Контакт

Македонија

Детската клиника: Родители на бебе кое нема имунитет им се заканувале на лекари, повикана и полицијата

Објавено пред

Mедицински тим на Клиниката за детски болести во Скопје деноноќно се бори за најмалите. Нивниот живот за нас е приоритет и тука не треба да има ниту најмал сомнеж, се вели во соопштението на Универзитетската клиника за детски болести – Скопје во врска со настан што се случил на Клиниката, а за кој е објавено видео на социјалните мрежи. Станува збор за бебе кое се лекува на Клиниката, на снимката се гледа дека тешко дише, а родителите реагираат и ги обвинуваат лекарите за состојбата на детето. Од Клиниката тврдат дека станува збор за бебе чија мајка за време на бременоста заболела од варичела. Како резултат на тоа, бебето се родило со комплетно нарушен имунолошки систем, односно нема можност да се одбрани од бактерии, ниту од вируси.

Лекарите велат дека имаат целосно разбирање за болката на родителите и дека се со нив последниве шест месеци, но дека не ја разбираат потребата од психичко и физичко насилство врз оние што деноноќно се борат за животот на нивното дете.

Во продолжение ви го пренесуваме соопштението интегрално:

„Во интерес на вистината сакаме да ја информираме јавноста за видеоснимката која денеска родители на нашата пациентка ја направиле на едно од одделенијата на Клиниката за детски болести – Скопје. На снимката се гледа дека бебе, наш пациент, тешко дише и притоа родителите ги коментираат и ги обвинуваат со имиња и презимиња лекарите за неговата состојба. Имајќи предвид дека станува збор за комплексна ситуација, а со цел јавноста да добие целосна слика за случајот со пациентката, сакаме да дадеме и наш став во однос на денешната снимка.

Имаме целосно разбирање за болката на родителите и со нив сме постојано последниве шест месеци. Мајката на бебето во четвртиот месец од бременоста заболела од варичела. Направени се тестирања за можни последици за плодот, а кои семејството никогаш не ги подигнало. И покрај познатите медицински оправдани стравувања за евентуални последици врз плодот, мајката решила да го роди детето, без разлика на последиците. Токму како последица од варичелата бебето се родило со комплетно нарушен имунолошки систем, односно со неможност да се одбрани од бактерии, ниту од вируси. Колку е ослабен имунитет покажува и фактот дека од самото раѓање детето било само неколку дена дома во рок од шест месеци. Направени се сите современи испитувања, што само ја потврдуваат дијагнозата дека детето е родено со последица од варичелата додека мајката го носела плодот.

Комплетно ја разбираме нервозата на родителите, се обидуваме да помогнеме колку што можеме, но ситуацијата се менува секојдневно, а грижа за детето има постојано. Во секој момент на располагање се докторите на Клиниката, кои досега повеќепати отворено разговараат со родителите за состојбата на детето. И покрај тоа секојдневно се врши притисок врз персоналот на болницата, проследени со разни навреди, закани за живот и агресија, која кулминира денеска кога обезбедувањето на Клиниката мораше да повика и полициска асистенција.
Како здравствени работници, но и како луѓе, родители, ја разбираме нивната борба за сопственото дете, но не ја разбираме потребата од психичко и физичко насилство врз оние што деноноќно се борат за животот на нивното дете. Во овие тешки времиња за сите здравствени работници сакаме да повториме дека целиот медицински тим на Клиниката за детски болести во Скопје деноноќно се бори за најмалите. Нивниот живот за нас е приоритет и тука не треба да има ниту најмал сомнеж“, се вели во соопштението.

Македонија

Пронајдено телото на 16-годишното момче што се удави во Преспанското Езеро

Објавено пред

По два дена трагање, пронајдено е телото на 16-годишното момче што се удави во Преспанското Езеро. Од МВР велат дека телото е извлечено и е предадено за обдукција. Првичните информации беа дека детето се удавило кога се превртела педалинката на која било момчето со уште двајца другари.

