Македонија
Демократско Движење: ДУИ ги дискриминира тетовчани со 100 милиони евра во здравството

„Веќе подолго време ние го креваме гласот за дискриминацијата што ни се прави на нас Албанците во секое поле од страна на оваа корумпирана власт во заминување, која го задушува граѓанинот повеќе од 20 години и станува неподнослива“, вели Реџеп Мемеди од Демократското Движење.
„Денеска во фокус ни е здравството, каде дискриминацијата кон Албанците е во алармантни размери, а ова најдобро ќе го отсликуваме со конкретни бројки за 2022 година.
Така во 2022 година Фондот за здравствено осигурување за Клиничката Болница Штип издвоил 12.137 денари по глава на осигуреник, за Клиниката Болница Битола 9.608 денари, додека за Клиничката Болница Тетово издвојил само 4.599 денари по глава на осигуреник.
Очигледна е и разликата во средствата издвоени за здравствените домови. Пример, ФЗО за Здравствен Дом Кратово доделил 6.178 денари по глава на осигуреник, додека за Здравствен Дом Тетово само 890 денари. Значи 7 пати повеќе земаат жителите на Кратово во однос на жителите од Тетово“, изјави Реџеп Мемеди од Демократското Движење.
„Воопшто не е поинаку распределбата на средствата по Центрите за јавно здравје. Така на пример, на ЦЈЗ во Битола му се доделени 742 денари по глава на осигуреник, додека на ЦЈЗ во Тетово само 290 денари.
Само за илустрација, ФЗО предводен од кадар на ДУИ кој доаѓа од Тетово, ги дискриминира граѓаните од Тетово кумулативно со повеќе од 25 милиони евра помалку средства само во 2022 година.
Затоа, без двоумење може да се констатира дека во периодот 2019-2022 Албанците се оштетени во полето на здравството со минус 100 милиони евра, сума која говори самата за политиките на ДУИ во здравството.
Поради овие причини, кога одиме во болница или било која здравствена установа се соочуваме со ситуации каде нема ниту минимум достоинствена здравствена инфраструктура, нема лекови, нема средства за хигиена, нема доволно здравствен персонал, а има долги листи на чекање за една здравствена услуга. Со еден збор има лоша услуга поради тоа што има многу корупција.
Завршува уште една лоша година обележана со крајна дискриминација на албанците во секое поле на живеењето. Со наше доаѓање по изборите на 8 мај ќе дојде и крајот на ваквото дискриминаторско распоредување на средствата и ќе ја корегираме оваа неправда која им се прави на граѓаните по етничка основа“, додаде Реџеп Мемеди од Демократското Движење.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ЦУК: Пожарот во Самоков веднаш изгаснат, објектите на фабриката не беа во опасност

Пожарот во Самоков е локализиран и веднаш изгаснат. Во ниту еден момент немаше опасност од негово ширење кон објектите на фабриката Самоков, соопшти Центарот за управување со кризи.
Од РЦУК Македонски Брод претходно стигна информација дека е настанат пожар во населбата Самоков, во фабриката „Сувенир“, а опожарен е магацин со хемикалии. Во информацијата беше наведено дека електричната енергија во фабриката е исклучена.
Македонија
„Седи Боби, кец!“, му рече Арсовска на Стефковски за проблемот со водата, па доби одговор

Градоначалничката на Град Скопје, Данела Арсовска, преку објава на својот официјален профил на Фејсбук, му возврати на градоначалникот на општина Гази Баба, Бобан Стефковски, кој претходно ги прозва Градот и ЈП „Водовод и канализација“ – Скопје, за прекините во водоснабдувањето во неколку скопски населби. Тој побара итна интервенција од Градот, предупредувајќи на можни протести ако состојбата не се реши веднаш.
Арсовска му одговори на Стефковски дека и по три години на функција сè уште не прави разлика што е во надлежност на Градот, а што на Општина Гази Баба. Таа појасни дека жителите на Црешево и Смилковци не се корисници на ЈП „Водовод и канализација“, туку на ЈКП „Гази Баба“ – претпријатие под општинска надлежност.
„Ова по три години ќе го знаеше ако паузираше еден ден од сликање по фолклорни манифестации за да сработиш нешто“, напиша Арсовска, посочувајќи дека со средствата добиени од владите на Ковачевски и Мицкоски, Стефковски можел да изгради нова водоводна мрежа за тие населби.
Во продолжение, Арсовска рече дека Град Скопје во изминатите три години не добил ниту еден денар од централната власт, а дека Владата ѝ должи на ЈСП Скопје осум милиони евра.
Градоначалничката ја заврши објавата со саркастичен тон: „Седи Боби, кец!“
Ситуацијата дополнително ја заостри реториката меѓу градоначалниците на Скопје и Гази Баба, отворајќи нова рунда меѓусебни обвинувања. По објавата на Арсовска, повторно се огласи Стефковски кој и’ одговори дека надлежноста за Смилковци и Црешево ја знае многу добро, па ја повика да каже зошто жителите од Автокоманда, Железара, Триангла, Маџари и Ченто немаат вода? За крај по однос на делењето оценки, Стефковски на социјалните мрежи напиша дека граѓаните и’ дале оценка на парламентарните избори на Арсовска. Тогаш таа освои вкупно 3.438 гласови.
Македонија
Гори кај Прилеп, Македонски Брод, Чашка и Велес – пресек на состојбата со пожарите

На територијата на државата се евидентирани вкупно осум пожари на отворен простор, од кои активни се четири, соопшти Центарот за управување со кризи.
Во Општина Прилеп, гори кај селото Бешиште. Се работи за приземен пожар во квалитетна мешана шума. Активен е пожарот и кај Општина Македонски Брод, с. Црешнево, м.в. Церо Поле – пожар во деградирана дабова шума и грмушки. Во Општина Чашка беснее шумски пожар под Солунска Глава, помеѓу местата викани Изворите на Бабуна и Бабина Дупка (моментално нема активен пламен, само чад на карпест дел). Во Општина Велес пожарот избувна во ниска вегетација.
Изгаснати се 4 пожари: Општина Врапчиште, с. Врањовци – ниска вегетација, ѓубриште; Општина Липково, с. Лојане – ниска вегетација и стрниште; Општина Карбинци, с. Радање – блок (површина) посеана со жито и ниска вегетација и ОпштинаАрачиново, с. Орланци – ниска вегетација и отпаден материјал.