Контакт

Македонија

Детската клиника: Родители на бебе кое нема имунитет им се заканувале на лекари, повикана и полицијата

Објавено пред

Mедицински тим на Клиниката за детски болести во Скопје деноноќно се бори за најмалите. Нивниот живот за нас е приоритет и тука не треба да има ниту најмал сомнеж, се вели во соопштението на Универзитетската клиника за детски болести – Скопје во врска со настан што се случил на Клиниката, а за кој е објавено видео на социјалните мрежи. Станува збор за бебе кое се лекува на Клиниката, на снимката се гледа дека тешко дише, а родителите реагираат и ги обвинуваат лекарите за состојбата на детето. Од Клиниката тврдат дека станува збор за бебе чија мајка за време на бременоста заболела од варичела. Како резултат на тоа, бебето се родило со комплетно нарушен имунолошки систем, односно нема можност да се одбрани од бактерии, ниту од вируси.

Лекарите велат дека имаат целосно разбирање за болката на родителите и дека се со нив последниве шест месеци, но дека не ја разбираат потребата од психичко и физичко насилство врз оние што деноноќно се борат за животот на нивното дете.

Во продолжение ви го пренесуваме соопштението интегрално:

„Во интерес на вистината сакаме да ја информираме јавноста за видеоснимката која денеска родители на нашата пациентка ја направиле на едно од одделенијата на Клиниката за детски болести – Скопје. На снимката се гледа дека бебе, наш пациент, тешко дише и притоа родителите ги коментираат и ги обвинуваат со имиња и презимиња лекарите за неговата состојба. Имајќи предвид дека станува збор за комплексна ситуација, а со цел јавноста да добие целосна слика за случајот со пациентката, сакаме да дадеме и наш став во однос на денешната снимка.

Имаме целосно разбирање за болката на родителите и со нив сме постојано последниве шест месеци. Мајката на бебето во четвртиот месец од бременоста заболела од варичела. Направени се тестирања за можни последици за плодот, а кои семејството никогаш не ги подигнало. И покрај познатите медицински оправдани стравувања за евентуални последици врз плодот, мајката решила да го роди детето, без разлика на последиците. Токму како последица од варичелата бебето се родило со комплетно нарушен имунолошки систем, односно со неможност да се одбрани од бактерии, ниту од вируси. Колку е ослабен имунитет покажува и фактот дека од самото раѓање детето било само неколку дена дома во рок од шест месеци. Направени се сите современи испитувања, што само ја потврдуваат дијагнозата дека детето е родено со последица од варичелата додека мајката го носела плодот.

Комплетно ја разбираме нервозата на родителите, се обидуваме да помогнеме колку што можеме, но ситуацијата се менува секојдневно, а грижа за детето има постојано. Во секој момент на располагање се докторите на Клиниката, кои досега повеќепати отворено разговараат со родителите за состојбата на детето. И покрај тоа секојдневно се врши притисок врз персоналот на болницата, проследени со разни навреди, закани за живот и агресија, која кулминира денеска кога обезбедувањето на Клиниката мораше да повика и полициска асистенција.
Како здравствени работници, но и како луѓе, родители, ја разбираме нивната борба за сопственото дете, но не ја разбираме потребата од психичко и физичко насилство врз оние што деноноќно се борат за животот на нивното дете. Во овие тешки времиња за сите здравствени работници сакаме да повториме дека целиот медицински тим на Клиниката за детски болести во Скопје деноноќно се бори за најмалите. Нивниот живот за нас е приоритет и тука не треба да има ниту најмал сомнеж“, се вели во соопштението.

Македонија

(Видео) Костадинов: Изборите се решение и треба да се одржат во првиот можен рок

Објавено пред

Изборите се решение и треба да се одржат во првиот можен рок, секако по завршување на вонредната состојба и согласно состојбата со епидемијата, изјави портпаролот на СДСМ, Костадин Костадинов.

„Избори се потребни за да обезбедиме целосно функционални институции коишто ќе бидат целосно посветени на заштита на здравјето на граѓаните, но потребни ни се функционални институции коишто ќе бидат посветени и за рестарт на македонската економија. Рековме дека договор е можен до завршување на вонредната состојба, согласно законите се знае дека избори треба да се одржат 22 дена по завршување на вонредната состојба“, рече Костадинов.