„Околу 14 часот во водите на Преспанското Езеро нуркачкиот тим од Единицата за специјални задачи при Бирото за јавна безбедност на МВР го пронајде безживотното тело на шеснаесетгодишното момче од Ресен. По насоки на јавен обвинител, телото ќе биде дадено на обдукција“, велат од МВР.

По момчето, освен припадници на МВР, трагаа и нуркачи од Охрид, а се вклучија и локални жители.

Прикажи повеќе...

Македонија

Заев: За 10 до 15 дена ќе има исход од преговорите за влада, сите опции се отворени

Објавено пред

Претседателот на СДСМ и пратеник во Собранието, Зоран Заев, посочи дека во деновите што следуваат ќе се разговара со сите политички партии за состав на нова влада, а за 10 до 15 дена очекува да има исход од преговорите. Тој рече дека коалицијата предводена од СДСМ може да формира влада со ДУИ, Алијансата и Алтернативата, но додаде дека тоа зависи од отстранувањето на национализмите, прочистувањето на правосудството, проверката на имотот и капиталот на секој функционер што е избран и од кадровскиот потенцијал.

„Сите опции се отворени во преговарачкиот процес. Ќе разговараме за влада која е решена и што ќе се бори со криминалот и корупцијата на сите нивоа. Секој ќе си ја сноси својата одговорност, без разлика дали е познат или непознат, експерт, функционер. Особено внимание ќе посветиме на проверката на потеклото на парите и капиталот и прочистување на судството. Екодржава ќе биде една од најсериозните теми на која ќе се посветиме. Идните фактори во идната влада ќе мора да се посветени и на силна реформа на јавната администрација, но и промена за намалување на администрацијата за 20 проценти, помал број министри и поголем број и побрзи услуги за граѓаните. Владата за која ќе разговараме ќе води грижа за најсиромашните граѓани, ќе даваме поддршка на економскиот сектор. Ние во овој момент почнуваме со сериозни разговори, поставени на сериозни принципи, кои ќе донесат влада што ќе движи напред. Влада посветена на економијата и правдата. Влада што ги отвора преговорите за членство со ЕУ, влада што со секое ново отворено поглавје од преговорите ќе воведува нови европски стандарди за подобар живот, тука во нашата убава земја“, рече Заев.

Од денеска членови на партиите ќе имаат состаноци со сите партии од албанскиот политички блок, а Заев истакна дека на првите средби не се очекува напредок во преговорите.

„Очекувам дека за 10 до 15 дена ќе имаме исход од овие преговори и дека многу бргу ќе ги кренеме сите македонски институции во полн капацитет за да може да се справуваат со најголемиот предизвик – Ковид-19. Пред нас е есен што носи нова учебна година, нова грејна сезона, нови предизвици за болниците, нова борба за јавното здравје и економскиот напредок. Нè чека двојно повеќе и подобра работа со ангажман на секој од нас“, додаде Заев.

Прикажи повеќе...

Македонија

Петмина починати и 75 новозаболени од Ковид-19 во земјата

Објавено пред

Министерството за здравство информира дека во последните 24 часа се направени 830 тестирања, а регистрирани се 75 нови случаи на Ковид-19, и тоа во: Скопје – 32, Куманово – 4, Штип – 5, Тетово – 7, Кавадарци – 8, Гостивар – 8, Струмица – 1, Кочани – 1, Пробиштип – 2, Македонски Брод – 2, Виница – 1, Свети Николе – 1, Кичево – 2, Неготино – 1.

Денеска, Институтот за јавно здравје регистрира 136 оздравени пациенти, и тоа од: Скопје – 50, Куманово – 16, Прилеп – 2,Тетово – 5, Струга – 28, Охрид – 18, Гостивар – 2, Крушево – 1, Кочани – 1, Македонски Брод – 1, Кратово – 1, Свети Николе – 10, Кичево – 1.

Починати се 5 лица, пациент од Скопје (52), двајца пациенти од Куманово (55 и 82), пациент од Гостивар (62) и пациент од Охрид (6.) Четири пациенти се починати во болнички услови, а еден вонболнички.

