Македонија
Димитров: Благодарни сме за финската поддршка
![](https://makfax.com.mk/wp-content/uploads/2019/10/021019OA-MNR_Dimitrov-Oficijalna-poseta-na-MNR-na-Finska-3663.jpg)
Mинистерот за надворешни работи, Никола Димитров, оствари средба со министерот за надворешни работи на Република Финска, Пека Хависто, за време на неговата официјална посета во земјата. Фокусот на разговорот беше ставен на европската перспектива, како и на активностите и поддршката од страна на Република Финска во рамките на финското претседателство со Европската Унија, а во контекст на очекуваната одлука за почеток на преговорите на Советот на ЕУ во октомври 2019 година.
Министерот Димитров брифира и за последните политички случувања во земјата, за зацврстувањето на внатрешната стабилност, за постигнатиот напредок во клучните реформски области од европската агенда и за преостанатите предизвици, за унапредувањето на добрососедските односи со сите од регионот како основа за подготвеноста на земјата за почеток на пристапните преговори.
„Благодарни сме за финската поддршка и навистина би сакале да го врежеме финското претседателство во нашата меморија, како претседателство со ЕУ, во кое конечно ќе го направиме следниот важен исчекор на нашето евроинтегративно патување“, рече Димитров.
Министерот Хависто ја потврди цврстата поддршка на Финска кон процесот на проширување и кон евроинтегративниот пат на Северна Македонија, како и заложбите за успешен исход во контекст на нашите ЕУ-аспирации за време на финското претседателство. Притоа, упати честитки за инспиративниот пример демонстриран преку преспанскиот договор, а го поздрави и напредокот во општеството во насока на позитивни демократски промени.
Беа разменети мислења и за билатералните односи меѓу двете земји и можностите за соработка и финска поддршка, особено во областите на заштита на животната средина и образованието.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.