Тој денеска на прес-конференција рече дека лидерот на опозицијата Христијан Мицкоски останува запаметен како неодговорен политичар кој за време на оваа криза цело време се однесувал незрело, несериозно и неодговорно.

„Денес, Мицкоски прави сè да нема избори, прави сè да ја држи земјата во неизвесност и да создаде политичка криза, само затоа што се плаши од изборно соочување и извесниот пораз од граѓаните. Однесувањето на Мицкоски и кадрите на ВМРО-ДПМНЕ во техничката Вада се уште еден доказ зошто се потребни избори и нова политичка влада“, рече Костадинов.

Тој додаде дека со ново Собрание и со нова политичка Влада со целосен легитимитет институциите целосно ќе бидат посветени на обезбедување на законите во државата и заштита на здравјето на граѓание, особено во период кога се олеснуваат мерките и кога сите треба да се подготвуваат за новиот бран на коронавирусот наесен.

Прикажи повеќе...

Македонија

Регистрирани 16 нови случаи на коронавирус во Македонија, починаа уште 3 лица

Објавено пред

Денеска, потврдени се 16 нови случаи на Ковид-19, со што вкупната бројка на дијагностицирани изнесува 2.014 лица. Оздравени се 14 пациенти, а во изминатите 24 часа починаа 3 лица, информираат од Министерството за здравство.

На Клиниката за инфективни болести и фебрилни состојби почина пациентка од Велес (78), хоспитализирана на 14 мај.

Во ГОБ „8 Септември“ почина пациент од Тетово (84), примен во болница на 20 мај, и пациентка од Скопје (76), примена на 19 мај.

Во последните 24 часа направени се 314 тестирања, а регистриран е 16 нови случаи на Ковид-19, и тоа во: Скопје – 9, Штип – 5, Струга – 1 и Гостивар – 1.

Вкупната бројка на ковид-дијагностицирани во нашата земја од почетокот на епидемијата изнесува 2.014, бројката на оздравени пациенти е 1.453, на починати е 116, а во моментот бројот на активни случаи во земјата изнесува 445. Последната дистрибуција по градови е:

• Скопје – 733, активни 208
• Куманово – 436, активни 35
• Дебар – 51, активни 0
• Штип – 46, активни 11
• Прилеп – 210, активни 46
• Тетово – 177, активни 70
• Струга – 76, активни 9
• Велес – 127, активни 40
• Битола – 28, активни 7
• Охрид  -23, активни 8
• Кавадарци – 5, активни 0
• Гостивар – 22, активни 4
• Гевгелија – 4, активни 0
• Струмица – 3, активен 1
• Крива Паланка – 6, активни 0
• Радовиш – 4, активни 0
• Крушево – 3, активни 0
• Кочани – 31, активни 0
• Пробиштип – 2, активни 0
• Кичево – 2, активни 0
• Неготино – 10, активни 3 (7 заболени лица од ПЕ Неготино се жители на Демир Капија)
• Демир Хисар – 1, активни 0
• Македонски Брод – 2, активни 0
• Пехчево – 3, активни 0
• Делчево – 1, активни 0
• Валандово – 1, активни 0
• Виница – 3, активен 1
• Кратово – 2, активен 1
• Берово – 1, активни 0
• Свети Николе – 1, активен 1

Министерството за здравство информира дека денеска Институтот за јавно здравје регистрира 14 оздравени пациенти во: Скопје – 3 и Тетово – 11.

Направените 314 теста се преку: ИЈЗ – 292, Ветеринарниот факултет – 0, „Авицена“ – 0, „Биотек“ – 0, „Филип Втори“ („Жан Митрев“) – 9, „Систина“ со PCR-метода – 13 и МАНУ – 0. Досега во земјата се направени вкупно 25.841 тестирање на Ковид -19.

Од вкупниот број направени тестови во изминатото деноноќие, 169 теста се во рамките на скринингот. Тестирањата се направени преку центрите за јавно здравје во Велес, Кочани, Куманово и во Скопје во градинки и геронтолошки установи и не се регистрирани позитивни случаи на Ковид-19.

Кај лицето што на 24 мај преку скринингот во геронтолошка установа во Скопје е запишано со позитивен резултат, направен е технички превид при евиденцијата и во согласност со испрвката направена е корекција на вкупната статистика. Вработената во геронтолошкиот завод во Скопје е негативна на вирусот и досега, освен два позитивни резултата во градинка во Битола и Скопје, не се регистрирани други позитивни случаи преку скринингот.