Вкупната бројка на ковид -ијагностицирани во нашата земја од почетокот на епидемијата изнесува 11.202, бројката на оздравени пациенти е 7.108, на починати е 505, а во моментот бројот на активни случаи во земјата изнесува 3.589. Денес, се евидентира еден контролен тест. Во моментот дистрибуцијата по градови е следна:

• Скопје 4.946, активни 1.342
• Куманово 1.094, активни 255
• Дебар 206, активни 117
• Штип 876, активни 434
• Прилеп 333, активни 51
• Тетово 1.064, активни 222
• Струга 458, активни 176
• Велес 225, активни 21
• Битола 143, активни 63
• Охрид 275, активни 68
• Кавадарци 81, активни 61
• Гостивар 495, активни 287
• Гевгелија 23, активни 12 (*7 лица од ПЕ Гевгелија се жители на Дојран, 3 на Богданци)
• Струмица 38, активни 22
• Крива Паланка 25, активни 11
• Радовиш 29, активни 16
• Крушево 16, активни 8
• Кочани 106, активни 24
• Пробиштип 57, активни 22
• Демир Хисар 34, активни 27
• Македонски Брод 37, активни 31
• Пехчево 6, активни 0
• Берово 8, активни 4
• Валандово 6, активни 0
• Виница 23, активни 19
• Делчево 5, активни 4 (*4 лица од ПЕ Делчево се од Македонска Каменица)
• Кратово 14, активни 7
• Свети Николе 228, активни 142
• Кичево 177, активни 109
• Ресен 146, активни 26
• Неготино 28, активни 8 (*10 лица од ПЕ Неготино се жители на Демир Капија)
Направените 830 теста се преку: ИЈЗ – 466, ЦЈЗ Скопје – 12, „Авицена“ – 56, „Биотек“ – 0, МАНУ – 0, „Жан Митрев“ („Филип Втори“) – 169, „Систина“ со PCR-метода – 115, Судска медицина – 0, ЦЈЗ Битола – 0, Инфективната клиника – 7, ГАК – 5.

Досега во земјата се направени вкупно 106.877 тестирања на Ковид-19. Денеска нема тестирања во рамките на скринингот. На Инфективната клиника во изминативе 24 часа примени се 8 пациенти. Вкупно се хоспитализирани 92 пациенти. На кислородна поддршка се 45 пациенти, 1 на механичка вентилација.

Во болницата во Козле хоспитализирани се 10 возрасни пациенти позитивни на Ковид-19 и 3 деца позитивни, како и 6 пациенти суспектни на вирусот.

Во ГОБ „8 Септември“ примени се 5 нови, вкупно хоспитализирани се 89 пациенти. На респираторна машина се 3 пациенти.

Во болницата во Битола хоспитализирани се 27, а во болницата во Штип – 45 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и во Струга хоспитализирани се 113 пациенти позитивни и сомнителни на Ковид-19.

Активни случаи по општини во Скопје денеска (по завршување на епидемиолошките анкети, може да има измена во дистрибуцијата по општини во Скопје)

• Чаир – 167
• Аеродром – 152
• Бутел – 87
• Гази Баба – 133
• Центар – 110
• Карпош – 112
• Сарај – 62
• Кисела Вода – 153
• Ѓорче Петров – 93
• Студеничани – 47
• Шуто Оризари – 112
• Арачиново – 26
• Илинден – 23
• Петровец – 16
• Чучер Сандево – 8
• Сопиште – 21
• Зелениково – 7
• Странец – 5
• Нераспределен – 8

Прикажи повеќе...

Најново

Македонија20 минути

Пронајдено телото на 16-годишното момче што се удави во Преспанското Езеро

По два дена трагање, пронајдено е телото на 16-годишното момче што се удави во Преспанското Езеро. Од МВР велат дека...

Македонија36 минути

Заев: За 10 до 15 дена ќе има исход од преговорите за влада, сите опции се отворени

Претседателот на СДСМ и пратеник во Собранието, Зоран Заев, посочи дека во деновите што следуваат ќе се разговара со сите...

Македонија36 минути

Петмина починати и 75 новозаболени од Ковид-19 во земјата

Министерството за здравство информира дека во последните 24 часа се направени 830 тестирања, а регистрирани се 75 нови случаи на...

