиме како нарачувате обвиненија за ВМРО-ДПМНЕ“, рече Мицкоски.

Тој побара и оставка од министрите за надворешни и за внатрешни работи, Никола Димитров и Оливер Спасовски.

„Бараме итна и неотповиклива оставка на министерот којшто својата нација ја нарече искомплексирана нација. Министерот кој благодарение на ова нација која го полни буџетот зема плата, ужива во привилегиите да се школува неговото семејство надвор од Република Македонија со стипендиите кој овој народ ги обезбедил и итна и неотповиклива оставка на министерот за терор и прогон т.е. полиција, Оливер Спасовски затоа што откако е министер само порази шпиунски акции, претреси и омаловажувања на нашите браќа и сестри, граѓани на Република Македонија“, рече Мицкоски.

Тој упати и барање до Владата веднаш да сопре иницијативата за покачување на даноците во Република Македонија и да престане осиромашувањето на бизнисот и на граѓаните.

Побара и продолжување на проектот за гасификација на Македонија од централно до општинско ниво, за, како што рече, вистински почист воздух  за сите граѓани во Република Македонија.