На Клиниката за инфективни болести и фебрилни состојби во изминативе 24 часа примени се 3 нови пациенти, хоспитализирани се вкупно 56 пациенти. На кислородна поддршка се 25, на механичка вентилација се 3 пациенти.

Во ГОБ „8 Септември“ примени се 5 нови, а вкупно хоспитализирани 22 пациенти. На респиратор се 7, a со потешка клиничка слика се уште 5 пациенти.

Во болницата во Битола хоспитализирани се 4 пациенти, а на домашно лекување се следат уште 4 пациенти. Во болницата во Штип хоспитализирани се 5 пациенти, на домашно лекување се следи 1 пациент. На ифективните одделенија во Велес, Куманово, Прилеп и во Охрид хоспитализирани се 41 пациент позитивни и сомнителни на Ковид-19.

Прикажи повеќе...

Македонија

Комората на сметководители при ССК обезбеди дигитален пулт за превенција од Ковид 19

Објавено пред

Комората на сметководители на Македонија при Сојузот на стопански комори, денес обезбеди дигитален пулт за бесконтактно мерење на температура и за дезинфекција за Институтот по белодробни заболувања кај децата Козле.

Дигиталниот пулт е целосно безбеден, прецизен и едноставен за употреба, а делува за превенција од ширење на вируси и други заразни болести. Опремен со термални камери кои ја мерат температурата на човекот на растојание до еден метар, имаат вграден систем за детекција на лицата и вграден автоматски систем за безконтактна дезинфекција на раце. Уредот има капацитет за 600 корисници за еден час и значително ќе помогне за спречување на вируси и бактерии во Институтот каде примарни пациенти се деца.

„Дигиталниот пулт кој денес е поставен во Институтот покрај превенција од ширење на Ковид-10, ќе овозможи и висока контрола на здравствената состојба на лицата кои влегуваат во здравствената установа, со оглед на неговата мултифункционалност за дезинфекција и мерење на температура, како и детекција на лицата кои влегуваат со можност да бидат препознаени и со заштитна маска. Подобрување на условите особено во установи како оваа каде е приоритет заштита на здравјето првенствено на децата, е приоритет во општествената одговорност за Комората на сметководители. Солидарноста во услови на здравствено-економска криза е од голема важност и придонесува за потенцирање на вредностите и она што е важно за секој од нас“, изјави Бране Попоски, член на УО на Комора на сметководители.

Директорот на Институтот, Ангелчо Андоновски, истакна голема благодарност до Комората на сметководители при Сојузот на стопански комори, кои во услови на здравствено-економска криза го поддржуваат македонскиот здравствен систем и несебично придонесуваат за зајакнување на здравствените капацитети. Андоновски додаде дека ова е нивна втора поголема донација, по неодамнешното поставување на Тунелот за дезинфекција на влезот на болницата, со цел значително да се намали можноста за внесување на вирусот во болницата.

Во изминатиот период, Сојузот и неговите членови организираа кампањи и акции за обезбедување опрема и помош за најранливите категории. Минатата недела беше реализирана голема помош, донацијата од 85 респираторни машини кои претседателот на Градежната комора при Сојуз на стопански комори на Македонија во име на 4 компании ги донира на македонскиот здравствен систем во присуство на Премиерот и Министерот за здравство. Претседателот на комората на сметководители реализираше опрема на специјален пулт за дезинфекција при Институтот за белодробни заболувања кај децата.

Прикажи повеќе...

Најново

Регион43 минути

Во Хрватска и Словенија нема нови случаи на коронавирус

Во изминатите 24 часа во Хрватска и Словенија не се потврдени нови случаи на коронавирус. Во Хрватска втор ден по...

Македонија59 минути

Регистрирани 16 нови случаи на коронавирус во Македонија, починаа уште 3 лица

Денеска, потврдени се 16 нови случаи на Ковид-19, со што вкупната бројка на дијагностицирани изнесува 2.014 лица. Оздравени се 14...

Македонија2 часа

Адвокатот на Јанева вели дека Русковска нема докази против неа

Адвокатот Дељо Кадиев, кој ја застапува обвинетата Катица Јанева во предметот „Рекет“, по судењето, на кое завршни зборови даваше Обвинителството,...