Македонија1 час

Собранието им ги верификува мандатите на сите 120 пратеници

Со 116 гласа „за“, без ниту еден воздржан ниту, пак, против, верифицирани им се мандатите на сите 120 пратеници, со...

Македонија2 часа

42-годишен маж спасен на Клиниката за кардиологија со стентирање на трауматска трансекција на торакалната аорта

Маж на возраст од 42 години е спасен од сигурна смрт кога на Клиниката за кардиологија му било извршено стентирање...

Македонија2 часа

Јагода Шахпаска избрана за претседател на Верификациската комисија на Собранието

Со интонирање на химната почна првата седница на новиот парламентарен состав, која се одржува во салата Голема купола, со засилени...

Свет4 часа

В година Русите ќе ја тестираат вакцината против коронавирусот врз деца

Националниот истражувачки центар „Гамалеи“ во Русија планира да почне со тестирање на вакцината против коронавирусот врз деца во јануари-февруари в...

Регион4 часа

Грчките премини Дојрани и Ники ќе се отворат по 15 август

Министерството за внатрешни работи ги известува граѓаните дека грчките гранични премини Дојрани и Ники ќе бидат целосно затворени за сообраќај до 15.8.2020...

Топ5 часа

Прегазена жена во Охрид

Деветнаесетгодишен скопјанец со „мерцедес“ на улицата Сирма Војвода во Охрид удрил во пешакот М. Т. (58) од Охрид. Жената била...

Свет6 часа

Гутереш: Коронавирусот ќе уништи генерации поради затворањето на училиштата

Генералниот секретар на Обединетите нации, Антонио Гутереш, предупреди дека светот се соочува со генерациска катастрофа поради затворањето на училиштата во...

Свет7 часа

СЗО ќе распореди меѓународен тим експерти во Вухан

Светската здравствена организација соопшти дека тимот што го истражува потеклото на пандемијата на коронавирусот ја завршил својата мисија во Кина...

Европа7 часа

Расте бројот на тешко заболени од коронавирус во Франција

Бројот на пациенти заразени со коронавирус во одделите за интензивна нега во Франција денеска се искачи на 384, што е...

Македонија19 часа

Привремено е прекината потрагата по момчето кое се удави во Преспанското езеро

Потрагата по момчето кое исчезна во водите на Преспанското езеро е привремено прекината поради временските услови. Како што информираат од...

Регион19 часа

Преглед на состојбата во регионот: Во Албанија почина уште еден лекар, во Србија пад на бројот на новозаразени

Преглед на состојбата со коронавирусот во регионот во изминатото деноноќие. Уште еден лекар почина во Албанија од коронавирус Во болницата...

Македонија20 часа

Поранешни вработени во СЈО бараат од Пендаровски да им се извини: „Обвинителството не беше една личност“

Поранешни вработени во Специјалното јавно обвинителство реагираа на говорот на претседателот Стево Пендаровски во Пелинце. Тие велат дека СЈО не...

Топ22 часа

Лекар од Итната помош физички нападнат од татко на починато лице

Taтко на момче кое починало во сообраќајна несреќа, нападнал лекар од Итната медицинска помош. Лекарот бил на интервенција по претходно...

Македонија23 часа

Досега 500 лица починаа од коронавирус во Македонија

Бројот на починати од коронавирус во земјава достигна 500 лица, откако денеска беа потврдени 3 нови смртни случаи. Тројцата починати...

Македонија23 часа

Гостивар со најмногу новозаразени во изминатото деноноќие

Гостивар е на врвот на листата со најмногу новозаразени од коронавирус во земјава во изминатите 24 часа. Според податоците на...

Свет24 часа

СЗО: Mајките да ги дојат своите деца и кога имаат ковид-19

Светската здравствена организација денеска предупреди дека наспроти големите надежи за пронаоѓање на вакцина, можеби никогаш нема да има чудотворено решение...

Македонија1 ден

Нови 74 заболени и тројца починати од ковид-19 во земјава

Министерството за здравство информира дека во последните 24 часа се направени 689 тестирања, а регистрирани се 74 нови случаи на...

Досие