Македонија2 часа

Русковска: Доживеавме разочарување кога клучниот лик во „Чарлиевите ангели“ премина на страната на злото

Во завршните зборови за случајот „Рекет“ обвинителката Вилма Русковска пред судот рече дека одбраната на обвинетите Бојан Јовановски – Боки...

Македонија2 часа

Арсовски: Избори во јуни не се можни

Избори во јуни не се можни, истакна портпаролот на ВМРО-ДПМНЕ, Димче Арсовски. Одговарајќи на новинарски прашања, тој ја отфрли можноста...

Македонија3 часа

Укинување на полицискиот час и отворање на границите и кафулињата, предлага Комисијата за заразни болести

Комисијата за заразни болести на денешниот состанок одлучила да побара од Владата укинување на полицискиот час, а веќе во текот...

Свет3 часа

СЗО го суспендира тестирањето на лекот против малaрија кај пациенти со Ковид-19

Светската здравствена организација (СЗО) го суспендира тестирањето на лекот против малaрија „хидроксиклорокин“ кај пациенти со Ковид-19 поради стравувањата за нивната...

Европа5 часа

Шпанија го намали вкупниот број на починати од Ковид-19 за 2.000

Шпанија синоќа објави дека од коронавирусот починале речиси 2.000 луѓе помалку отколку што се сметаше претходно. Министерството за здравство соопшти дека...

Регион6 часа

Црна Гора дозволи свадби, крштевки, публика на стадионите…

За разлика од многу европски првенства, во Црна Гора натпреварите ќе се играат во присуство на публиката, рече премиерот Душан...

Европа6 часа

Германија и Франција повикаа на отворање на границите во Европa

Претседателот на францускиот парламент и неговиот германски колега побараа што побргу да се отворат границите меѓу европските земји по затворањето...

Македонија6 часа

Зоолошката градина од денеска е отворена за посети со нов протокол за движење

Од денеска скопската Зоолошка градина повторно е отворена за посети, но со нов протокол за движење поради ситуацијата предизвикана од...

Регион6 часа

Брнабиќ ги повика Србите да не летуваат во Црна Гора

Кога Србија не се најде на списокот на земји за кои Црна Гора ќе ги отвори своите граници на 1...

Свет18 часа

Италија бара 60.000 доброволци, кои ќе надгледуваат дали се држи физичка дистанца

Италија планира на улиците да испрати речиси 60.000 доброволци, кои би внимавале на одржување на правилата за физичка дистанца и...

Македонија19 часа

Чулев: Ако се потврди автентичноста на „орото во Чаир“ ќе следат казни

Намалување на бројот на заразени од вирусот Ковид-19 е возможно само доколку граѓаните се дисциплинирани и ги почитуваат мерките за...

Свет19 часа

(Видео) Додека претседателот на Бразил јадеше хот-дог на улица минувачите извикуваа „убиец“

Минувачите во Бразил извикуваа „убиец“ и „ѓубре“ кон бразилскиот претседател Жаир Болсонаро, кој во саботата опкружен со телохранители излезе на...

Европа20 часа

Виена: За првпат во Европа извршена трансплантација на белите дробови на заразен со коронавирус

На Медицинскиот универзитет во Виена деновиве била извршена итна и екстремно комплицирана трансплантација на белите дробови кај 45-годишна пациентка кој...

Свет20 часа

Боливиски министер во притвор – купил респиратори за трипати повисока цена од реалната

Боливискиот министер за здравство Марсел Навахас е задржан во тримесечен притвор поради обвинувањата дека купил респиратори за трипати повисока цела...

Свет21 час

Во Вухан 6,5 милиони луѓе тестирани за десет дена

Во изминатите десетина дена, 6,5 милиони луѓе се тестирани за присуство на коронавирусот во Вухан, а целта е да се...

Европа22 часа

Психијатарот поради невозвратена љубов ги труел своите колеги со торта

Млад доктор со српско потекло им донел торта на колегите во психијатриска болница во австриски затвор, во која ставил разни...

Македонија1 ден

Двајцата пациенти на кои им беше трансплантиран бубрег се во добра здравствена состојба

Двајцата пациенти на кои во саботата им беше изведена трансплантација на бубрег од починат донор се во добра и стабилна...

Досие